Morgunblaðið - 10.12.2003, Blaðsíða 2

2 B MIÐVIKUDAGUR 10. DESEMBER 2003 MORGUNBLAÐIÐ
bílar
ATLANTSOLÍA stefnir að því að
hefja sölu á bensíni á næstunni og
segir Ólafur Baldursson, sölustjóri
fyrirtækisins, að fyrir-
tækið muni bjóða það
á hagstæðum kjörum
líkt og gert sé með dís-
ilolíuna, þar sem mun-
urinn sé 8 – 13%.
Atlantsolía hóf sölu
á Statoil dísilolíu til al-
mennra notenda í
Hafnarfirði og Kópa-
vogi fyrir skemmstu
og býður þar lítrann á
35 kr. Skömmu síðar
lækkaði Orkan/Skelj-
ungur verðið á dísil-
lítranum í 34,80 kr., en
einungis í Hafnarfirði.
Ólafur er spurður að
því hvort þeir hafi þar
með kastað stríðshanskanum í sam-
keppninni við stóru olíufélögin.
Aldrei samið frið
„Við höfum aldrei samið frið enda
okkar stefna sú að taka þátt í virkri
samkeppni. Okkur finnst skjóta
skökku við að öll segjast félögin vera
í mikilli samkeppni sem síðan birtist
einungis í Hafnarfirði. Af hverju
mismunar Esso t.d. sínum viðskipta-
vinum? Í Hafnarfirði geta þeir boðið
dísillítrann á 36 krónur en annars-
staðar á höfuðborgarsvæðinu er
hann á 38,80 kr. Viðskiptavinir Esso
eiga að spyrja hvar sé samkeppni
þeirra við Olís og Skeljung í Kópa-
vogi og Reykjavík. Meginatriðið hjá
okkur er að koma með
eitthvað nýtt inn á
markaðinn og í okkar
tilviki er það lágt verð.
Menn hafa ekki verið að
sjá svo lágt verð sem 35
krónur á lítra af dísilol-
íu. Það hefur líka sýnt
sig að stór hluti leigu-
bifreiðastjóra er kom-
inn í viðskipti við okkur
enda kærkomin kjara-
bót fyrir þá.“
Er einhver framlegð
af svo lágu verði?
„Já, við erum ánægð-
ir með 35 kr. á lítrann.
Samt erum við að kaupa
olíuna inn á hærra verði
en hin olíufélögin. OLÍS og Esso
flytja saman inn olíuna og taka inn
25 milljón lítra skip á meðan við tök-
um inn þriggja milljóna lítra skip.
Olían er því nokkuð dýrari í innkaup-
um hjá okkur. Það sem ræður okkar
ferðum er hins vegar lág álagning
sökum þess að yfirbygging okkar er
lítil. Og þótt við kaupum olíuna inn á
hærra verði og séum með lægri
álagningu er hagnaður af starfsem-
inni.“
Flutningsjöfnunargjald af hverj-
um olíulítra er 80 aurar. Atlantsolía
fær engar greiðslur úr flutningsjöfn-
unarsjóði innan Reykjavíkur frekar
en önnur olíufélög. „Þannig séð er
um við því að borga hinum olíufélög-
unum 80 aura af hverjum lítra sem
við seljum því þau fá greiðslur úr
flutningsjöfnunarsjóði þegar þau
selja eldsneyti úti í landi þar sem við
höfum ekki haslað okkur völl,“ segir
Ólafur.
Atlantsolía er reyndar farin að
selja olíu víða á Suðurlandi, t.a.m. á
Hvolsvelli, Hellu og Selfossi. Þar er
boðið sama verð á olíunni og í Hafn-
arfirði og Kópavogi. Ólafur segir á
hinn bóginn að Atlantsolía sjái sér
ekki fært að sinni að hefja eldsneyt-
issölu úti á landi á stöðum eins og
Ísafirði, Akureyri, Reyðarfirði og
víðar. Hin olíufélögin hafi á þessum
stöðum birgðastaði en Atlantsolía
ekki og flutningsjöfnunargjaldið
reiknist út frá þessum birgðastöð-
um. Til þess að setja upp birgðastað
þurfi olíufélag að hafa útgerðarfélag
í viðskiptum.
Vilja lækka eldsneytisverð í borginni
Hver er markhópurinn ykkar?
„Það eru verktakar, atvinnubílstjór-
ar, útgerðaraðilar og erlendir togar-
ar. Við erum að fá töluvert af erlend-
um togurum í viðskipti og sömuleiðis
hafa bæst í hópinn íslenskir togar-
ar,“ segir Ólafur og bætir því við að
togarar geti sparað allt að 10-12
milljónum á ári í olíukostnað með því
að skipta við Atlantsolíu.
„Við getum boðið upp á besta
verðið í Hafnarfirði enda er þar
minnsti dreifingarkostnaðurinn fyrir
okkur.“ Ólafur segir að ástæðan fyr-
ir því að ekki sé farið að selja olíu í
Reykjavík sé sú að fyrirtækinu hafi
ekki boðist að fá þar lóðir undir
starfsemina enn sem komið er.
„Síðastlið vor sendum við inn er-
indi til Reykjavíkurborgar en þá var
okkar málaleitunum hafnað. Það
komst hins vegar hreyfing á þessi
mál fyrir skömmu og munum við
funda með borgarstjóra á næstunni.
Við viljum að tekið sé tillit til þess að
við þurfum að komast inn á mark-
aðinn til þess að eldsneytisverð
lækki. Við höfum þá trú að borgaryf-
irvöld hugsi um hagsmuni borgar-
búa og úthluti okkur fjórum til fimm
lóðum í Reykjavík svo að raunveru-
leg samkeppni geti hafist.“
Hvernig hafa stóru félögin tekið
samkeppninni?
„Okkur sýnist að þau hafi samið
við 60-70% af verktökum um við-
skipti áður en við komum inn á
markaðinn. Margir eru með samn-
inga sem fela í sér að þeir eru að
greiða hærra verð fyrir olíuna en
listaverð okkar segir til um. Þetta
eru fullyrðingar sem ég get staðið
við. Þetta eru samningar til eins til
þriggja ára. Svo virðist sem stóru ol-
íufélögin hafi ætlað að gæta þess að
við kæmumst örugglega ekki í tæri
við þeirra bestu viðskiptavini með
því að bjóða þeim samninga. En í öll-
um þeim tilfellum sem ég þekki þá
getum við boðið lægra eldsneytis-
verð með gæðaolíu frá Statoil í Nor-
egi,“ segir Ólafur.
Stóru olíufélögin voru tilbúin í samkeppnina við Atlantsolíu áður en starfsemi félagsins hófst
Morgunblaðið/Jim Smart
Hér er floti flutningabíla Atlantsolíu við höfuðstöðvarnar í Hafnarfirði.
Leigubílstjórar eru meðal viðskiptavina Atlantsolíu. Hér er sá sem hóf fyrstur
viðskipti við félagið, Jóhann Guðmundsson.
Höfðu samið
við 60–70%
af verktökum
Ólafur Baldursson, sölustjóri hjá Atlantsolíu, segir að
stóru olíufélögin hafi samið við 60–70% af verktökum
áður en Atlantsolía kom inn á markaðinn. Hann segir að
stefnt sé að því að hefja bensínsölu innan skamms og
bjóða bensínlítrann á lægra verði en keppinautarnir gera.
Ólafur Baldursson,
sölustjóri Atlantsolíu.
gugu@mbl.is
INGVAR Helgason og Bílheimar,
umboðsaðilar Nissan og Opel,
kynna nú um þessar mundir alveg
nýja sendibílalínu frá Nissan og
Opel. Um er að ræða Opel Vivaro
sem kemur í einni útfærslu sem
sendiferðabíll með heildarþyngd
upp á 2.900 kg og síðan sem 9
sæta fólksflutningabíll. Báðir bíl-
arnir eru með 1,9 lítra Turbo-
dísillvélum, beinskiptir og vel búnir.
Sendibílarnir eru ýmist með einni
eða tveimur hliðarhurðum. Frá
Nissan koma bílar er heita Inter-
star og Primastar. Primastar kem-
ur í einni útfærslu ýmist með
tveimur eða einni hliðarhurðum.
Nissan Interstar er mun stærri bíll
og kemur með hærri topp þannig
að öll vinna inni í bílnum verður
mun þægilegri og auðveldari. Verð
á sendiferðabílunum er frá kr.
2.340.000 – 3.070.000 með virð-
isaukaskatti, og sætabíllinn er á kr.
3.300.000.
Með tilkomu þessara bíla verður
töluverð breyting á hjá Ingvari
Helgasyni er varðar þjónustu við
Nissan-sendibílana. Þeir verða
þjónustaðir hjá Ingvari Helgasyni
að Sævarhöfða og boðið verður upp
á mjög sveigjanlega og víðtæka
þjónustu fyrir eigendur þessara
bíla. Bílarnir verða sýndir í húsa-
kynnum Ingvars Helgasonar að
Sævarhöfða næstu daga.
Nissan Primastar.
Opel Vivaro.
Sendibílar
frá Nissan
og Opel
NÝR og gerbreyttur Land Rover
Discovery kemur á markað á
næsta ári og verður hann hann-
aður af Bretanum Geoff Upex. Út-
gangspunkturinn í hönnun bílsins
verður að gera hann að meiri
sportjeppa en verið hefur, eitt-
hvað í anda þýsku sportjeppanna
BMW X5 og Mercedes-Benz M. Á
bílasýningunni í Frankfurt sýndi
Land Rover teikningu af framtíð-
arbíl án þess að nokkrar skýring-
ar væru gefnar með teikningunni.
Nú er ljóst að þessi bíll verður
sýndur á bílasýningunni í Detroit í
janúar í formi hugmyndabílsins
Range Stormer. Ólíklegt er þó að
þessi bíll taki við af Discovery
heldur sé hér um splunkunýjan bíl
að ræða.
Þetta verður aflmikill sport-
jeppi í anda Porsche Cayenne og
að sjálfsögðu fjórhjóladrifinn eins
og aðrir meðlimir í Land Rover-
ættinni.
„Range Stormer verður nú-
tímalegur, aflmikill og hátækni-
væddur bíll. Hann er að miklu
leyti smíðaður til þess að uppfylla
kröfur um kraftmikið ökutæki
fyrir allar gerðir vega, og vera
auk þess í forystusveit í jeppa-
deildinni eins og aðrir Land Rov-
er-bílar,“ sagði hinn hæverski yf-
irmaður Land Rover, Matthew
Taylor.
Range Stormer verður frumsýndur í Detroit.
Nýr jeppi frá Land Rover