NT - 21.08.1985, Blaðsíða 2
■ Myndverk og Teikniþjónustan annast í sameiningu hönnun,
uppsetningu og frágang á línuritum og töflum. Þannig er hægt aö
skýra á einni mynd samansafn flókinna talna á einfaldan hátt.
síðan
Miðvikudagur 21. ágúst 1985
„Vildi koma með eitthvað nýtt“
Litið inn hjá Einari Erlendssyni í Mvndverkí
■ Myndverk sf. heitir
fyrirtæki sem ungur maður
Einar Erlendsson stofnaði
og rekur. I Myndverki er
fengist við margskonar
nýjungar á sviði list-
myndaeftirtöku, gerð línu-
rita, glæra o.s.frv. og er
fyrirtækið það eina sinnar
tegundar hér á iandi.
NT heimsótti Einar í
Myndverki um daginn og
átti við hann stutt spjall.
Lítið um starfsmöguleika
að námi loknu
„Ertu lærður í faginu?“
„Já, ég lauk B.S. prófi í
Photographic Science eða
ljósmyndavísinduui frá há-
skóla í London árið 1980. í
nánrinu hafði ég um tvær
leiðir að velja, önnur beindist
meira að vísindum í Ijós-
myndun, þá efna- og eðlis-
fræði o.s.frv. en hitt var meira
nám um notkun á sérhæfðri
Ijósmyndun allt frá neðan-
sjávarljósmyndun og upp í
gervihnattarljósmyndum. Ég
valdi síðarnefndu leiðina,
enda mun praktískari en hin.
Meðan ég var úti í náminu
hafði ég reynt að grennslast
fyrir um vinnu þegar ég kæmi
heim, og sendi umsóknir á
fjölda staða og til fyrirtækja.
Pað var býsna fátt um svör og
lítill áhugi, þangað til Land-
spítalinn sendi mér jákvætt
svar og þar með var ég ráðinn
þangað sem sjúkrahússljós-
myndari.
Sjúkrahússljósmyndun er
þegar orðið viðurkennd og
nauðsynleg á spítölum er-
lendis, í henni er fengist við
margt t.d. klíniskar myndatök-
ur, myndatökur af sýnum,
kennslumyndagerð og ýmis-
konar rannsóknir myndaðar.
Pví miður eru íslensku spítal-
arnir aftarlega á merinni ineð
aðstöðu fyrir slíka þjónustu.
Aðstaðan á Landspítalanum
var mjög bágborin enda engu
fé veitt í þetta frá hinu opin-
bera. Samt þarf kostnaðurinn
við þetta ekki að vera svo
hár. Ég varð því fljótt þreytt-
ur á skilningsleysinu sem ég
mætti alls staðar þegar ég fór
fram á að einhvcrjar endur-
bætur yrðu gerðar, og svo fór
að ég hætti eftir tveggja ára
baráttu fyrir daufum eyrum.
Áhugaleysið sést best á því
að staðan lagðist niður þegar
ég fór.“
Byrjaði að framkalla eftir
pöntunum heima
„Ásamt því að vinna á
Landspítalanum kom ég mér
upp framköllunaraðstöðu í
kjaliaranum heima hjá mér,
þar sem ég átti framköilunar-
græjur af ýmsum gerðum til
að handframkalla og vildi
nýta mér þær. Fljótlega byrj-
aði ég að framkalla fyrir ýmsa
aðila úti í bæ. Umsvifin juk-
ust síðan hratt, uns hvert
einasta kvöld og allar helgar
voru farnar að fara í þetta.
Loks ákvað ég að hætta á
Landspítalanum, keypti mér
nýjar framköllunargræjur og
lagði allan kjallarann undir
fyrirtækið sem ég stofnaði á
sama tíma. Þetta var árið
1982.
í fyrra flutti ég síðan í
húsnæði hér í Ármúlanum,
endurbætti tækjabúnaðinnog
býð núna upp á þjónustu sem
aldrei áður hefur boðist hér á
landi. Tilgangurinn var líka
að koma með eitthvað nýtt. “
Samvinna Ijósmynda-
stofu og teiknistofu gefur
nýja möguleika
„í hverju felast þessar
nýjungar?"
„Til að byrja með erum við
með nýja tækni í línuritagerð
á glærum. Petta býður upp á
ótal möguleika fyrir t.d. fyrir-
tæki, rannsóknastofnanir og
aðra sem þurfa að setja fram
skilmerkilega efni á fundum
eða fyrirlestrum.
Myndverk hefur samvinnu
við teiknistofuna Teikniþjón-
ustuna sf. Þegar gera þarf
línurit, er nóg að fólk komi
með tölurnar og skýrslurnar,
Teikniþjónustan sér um að
teikna línuritin upp, og ég sé
um að koma myndinni á
glæru, skyggnur eða pappír
fyrir prentun. Þannig er hægt
að setja upp skýrt og skorin-
ort línu- eða súlurit og töflur
úr bunka af blöðum sem inni-
halda torskildar og þreytandi
tölur. Pá er myndvarpa það
eina sem þarf og upplýs-
ingarnar komast miklu betur
til skila etir þessari leið, auk
þess sem veigaminni tölur
koma líka skýrt fram en
hverfa ekki í talnaflóði. Síðan
getum við tekið ljósrit af
glærunum ef dreifa þarf skýr-
ingarmyndinni.
Við höfum verið að reyna
að komast inn hjá skólunum
Albert lét undan
Gamli meirihlutinn í Flugleidum vann kapphlaupid um eignarhlut rikisins. Samningur undirritaður ígaer.
Lét A Ibert í minni pokann ? Rikisábyrgðir óbreyttar þráttfyrir að éignaraðild ríkisins hafiáður verið skilyrði.
■ Einar Erlendsson: „Þetta er erfiður bransi enn sem komið
er, fólk er oft lengi að meðtaka nýjungar.“ NT-mynd: Svcrnr
til þess að þeir gætu notað ,
þessa aðferð við kennslu, og
það er auðvitað draumurinn
að menntakerfið taki við sér
og sjái hvað þetta er hand-
hæg og fræðandi leið sem
nota má.
Myndverk sér líka um
stækkanir á litskyggnuin og
getum við stækkað skyggn-
urnar allt upp í ljósmyndir í
plakatstærð. Allar stækkanir
vinnum við á ljósmynda-
pappír sem hefur liti í mjög
háum gæðaflokki með mikla
skerpu og frábæra endingu.
Þessi tækni í stækkunum er
þegar mikið notuð erlendis
bæði til notkunar í sýningar-
básum fyrir vörukynningar og
til skreytinga.
Síðan gerum við stækkanir
á filmu í ljóskassa, en þeir
eru einnig mikið notaðir er-
lendis í auglýsinga og skreyti-
skyni. Fólk getur líka komið
til okkar með litmyndir og
við sjáum um beina litkóper-
ingu eftir frummyndinni, líka
stækkkun og minnkun og tek-
ur það ekki nema örstutta
stund."
„En þarf ekki dýran og
mikinn tækjabúnað til að geta
boðið upp á þessa þjónustu?"
„Jú, það er málið. Það var
rosalega dýrt að koma þessu
af stað og kaupa tæki og
vélar, sem er ekki síður dýrt
að reka, því nýtingin á þeim
er ekki mikil enn sem kornið
er. Þegar viðskiptin aukast
og tækin verða fullnýtt kemur
þjónustan til með að verða
ódýrari, en ég stefni samt
ekki á neina fjöldafram-
leiðslu, legg áhersluna á gæði,
ekki magn.