Lesbók Morgunblaðsins - 11.01.2003, Blaðsíða 15

LESBÓK MORGUNBLAÐSINS ˜ MENNING/LISTIR 11. JANÚAR 2003 15
Listasafn Sigurjóns Ólafssonar býður tónlistarfólki að sækja um þátttöku í þriðjudagstónleikum sumarið 2003
sem eru haldnir vikulega í júní, júlí og ágúst.
Umsóknir skulu hafa borist fyrir 1. febrúar nk. með upplýsingum um flytjendur, kjörtíma tónleika og drögum
að efnisskrá. Valið verður úr umsóknum og öllum svarað.
SUMARTÓNLEIKAR LISTASAFNS
SIGURJÓNS ÓLAFSSONAR 2003
Listasafn Sigurjóns Ólafssonar, Laugarnestanga 70, 105 Reykjavík. Netfang: lso@lso.is
S
ÝNING á verkum átta fær-
eyskra listamanna verður opn-
uð í dag kl. 15 í Hafnarborg,
menningar- og listastofnun
Hafnarfjarðar. Þetta er sumar-
sýning Norðurlandahússins í
Þórshöfn sem í ár kallast Haf-
sýn.
Sumarsýning Norðurlandahússins hefur
lengi verið árviss viðburður í Þórshöfn. Áður
voru þessar sýningar einkasýningar en síðustu
tvö ár hefur verið um samsýningu að ræða.
Með þessu fyrirkomulagi vilja stjórnendur
Norðurlandahússins sýna þá fjölbreytni sem
ríkir í færeyskri myndlist í dag. Breiddin í
verkum listamannanna átta sem sýna að þessu
sinni leynir sér heldur ekki, en það eru þau
Hanni Bjartalíð, Hansína Iversen, Anker Mor-
tensen, Kári Svensson, Eyðun av Reyni,
Sigrun G. Niclasen, Hans Pauli Olsen og Astri
Luihn sem eiga verk á sýningunni í ár.
Þegar haft er í huga að Færeyingar eru að-
eins um 48.000 er myndlist á eyjunum ótrúlega
blómleg og það er skemmtileg staðreynd að
stór hluti listamannanna lifir af list sinni. Þetta
verður ekki síður merkilegt í ljósi þess hve
saga myndlistarinnar í Færeyjum er ung, en
eins og kunnugt er voru kveðskapur og dans
þær listgreinar sem aðallega voru stundaðar
þar fram undir aldamótin 1900.
Hansína Iversen er talsmaður hópsins, og
segir að margir fáist við myndlist í Færeyjum,
en ekki sé víst að allir þeir gætu kallast mynd-
listarmenn. „Áhuginn á myndlist er mikill í
Færeyjum, en það gildir þó fyrst og fremst um
málverkið, – áhugi á annarri myndlist er ekki
jafn mikill, en þó er svolítill áhugi fyrir skúlp-
túr og grafík. Það er eins og margir Færeying-
ar haldi að myndlist sé bara málverk, en það er
kannski skiljanlegt. Í öðrum löndum er það
ekki stór hópur fólks sem fylgist vel með því
nýjasta í myndlistinni. En það hefur líka sitt að
segja að flestir færeyskir myndlistarmenn eru
að mála.“ Á sýningunni eru að mestu hefð-
bundin málverk; – Hans Pauli sýnir gyllta
skúlptúra af fólki, og Astri Luihn sýnir verk
máluð á línóleumdúk sem hún sker líka í. En
náttúran á augljóslega sterk ítök í færeysku
myndlistarmönnunum. „Já, náttúran er mjög
sterkt afl í færeyskri myndlist. Náttúran í
landinu er svo sterk og útlendir myndlistar-
menn sem koma til Færeyja verða líka oft fyrir
mjög miklum áhrifum af henni; þessari sér-
stöku birtu. En það er þó ekki þannig að fær-
eysku málararnir séu endilega að mála lands-
lag; – það hefur allt leyst upp og er orðið meira
abstrakt og expressíft, en andi náttúrunnar er
oft nærri.“ Í veglegri sýningarskrá sem fylgir
sýningunni kemur fram að færeyskir málarar
hafi næstum frá fyrstu pensilstroku túlkað
náttúruna í kringum sig. Þetta er líka einmitt
það sem listamennirnir sem eiga verk á sum-
arsýningunni í ár gera þó að túlkun þeirra sé
oft expressíónísk og óhlutbundin eins og Hans-
ína segir. Sérstaklega á þetta við um verk Eyð-
uns av Reyni, Kára Svensson og Hansínu. Í
verkum Eyðuns getum við grillt í húsið á milli
fjallanna og sjávarins og ofsafengnar pensil-
strokurnar ógna nákvæmu jafnvægi mynd-
anna. Kári notar aðallega hlýja jarðliti sem,
líkt og birtan í Færeyjum, sveiflast á milli
dýpsta myrkurs og skerandi birtu og umlykja
útlínur mannveranna. Verk hans eru áminning
um það hvernig við erum mótuð af umhverfinu.
Þó að verk Hansínu séu óhlutbundin á hún
margt sameiginlegt með Eyðuni og Kára. Ein-
lit, ákveðin formin í verkum hennar eru alls-
ráðandi og flæða djarflega um strigann. Astri
Luihn er kannski sú sem er mest leitandi í
hópnum. Hún er óhrædd við að gera tilraunir
með tengingu málverks og tölvutækni en þó
eru fínleg verk hennar alltaf auðþekkt. Hanni
Bjartalíð er ekki eins augljóslega færeyskur í
list sinni. Frumstæðar mannverur hans eru
innilokaðar í þröngum formunum og minna
einstaka sinnum á verk Hieronymous Bosch,
en verur hans eru þó alltaf einar í einföldu um-
hverfi sínu og í nýjustu verkunum má stundum
greina vissa kátínu. Sigrun G. Niclasen fer sín-
ar eigin leiðir í list sinni en andrúmsloftið í
myndum hennar leiðir hugann ósjálfrátt að
Giorgio de Chirico. Verkin virðast auðskilin við
fyrstu sýn en tengingin við hið ómeðvitaða er
sterk. Hans Pauli Olsen er höggmyndalista-
maður. Í grófgerðum gifs-, brons- og plast-
verkunum má alltaf finna fyrir handbragði
listamannsins og formtilfinningu en draum-
kenndar verurnar virðast þrátt fyrir jarð-
bundna áferðina svífa fyrir ofan okkur. Verk
Ankers Mortensens á sýningunni eru ljóðræn
og mettuð miðjarðarhafsbláma.
Staðbundin og persónuleg
umræða um myndlist
Listamennirnir unnu verk sín sérstaklega
fyrir sumarsýninguna í Þórshöfn, en þar sem
hún var einnig sölusýning, þurftu þeir að bæta
verkum við fyrir ferðina til Íslands. „Við vild-
um líka að verkin pössuðu rýminu í Hafnar-
borg, og því eru þetta ekki alveg sömu verk og
voru á sumarsýningunni.“ Hansína segir að
umræða um myndlist sé ekki mikil á opinber-
um vettvangi í Færeyjum, en að almenningur
hafi þó mikinn áhuga á listinni, þótt hann sé lít-
ið að velta fyrir sér straumum og stefnum.
„Umræðan er fyrst og fremst staðbundin. Fólk
spyr mjög mikið, og vill vita hvað það er sem
maður er að gera, og af hverju maður hefur
hlutina á þennan veginn en ekki hinn. Fólk vill
sjá og skilja hvað við erum að gera. En tímarn-
ir eru að breytast og fólk er smám saman farið
að fylgjast betur með. Fólk er forvitið á já-
kvæðan hátt og það er mjög gaman; – það er
óhrætt við að segja: Ég skil ekkert í þessu, – en
vill gjarnan ræða málið og er ófeimið við að
láta skoðanir sínar í ljós.“
Sýningin er sett upp í samvinnu við Norð-
urlandahúsið í Færeyjum og fer frá Íslandi til
Svíþjóðar og Þýskalands. Allir Færeyingar bú-
settir á Íslandi eru velkomnir á opnun sýning-
arinnar. Safnið er opið alla daga nema þriðju-
daga frá kl. 11 til 17, en sýningunni lýkur 27.
janúar.
Morgunblaðið/Sverrir
Færeysku myndlistarmennirnir Sigrún Gunnarsdóttir Niclasen, Kári Svensson, Astri Luihn, Anker Mortensen og Hansína Iversen við Hafnarborg.
Á myndina vantar Hans Pauli Olsen, Eyðun av Reyni og Hanna Bjartalíð.
BIRTINGARMYND-
IR NÁTTÚRUNNAR
MYNDLIST
Borgarskjalasafn Reykjavíkur, Gróf-
arhúsinu: Reykjavík í hers höndum:
Ljósmyndasýning. Til 26.1.
Gallerí Sævars Karls: Arnar Herberts-
son. Til 30.1.
Gerðarsafn: Hallgrímur Helgason, Hú-
bert Nói og Bjargey Ólafsdóttir. Til
2.2.
Gerðuberg: Ljósmyndasýning frá Bau-
haus. Til 23.2.
Hafnarborg: Joan Backes og Sumar-
sýning Norðurlandahússins í Þránd-
heimi. Til 27.1.
Hallgrímskirkja: Aðalheiður Valgeirs-
dóttir. Til 1.3.
Listasafn ASÍ: Þóroddur Bjarnason og
Ívar Valgarðsson. Til 26.1.
Listasafn Borgarness: Sigurður Freyr
Guðbrandsson. Til 29.1.
Listasafn Einars Jónssonar: Safnið er
lokað til mánaðamóta.
Listasafn Íslands: Íslensk myndlist
1980–2000. Til 15.1.
Listasafn Reykjavíkur - Hafnarhús:
Borg – innsetning Ingu Svölu Þórs-
dóttur. Nútímalist frá arabaheiminum.
Til 19.1.
Listasafn Reykjavíkur - Kjarvalsstað-
ir: Martin Bigun. Odd Nerdrum. Til
31.1.
Listasafn Sigurjóns Ólafssonar: And-
litsmyndir og afstraksjónir. Opið e. í
janúar. Til 30.3.
Mokkakaffi: Hildur Margrétardóttir.
Til 15.1.
Nýlistasafnið, Vatnsstíg 3B: Giovanni
Garcia-Fenech. JBK Ransu. Til 12.1.
ReykjavíkurAkademían, Hringbraut
121: Ingólfur Júlíusson. Til 31.1.
Þjóðmenningarhúsið: Íslandsmynd í
mótun – áfangar í kortagerð. Til 8.8.
Handritin. Landafundir. Skáld mánað-
arins: Þórarinn Eldjárn.
Upplýsingamiðstöð myndlistar:
www.umm.is undir Fréttir.
TÓNLIST
Laugardagur
Háskólabíó: Vínartónleikar. Hljóm-
sveitarstjóri: Peter Guth. Garðar Thór
Cortes einsöngur, Lucero Tena, ein-
leikari á kastanettur. Kl. 17.
Ýmir við Skógarhlíð: Tónlistarhópur-
inn Andromeda frá Boston. Kl. 20.
Sunnudagur
Salurinn, Kópavogi: Slagverkshópur-
inn Benda og píanóleikararnir Hrefna
Eggertsdóttir og Jóhannes Andreas-
sen. Kl. 20.
Fimmtudagur
Háskólabíó: SÍ. Einleikari: Sharon
Bezaly. Kór Langholtskirkju. Hljóm-
svstj.: Ilan Volkov. Kl. 19.30.
Föstudagur
Hlégarður, Mosfellsbæ: Vinsæl lög
Jóns Múla Árnasonar í flutningi Hönnu
Dóru Sturludóttur, Ólafs Kjartans Sig-
urðarsonar og hljómsveitar. Kl. 20.
LEIKLIST
Þjóðleikhúsið: Með fullri reisn, lau.,
sun., fim., fös. Jón Oddur og Jón
Bjarni, sun. Karíus og Baktus, sun.
Rakstur, frums. fös.
Borgarleikhúsið: Sól og Máni, sun.,
þrið., fös. Honk!, sun. Jón og Hólm-
fríður, lau., fös.
Iðnó: Hin smyrjandi jómfrú, lau., sun.
Beyglur, sun.
Loftkastalinn: Benedikt búálfur, sun.
Listasafn Reykjavíkur - Egg-leikhúsið:
Dýrlingagengið. Lau., sun.
Nasa: Sellófon, fim., fös.
Leikfélag Akureyrar: Hversdagslegt
kraftaverk, sun.
Upplýsingar um listviðburði sem óskað
er eftir að birtar verði í þessum dálki
verða að hafa borist bréflega eða í
tölvupósti fyrir kl. 16 á miðvikudögum
merktar: Morgunblaðið, menning/listir,
Kringlunni 1, 103 Rvík. Myndsendir:
5691222. Netfang: menning@mbl.is.
MENNING
LISTIR
N Æ S T U V I K U