Morgunblaðið - 30.01.2004, Blaðsíða 20

Hafnarfjörður | Rúm áttatíu og fjögur prósent
Hafnfirðinga eru mjög eða frekar ánægð með
að búa í bænum sínum og níutíu og sjö prósent
bæjarbúa eru ánægð með þá möguleika sem í
boði eru á útivist og tómstundum í bæjarfélag-
inu. Af þeim tæpu fjórum prósentum bæj-
arbúa sem sögðust óánægð með bæinn nefndi
tæpur þriðjungur lélega stjórn bæjarfélagsins
og þá sérstaklega fjármálastjórn sem ástæðu,
en rúmur fimmtungur nefndi umferð og sam-
göngur. Þetta er meðal þess sem fram kemur í
nýrri könnun sem IMG-Gallup gerði fyrir
Hafnarfjarðarbæ á dögunum. Könnunin var
gerð í pósti og var úrtakið 2.700 Hafnfirð-
ingar, 18 ára og eldri. Svarhlutfall var 50,7%.
Markmiðið með könnuninni var að fá mat
bæjarbúa á opinberri þjónustu og á einstaka
þáttum bæjarlífsins, sem og að fá mat íbúanna
á bæjarfélaginu, hugmyndir um fram-
tíðaráform og væntingar þeirra til búsetu í
bænum.
Meðal annarra hluta sem vel þóttu fara í
bænum var öryggi í bænum, en um áttatíu og
átta prósent bæjarbúa sögðust ánægðir með
öryggi þegar ferðast væri í bænum og níutíu
prósent bæjarbúa sögðust ánægð með upp-
vaxtarskilyrði fyrir börn og lífsgæði almennt.
Heimasíða bæjarins, hafnaraðstaðan, vöru-
og verslanaúrval og umhverfismál voru einn-
ig í þeim hópi sem bæjarbúar voru afar
ánægðir með, sem og sorphreinsun, viðhald
gatna, möguleika á framhaldsmenntun, jafn-
réttismál og almenningssamgöngur og frá-
rennslismál.
Þjónustukönnun IMG-Gallup á vegum Hafnarfjarðarbæjar gefur góðar vísbendingar
Mikil ánægja með
tómstundastarf og
skilyrði fyrir börn
Morgunblaðið/Ásdís
Í sílaleit við tjörnina: Smáfólkið er Hafnfirðingum ofarlega í huga, en það má glögglega sjá á
þeirri ánægju sem ríkir með góð skilyrði fyrir börn íbúa og tómstundastarf í sveitarfélaginu.
Mestrar óánægju gætti með umferðarör-
yggi hjólreiðafólks, en um sextíu og sex pró-
sent bæjarbúa voru óánægð með það. Einnig
gætti óánægju með framboð af leiguhúsnæði
á vegum bæjarins, leiksvæði fyrir unglinga,
möguleika til að hafa áhrif í bæjarfélaginu og
sýnileika lögreglunnar í Hafnarfirði.
Ímynd endurspeglar
ekki alltaf reynslu
Hafnfirðingar voru sérstaklega ánægðir
með þjónustu bókasafns bæjarins, en um níu-
tíu og þrjú prósent bæjarbúa sögðust ánægð
með það. Íþróttaaðstaða, leikskólar og Iðn-
skólinn í Hafnarfirði voru einnig uppspretta
mikillar ánægju, sem og framboð útivistar og
tómstundasvæða í nágrenni við bæinn. Sú
þjónusta sem verst kom út tengdist framboði
á leiguhúsnæði fyrir aldraða, en fjörutíu pró-
sent voru óánægð með það.
Í rannsókninni var líka mæld huglæg upp-
lifun íbúanna og segir sú mæling til um hvaða
skilning og mat íbúarnir leggja í þjónustuna.
Einkunnin sem þátttakendur gáfu einstaka
þjónustuþáttum er byggð á reynslu viðkom-
andi og er hún sett í samhengi við þær vænt-
ingar sem þátttakendur hafa til þjónustunnar.
Væntingar til þjónustu eru byggðar á nokkr-
um þáttum: Fyrri reynslu, upplifun annarra
notenda, upplýsingum úr fjölmiðlum, op-
inberri stefnu, almennu viðhorfi til bæj-
arfélagsins. Ef þátttakandi hafði ekki reynslu
af viðkomandi þjónustuflokki, gaf hann álit
sitt byggt á nokkrum þessara þátta og mæld-
ist þá ímynd þjónustunnar. Áhugavert var að
einkunnir sem notendur gáfu fyrir þjónustu
bæjarins voru margar mun hærri en þeir sem
ekki nýttu sér hana gáfu. Þannig var ánægja
með mörg þjónustusvið Hafnarfjarðar nokk-
uð meiri en ímyndin gaf til kynna. Sem dæmi
má nefna fengu leikskólar mun hærri einkunn
hjá þeim sem nýttu sér þá en þeim sem ekki
nýttu sér þá. Skólaskrifstofa og framboð á
leiguhúsnæði fyrir aldraða fengu þó dálítið
lægri einkunn hjá notendum en ímynd þjón-
ustunnar gaf til kynna. Munurinn sem mæld-
ist á milli þeirra sem nota þjónustuna og
þeirra sem nota hana ekki er talinn gefa
stjórnendum bæjarfélagsins mikilvægar upp-
lýsingar. Ef þeir sem nota ekki þjónustuna
hafa neikvæðara viðhorf gagnvart henni en
þeir sem nota hana, getur það gefið til kynna
að auka þurfi upplýsingaflæðið og upplýsa
íbúa betur um starfsemi stofnana.
Einnig var í könnuninni spurt um afstöðu
bæjarbúa til einstakra mála og komu margar
áhugaverðar niðurstöður í ljós. Þannig voru
nokkuð fleiri foreldrar hlynntir vetrarfríi og
fimmtíu og fjögur prósent þeirra töldu að allir
skólar ættu að hafa vetrarfrí á sama tíma.
Einnig vildu tæp tuttugu og sex prósent bæj-
arbúa hafa fræðslufyrirlestra í hverfa-
miðstöðvum, tæp tuttugu og fimm prósent
vildu sjá tómstundir fyrir unglinga og tæp
tuttugu og tvö prósent vildu sjá almennt tóm-
stundastarf í hverfamiðstöðvum.
Um þriðjungur bæjarbúa sá fyrir sér bú-
ferlaflutninga á næstu tveimur til fjórum ár-
um og hugðist meirihluti þeirra sem höfðu
ákveðið áfangastað sinn flytja innan bæjar.
HÖFUÐBORGARSVÆÐIÐ
20 FÖSTUDAGUR 30. JANÚAR 2004 MORGUNBLAÐIÐ
Elliðaár | Vegagerð ríkisins lokaði á
miðvikudag brúnni yfir ána Dimmu
við Vatnsenda í Reykjavík. Dimma
rennur úr Elliðavatni og í Elliðaárn-
ar. Lokun brúarinnar gerir það að
verkum að leiðin að íbúahverfinu
Hvörfunum lengist og er nauðsyn-
legt að aka um Breiðholtsbrautina.
Að sögn starfsmanna Vegagerð-
arinnar er verið að leggja af gömlu
gatnamótin inn á Elliðavatnsveginn
og taka í notkun ný gatnamót sem
eru ofar á Breiðholtsbrautinni frá
Suðurlandsvegi. Önnur af brúnum
yfir Dimmu mun því lokast til fram-
búðar.
Morgunblaðið/Árni Sæberg
Brú yfir Dimmu lokað
Mosfellsbær | Árið 1953 keypti
Umdæmisstúkan nr.1 býlið
Skálatún í Mosfellssveit til að
stofna þar vistheimili fyrir
þroskaheft börn. Starfsemin
byrjaði svo þann 30. janúar
1954.
Á þeim 50 árum sem liðin eru
frá stofnun heimilisins hefur
margt breyst.
Upphaflega hófst starfsemin í
gamla bóndabænum einum við
mikil þrengsli bæði fyrir heim-
ilisfólk og starfsmenn. Nú hafa
verið byggð mörg hús og allur
aðbúnaður er orðinn til fyrir-
myndar eins og kröfur dagsins
eru til aðbúnaðar þroskaheftra.
Skálatún er nú sjálfseignar-
stofnun á vegum Bindindissam-
takanna IOGT og Styrktar-
félags vangefinna. Formaður
stjórnar er Þengill Oddsson
héraðslæknir sem skipaður er af
Landlæknisembættinu. Heimil-
ismenn eru nú 44 og starfsmenn
75 í 58 stöðugildum.
Skálatúnaheimilið heldur upp
á 50 ára afmælið á morgun,
laugardaginn 31. janúar n.k. og
hefst afmælið með því að vinnu-
stofurnar verða opnar frá kl 10
að morgni og heimilisfólk sýnir
þar vinnu sína. Kl. 14.30 verður
síðan boðið til kaffiveislu í Hlé-
garði í Mosfellsbæ.
Skálatúns-
heimilið 50 ára