NT - 22.05.1985, Blaðsíða 4

Lágmarks-
verðá
humri
ákveðið
■ Verðlagsráð hefur ákveðið
eftirfarandi lágmarksverð á
ferskum og slitnum humri á
humarvertíð 1985:
1. flokkur, óbrotinn humar-
hali, 25 grömm og yfir, hvert
kg kr. 300.
2. flokkur, óbrotinn humar-
hali 10 grömm að 25 grömmum
og brotinn humarhali, 10
grömm og yfir, hvert kg kr.
150.
3. flokkur, humarhali 6
grömm að 10 grömmum, hvert
kg kr. 65.
Verðið er miðað við að selj-
andi afhendi humarinn á flutn-
ingstæki við hlið veiðiskips.
Sjálfstæðis-
konur vilja
fá malbik
■ Framkvæmdastjórn
Landssambands sjálf-
stæðiskvenna hefur sent
frá sér fréttatiikynningu
þar sem segir að stjórnin
hvetji ríkisstjórnina til
þess að athuga sérstak-
lega, á hvern hátt hag-
kvæmast verði staðið að
lagningu bundins slitlags á
áfangann milli Reykjavík-
ur og Akureyrar.
Sjálfstæðiskonur full-
yrða að athuganir sérfræð-
ings hafi ótvírætt leitt í
Ijós að umbætur í vega-
málum er ein besta fjár-
festing, sem íslendingar
eiga kost á.
Hagtrygging
tuttugu ára
■ Tryggingarfélagið Hag-
trygging á tuttugu ára starfs-
afmæli á þessu ári. Félagið var
stofnað 15. apríl 1965. Kveikjan
að stofnun félagsins var óánægj a
með iðgjaldahækkanir af bíla-
tryggingum árið 1965.
Nú á afmælisárinu, hefur
Hagtrygging lokið við að færa
upplýsingar um tryggingarhafa
í véltækt form. Með þessu er
fyrirtækinu kleift að hafa full-
komið yfirlit með áunnum rétt-
indum tryggingarhafa, og mun
Hagtrygging hafa samband við
þá sem eiga frí iðgjöld, þ.e. þeir
sem ekið hafa tjónlaust í 10 og
20 ár. Þeir fá fellt niður iðgjald
fyrir 11. og 21. árið.
E.V. í Höfðatúni
■ Egill Vilhjálmsson hf. hefur
ákveðið að reisa nýtt hús undir
starfsemi fyrirtækisins. Nýja að-
staðan verður í Höfðatúni 10. í
síðustu viku var gengið frá
gjöldum í tenglsum við bygg-
ingarréttinn.
Sveinbjörn Tryggvason for-
stjóri fyrirtækisins sagði í sam-
tali við NT að ástæður fyrir því
að fyrirtækið flutti sig um set
væru vegna þess hversu óhag-
kvæmt húsnæðið við Smiðjuveg-
inn væri. f>á sagði Sveinbjörn að
húsið við Höfðatún yrði svipað
að stærð.
Ekki hefur enn verið gerð
áætlun um hvenær hægt verður
að flytja í nýja húsnæðið. Kaup-
andi hefur ekki enn fundist að
húsnæðinu við Smiðjuveg.
Miðvikudagur 22. maí 1985 4
l
■ Pétur Valdimarsson, form. Samtaka um jafnrétti milli landshluta afhendir fulltrúum fjögurra stjórnmálaflokka - Alþýðubandalags,
Bandalags jafnaðarmanna, Alþýðuflokks og Kvennalista - drög að nýrri stjórnarskrá. Lengst til hægri eru tveir stjórnarmenn
samtakanna; Örn Björnsson, bóndi á Gauksmýri og Árni Steinar Jóhannsson, garðyrkjustj. á Akureyri. NT-mjnd Ari.
Drög að nýrri stjórnarskrá:
Alþingismönn-
um fækki í 46
■ Forseti íslands er beri
ábyrgð á stjórnarathöfnum -
fækkun alþingismanna í 46 -
skipting landsins í 5 fylki með
valdamiklar fylkisstjórnir í eigin
málum - alger yfirráð hvers
fylkis yfir þeim fjármunum (þar
með gjaldeyristekjum) sem þar
er aflað - þrjú dómstig, þ.e. 5
fylkisdómar, 2 lögréttur og
hæstiréttur. Hér er drepið á
nokkrar helstu grundvallar-
breytingarnar á íslensku stjórn-
skipulagi sem fram koma í drög-
um að nýrri stjórnarskrá sem
samin hefur verið af þjóðmála-
hreyfingunni „Samtök um jafn-
rétti milli landshluta" og kynnt
var m.a. forsætisráðherra og
alþingismönnum á mánudag.
Grundvallaratriði að
breyttu stjórnskipulagi
„Ný stjórnarskrá er grund-
vallaratriði að breyttu stjórn-
skipulagi í landinu,“ sagði Pétur
Valdimarsson, form. samtak-
anna, sem er þjóðmálahreyfing
stofnuð af áhugafólki úr öllum
stjórnmálaflokkum 1983, sem
komið var á fót til að hafa áhrif
til jöfnunar á aðstöðu fólks í
landinu og draga úr miðstýr-
ingu.
Samtökin leggja til að þegar í
sumar verði kosið sérstakt
stjórnlagaþing er komi saman í
haust. Þingið kynni sér skýrslu
stjórnarskrárnefndar frá 1983,
fyrrgreind drög, svo og stjórn-
arskrár lýðræðisríkja Evrópu og
Bandaríkjanna, velji úr þessu
það sem best hentar íslandi og
geri síðan drög að nýrri stjórn-
arskrá. Eftir ýtarlega kynningu
muni landsmenn síðan kjósa
um gildistöku hennar.
Um 40 ára nefndarstcrf,
en lítill árangur
Talsmenn samtakanna benda
á að strax við lýðveldistökuna
1944 hafi þáverandi ríkisstjórn
lýst stjórnarskrána óhæfa og að
skipa yrði nefnd til að semja
nýja stjórnarskrá fyrir hið „Is-
lenska lýðveldi“. Eini árangur
40 ára starfa stjórnarskrár-
nefndar sé skýrsla 1983 um störf
þáverandi nefndar. Astæður lít-
ils árangurs telja samtökin fyrst
og fremst stafa af því að stjórn-
málamenn hafi látið eigin
flokkssjónarmið ráða í stað þess
að hugsa eingöngu um heill
þjóðarinnar. Enda óeðlilegt að
stjórnmálamenn setji grunn-
leikreglur um eigin störf og
- fylkis-
| stjórnir
fari með
fjármál
fylkjanna
og ákveði
skatta og
gengis-
skráningu
kosningar þeirra til Alþingis
Varðandi alþingiskosningar
er lagt til að alþingismönnum
fækki í 46, sem fyrr segir. Par
verði 3 menn úr hverju fylk>
kosnir í 15 manna efri-deild, en
kosningar 31 manns í neðri
deild verði sem næst eftir fbúa-
fjölda hvers fylkis.
Fimm sjálfstæð fylki
Þá er gert ráð fyrir að landinu
verði skipt í 5 fylki - Vestur-,
Norður-, Austur- og Suður-
landsfylki auk Höfuðborgar-
fylkis, sem nær yfir núverandi
svokallað höfuðborgarsvæði.
Áætlað er að fylkisstjórnir -
skipaðar 7 mönnum - fari með
fjármál fylkjanna og ákveði
skatta og útsvarsálögur í sam-
ráði við sveitarstjórnir og Al-
þingi. Fylkisstjórn fari jafn-
framt með samgöngumál, heil-
brigðis- og tryggingamál,
menntamál, atvinnumál og
orkumál.
Fylkisbankar sjá um
öll erlend viðskipti
Pá er gert ráð fyrir að einn
aðalbanki - fylkisbankinn -
verði í nverju fylki, er sjái um
öll erlend viðskipti fylkisins,
svo og bindiskyldu fjármagns
og afurðalán. Bankar og spari-
sjóðir fylkisins heyri undir fylk-
isbankann. Söluverð gjaldeyris
verði síðan ákveðið af fylkis-
bönkunum sameiginlega. Sam-
eiginlegur Seðlabanki verði
áfram í Reykjavík. Með þessu
fyrirkomulagi er hugmyndin að
útiloka þá miðstýringu sem nú
eigi sér stað í bankakerfinu.
Ein mesta umferðar-
helgin - hvítasunnan
- Umferðarráð hvetur til aðgæslu
■ Ein mesta umferðarhelgi
ársins er um næstu helgi,
þegar hvítasunnan fer í
hönd. Vafalaust hyggja
margir á ferðalög um landið.
Umferðarráð hefur sent frá
sér fréttatilkynningu, þar
sem fólk er minnt á varkárni
á ferðalögum um landið.
Umferðarráð hvetur fólk til
þess að sýna tillitssemi, þar
sem gróður er á viðkvæmu
stigi. Aksturutanvegargetur
oft valdið miklum upp-
blæstri.
Það er góð regla að undir-
búa ferðalagið tímanlega.
Nauðsynlegt er að huga að
því hvort bíllinn er í nothæfu
ástandi, og honum sé ekkert
að vanbúnaði fyrir langferð.
Fjallagarpar og aðrir þeir
sem ætla á fjöll, eða aka um
fjallvegi skulu vera þess með-
vitaðir að allra veðra er von
og færð getur spillst fljótt.
Nauðsynlegt er að hafa með
sér í slíkar ferðir góð hlífð-
arföt, ásamt útbúnaði fyrir
bílinn ef til stórræða kemur.
Mannskepnan verður ekki
ein á ferð um landið, og því
eru það tilmæli Umferðarráðs
að ökumenn sýni gætni þar
sem sauðfé er á beit í
vegarköntum. Eflaust verða
einhverjir sem kjósa að taka
þarfasta þjóninn í sína notk-
un fremur en ferðast inni-
byrgðir í ökutæki, og er sjálf-
sagt að ökumenn sýni þeim
ferðalöngum tillitssemi.
Ökumenn verða að muna að
hesturinn er lifandi vera sem
skynjar umferðina á annan
hátt en við.
Notkun ökuljósa er nauð-
synleg, hvort sem er um
hábjartan sólardag eða í rign-
ingarsudda. Nauðsynlegt er
að fylgjast með því að ljósin
séu hrein, þannig að nota-
gildi þeirra sé í hámarki.
Ökumenn, munið að stöðu-
ljós má aldrei nota í akstri.