Morgunblaðið - 16.06.2004, Qupperneq 40
MINNINGAR
40 MIÐVIKUDAGUR 16. JÚNÍ 2004 MORGUNBLAÐIÐ
Ágúst Bragi Björnsson, Daði Óm-
arsson, Ingvar Ásbjörnsson allir
með 4 vinninga o.s.frv.
Verðlaun fyrir heildarúrslit
fengu allir í sex efstu sætunum:
Halldór Brynjar, Dagur Arngríms-
son, Guðmundur Kjartansson,
Sverrir Þorgeirsson, Hjörvar
Steinn og Alex Cambray. Sverrir er
12 ára gamall og Hjörvar Steinn ný-
orðinn 11 ára.
Veitt voru sérstök aldursflokka-
verðlaun:
Stúlknaverðlaun: 1. Elsa María
Þorfinnsdóttir 2. Jóhanna Björg Jó-
hannsdóttir .
Kvennaverðlaun: Sigurlaug Frið-
þjófsdóttir.
Verðlaun 14 ára og yngri: 1. Atli
Freyr Kristjansson 2. Daði Ómars-
son.
Sérstök verðlaun fyrir 12 ára og
yngri: Sverrir Þorgeirsson.
Verðlaun fyrir 10 ára og yngri: 1.
Guðni Fannar kristjánsson 2. Einar
Ólafsson.
Mótið fór fram í húsakynnum,
Skákskóla Íslands og var vel skipað
en þátttakendur voru 27. Í fyrstu
þremur umferðunum voru tefldar
atskákir en lokaumferðirnar fjórar
voru kappskákir. Skólastjóri Skák-
skólans er Helgi Ólafsson stór-
meistari.
Björn og Ingvar
nálgast AM-áfanga
Nú stendur yfir Sumarskákmót
Ístaks sem skipulagt er af Hrókn-
um. Þeir Björn Þorfinnsson (2.345)
og Ingvar Þór Jóhannesson (2.302)
hafa fengið 4 vinninga af 5 og þurfa
2½ vinning úr síðustu fjórum um-
HALLDÓR Brynjar Halldórs-
son sigraði á geysispennandi meist-
aramóti Skákskóla Íslands sem nú
var haldið í þrettánda sinn. Úrslitin
réðust ekki fyrr en í lokaumferðinni
sem var hápunktur mótsins og
sýndi í hnotskurn þá hörðu og jöfnu
baráttu sem jafnan á sér stað á hin-
um skemmtilegu mótum Skákskól-
ans. Þegar lokaumferðin hófst var
Halldór Brynjar með hálfs vinnings
forskot á meistarann frá því í fyrra,
Dag Arngrímsson. Halldór mætti
Atla Frey Kristjánssyni og hafði
hvítt. Í 15. leik missteig hann sig illa
þegar honum yfirsást snjöll flétta
sem Atli Freyr lumaði á og færði
honum gjörunnið tafl. En á mikil-
vægu augnabliki valdi Atli rangan
stað fyrir hrók sinn sem féll eftir
einfaldan svarleik Halldórs. Þar
með var sigur Halldórs tryggður.
Hörð barátta var um þriðja sætið
en eftir æsilegt tímahrak náði Guð-
mundur Kjartansson að máta Stef-
án Bergsson og ná þriðja sætinu.
Lokastaða efstu manna varð þessi:
1. Halldór Brynjar Halldórsson
6½ v.
2. Dagur Arngrímsson 6 v.
3. Guðmundur Kjartansson 5½ v.
4.–6. Sverrir Þorgeirsson, Hjörv-
ar Steinn Grétarsson, Alex
Cambray Orrason 4½ v.
7.–13. Stefán Bergsson, Atli
Freyr Kristjánsson, Aron Ingi Ósk-
arfsson, Sigurlaug Friðþjófsdóttir,
ferðunum til að ná sínum fyrsta
áfanga að alþjóðlegum meistara-
titli. Björn á eftir að mæta mönnum
úr neðri hluta mótsins en Ingvar á
m.a. eftir að tefla við tékkneska
stórmeistarann Jan Votava (2.511)
og finnska stórmeistarann Heikki
Westerinen (2.372), en þeir deila nú
efsta sætinu á mótinu með þeim
Birni og Ingvari. Staðan á mótinu:
1.-4. Björn Þorfinnsson, Ingvar
Þór Jóhannesson, Heikki Wester-
inen, Jan Votava 4 v.
5. Faruk Tairi 2½ v.
6. Lenka Ptacnikova 2 v.
7.-8. Róbert Harðarson, Páll Þór-
arinsson 1½ v.
9. Bjarni Hjartarson 1
10. Ingvar Ásmundsson ½ v.
Sjötta umferð var tefld í gær,
þriðjudag, en teflt er daglega í
húsakynnum Hróksins, Skúlatúni
4, og hefst taflið klukkan 18. Hægt
er að fylgjast með skákunum beint
á heimasíðu Hróksins (www.hrok-
urinn.is).
Furðuverk
Sautjánda Leon-skákmótið var
haldið 3.-7. júní og var útsláttarmót
eins og áður. Mótið var haldið í
Leon á Spáni. Sigurvegari mótsins
var Alexej Shírov (2.713), sem sigr-
aði Peter Svídler (2.733) 3½-½ í úr-
slitum. Vafalítið eiga margir skák-
áhugamenn erfitt með að trúa því
að eftirfarandi skák sé viðureign of-
urstórmeistara, en engu að síður er
það raunin. Þetta var fyrsta skákin í
úrslitaeinvíginu og eftir að hafa
skoðað hana er auðvelt að skilja að
Svídler hafi ekki átt auðvelt með að
ná sér á strik í síðari skákunum.
Hvítt: Peter Svídler
Svart: Alexej Shírov
Frönsk vörn
1.e4 e6 2.d4 d5 3.e5 c5 4.c3 Db6
5.Rf3 Bd7 6.Be2 Bb5 7.dxc5 –
Algengast er að leika 7.c4!? Bxc4
8.Bxc4 dxc4 (8...Db4+ 9.Rbd2 dxc4
10.a3 Db5 11.De2 cxd4 12.Rxd4
Dd5 13.R4f3 Rd7 14.Rxc4) 9.d5
exd5 10.Dxd5 Re7 11.Dxc4 Da6
12.Ra3 Dxc4 13.Rxc4 Rd5 14.Bg5
Rd7 15.0–0–0 R7b6 16.Rxb6 Rxb6
17.Rd2 Be7 18.Bxe7 Kxe7 19.Re4
Hhd8 20.Rd6 og hvítur stendur bet-
ur McShane-Þröstur Þórhallsson,
ólympíuskákmótinu í Bled 2002).
7...Bxc5
8.b4? Bxf2+ 9.Kf1 Bd7
Nýr leikur. Þekkt er 9...Bc6
10.Dd3 a6 11.a4 Re7 12.Ha2 Rf5
13.g4 Rh4 14.a5 Da7 15.Rxh4 Bxh4
16.Be3 b6 17.Bxb6 Db7 18.Bd4 f6
19.Rd2 0–0 20.exf6 Rd7 21.Rf3 Bxf6
22.g5 Bb5 23.De3 Bxd4 24.cxd4 og
svartur vann (Stefán Kristjánsson-
Ólafur B. Þórsson, Reykjavik 1998).
10.Dd2? --
Nauðsynlegt er að leika 10.c4! og
þá hefur svartur um tvær leiðir að
velja: 10...Re7 11.c5 Dxb4 12.Kxf2
Rf5, með tvísýnni stöðu, eða
10...dxc4 11.Ra3! a5 12.Rxc4 Da7
13.Rd6+ Ke7 14.Dd2, sem lítur illa
út fyrir hann.
10...Rh6! 11.Bd3? –
Skárra er 11.a4 a5 12.Bd3 Rg4
13.Dg5 h5 14.h3 Be3 15.Bxe3 Dxe3
16.Dxe3 Rxe3+ 17.Kf2 Rf5 og
svartur á peð yfir.
11...Rg4 12.Dg5 Bb5! 13.c4 --
13.-- Bg3!
og hvítur gafst upp. Eftir 14.Dd2
Bf4 15.De2 Bxc4 16.Bxc4 Bxc1
17.Bb5+ Rc6 18.Bxc6+ bxc6 19.a3
Bh6 20.Rc3 Re3+ 21.Ke1 0–0 á
hvítur tveimur peðum minna og
mjög slæma stöðu.
Mjóddarmót Hellis
Mjóddarmót Hellis fer fram
laugardaginn 19. júní í göngugöt-
unni í Mjódd. Mótið hefst kl. 14 og
er öllum opið, en þátttakan á þessu
móti hefur aukist jafnt og þétt ár
frá ári. Síðasta ár sigruðu Suzuki-
bílar en fyrir þá tefldi Arnar E.
Gunnarsson.
Skráning fer fram með netpósti
(gunnibj@simnet.is) og í síma 856
6155 (Gunnar). Tefldar verða sjö
umferðir með sjö mínútna umhugs-
unartíma. Einnig er nægjanlegt að
mæta á skákstað kl. 13:50 en mjög
æskilegt er að skákmenn skrái sig
fyrirfram.
Halldór Brynjar meistari
Skákskóla Íslands
Daði Örn Jónsson
Bragi Kristjánsson
SKÁK
Skákskóli Íslands
MEISTARAMÓT
SKÁKSKÓLANS 11.-13. júní 2004
dadi@vks.is
Er Örlygur bróðir
minn var með í smíðum
bækur sínar „Úr torf-
bæjum inn í tækniöld“
hélt hann ljósmynda-
sýningu og kynningar-
kvöld í húsnæði F.Í. í
Mörkinni. Árni Björnsson þjóðhátta-
fræðingur var kynnir. Umræddar
myndir var mjög fróðlegt að sjá fyrir
þá, hverra minni spannaði hluta af
tímabilinu milli stríða. Kynning Árna
var mjög góð og lifandi. Ræddi hann
m.a. um að þessu tímabili hefði ekki
verið veitt sú athygli sem skyldi.
Einnig að þeir sem mundu sól og regn
þeirra daga væri fólk komið yfir sjö-
tugt, – nokkuð sem ég gat tekið til
mín.
Við systkinin ólumst upp í Viðey,
gengum þar í barnaskóla, fermdumst
þar og fluttum þaðan vorið 1941 að
Vegamótum á Seltjarnarnesi. Það
voru mikil viðbrigði að mörgu leyti.
Ekki fór stríðið, sem komið var á fulla
ferð, framhjá neinum. Það verður
ekki rakið hér.
Eftir myndakvöldið góða og orð
Árna fór ég að hugsa um stríðið, þó
aðallega stríðslokin. Reykvíkingar
losnuðu ótrúlega hratt við alla her-
menn héðan af svæðinu. Þótt nóg
væri af stríðsminjum úti um allt, var
fólk orðið vant því í umhverfinu og tók
ekki sérstaklega eftir þeim. Yfir
Reykjavík lagðist yndislegur friður
og ró eftir fimm ára stríðsástand og
einmitt í þessu andrúmlofti sá ég
fyrst og var kynntur fyrir Ásgeiri
Jónssyni verðandi eiginmanni systur
minnar. Ásgeir var glæsilegur maður,
afar viðkunnanlegur í allri umgengni,
aldrei langt í brosið og húmorinn í
ÁSGEIR
JÓNSSON
✝ Ásgeir Jónssonvar fæddur á Ísa-
firði 21. apríl 1919.
Hann lést á heimili
sínu í Efstasundi 92 í
Reykjavík 29. maí
síðastliðinn og var
útför hans gerð frá
Áskirkju 11. júní.
góðu lagi. Við vorum
fimm systkinin, systir
elst og fjórir bræður.
Hulda var okkur bræðr-
unum vægast sagt góð
systir og ekki síst á okk-
ar uppvaxtarárum, og
endurguldum við henn-
ar væntumþykju.
Það gladdi mig því
strax hvað mér leist vel
á Ásgeir og hve vel þau
Hulda áttu saman. Ég
hygg að ég hafi naum-
ast kynnst öðru eins
kærleikshjónabandi
sem þeirra, og þar hall-
aðist ekki á hjá þeim. Þótt ég vegna
starfs míns hafi heimsótt þau sjaldan í
áratugi, var alltaf tekið á móti manni
með fölskvalausri gleði þegar maður
birtist á tröppunum. Við sáum Huldu
og Ásgeir síðast saman daginn þegar
hann varð 85 ára. Það var mikil kaffi-
og kökuveisla, allir kátir og mikið tal-
að. Það var ánægjulegt að sjá alla þá
umhyggju sem Margrét og Guð-
mundur Páll sýndu þarna foreldrum
sínum, sem þau hafa reyndar alla tíð
gert og alveg sérstaklega eftir að þau
tóku að eldast. Þökk sé þeim. Á
kveðjustund vil ég minnast Ásgeirs
með virðingu og þakklæti og færa
Huldu, börnum þeirra, tengdabörn-
um og barnabörnum samúðarkveðjur
frá okkur Gerðu.
Sveinn B. Hálfdanarson.
Ásgeir Jónsson, fyrrum skrifstofu-
stjóri við embætti Skattstjórans í
Reykjavík, er látinn. Við fráfall hans
vakna minningar um ágætan starfs-
félaga frá liðnum árum, sem kom ung-
ur til starfa í skattkerfinu og valdist
snemma til mannaforráða.
Ásgeir var greindur maður og vel-
viljaður og í alla staði vel af guði gerð-
ur. Hann aflaði sér menntunar af eig-
in rammleik, sem hann fjármagnaði
með sjómennsku á sumrum, en hann
lauk prófi frá Verslunarskóla Íslands.
Hæfileikar ásamt með uppeldi og
reynslu urðu honum haldgott vega-
nesti. Hann hafði næma sýn á þjóð-
félagsaðstæður og kjör almennings
og hagi þeirra sem minna máttu sín.
Ásgeir var dagfarsprúður maður,
sem lagði aldrei illt til nokkurs
manns, en hafði næmt auga fyrir til-
brigðum mannlífsins og gat verið
glettinn og gamansamur. Hann var
þannig spaugsamur maður í vinahópi
og hafði unun af græskulausu gamni
og skemmtilegum sögum. Hann sagði
gjarnan slíkar sögur sjálfur og eigin
reynslusögur frá fyrri tíð og miðlaði
fróðleik af viðkynningu við merkilega
menn og lærdómsríka. Sumar þessar
sögur urðu samstarfsmönnum það
hugleiknar að þeir eignuðu sér þær
óafvitandi og bættu við eigin reynslu-
heim. Þannig urðum við nánir sam-
starfsmenn Ásgeirs allir með tíman-
um kyndarar á „Kapítönu“, sem var
gufuknúin seglskúta síðast til farm-
flutninga og fékk þann endi að „slá úr
sér“, eins og sjómenn nefna það, og
sökkva fullhlaðin fyrir Austfjörðum á
útleið, en þá var Ásgeir vinur okkar
víðsfjarri sem betur fór.
Ásgeir starfaði um áratugi að
skattamálum samhliða umsjón
rekstrar- og starfsmannamála. Hann
var m.a. deildarstjóri þáverandi rann-
sóknardeildar Skattstofu Reykjavík-
ur, sem annaðist skatteftirlit, og síðar
skrifstofustjóri embættisins til starfs-
loka. Hann hafði og um árabil á hendi
úrskurði vegna umsókna um skattí-
vilnanir til þeirra, sem áttu um sárt að
binda vegna hvers konar veikinda,
slysa eða tjóna, og fórst það sem ann-
að vel úr hendi. Á áttunda áratugnum
hvarf hann til starfa hjá þáverandi
Ríkisskattanefnd, en sneri aftur árið
1978 til að taka við starfi skrifstofu-
stjóra og varaskattstjóra í Reykjavík.
Ásgeir var mannblendinn á vinnu-
stað og vinsæll maður af samstarfs-
fólki og átti ríkan þátt í að skapa þann
góða anda sem lengstum hefur ein-
kennt embættið. Hann var glöggur
maður og farsæll í störfum og fórust
vandasöm úrlausnarefni vel úr hendi,
og skipti engu hvort um var að ræða
flókin skattamál eða fjármál og
starfsmannamál.
Ásgeir var lipur maður í samskipt-
um og laginn við að leysa úr deilu-
málum, ráðhollur maður og velviljað-
ur bæði gjaldendum og
starfsmönnum. Hógvær var hann og
lítillátur og tranaði sér ekki fram, en
var sökum mannkosta og hæfileika
kallaður til trúnaðarstarfa.
Ásgeir var þægilegur maður í um-
gengni, skapgóður og viðmótsþýður
og sem yfirmaður fremstur meðal
jafningja. Framkoma hans var látlaus
og til fyrirmyndar. Hann hafði heil-
brigðan metnað sem beindist að hon-
um sjálfum, en ekki lagði hann steina í
götu annarra, því hann var vandaður
og grandvar maður.
Ásgeir var glæsimenni á velli, í
hærra meðallagi, grannvaxinn og
samsvaraði sér vel, sviphreinn, blá-
eygður og bjartur yfirlitum með grá-
sprengt hár. Hann var einstakt
snyrtimenni í klæðaburði og hafði á
sér snið heldrimanna. Hann kom jafn-
an til vinnu í millibláum fötum eða
gráum með viðeigandi hálsbindi og
vakti athygli fyrir fyrirmannlega
framkomu, útlit og yfirvegun. Kurt-
eisi kunni hann og til hlítar.
Ásgeir var mikill fjölskyldumaður
og var vakinn og sofinn yfir velferð
eiginkonu, barna og barnabarna. Það
fór ekki fram hjá vinnufélögum hve
fjölskyldan var honum dýrmæt og
hve vel hann sinnti henni og af mikilli
kostgæfni.
Starfsfélagar eiga góðar minningar
um Ásgeir Jónsson skrifstofustjóra.
Hann var hlýr og góður félagi og virt-
ur starfsmaður, sem setti svip á emb-
ættið með góðri framkomu og ástund-
un. Hann var gætinn og íhugull, fór
vel með það sem honum var trúað fyr-
ir, og sýndi jafnan aðgát í nærveru
sálar.
Eiginkonu, börnum og fjölskyldu
eru færðar innilegar samúðarkveðjur
við fráfall Ásgeirs Jónssonar.
Blessuð sé minning hans.
Samstarfsmenn við embætti
Skattstjórans í Reykjavík.
Látinn er í Reykjavík Ásgeir Jóns-
son, fósturbróðir móður minnar og
frændi, 85 ára að aldri. Hann var
ákaflega vandaður maður, hlýr í
framkomu og góðlátlega glettinn.
Þegar ég kom fyrst til höfuðborg-
arinnar tóku Hulda og Ásgeir frændi
á móti okkur mömmu af sinni alkunnu
gestrisni. Hlýjan og ástríkið sem
barst frá frænda og Huldu, hans ynd-
islegu konu, líður mér ekki úr minni
og hefur oft yljað mér um hjartaræt-
ur. Fóstursystkinin rifjuðu upp æsku-
dagana og fölskvalaus væntumþykja
þeirra kom glöggt í ljós. Ég man að
þau töluðu um æskuárin í Bolungar-
vík, Jónu ömmu og fóstursystkini sín,
sem nú eru öll látin.
Frændi og Hulda áttu hlýlegt og
fallegt heimili í Efstasundi 92 og voru
einstaklega samhent og samtaka í
einu og öllu. Þau eignuðust tvö frábær
börn, Guðmund og Margréti, sem fyr-
ir löngu eru búin að stofna eigin heim-
ili.
Ég bið Huldu minni guðsblessunar
og veit að bjargföst trú hennar mun
milda söknuðinn og sorgina.
Mumma, Möndu og fjölskyldum
þeirra sendi ég innilegar samúðar-
kveðjur.
Guð blessi minningu Ásgeirs
frænda.
Steinunn.
Í dag kveðjum við vin okkar Ásgeir
Jónsson. Kynni okkar hafa verið löng
og farsæl og tókst strax með okkur
mikill vinskapur sem aldrei bar
skugga á.
Ásgeir var einstakur heiðursmað-
ur, rólegur og yfirvegaður sama á
hverju gekk. Hann var ávallt reiðubú-
inn að veita góð ráð og aðstoð. Allir
fjölskyldumeðlimir áttu gott athvarf á
heimili þeirra Huldu og Ásgeirs í
Efstasundinu. Þetta fundu börnin
fljótt enda ávallt tekið á móti þeim
eins og höfðingjar væru á ferð. Þau
voru því ekki gömul þegar þau fóru að
venja komur sínar á heimili þeirra
hjóna.
Ásgeir var sérstaklega barngóður
og fór ótalmarga bíltúra og veiðiferðir
með okkur þar sem hann sá til þess að
allir skemmtu sér vel.
Hjónaband Ásgeirs og Huldu var
einstaklega farsælt og þau hjón sam-
stiga í öllu sem þau tóku sér fyrir
hendur. Missir Huldu er því mikill við
skyndilegt fráfall hans.
Elsku Hulda, við eigum ekki öll
kost á því að vera hjá þér í dag en
sendum þér, Mumma, Möndu og fjöl-
skyldum þeirra innilegar samúðar-
kveðjur.
Við kveðjum vin okkar Ásgeir
Jónsson með mikilli virðingu og þakk-
læti.
Gréta J. Ingólfsdóttir og börn.