Morgunblaðið - 08.10.2003, Blaðsíða 8

8 B MIÐVIKUDAGUR 8. OKTÓBER 2003 MORGUNBLAÐIÐ
bílar
K
JARTAN Sveinsson er einn
þekktasti húsateiknari
landsins og hann á líklega
einn fágætasta bíl landsins,
Lincoln Continental Mark V Diam-
ond Jubilee Edition, sem skreyttur
er ekta demöntum í hliðargluggum.
Bíllinn var smíðaður í tilefni af 75
ára afmæli Ford og átti að verða
safngripur. Í hliðum bílsins eru spor-
öskjulagaðar rúður og í þeim eru
innbyggðir demantar til að minna á
demantsafmælið. „Þegar ég keypti
bílinn nýjan 1978 vissi ég ekkert af
þessu. Mér skilst að aðeins hafi
verið framleiddir 500 svona bílar og
þessi bíll var mjög framarlega í
framleiðslunni. Talað var um að
þetta væri eini bíllinn af þessari
gerð í Evrópu. Bíllinn hefur veitt
mér óskaplega mikla ánægju og ég
hef ferðast mikið á honum. Þó er
hann ekki mikið keyrður, aðeins um
250.000 kílómetra,“ segir Kjartan.
Undir vélarhlífinni er lögreglumót-
orinn svokallaði, Big Block átta
strokka. Kjartan er núna búinn að
eiga hann í 25 ár.
Big Block undir vélarhlífinni
„Ég var nú vinnusjúklingur og
það var ágætt að hafa áhugamál
með þótt ekki sé kannski skyn-
samlegast að hafa bíladellu fyrir
áhugamál. Hérna á Íslandi er það
sem fólk getur haft hvað mesta
ánægju af að eiga góðan bíl. Bíllinn
er mikið tilfinningamál hjá mörgum
og ég hef kynnst því í gegnum
rekstur á bílaþvottastöðinni í Sól-
túni. Hana hef ég rekið í 34 ár og
ég hef því ekki þurft að þvo bílinn
sjálfur allan þann tíma.“
Kjartan kveðst hafa heyrt að
Ford hafi tapað á þessum bíl. Hann
segir að bíllinn hafi verið dýr en vill
samt ekki gefa upp hversu dýr. „En
ég sé ekki eftir því. Ég hef haft
óskaplega mikla ánægju af bílnum
enda alltaf verið með bíladellu. Ég
hef ekki átt marga bíla en ég hef
átt þá lengi. En Cadillac Eldorado
átti ég þó ekki nema í þrjú ár. Það
er mikill munur á Cadillac og Lin-
coln. Cadillac-inn minn var mánu-
dagsbíll. Ég fékk hann nýjan en það
var alltaf eitthvað að honum.“
Bensín frekar en brennivín
Kjartan segir að nýjungar hafi
verið í Lincoln-bílnum, þar á meðal
aksturstölva sem sýndi hvað hægt
var að komast langt á bensíninu á
tanknum.
„Nú er ég hættur að teikna og
hef gaman af því að fara í bíltúra.
Ég rek líka fyrirtæki og þarf að
fylgjast með því. Ef ég fengi mér
nýjan bíl í dag yrði það Lincoln.
Jeppinn er geysiglæsilegur, Aviator.
Navigator er of stór. Konan er lítið
fyrir að fara í bíltúr og segir að það
sé nóg að það sé einn dellukarl í
fjölskyldunni.“
En er bíllinn ekki eyðslufrekur?
„Nei, nei. Og ef maður er reglu-
samur þá er betra að peningarnir
fari í bensín en brennivín. Nei, ég
keyri ekki svo mikið, en það er engu
lagi líkt að keyra svona bíl. Kraft-
urinn er svo yfirgengilegur og
mýktin svo mikil. Það er lítið farið
að sjá á honum enda hef ég farið
vel með hann. Gallinn við þessa
stóru mótora er að þeir þurfa að
snúast annars fer hann bara að
bila. Ég hafði gaman af því þegar ég
var ungur.“
Það hefur aldrei hvarflað að
Kjartani að hanna bíla eins og hann
hannaði hús?
„Nei, nei. En bíllinn er ákaflega
vel teiknaður. Það eru fallegar línur í
honum og ég myndi ekki vilja eiga
annan bíl. Ég ætla að vona að hann
endist á meðan ég endist. Þá er
hægt að láta jarða sig í honum,“
sagði Kjartan kíminn.
Kjartan Sveinsson húsateiknari ekur demantsskreyttum Lincoln Continental
Vona að bíllinn endist á meðan ég endist
Kjartan Sveinsson hefur síðasta
aldarfjórðung ekið Lincoln
Continental Mark V Diamond
Jubilee Edition. Í samtali við
Guðjón Guðmundsson segist
Kjartan alltaf hafa haft bíladellu
en hann fengi sér aftur Lincoln
ef hann endurnýjaði.
Kjartan Sveinsson hefur átt og rekið bílinn í 25 ár.
Svona eru flekarnir að innan, allt í áttunda áratugar-stílnum.
Morgunblaðið/Ásdís
Vélarhlífin virðist óendanleg á þessum þrennra dyra lúxusbíl.
Varadekkið er í hlíf aftan á skottlokinu.
Í litlum hliðarskjánum leynast dem-
antar til að minna á 75 ára afmæli
Ford, móðurfélagsins.
EFTIRFARANDI athugasemd
hefur borist Morgunblaðinu frá
Bílanausti: „Í Morgunblaðinu,
Bílar, miðvikudaginn 1. október sl.
birtist á bls. 6B samanburður á
verði rafgeyma í 2ja dálka töflu. Í
texta í meðfylgjandi grein, með fyr-
irsögninni „Talsverður verðmunur
á rafgeymum“, er sagt að spara
megi umtalsverðar fjárhæðir með
því að gera verðsamanburð á raf-
geymum.
Bílanaust sér ástæðu til að gera
athugasemd við þennan verðsaman-
burð þar sem fullyrðing um sparnað
hlýtur að orka tvímælis enda ekki
annað að skilja af texta greinarinn-
ar en að gæði rafgeymanna séu
sambærileg – sem þau eru alls ekki.
Bílanaust gerir einnig athuga-
semd við þá aðferð að bera saman
verð á rafgeymum án þess að bera
saman gæði þeirra, t.d. með álags-
prófun. Fullyrðing um mögulegan
sparnað, mældan í krónum, er því
ekki byggð á rökum og er hér með
mótmælt sem markleysu.
Bílanaust hefur selt rafgeyma í
meira en 3 áratugi. Reynslan hefur
sýnt að verulegur munur er á gæð-
um og endingu rafgeyma og sölu-
verð, eitt og sér, er því ekki ein-
hlítur mælikvarði á hagkvæmni.
Á grundvelli okkar reynslu býður
Bílanaust rafgeyma frá Varta og
Bosch sem framleiddir eru með svo-
kallaðri „silfurtækni“ sem gefur
aukna kaldræsigetu og lengri líf-
tíma. Frá Banner-framleiðandan-
um erum við að bjóða rafgeyma sem
eru framleiddir með „kalsíum-
tækni“ sem vinnur svipað og áður
kom fram um Varta- og Bosch-raf-
geyma. Bílaframleiðendur í Evrópu
kaupa í dag aðeins hágæða raf-
geyma og þar eru þessir 3 aðilar
langstærstir í sölu til þeirra.
Þrátt fyrir mikið framboð af
ódýrum rafgeymum, m.a. frá Suð-
ur-Kóreu, hefur Bílanaust, í ljósi
langrar reynslu, ekki talið þá raf-
geyma hagkvæma við íslenskar að-
stæður og því ekki boðið þá sínum
viðskiptavinum. Hins vegar hefur
Bílanaust ekkert við það að athuga
þótt önnur fyrirtæki hafi ódýra raf-
geyma á boðstólum.“
Virðingarfyllst,
Hermann Guðmundsson,
framkvæmdastjóri Bílanausts.
Athugasemd frá Bílanausti vegna verðkönnunar á rafgeymum
    



 







 

 

   



 
!