Morgunblaðið - 01.05.2004, Page 31

ÚR VESTURHEIMI
MORGUNBLAÐIÐ LAUGARDAGUR 1. MAÍ 2004 31
Paul Westdal í Winnipeg var kjörinn for-seti INL/NA á þinginu í Edmonton ífyrra. Í setningarræðu sinni á hótelinuGull Harbour Resort á Heclu ári síðar
sagði hann að það væri vel til fallið að halda
þingið á þessum stað, ,,því hér eru ræturnar“, og
vísaði til þess að fyrstu íslensku landnemarnir í
Manitoba hefðu sest að við Winnipegvatn, frá
Gimli norður í Heclu. Paul gat þess að árið hefði
verið mjög annasamt og áhugavert ,,með sam-
stöðu að leiðarljósi“.
Ólýsanleg upplifun
Árni Magnússon félagsmálaráðherra og
Edda B. Hákonardóttir, eiginkona hans, voru
heiðursgestir þingsins, en á meðal annarra sér-
stakra gesta voru Peter Bjornson, mennta-
málaráðherra Manitoba, og Joanne Bjornson;
Atli Ásmundsson, aðalræðismaður í Winnipeg,
og Þrúður Helgadóttir; Júlíus Hafstein, fram-
kvæmdastjóri og formaður verkefnisstjórnar
vegna 100 ára afmælis Heimastjórnar og 100
ára afmælis stjórnarráðsins, og Erna Hauks-
dóttir, framkvæmdastjóri Samtaka ferðaþjón-
ustunnar; Guðríður Sigurðardóttir, for-
stöðumaður Þjóðmenningarhúss, og Almar
Grímsson, forseti Þjóðræknisfélags Íslendinga,
og Anna Björk Guðbjörnsdóttir.
,,Það er eiginlega ekki hægt að lýsa þessari
upplifun,“ segir Árni Magnússon um þingið og
heimsóknina til Manitoba, en á síðustu stundu
hljóp hann í skarðið fyrir Þorgerði Katrínu
Gunnarsdóttur menntamálaráðherra sem átti
ekki heimangengt. ,,Við hjónin erum mjög
snortin yfir því sem við sjáum og heyrum
hérna,“ bætir ráðherrann við. ,,Þær lýsingar
sem ég hef heyrt og lesið um rifjast upp og ein-
hvern veginn stendur líf þessara ættingja okkar
manni fyrir hugskotssjónum þegar hingað er
komið. Það er stórkostlegra en hægt er að lýsa
að aka framhjá hverjum bænum af öðrum sem
heitir íslensku nafni, og hitta fólk sem er eins og
það hafi farið frá Íslandi í gær og talar íslensku
reiprennandi. Ég tala ekki um að koma á þingið
og hlusta á íslenska bændur og Ungmennakór
Nýja-Íslands syngja lögin sem við syngjum
sjálf. Það sem snertir mann einna mest er hvað
fólkið hérna er stolt af því að vera Kanadamenn
af íslenskum uppruna. Hvað það heldur fast og
ríkt í Íslendinginn í sér.“
Fjölbreytt dagskrá
Íslendingafélagið Brúin í Selkirk sá um und-
irbúning og framkvæmd þingsins í samvinnu við
Íslendingafélögin í Gimli, Lundar og Árborg.
Dagskrá þingsins var með hefðbundnum hætti,
en skráning hófst á fimmtudag og þingstörfum
lauk á sunnudag. Greint var frá starfsemi
nefnda og félaga, fjallað um sérstök málefni,
eins og til dæmis blaðið Lögberg – Heims-
kringlu og ,,íslensku“ söfnin í Manitoba, og boð-
ið upp á skemmtiatriði, en þar á meðal voru
Dægurkórinn og Regnbogakórinn frá Íslandi.
Júlíus Hafstein rakti sögu heimastjórnar á Ís-
landi, Loren Gudbjartson fjallaði um íslensku-
kennslu í Vesturheimi, Joan Eyjolfson-Cadham
sagði frá störfum verkefnisnefndarinnar Int-
ernational Visits Program, David Gíslason
greindi frá ferð Ungmennakórs Nýja-Íslands til
Íslands, Harley Jonasson, Almar Grímsson og
Ásta Sól Kristjánsdóttir ræddu um ferðina
,,Heim í átthagana 2004“ og Snorraverkefnin og
Sandra Sigurdson fræddi viðstadda um Íslend-
ingadagshátíðina í Gimli í sumar, svo fátt eitt sé
nefnt.
Árni Magnússon flutti gestum kveðju frá ís-
lensku ríkisstjórninni og benti meðal annars á
að arfleifð og saga Íslendinga og fólks af íslensk-
um ættum í Norður-Ameríku væri sú sama og
skipti alla viðkomandi máli. Áhugi á Vesturför-
unum og afkomendum þeirra hefði aukist mikið
á Íslandi á undanförnum árum, bæði vegna auk-
innar umfjöllunar og ekki síst vegna ákvörðunar
íslensku ríkisstjórnarinnar 1995 um að leggja
sitt af mörkum til að efla og styrkja tengslin. Í
því sambandi nefndi hann stuðning utanrík-
isráðuneytisins við endurvakningu Þjóðrækn-
isfélags Íslendinga og þá ákvörðun að opna að-
alræðismannsskrifstofu í Winnipeg 1999 og
senda þangað aðalræðismann frá Íslandi. Hann
nefndi einnig mikilvægi samskipta Háskóla Ís-
lands og Manitoba-háskóla, stuðning rík-
isstjórnarinnar við Menningarmiðstöðina í
Gimli og Safn íslenskrar menningararfleifðar í
Nýja-Íslandi og stuðning við Snorraverkefnið
og Vesturfarasetrið á Hofsósi. Þá þakkaði hann
liðsmönnum Þjóðræknisfélagsins fyrir gott og
öflugt starf í áratugi. ,,Íslenska þjóðin er hreyk-
in af árangri ykkar,“ sagði hann.
Walter Sopher forseti
Paul Westdal, forseti INL, og Harley Jonas-
son, 2. varaforseti, gáfu ekki kost á sér áfram
vegna anna í starfi. Walter Sopher í Edmonton
var kjörinn forseti, Garry Oddleifson frá Tor-
onto 1. varaforseti og Geraldine McDonald frá
Vancouver 2. varaforseti. Næsta þing verður í
Vatnabyggð í Saskatchewan að ári en vorið 2006
verður það í Victoria, en síðan er stefnt að því að
halda næstu þing í Winnipeg og Salt Lake City.
Walter Sopher segir mikilvægt að fólk geri
sér grein fyrir því að öll starfsemi í Norður-
Ameríku sem tengist Íslandi á einn eða annan
hátt sé mikilvæg. ,,Við þurfum að starfa sem ein
heild en ekki sem einstaklingar,“ segir hann.
Walter leggur áherslu á að félagsmönnum þurfi
að fjölga og áfram þurfi að vinna að því að ná
frekar til unga fólksins. ,,Það hefur tekist vel
þar sem það hefur verið reynt og við þurfum að
halda áfram á sömu braut. Unga fólkið er fram-
tíðin og við höfum alla möguleika til að ná
sterkri stöðu.“
Árni Magnússon segist álíta að samskiptin
milli Íslands og Manitoba séu að þróast á réttan
hátt. Lýsingin á Snorraverkefninu veki meðal
annars vonir um að með því hafi menn hitt nagl-
ann á höfuðið, því það sé verkefni sem sé mjög
líklegt til að viðhalda tengslunum og hefðunum.
,,Það er auðvitað það sem við þurfum að gera.
Við þurfum að rækta frændsemina með unga
fólkinu beggja vegna hafsins,“ segir Árni og
bætir við: ,,Ég get ekki hamið mig í því að hvetja
Íslendinga til þess að velta því verulega fyrir sér
hvort ekki sé ástæða til að leggja land undir fót
og sjá þessi heimkynni frændfólks okkar. Eftir
að hafa upplifað þetta umhverfi finnst mér það
vera eitthvað sem enginn má missa af. Lýsing
Atla Ásmundssonar, aðalræðismanns í Winni-
peg, lýsir þessu langbest: ,,Þetta er ferðalag til-
finninganna“.“
85. ársþing Þjóðræknisfélags Íslendinga í Vesturheimi haldið á Heclueyju
Morgunblaðið/Steinþór Guðbjartsson
Heiðursgestir á Þjóðræknisþinginu á Heclu. Frá vinstri: Peter
Bjornson, menntamálaráðherra Manitoba, Joanne Bjornson,
Edda B. Hákonardóttir og Árni Magnússon félagsmálaráðherra.
Ferðalag
tilfinninganna
Ársþing Þjóðræknisfélags Íslendinga í Vest-
urheimi er hápunkturinn í starfsemi félagsins.
Þingið var haldið í 85. sinn um liðna helgi.
Steinþór Guðbjartsson var á meðal gesta.
steg@mbl.is