Pressan - 09.08.1990, Blaðsíða 27

Fimmtudagur 9. ágú&t, 1.990 . i
kvikmyndir helgarinnar
FIMMTUDACUR
9. ágúst
Stöö 2 kl. 22.15
BARIST FYRIR
BORGUN ***
(The Dogs of War)
Bresk kvikmynd frá 1980
Leikstjóri: John Irvin
Adalhlutverk: Christopher Walken,
Tom Berenger, Colin Blakely
Myndin er gerð eftir einni af met-
sölubókum Fredericks Forsyth.
Fjallar hún af nokkrum alvöru-
þunga um málaliða í Afríku, sem
kemst í kast við einræðisherra sem
þykir svipa mjög til hins alræmda
Idi Amin. Þokkalegasta afþreying
fyrir þá, sem hafa ánægju af
spennumyndum.
Stöö 2 kl. 00.10
Á FERÐ 0G
FLUGI **1/2
(Planes, Trains and Automobil-
es)
Bandarísk kvikmynd frá 1987
Leikstjóri: John Hughes
Aöalhlutverk: Steve Martin, John
Candy, Laila Robbins
Súrsætur farsi um bisnessmann,
sem reynir allt hvað hann getur til
að komast heim til sín fyrir þakkar-
gjörðarhátíðina. Það gengur hins
vegar ekki stórslysalaust og í þokka-
bót neyðist manngreyið til að hafa
með sér náunga, sem fer ægilega í
taugarnar á honum. Þetta hljómar
kannski fáránlega, en myndin er al-
veg sæmileg.
FOSTUDAGUR
10. ágúst
Stöö 2 kl. 21.20
KARLAR
í KRAPINU *y'
(Real Men)
Bandarísk kvikmynd frá 1987
Leikstjóri: Dennis Feldman
Aöalhlutverk: James Belushi, John
Ritter, Barbara Barrie
Þetta á að vera fyndin ádeilumynd
um njósnara, en hún missir gjörsam-
lega marks. Við mælum ekki með
þessari,
Ríkissjónvarpið kl. 22.20
UNGFRÚ MARY **
(Miss Mary)
Argentínsk kvikmynd frá 1986
Leikstjóri: Maria Louisa Bemberg
Aðalhlutverk: Julie Christie, Nacha
Guevara
Hin þekkta breska leikkona, Julie
Christie, fer meö hlutverk kennslu-
konu í þessari argéntínsku mynd.
Gerist hún fyrir um það bil fimmtíu
árum og segir frá breskri konu, sem
ræður sig í vinnu alla leið til Argent-
ínu.
Stöö 2 kl. 23.10
NÓTTIN LANGA **
(The Longest Night)
Bandarísk mynd frá 1972
Leikstjóri: Jack Smith
Aðalhlutverk: David Janssen,
James Farentino
Mynd þessi er byggð á sannsöguleg-
um atburðum og fjallar um stúlku,
sem verður fórnarlamb mannræn-
ingja. Eitt aðalhlutverkið er leikið af
manninum, sem fyrir löngu var
söguhetjan í bandarísku sjónvarps-
þáttunum „Flóttamaðurinn" eða
„The Fugitive".
Stöð 2 kl. 00.20
BLÁA ELDINGIN
(The Blue Lightning)
Bandarísk sjónvarpsmynd frá 1986
Leikstjóri: Lee Philips
Aðalhlutverk: Sam Elliott, Rebecca
Gilling
Miðlungsgóð mynd um einkaspæj-
ara frá San Francisco, sem fer til
Ástralíu í leit að dýrmætum eðal-
steini. Það er auðvitað hægara sagt
en gert og lendir maðurinn m.a, í
hatrammri baráttu við harðsvírað-
an glæpon.
LAUGARDAGUR
11. ágúst
Stöð 2 kl. 15.00
SKÆR LJÓS
B0RGARINNAR ***
(Bright Lights, Big City)
Bandarísk kvikmynd frá 1988
Leikstjóri: James Bridges
Aðalhlutverk: Michael J. Fox,
Kiefer Sutherland
Mynd þessi er byggð á samnefndri
metsölubók eftir Jay Mclnerney,
sem er eiginlega sjálfsævisaga höf-
undarins. Bókin þykir raunar betri
en myndin, en hún er þó þokkaleg-
asta afþreying. Umfjöllunarefni:
Sveitastrákur kemur til stórborgar-
innar og ætlar að gera það gott, en
á bágt með að standast skemmtanir
og eiturlyf.
Stöö 2 kl. 20.50
BYLT FYRIR B0RÐ ***
(Overboard)
Bandarísk kvikmynd frá 1987
Leikstjóri: Garry Marshall
Aðalhlutverk: Goldie Haum, Kurt
Russell
Þessi er af léttara taginu og fjallar
um ríka konu, sem verður fyrir
óhappi og missir minnið. Maður
nokkur fullyrðir að hún sé eigin-
kona sín og móðir óþekku krakk-
anna, sem hann fer með hana heim
til.
Ríkissjónvarpið kl. 21.00
MÚRARA-
M0RÐIN ***,/2
(Inspector Morse — The Ma-
sonic Mysteries)
Bresk sjónvarpsmynd
Leikstjóri: Danny Boyle
Aðalhlutverk: John Thaw, Kevin
Whately
Þetta er ein af þessum góðu, bresku
morðgátumyndum um Morse lög-
regluforingja, sem ávallt finnur
morðingjann að lokum. í þetta sinn
fellur grunur á hetjuna sjálfa. Við
mælum eindregið með þessari!
Stöð 2 kl. 22.40
BYSSURNAR FRÁ NAV-
AR0NE ***1/i
(The Guns of Navarone)
Bandarísk kvikmynd frá 1961
Leikstjóri: J. Lee Thompson
Aðalhlutverk: Gregory Peck, David
Niven, Anthony Quinn, Anthony
Quayle, James Robertson
Þessi er auðvitað gerð eftir sam-
nefndri spennusögu Alistairs
MacLean og flestir vita því að hverju
þeir ganga með hana. Ljómandi
spennumynd með úrvalsleikurum.
Ríkissjónvarpiö kl. 22.50
ÁST 0G 0GNIR
(Haunted Honeymoon)
Bandarísk kvikmynd frá 1986
Leikstjóri: Gene Wilder
Aðalhlutverk: Gene Wilder, Dom
DeLuise, Jonathan Pryce
Misheppnuð grínmynd, sem ekki
fær eina einustu stjörnu. Hún fjallar
um furðulegt fólk í stóru drungalegu
húsi, en myndin er hvorki fyndin né
hrollvekjandi.
Stöð 2 kl. 01.10
HÆTTULEG FEGURÐ
(Fatal Beauty)
Bandarísk kvikmynd frá 1987
Leikstjóri: Tom Holland
Aðalhlutverk: Whoopi Goldberg,
Sam Elliott
Whoopi Goldberg lék stórkostlega í
Purpuralitnum, en í þessari mynd er
hún gjörsamlega misheppnuð. Hún
ieikur fíkniefnalöggu í myndinni,
sem hér um ræðir, en hún fær enga
stjörnu.
SUNNUDAGUR
12. ágúst
Stöð 2 kl. 13.00
ÓGÆTNI **
(Indiscreet)
Bandarísk sjónvarpsmynd frá 1988
Leikstjóri: Richard Michaels
Aðalhlutverk: Robert Wagner,
Lesley-Anne Down
Endurgerð kvikmyndar, sem Ingrid
Bergman og Cary Grant léku í þrjá-
tíu árum áður. Sú fyrri var betri, en
þessi er þó þokkaleg afþreying á
sunnudagssíðdegi, ef ekkert betra
er í boði.
Stöö 2 kl. 23.00
BRÚÐUR
MAFÍUNNAR **,/2
(Blood Vows)
Bandarísk sjónvarpsmynd frá 1987
Leikstjóri: Paul Wendkos
Aðalhlutverk: Melissa Gilbert, Joe
Penny, Talia Shire
Myndin fjallar um konu, sem giftist
ljúfum náunga en kemst síðar að því
að fjölskylda hans tilheyrir Mafí-
unni. Þokkalegasta afþreyingar-
mynd.
rein K'íi
eftir Mike Atkinson
27
dagbókin
hennar

/
Ég er svo stressuð út af stríðinu
þarna í útlöndum. Manni bara dauð-
brá, þegar fréttirnar urðu allt í einu
yfirfullar af þessu, þó þetta sé auð-
vitað ansi langt í burtu frá Islandi.
En það eru til alveg æðislega lang-
drægar byssur og ef Kanarnir skipta
sér mikið af stríðinu hjá aröbunum
getur sko vel verið að þeir hefni sín
með því að skjóta einni langdrægri
á Keflavíkurflugvöll. Ég meina
það. . . Hvað veit maður upp á
liverju þessir kallar geta tekiðl?
Svo getur náttúrulega líka orðið
heimsstyrjöld úr þessu litla stríði.
Hinar tvær byrjuðu einmitt með
svona látum á milli tveggja landa,
sem breiddust síðan út um allar
trissur. Ég er búin að heyra hryllileg-
ar sögur af því hvernig lífið er í stríði
og get barasta alls ekki hugsað mér
að prufa það sjálf. Það er til dæmis
allur matur skammtaður og engin
föt til. Amma þurfti að sauma flíkur
á börnin sín upp úr gömlum jakka-
fötum af afa — og fyrr geng ég alls-
ber en í einhverjum uppsaumuðum
druslum! í stríði er þar að auki bann-
að að fara út á kvöldin og bara lækn-
ar og hermenn fá bensín á bílana
sína. Ég héldi þetta ekki út!
Amma á Einimelnum er líka voða
hrædd. Hún er gjörsamlega á taug-
um út af þessum tveimur íslensku
fjölskyldum, sem eru í striðslandinu
þarna fyrir sunnan. (Eða austan,
eða hvar þetta er nú annars ná-
kvæmlega...) Ömmu finnst það al-
veg dæmigert af pólitíkusunum
hérna að þeir geti látið eitthvert
kvabb um laun og samninga hafa
forgang, þegar alíslenskir þegnar
eru í lífshættu úti í heimi. Hún vill að
ríkisstjórnin sendi sérstaka neyðar-
flugvél eftir fólkinu og trompast al-
veg þegar mamma minnir hana á að
það séu fleiri en íslendingarnir í
hættu. Amma er nefnilega klár á því
að rammíslensk mannslíf séu soldið
spes og vikti miklu meira en manns-
líf frá öðrum löndum. Ég er nú eigin-
lega sammála henni. Við erum svo
ferlega fá að við megum alls ekki
við að missa fólk í annarra manna
stríðum.
En fyrst ríkisstjórnin vildi ekkert
gera tók amma sig til og skrifaði
honum Gorba í Rússlandi nokkrar
vel valdar línur. Henni finnst hann
ekki hafa verið nógu duglegur að
halda þessum arabakommum á
mottunni og er alveg viss um að
hann beri smá ábyrgð á stríðinu, því
það sé mjög nálægt hans landi. Þess
vegna vill amma að Gorbi taki að
sér að koma íslendingunum heim til
fósturjarðarinnar. Mamma froðu-
felldi, þegar hún heyrði röflið í
ömmu og sagði að hún kynni ekkert
í landafræði og hefði greinilega ekki
hundsvit á heimsmálunum, fyrir ut-
an það að amma væri versti for-
dómahundursem hún þekkti. Ég fæ
mig ekki til að skrifa hvað amma
sagði þá...
Mér er sko persónulega alveg
sama hvort það verður Guð eða
Gorbi, sem stoppar stríðið. Bara ef
einhver lætur kallana hætta að berj-
a^t, svo ég lendi ekki í því að fá
smjörlíki ofaná brauð og föt af
pabba. (Það væri líka slæmt ef pabbi
fengi ekki bensín á bílinn, einmitt
þegar ég fer bráðum að taka bíl-
próf.)