Lesbók Morgunblaðsins - 13.10.2001, Blaðsíða 13

LESBÓK MORGUNBLAÐSINS ˜ MENNING/LISTIR 13. OKTÓBER 2001 13
TÖLUVERÐAR deilur virðast
nú ríkja um starfsemi Lincoln
Center-menningarmiðstöðv-
arinnar í New York. Gerist
þetta á sama tíma og óvíssa rík-
ir um framhald endurbóta á
húsnæði miðstöðvarinnar, sem
metnar eru á milljarða dollara,
og afsögn Gordon J. Davis, yf-
irmanns Lincoln Center, er yf-
irvofandi.
Þetta er ekki í fyrsta skipti
sem ósætti ríkir um listgreinar
Lincoln Center, en Metropolit-
an-óperan og New York City-
balletinn virðast nú hafa fylkt
liði gegn Fílharmóníusveit New
York-borgar, New York-
óperunni og Lincoln Center. Er
það staðsetning á nýju húsi New
York-óperunnar í Lincoln Cent-
er, sem er í næsta nágrenni við
Metropolitan-óperuna, sem
valdið hefur fjaðrafokinu að því
er greint var frá í dagblaðinu
New York Times á dögunum.
Stjórn Metropolitan-óperunnar
er alfarið mótfallinn þessari
nýju staðsetningu keppinaut-
arins, sem og hvelfingunni sem
rísa á yfir torgi Lincoln Center.
Eru deilurnar orðnar það ákaf-
ar að Robert W. Wilson, fyrrver-
andi stjórnarformaður New
York-óperunnar og einn helsti
stuðningsmaður hennar, en
hann hefur m.a. heitið 50 millj-
óna dollara fjárveitingu til óp-
eruhússins, sagði nýlega í við-
tali: „Ég held að það besta sem
borgaróperan gerði væri að
koma sér sem lengst frá Lincoln
Center.“
Menningarnótt í
Kaupmannahöfn
KAUPMANNAHAFNARBÚAR
héldu í gær menningarnótt há-
tíðlega í níunda skipti. Ein 300
söfn, kirkjur, leikhús og aðrar
stofnanir buðu borgarbúum að
kynnast starfsemi sinni þetta
árið, en eitthvað var um að hætt
væri við viðburði vegna árás-
anna á Afganistan. Meðal þeirra
sem þó opnuðu dyr sínar að
þessu sinni voru hins vegar
þinghúsið, herforingjaskólinn í
Fredriksberg, og freigátan Ped-
er Skram. Einnig var þá boðið
upp á heimsóknir í Riddarasal
Christians-borgar og rústirnar
sem eru undir höllinni.
Líkt og á menningarnótt hér
á landi voru flestir viðburðanna
ókeypis en hægt var að kaupa
menningarpassa sem veitti að-
gang að öllum öðrum við-
burðum.
Sotheby’s segir
upp starfsmönnum
UPPBOÐSFYRIRTÆKIÐ
Sotheby’s tilkynnti í gær að það
hygðist segja upp tæplega 300
starfsmönnum til að draga úr
kostnaði. Uppsagnirnar fækka
starfsmönnum fyrirtækisins um
14%, að því er greint var frá í
breska dagblaðinu Daily Tele-
graph í gær, en með því móti
hyggst fyrirtækið spara um 35
milljónir punda árlega, eða
rúma fimm milljarða króna.
„Eftir þessar breytingar telj-
um við að eftir standi sterkara
og hagkvæmara fyrirtæki,“
sagði Bill Ruprecht, forstjóri
Sotheby’s, en rekstur fyrirtæk-
isins skilaði um 21 milljarðs
króna tapi á síðasta ári í kjölfar
málaferla vegna meints verð-
lagssamráðs Christie’s og
Sotheby’s.
Starfsemi Sotheby’s, sem
fyrst var stofnað 1744, er nú að
finna í 38 löndum þó stærstur
hluti starfseminnar fari fram í
New York og London.
Deilt um
Lincoln Center
ERLENT
ÞAÐ verður stiginn dans á tón-
leikum Norðurljósahátíðar Musica
Antiqua í Hafnarborg í dag.
Klukkan 18.00 stíga þar á svið
ekki bara hljóðfæraleikarar og
söngvarar heldur einnig dansarar.
Camilla Söderberg, blokkflautu-
leikari Musica Antiqua og skipu-
leggjandi tónleikanna, segir að
hugmynd um þetta hafi komið upp
í fyrra, eftir aðra tónleika hópsins
þar sem boðið var upp á dans-
atriði með tónlistinni.
„Mig langaði að fá hingað sér-
fræðing á þessu sviði, og það varð
úr að við fengum Véronique Dan-
iels, franskan dansara og dansa-
höfund, sem heldur námskeið út
um allan heim. Mér fannst spennandi að leyfa
fleirum en tónlistarfólkinu að njóta þess. Mér
datt í hug að þetta gæti nýst listdönsurum og
jafnvel leikurum, og svo einnig tónlistarmönn-
um. Ég fór að hringja í listaskólana og úr varð
samstarf þeirra um námskeið sem nú hefur
staðið í viku, þar sem nemendur skólanna hafa
verið að læra nokkra vinsælustu dansa ítölsku
endurreisnarinnar. Þessir dansar verða dans-
aðir á tónleikunum, með tónlist-
inni sem við leikum.“
Musica Antiqua er skipað sjö
hljóðfæraleikurum, en að auki
tekur sönghópurinn Gríma þátt í
flutningi tónlistarinnar. Tónlistin
er öll frá lokum sextándu aldar
og upphafi þeirrar sautjándu,
bæði eftir tvo þekktustu dans-
ahöfunda þess tíma, Fabrizio
Caroso og Cesare Negri, en einn-
ig eftir Gastoldi, Monteverdi og
fleiri.
„Dansarnir sem Véronique hef-
ur verið að kenna eru úr dans-
abókum þessara tíma, þar sem
skrefin eru nákvæmlega útskýrð
og við hvaða tónlist á að dansa
hvern dans. Í tónleikalok leikum við svo Ball-
etto eftir Monteverdi, sem enginn dans var til
við, en Véronique samdi dans með krökkunum
við þetta verk byggt á þessum gömlu hefðum.
Við verðum flest í búningum og uppáklædd í
anda tónlistarinnar, – Véronique kom meira að
segja með sex hatta með sér til Íslands og
kraga frá þessum tíma til að gera þetta lif-
andi.“
Með sex hatta
í farteskinu
Morgunblaðið/Kristinn
Véronique Daniels kennir listnemum það heitasta í dansi endurreisnarinnar.
Camilla Söderberg
DOUGLAS A.
Brotchie, organisti
Háteigskirkju, er á
tónleikaferð í Þýzka-
landi og Ungverja-
landi en honum var
boðið að spila á tón-
leikum í Suður-
Þýzkalandi og í
þremur borgum í
Ungverjalandi, þar á
meðal í Búdapest.
Á efnisskránni er
meðal annars að
finna sýnishorn ís-
lenskrar orgeltónlist-
ar frá tuttugustu öld
með verkum eftir Pál
Ísólfsson, Jón Nordal og Jón Þórarinsson.
Orgeltónleikarnir í Vaihingen /Enz verða sér-
stakir styrktartónleikar, þar sem allur ágóði
rennur til helminga til orgelviðgerðarsjóðs stað-
arkirkjunnar, svo og nýstofnaðs orgelsjóðs Há-
teigskirkju.
Douglas A. Brotchie
Organisti á
tónleikaferð
JÓHANN Friðgeir Valdimarsson
tenórsöngvari verur einn af gestum
Smáralindar á sunnudag og syngur
þar með píanóleikara sínum, Ólafi
Vigni Albertssyni, í Vetrargarðin-
um kl. 14.00. Á tónleikunum syngur
hann lög af geisladiski sem er að
koma út með söng hans, en einnig
ýmislegt annað. Á geisladiskinum,
sem Edda – miðlun gefur út, er tón-
list af ýmsum toga. „Þetta eru lög
sem sýna allar hliðar tenórsins,“
segir Jóhann Friðgeir. „Það verða
ekki bara þessi sterku tenóröskur
heldur líka þetta milda. Og sumt af
þessu er erfitt að syngja. Þarna
verða sex lög eftir Kaldalóns, þar á
meðal Leitin, Þú eina hjartans ynd-
ið mitt og Hamraborgin, Vor hinsti
dagur er liðinn eftir Jón Ásgeirsson, Hríslan og
lækurinn eftir Inga T. Lárusson, ítölsk lög eftir
Tosti og fleiri, og svo nokkrar óperuaríur; flestar
eftir Puccini, þar á meðal tvær úr Toscu, Recond-
ita armonia og E lucevan le stelle.“
Jóhann Friðgeir segir að það hafi verið lengi í
deiglunni að gera þessa plötu. „Ég byrjaði að
vinna að þessu 1998, en fannst ég ekki alveg tilbú-
inn þannig að þetta hefur dregist aðeins; sumt
tók ég upp árið 1999 um það leyti
sem ég var með tónleika í Óperunni,
en kláraði þetta á þessu ári.“
Jóhann Friðgeir er ekki búinn að
prófa hljómburðinn í Smáralindinni,
en kveðst hlakka mikið til þess.
„Þetta verður með tónleikasniði og
gert ráð fyrir því að fólk tylli sér
niður og hlusti. Þetta verður
skemmtileg dagskrá og ég reyni að
hugsa tónleikana þannig að það
verði frekar létt yfir þeim.“
Eins og endranær er Jóhann
Friðgeir með mörg járn í eldinum.
Fyrir dyrum standa tónleikar á Ak-
ureyri og í Skagafirði með Sigurjóni
Jóhannssyni, sem hefur verið að
læra söng og syngja á Ítalíu í ára-
tug. Hann syngur á tónleikum með
Diddú í Salnum, þar sem þau syngja lög eftir Sig-
valda Kaldalóns, og þegar nær dregur jólum
syngur hann á jólatónleikum Mótettukórsins og á
Þorláksmessu gerir hann ráð fyrir því að standa
á svölum Húss málarans í Bankastræti með fleiri
tenórum og syngja aríur og jólalög fyrir fólk í
jólaskapi. „Þessi tími ársins er orðinn eins og
síldarvertíðin hér áður fyrr, það er mikið að
gera.“
Allar hliðar tenórsins
Jóhann Friðgeir
Valdimarsson
„TIL heiðurs og hugbótar. Hlutverk trúarkvæða
á fyrri tíð“ nefnist málþing í Snorrastofu sem
hefst í dag kl. 10. Á málþinginu verður sjónum
einkum beint að því umhverfi sem trúarkvæði á
fyrri tíð spruttu úr og hlutverki þeirra í trúarlífi
og samfélagi. Fjallað verður um trúarkveðskap
allt frá Geisla Einars Skúlasonar til kvæða Hall-
gríms Péturssonar.
Stjórnendur málþingsins eru Svanhildur Ósk-
arsdóttir og Anna Guðmundsdóttir. Geir Waage
setur málþingið. Erindi flytja Martin Chase,
Gunnar Guðmundsson, Sverrir Tómasson, Mar-
garet Cormack, Guðrún Nordal, Einar Sigur-
björnsson, Kristján Valur Ingólfsson og Margrét
Eggertsdóttir. Þorbjörn Hlynur Árnason slítur
málþinginu. Að lokum verður Náttsöngur kl.
17.15.
Trúarkveð-
skapur í
Snorrastofu
BJARNI Björgvinsson opnar sýninguna Stefnu-
mót í sal Íslenskrar grafíkur, Hafnarhúsinu, í dag
kl. 16. Bjarni útskrifaðist frá Listaháskóla Ís-
lands í fyrra og er þetta hans fyrsta einkasýn-
ing.Verkin á sýningunni eru unnin með olíu á
pappír á þessu ári. Sýningin er opin fimmtudaga
til sunnudaga frá kl. 14–18 og lýkur 4. nóvember.
Stefnumót í sal Ís-
lenskrar grafíkur