NT - 22.05.1985, Page 21
T Miðvikudagur 22. maí 1985 21
Útlönd
Hvítasunnuhelgin í Danmörku:
Enginn bjór
- bara vín
Frá Guðrúnu Ögmundsdóttur fréttaritara NT
í Kaupmannahöfn:
■ Danir standa nú nær ör-
væntingarfullir frammi fyrir
bjórlausum útihátíðarhöldum
um hvítasunnuhelgina vegna
verkfalls starfsmanna í Carlsberg
ogTuborg bjórverksmiðjunum.
Þrjár vikur eru nú liðnar síð-
an starfsfólkið lagði niður vinnu
í mótmælaskyni við lág laun og
breytingar í rekstri verksmiðj-
anna sem myndu hafa í för með
sér að 1000 manns misstu vinnu
sína ef af yrði.
Mikill meirihluti starfsfólks-
ins greiddi því atkvæði í gær að
verkfallinu yrði haldið áfram
þar til gengið yrði að kröfum
þess, og er því allt útlit fyrir að
Danir í hátíðaskapi verði að
láta sér nægja hvítvínsdreitil og
brennivínstár er þeir halda upp
á helgina sem framundan er.
Allar smærri bjórverksmiðjur
hafa nú sett allt í gang til að
reyna að auka framleiðslu sína
sem mest og er talið að þeim
takist að komast upp í 40-50%
framleiðsluaukningu. Það mun
þó ekki duga til að svala bjór-
þyrstum íbúum landsins enda
ráða Tuborg/Carlsberg verk-
smiðjurnar85% afmarkaðnum.
Petta verfall gæti þó breytt
því markaðshlutfalli. Nú kaupir
fólk hvaða bjór sem er og hvaða
nöfnum sem hann nefnist og
gæti það orðið til að breyta
neysluvenjum í þá veru að það
skipti alfarið um bjórtegund.
Sumir hafa þóst sjá í verkfall-
inu nýja leið til auðgunar, farið
yfir landamærin, og keypt bjór
fyrir 2.700 danskar krónur, svo
sem löglegt er, til að selja svo
aftur á útihátíðum. Lögreglan
hefur hins vegar séð við því og
stöðvað slík bjórkaup.
Frekari frétta af framvindu
bjórverkfallsins er að vænta á
fimmtudaginn kemur er það fer
fyrir vinnumáladómstólana sem
munu skera úr um hvort það sé
löglegt eður ei. Verði það úr-
skurðað ólöglegt geta verkfalls-
menn átt það á hættu að allir
verði reknir, en ekki er ljóst
hvemig bjórvandamál Dana leys-
ist með því móti.
300.000 Ungverj-
um óviðbjargandi
Búdapc.st-Reuter
■ Ungverjar eru á meðal
mestu drykkjumanna í heimi
og þrjú prósent þeirra eru
alkhólistar, að því er segir í
Nepszabadsag dagblaði
kommúnistaflokksins.
Þar segir að árið 1983 hafi
Ungverjar drukkið 30 lítra af
léttu víni á mann, 89 lítra af
bjór og 4,8 lítra af brenndum
vínum og skipað sér þannig í
sæti fimmtu drykkfelldustu
þjóðar í heimi.
Nepszabadsag segir að
samfélaginu stafi mikil ógn
af drykkjusýkinni; nú sé
300.000 drykkjumönnum
þegar óviðbjargandi og bar
blaðið þá fyrir sig opinberar
tölur.
r
Kínverjar kjósa
ómengað grænmeti
■ Um 20.000 hektarar af land-
búnaðarlandi víðs vegar í Kína
eru nú notaðir til að rækta
ómengað grænmeti án allra tilbú-
inna hjálparefna að sögn kín-
verska landbúnaðarráðuneytis-
ins.
Á undanförnum árum hafa
Kínverjar lagt mikla áherslu á
að auka landbúnaðarfram-
leiðslu sína með stöðugt meiri
notkun tilbúins áburðar og skor-
dýraeiturs. En nú eru Kínverjar
að vakna til meðvitundar um þá
mengunarhættu sem slíkri rækt-
un er fylgjandi þar sem sum
þessara efna eyðast seint eða
alls ekki og komast í matvæli.
Kínverjar hafa því ákveðið
að leggja aukna áherslu á gæði
landbúnaðarframleiðslunnar og
bægja eitrunarhættunni afgervi-
efnunum frá. Á ráðstefnu kín-
verskra náttúrufræðinga fyrir
skömmu kom fram að nú er
unnið skipulega að því að auka
framleiðslu á grænmeti án gervi-
efnaf 17 fylkjum og sjálfsstjórn-
arsvæðum.
Náttúrufræðingarnir sam-
þykktu ályktun þess efnis að
það bæri að banna með öllu
notkun hættulegra eiturefna í
landbúnaði í Kína.
Alþjóðafjarskipta-
fundur í Tansaníu
Dar Es Salaam-Reutcr
■ Aljrjóðafjarskiptasamtökin
undirbúa nú vikulanga ráð-
stefnu um alþjóðleg fjar-
skiptamál í Arusha í Norður-
Tansaníu.
Ráðstefnan á að hefjast 27.
maí næstkomandi. Að sögn fjar-
skiptaráðherra Tansaníu, John
Malecela, munu um 400 þátt-
takendur frá 159 ríkjum taka
þátt í ráðstefnunni. Ráðstefnu-
gestirnir ætla að ræða skýrslu
nefndar sem var sett á laggirnir
1982 til að gera tillögur um
leiðir til að auka fjarskiptaþjón-
ustu í heiminum.
■ Danir verða að skemmta sér við eitthvað annað en bjórdrykkju um hvítasunnuhelgina því starfsfólk
Carlsberg og Tuborg bjórverksmiðjanna eru nú í verkfalli og engan bjór að fá. En Carlsberg bjórinn
virðist fara víða svona við venjulegar aðstæður ef marka má þessa auglýsingu sem birtist í tímaritinu
Newsweek í síðustu viku.
Sjöburafæðing
í Kaliforníu
Orange, Kalifornla-Reuter.
■ Kennslukona í Kali-
forníu fæddi í gær sjöbura
en eitt barnanna fæddist
andvana.
Patricia Frustaci, 30 ára
gömul, hafði tekið frjó-
semislyf áður en hún varð
ólétt síðast liðið haust.
Börnin voru tekin með
keisaraskurði og voru
þetta fjórir strákar og tvær
stelpur en í fréttaskeyti
Reuters er ekki getið um
kyn barnsins sem fæddist
andvana.
Talsmenn fæðingar-
deildarinnar þar sem
börnin fæddust sögðu að
þau sem lifa væru við góða
heilsu miðað við það að
konan gekk aðeins með
börnin í 28 vikur.
Meðalmeðgöngutími er
40 vikur en læknar segja
að nýjustu framfarir
læknavísindanna gefi
börnunum góða mögu-
leika á að lifa.
Frustaci og eiginmaður
hennar eiga eins árs gaml-
an son fyrir.
Kínverskum fótboltaóeirða-
seggjum smalað í fangelsi
lömdu 30 lögregluþjóna og eyðilögðu 11 rútur
Peking-Reuter.
■ Kínadagblaðið, sem gefið
er út í Peking, hefur það eftir
talsmanni öryggisstofnun Pek-
ingborgar að lögreglan hafi
handtekið 127 óeirðaseggi sem
gengu berserksgang eftir að
Kínverjar töpuðu fyrir Hong-
kongbúum í fótbolta nú á
sunnudaginn.
Að minnsta kosti þrjátíu lög-
reglumenn urðu fyrir barðinu á
ólátaseggjunum, þar af slösuð-
ust fjórir þeirra alvarlega. Ell-
efu rútur, fimm leigubílar og
fjöldi bíla frá erlendum sendi-
ráðum urðu líka fyrir skemmd-
um þegar lýðurinn skeytti skapi
sínu á öllu því sem erlent var.
Ólætin voru þau verstu í
manna minnum vegna íþrótta-
leiks í Kína. í gær var lögreglan
enn að handtaka ungmenni,
sem komið hafði fram við yfir-
heyrslur, að hefðu verið uppi-
vöðslusöm eftir leikinn.
Embættismenn í kommún-
istaflokknum og borgarstjórn-
inni héldu með sér skyndifund
daginn eftir leikinn til að ræða
hvernig þeir ættu að bregðast
við og hvernig þeir gætu komið
í veg fyrir að slíkar óeirðir
endurtækju sig. Varaborgar-
stjóri Pekingborgar, Zhang Ba-
ifa, sagði kínverskum frétta-
mönnum eftir fundinn að það
væri nauðsynlegt að refsa þeim
stranglega, sem bæru ábyrgð á
óeirðunum og hefðu tekið þátt
í þeim.
Varaborgarstjórinn sagði að
litlu hefði munað að hann hefði
sjálfur slasast alvarlega þegar,
hann vísaði leikmönnunum frá
Hongkong leiðina út af leik-
vangnum. Einn leikmanna
Hongkong-liðsins hefði bjargað
honum frá glerflösku sem hefði
stefnt beint á höfuðið á honum.
Alls voru um 80.000 manns á
leiknum. Óeirðirnar brutust
fyrst út inni á leikvellinum þegar
hópur ungmenna ruddist inn á
völlinn og hrópuðu vígorð gegn
þjálfara kínverska liðsins, sem segja af sér. Þá strax handtók hélduóeirðirnaráframútiþegar
þeir sögðu að ætti tafarlaust að lögreglan 31 mann. En sfðan fólkiðstreymdi burtafleiknum.
Klarsfeld nasistaveiðari:
Stjórn Paraguay vill
ekki leita að Mengele
■ Nasistaveiðarinn Beate
Klarsfeld sem nú er í Paraguay,
hefur gefist upp við að fá sjón-
varpsstöðvar þar í landi til að
sýna myndir af þýska stríðs-
glæpamanninum Josef Meng-
ele, sem er talinn dveljast í
Paraguay.
Klarsfeld segir að tvær sjón-
varpsstöðvar hafi beðið um
2.500 dollara greiðslu hvor fyrir
að sýna sex sinnum þriggja mín-
útna myndband með mynd af
Mengele eins og hann lítur út á
gamalli Ijósmynd og eins og
teiknari hefur teiknað hann eftir
nýlegum lýsingum. Síðan hafi
sjónvarpsstöðvarnar bætt við
þeirri kröfu að Klarsfeld vrði
að leggja 25.000 dollara verð-
launafé, sem hún hefur lofað
fyrir upplýsingar sem leiða til
handtöku Mengele, inn í banka
í Paraguay.
Klarsfeíd segir að sjónvarps-
stöðvarnar hafi þannig í raun-
inni neitað að sýna myndirnar
af Mengele sem fyrirskipaði
persónulega útrýmingu 400.000
gyðinga, sígauna og annarra
fanga í seinni heimsstyrjöldinni
og framkvæmdi ótrúlega
grimmdarlegar pyntii^gar á fólki
sem hann notaði sem tilrauna-
dýr.
Klarsfeld ásakar stjórnvöld í
Paraguay fyrir að hylma yfir
með Mengele og vernda hann
fyrir réttvísinni. Stjórnin hafi
■ Mengele sem ungur nasisti 1938 og 1959 þegar hann sótti um
ríkisborgararétt í Paraguay. Hann er nú 74 ára gamall og hafa'
nasistaveiðarar víða um heim hafíð nýja herferð fyrir því að fínna
hann og draga hann fyrir dómstóla áður en hann hrekkur sjálfur
upp af.
engan áhuga á því að leita að
Mengele. Klarsfeld segist sann-
færð um að Mengele sé ennþá í
felum í Paraguay en þangað
kom hann fyrst fyrir tæpum
þrjátíu árum.
Stjórnin í Paraguay neitar
þessu hins vegar algjörlega og
segir að Mengele hafi farið frá
Paraguay fyrir mörgum árum.
Stjórnvöld segjast því telja mál-
ið afgreitt og vilja ekkert gera til
að hjálpa til við leitina að Meng-
ele.
Reyndar er kannski ekki
nema von að stjórnvöld í Parag-
uay séu ekki mjög áhugasöm
við leitina þar sem Stroessner
einræðisherra í Paraguay er
sagður persónulegur vinur
Mengele sem hafi verið einka-
læknir hans fyrr á árum. Banda-
ríski saksóknarinn Elizabeth
Holtzman, sem heimsótti Par-
aguay í fyrra, hefur líka eftir
forseta hæstaréttarins í Parag-
uay að menn þar í landi dáist að
þýsku nasistunum fyrir föður-
landsást þeirra og hernaðar-
anda.