Morgunblaðið - 27.10.2003, Blaðsíða 7
ÍÞRÓTTIR
MORGUNBLAÐIÐ MÁNUDAGUR 27. OKTÓBER 2003 B 7
BARCELONA vann BM Vallado-
lid, 30:29, í úrslitaleik í stórbik-
arkeppni Evrópu í handknattleik,
í gær en keppnin fór fram
íþróttahöllinni í Valladolid og
voru m.a. 7.000 áhorfendur á úr-
slitaleiknum Leikurinn var mjög
jafn allan tímann og í hálfleik var
staðan, 15:15. Lið Ciudad Real,
sem Ólafur Stefánsson leikur
með, varð í þriðja sæti, vann
Montpellier, 29:28.
Í stórbikarkeppninni taka þátt
sigurliðin þrjú úr Evrópumótum
félagsliða frá síðustu leiktíð en
gestgjafarnir að þessu sinni voru
liðsmenn Valladolid sem komu á
óvart í keppninni er þeir lögðu
sigurliðið úr Meistaradeild Evr-
ópu á síðasta voru, Montpellier,
31:27, í undanúrslitum á laug-
ardag. Þá stóð liðið sig einnig vel
í úrslitaleiknum við Barcelona
þar sem leikmenn Valladolid
héldu vel í við spænsku meist-
aranna. Valladolid er í fimmta
sæti spænsku deildarinnar en í
henni er reiknað með að Ciudad
og Barcelona berjist um spænska
meistaratitilinn.
Barcelona vann Ciudad í und-
anúrslitum á laugardag, 27:26, í
leik þar sem Barcelona var yfir
nær allan leikinn, m.a. 15:11 í
hálfleik. Undir lokin tókst Ólafi
og félögum að minnka muninn en
urðu að lokum að játa sig sigr-
aða. Ólafur skoraði tíu mörk í
leikjunum tveimur á mótinu,
fimm í hvorum leik.
Barcelona vann keppni
þeirra bestu í Valladolid
GUÐMUNDUR Þ. Guðmunds-
son, landsliðsþjálfari í hand-
knattleik, kallaði um helgina
Gunnar Berg Viktorsson inn í
íslenska landsliðið í hand-
knattleik. Gunnar sem leikur
með Wetzlar í Þýskalandi,
tekur sæti Sigfúsar Sigurðs-
sonar sem meiddist illa á
auga á æfingu hjá Magde-
burg á föstudagsmorguninn.
Sigfús leikur ekki handknatt-
leik næstu vikurnar af þeim
sökum.
Íslenska landsliðið kemur
saman til fyrstu æfingarinnar
árdegis í dag kl. 10.30 en það
fyrsta æfingin hjá liðinu í
rúma fjóra mánuði. Um
næstu helgi mætir það Pól-
verjum í þremur vin-
áttulandsleikjum hér á landi,
í Kaplakrika, í Ólafsvík og í
Laugardalshöll, en leikirnir
eru fyrsti liðurinn í undirbún-
ingi landsliðsins fyrir Evr-
ópukeppnina í Slóveníu í jan-
úar nk.
Guð-
mundur
kallar á
Gunnar
Það bjuggust flestir við að Hauk-arnir myndu koma dýrvitlausir
í þennan leik eftir tapið gegn ÍR á
dögunum og
Stjörnumenn höfðu
búið sig undir það.
„Við bjuggumst við
þeim einbeittari og
miðuðum æfingar okkar í síðustu
viku við að þeir myndu byrja mjög
harkalega. Þessi byrjun kom okkur
því nokkuð á óvart,“ sagði Vilhjálm-
ur Halldórsson, leikmaður Stjörn-
unnar, en hann fór hamförum í
þessum leik, skoraði hvert glæsi-
markið á fætur öðru, varðist mjög
vel og lék félaga sína oft laglega
uppi.
Haukar léku með sína hefð-
bundnu 3-3 vörn allan fyrri hálfleik-
inn og það kom Garðbæingum ekki
á óvart. „Við vorum búnir að fara yf-
ir varnarleikinn þeirra og vissum að
þeir myndu spila framarlega á okk-
ur,“ sagði Vilhjálmur en hann og fé-
lagar hans voru mjög óvænt með sjö
marka forystu í leikhléi, 17:10, þar
sem Vilhjálmur skoraði 6 af mörk-
unum og hornamaðurinn skemmti-
legi David Kekelia skoraði 4. Það
var þó ekki endilega varnarleikur-
inn sem lék Haukana grátt, það var
fyrst og fremst sóknarleikurinn og á
11 mínútna kafla undir lok fyrri
hálfleiks skoruðu þeir aðeins 1 mark
á meðan Stjarnan skoraði 6 og lagði
með því grunninn að sigri sínum.
Þótt forysta Stjörnunnar hafi ver-
ið sjö mörk í leikhléi stigu Stjörnu-
menn varlega til jarðar þegar þeir
komu út í seinni hálfleikinn. Þeir
vissu sem var að þegar Haukaliðið
nær sér á flug þá myndu þeir ekki
verða þeim mikil fyrirstaða. Sú varð
líka raunin, Haukar minnkuðu mun-
inn smátt og smátt. En Stjörnu-
menn héldu ró sinni, léku agaðan
sóknarleik og skiluðu sér hratt og
örugglega til baka í vörnina þó
nokkrar sóknir hafi geigað hjá þeim.
Viggó Sigurðsson, þjálfari Hauka,
var sannarlega ekki kátur með nið-
urstöðu leiksins. „Við vorum með
hangandi haus við verkefnið. Menn
voru ekki nógu einbeittir og gáfu
andstæðingnum, sem kom eins og
Stjarnan sýndi í kvöld með leikgleði
og áhuga á að spila í fullar 60 mín-
útur, færi á okkur. Það var bara
munurinn á liðunum,“ sagði Viggó.
„Við spiluðum fyrst og fremst sókn-
arlega mjög illa. Við fórum alveg
hræðilega með dauðafæri, misstum
boltann og gripum á línunni, fengum
við það hraðaupphlaup í bakið og
keyrðum sjálfir ekki hraðaupp-
hlaupin. Þetta er nokkuð sem þjálf-
arinn ber ábyrgð á og þarf að laga
og það er verkefni sem við verðum
að takast á hendur. Það sást síðustu
20 mínúturnar hvers við erum
megnugir, við vorum rétt búnir að
stela öðru stiginu en þá gerðum við
okkur aftur seka um mistök. Stjarn-
an vann verðskuldað, hún er með
mun lakari mannskap en ég en vann
á viljanum,“ sagði Viggó Sigurðs-
son, þjálfari Hauka.
Birkir Ívar Guðmundsson, mark-
vörður, lék best í liði Hauka ásamt
Vigni Svavarssyni og Þorkeli Magn-
ússyni. Hjá Stjörnunni léku þeir
Jacek Kowal, markvörður, Jóhann-
es Jóhannesson og Þórólfur Nielsen
best ásamt Vilhjálmi Halldórssyni
sem sýndi það enn og aftur þvílík of-
urskytta hann getur verið á góðum
degi. En hverju þakkar Vilhjálmur
sigurinn? „Það hefur verið þýskur
heragi hjá okkur á æfingum og við
njótum þess virkilega að hafa Sigga
[Sigurð Bjarnason þjálfara] og
Gústaf [Bjarnason] sem miðla þeirri
reynslu sem þeir búa yfir.“
Stjörnumenn fóru á
kostum gegn Haukum
STJARNAN gerði sér lítið fyrir og sigraði Hauka í 8. umferð suður-
riðils undankeppni Íslandsmóts karla í handknattleik, 30:27, en
leikurinn fór fram í Ásgarði í Garðabæ. Líf og fjör einkenndi leikinn
frá upphafi til enda og var hann mikil skemmtun fyrir þá rúmlega
300 áhorfendur sem mættu á leikinn þó svo að menn hafi verið mis-
sáttir við niðurstöðuna.
Ingibjörg
Hinriksdóttir
skrifar
Morgunblaðið/Kristinn
Þórólfur Nilsen átti fínan leik með Stjörnunni gegn Haukum. Hér sækir hann að Halldóri Ingólfssyni.
GUÐMUNDUR Hrafnkelsson og
samherjar hans í Kronau/Östringen
unnu óvæntan sigur á heimavelli á
Alfreð Gíslasyni og lærisveinum í
Magdeburg, 27.25, í þýsku 1. deild-
inni í handknattleik á laugardaginn.
Guðmundur sat allan leikinn á vara-
mannabekknum þar sem félagi hans í
markinu, Maros Kolpak landsliðs-
markvörður Slóvaka, átti stórleik,
varði 22 skot.
RÓBERT Sighvatsson skoraði
þrjú mörk fyrir Wetzlar og Gunnar
Berg Viktorsson gerði tvö mörk þeg-
ar liðið vann Nordhorn, 27:23, í
þýsku 1. deildinni í handknattleik.
SNORRI Steinn Guðjónsson skor-
aði tvö mörk og lék í 56 mínútur fyrir
Grosswallstadt þegar liðið gerði
jafntefli, 23:23, á heimavelli við
Gummersbach í þýsku 1. deildinni í
handknattleik.
GYLFI Gylfason gerði aðeins eitt
mark þegar Wilhelmshavener HV
tapaði 20:18 fyrir Stralsunder á úti-
velli eftir að hafa verið yfir í hálfleik,
11:7. Þar með er Wilhelmshavener
fallið niður í botnsæti 1. deildarinnar.
RÚNAR Sigtryggsson og Einar
Örn Jónsson voru í liði Wallau Mass-
enheim sem vann stórsigur á Eisen-
ach, 40:28, á heimavelli. Einar skor-
aði eitt mark. Með sigrinum komst
Wallau upp í miðja þýsku 1. deildina.
GUÐJÓN Valur Sigurðsson skor-
aði þrjú mörk þegar Essen gerði
jafntefli við Flensburg, 22:22, í Essen
í gær í þýsku 1. deildinni í handknatt-
leik. Flensburg er áfram í esta sæti
en Essen er í sjöunda sæti.
HALLDÓR Sigfússon náði ekki að
skora þegar Friesenheim vann
Bayer Dormagen á heimavelli, 17:16,
í suðurhluta þýsku 2. deildarinnar í
handknattleik. Frisenheim náði sér
þar með upp úr hópi neðstu liða, hef-
ur sjö stig að loknum 8 leikjum.
HEIÐMAR Felixson skoraði 6
mörk og var markahæstur leik-
manna Bidasoa sem gerði jafntefli,
22:22, á heimavelli við Almería 2005 í
spænsku 1. deildinni í handknattleik.
Leikmenn Bidasoa glopruðu væn-
legri stöðu niður í síðari hálfleik því
þeir voru með sex marka forystu í
hálfleik, 13:7. Liðið er í 12. sæti af 16
liðum í deildinni með 4 stig.
RAGNAR Óskarsson og samherj-
ar hans í Dunkerque unnu Pontault-
Combault, 25:22, á heimavelli í
frönsku 1. deildinni í handknattleik.
Dunkerque er í þriðja sæti deildar-
innar.
DAGUR Sigurðsson og lærisvein-
ar hans í Bregenz gerðu jafntefli,
27:27, við austurrísku meistarana
Alpla Hard á útivelli í austurrísku 1.
deildinni í handknattleik á laugar-
dag. Bregenz og Alpla eru jöfn í
efsta sæti deildarinnar með 13 stig
eftir 8 umferðir.
FÓLK