Morgunblaðið - 10.12.2003, Blaðsíða 11

MORGUNBLAÐIÐ MIÐVIKUDAGUR 10. DESEMBER 2003 B 11
formúla 1
VIÐRÆÐUR um endurnýjun og framleng-
ingu samnings Ralfs munu komnar í strand
og illt blóð vera hlaupið í þær.
Heimildarmenn í herbúðum Williams segja
ágreininginn fyrst og fremst standa um
kjarakröfur Ralfs Schumacher; hann vilji
a.m.k. 15 milljónir dollara á ári, tæplega 1,2
milljarða, fyrir að framlengja samninginn en
Williams setji hámarkið við 9 milljónir doll-
ara.
Ralf staðfesti með semingi um helgina – er
hann sótti vetrarhátíð BMW í Seefeld í Aust-
urríki – að viðræður við Williams hefðu geng-
ið illa og samningar hefðu ekki tekist. Um-
boðsmaður hans, Willi Weber, segir að hann
muni íhuga aðra kosti takist ekki samningar
við Williams.
„Þetta eru innanbúðarmál sem ég get ekki
tjáð mig um. Ég er ekki með öllu sáttur og
þess vegna eiga viðræður sér enn stað. Þetta
snýst ekki um peninga en það eru nokkur at-
riði sem þurfa úrlausnar við,“ sagði Ralf.
Weber, sem er umboðsmaður Schumacher-
bræðranna, var hins vegar opinskárri og
sagði eitt ágreiningsefnanna í samningavið-
ræðunum vera hversu marga einkasamninga
Ralf gæti átt héldi hann áfram að keppa fyrir
Williams.
Hann reyndi þó að gera lítið úr ágrein-
ingnum en bent er á að samningaþref hans
og forsvarsmanna Williams hafi nú staðið
meira en háflt ár sem ekki geti talist eðlilegt.
„Við erum að ræða um fimm samninga
milli okkar og Williams og hver þeirra er upp
á um 100 síður. Við erum ekki undir neinum
þrýstingi. Ralf er í hópi fremstu ökuþóra og
honum byðust önnur störf. Bjóðist ekki rétt
kjör hjá Williams þá skrifum við einfaldlega
ekki undir samning,“ segir Weber.
Frank Williams leiður á þráteflinu
Ýta ummæli af þessu tagi undir orðróm
þess efnis að Ralf Schumacher kunni að vera
á útleið úr Williams-liðinu. Þó hefur verið tal-
ið að brottför Montoya og löngun mótorfram-
leiðandans BMW til að hafa þýskan ökuþór í
liðinu yrði til þess að greiða fyrir samn-
ingum.
Frank Williams, aðaleigandi Williams-liðs-
ins, er sagður orðinn leiður á þráteflinu og
stöðugum seinkunum. Mun þolinmæði hans á
þrotum, að því er þýska blaðið Bild hefur eft-
ir háttsettum manni innan Williams-liðsins.
Verulega munar á því hvað Williams býður
í kaup og þess sem Ralf krefst. „Takmark
mitt fyrir árið 2005 er auðvitað að ná betri
samningi en núgildandi. Ég er ánægður hjá
Williams en það eru fleiri öflug lið til,“ segir
Ralf við Bild.
Að Jacques Villeneuve burt gengnum er
talið að Ralf Schumacher sé best launaði
ökuþórinn í Formúlu-1, að bróður hans frá-
töldum. Þá mun mikill munur á kaup-
greiðslum Williams til þeirra Montoya hafa
átt sinn þátt í að Montoya hefur ákveðið að
framlengja ekki samning sinn við Williams –
sem Frank mun þó hafa verið áfram um að
gera – og fara heldur til McLaren.
Hver niðurstaðan verður á eftir að koma í
ljós en Frank Williams er ekkert lamb að
leika við þegar launagreiðslur eru annars
vegar. Það gætu nokkrir ökuþórar staðfest
sem freistað hafa kauphækkunar hjá Will-
iams eftir að hafa slegið í gegn og sigrað,
jafnvel orðið heimsmeistarar eins og Nigel
Mansell og Damon Hill.
Spurningin er því hvort um alveg nýja
ökuþóraskipan verði að ræða hjá Williams
eftir næstu vertíð. Altént mun Ralf Schu-
macher reiðubúinn að freista gæfunnar hjá
öðrum liðum, s.s. bæði Toyota og jafnvel
Ferrari en hjá báðum er ófrágengið hver ek-
ur a.m.k. öðrum bíla þeirra 2005.
Williams og Ralf Schumacher
bítast um nýjan samning
Reuters
Ralf Schumacher býr sig undir æfingaakstur á Jerez-brautinni á Spáni 3. desember sl.
Williams-liðið á fyrir höndum erfiðar
stundir ætli það sér að telja Ralf Schu-
macher á að framlengja samning sinn
við liðið árið 2005 en það ár fer hinn
ökuþór þess, Juan Pablo Montoya, frá
liðinu til keppinautanna hjá McLaren.
Ágúst Ásgeirsson segir hér frá þrá-
tefli sem komið er upp milli Schu-
machers og Franks Williams, eiganda
Williams-liðsins.
DESEMBERTILBOÐ - 15% AFSLÁTTUR
út desember á hágæ›arafgeymum fyrir flestar ger›ir bifrei›a. Frí ísetning og þriggja ára ábyrgð.
www.toyota.is
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
T
O
Y
19
78
5
1
2/
20
02