Lesbók Morgunblaðsins - 05.10.2002, Blaðsíða 12

12 LESBÓK MORGUNBLAÐSINS ˜ MENNING/LISTIR 5. OKTÓBER 2002
Einbeittur konungur árinnar
klýfur kröftugum silfursporði
fallþungan ósinn
á leið til unaðsfundar.
Á svartri breiðu
milli grösugra hlíða
bíður langförull djúpsins vinur.
Undir himinsins tindrandi tjöldum,
við töfra síðsumarnætur
lýsir af ástleitnum uggum,
sem elskast í miðjum straumi,
botntæma lífsins bikar
í bríma líðandi stundar.
Að lokum að feigðarósi
fljóta saman er lýsir.
JÓN HJARTARSON
Höfundur er framkvæmdastjóri Fræðslunets Suðurlands.
KONUNGUR
ÁRINNAR