NT - 21.08.1985, Page 5
rn i7 Miðvikudagur 21. ágúst 1985 5
Lu |J Fréttir
Off járfesting í vörubílum?
Einn af hverjum sex
körlum vörubílst jóri
Vörubílum fjölgað meira s.l. 7 ár en næstu 30 árum þar á undan
■ Hafa íslendingar fengið
vörubíladellu? Eða hver getur
verið skýringin á þeirri gífurlegu
fjölgun vörubíla sem hér hefur
orðið síðustu 7-8 árin, eftir að
tala vörubíla hafði að segja má
staðið í stað hlutfallslega frá
lokum seinni heimsstyrjaldar-
innar. Um síðustu áramót var
tala skráðra vörubíla komin í
11.560, sem jafngildir einum
vörubíl á hverja 20 íslendinga.
Ef við gefurn okkur að vörubíl-
stjórar og -eigendur séu fyrst og
frenist í hópi karlmanna á aldr-
inum '20-70 ára, þyrfti um 6.
hver þeirra að starfa sem vöru-
bílstjóri ef manna ætti alla þessa
bíla.
Á 30 árum-frá 1947 til 1977
- fjölgað vörubílum hér á landi
aðeins úr tæplega 4.400 í um
6.900, þ.e. 58%, sem var tæp-
lega í takt við fólksfjölgunina á
þessu þriggja áratuga tímabili.
Síðustu 7 árin hefur fjölgunin
hins vegar verið 67%, eða úr
um 6.900 bílum upp í 11.560
sem fyrr segir. Árleg fjölgun
hefur verið minnst 465 bílar og
upp í tæplega 1.000 vörubíla
hvort ár 1981 og 1982, en það er
álíka fjölgun og varð á tveim
áratugum frá 1955-1974.
íslenskir karlmenn á aldrin-
um 20-70 ára voru tæplega
70.500 utn síðustu áramót. Ef
við deilum vörubílafjöldanunt
niður á þann hóp kæmi 1 bíll í
hlut hverra 6 karla. Ef við hins
vegar skiptum íbúafjöldanum
niður í margumræddar „vísi-
tölufjölskyldur" kemur vörubíll
í hlut 5. hverrar fjölskyldu.
Hvað allur þessi bílafjöldi
hefur að flytja á sama tíma og
t.d. fiskafíi og búvörufram-
leiðsla hefur verið að dragast
saman, skal ekki reynt að giska
á hér. Sú spurning hlýtur þó að
vakna hvort ekki hafi átt sér
stað nokkur umframfjárfesting
í vörubílum á undanförnum
árum, eins og svo mjög hefur
verið rætt um í sambandi við
skuttogarana einmitt á svipuðu
árabili.
Fimm milljarða
skuldbreytingar
- hjá Fiskveiðisjóði í fyrra
■ Nær allar lánveitingar
(94%) Fiskveiðisjóðs ís-
lands á síðasta ári fóru til
skuldbreytinga skipalána.
Skuldbreytingar skipalána
námu samtals 4.843,4 mill-
jónum króna, af alls 5.153,1
millj. króna lánveitingum
sjóðsins. Önnur lán til fiski-
skipa á árinu námu 189,4
millj. króna (samanborið
við 730 millj. árið áður),
hvar af 74,6 millj. fóru til
innlendra skipasmíða (451
millj. árið áður) og 113,8
millj. króna til endurbóta á
skipum og tækjakaupa. Til
fasteignalána fóru síðan
115,4millj. króna,aðmestu
til fiskvinnsluhúsa og fiski-
mjölsverksmiðja.
Hin mikla skuldbreyting
skipalána úr sjóðnum var
ákveðin í júní í fyrra. Fyrr-
nefndar 4.843,5 milljónir
skiptust niður í alls 292
afgreidd lán, sem hafa því
að meðaltali numið um 16,6
millj. króna að meðaltali
hvert. í ársreikningum Fisk-
veiðisjóðs kemur fram að
skuldbreytt hafi verið um
86% þeirrar fjárhæðar sem
skuldbreyting bauðst á. Við
skuldbreytinguna hafi bæði
vanskil og greiðslubyrði af
skipunum lækkað verulega,
jafníramt því sem lánum
hafi fækkað vegna upp-
greiðslu eldri lána.
Þá kemur fram að reikn-
að er með að eftirgjöf vaxta
á útlánum sjóðsins til fiski-
skipa rnuni nema samtals
921 milljón króna á árunum
1982-1985. Það var fyrir
atbeina ríkisstjórnar haust-
ið 1982 og 1983 að ákveðin
var tímabundin breyting á
kjörum fiskiskipalána,
þannig að sjóðurinn gæfi
eftir ákveðinn hundraðs-
hluta þeirra vaxta er féllu til
greiðslu á skipalán, og er sá
hluti 60% af vöxtum á árun-
um 1984 og 1985. Eftirgjöf
þessi nam 44 millj. fyrsta
árið, 168 millj. annað árið,
um 309 millj. í fyrra og er
áætluð um 400 milljónir
króna á þessu ári.
Útistandandi lán Fisk-
veiðisjóðs námu alls 7.892,7
milljónum um síðustu ára-
mót. Þar af námu skipalán
6.671,1 milljón króna eða
nær 85% af heildar útlánum
sjóðsins, og er lang stærstur
hluti þeirrar skuld-
breytingalánin frá síðasta
ári. Fasteignalán námu
samtals um 1.004 millj.
króna, að stærstum hluta til
hraðfrystihúsa eða 592,7
millj. króna.
■ Gerður Steinþórsdóttir flutti ávarp þegar hún afhenti undirskriftalista með nöfnum 36.720 íslenskra kvenna á kvennaráðstefnu
Sameinuðu þjóðanna í Naírobí. Florence Ponez hlýddi á en hún tók við friðarávarpinu og mun koma því á framfæri.
36.720 undirskriftir vöktu mikla athygli
■ Gerður Steinþórsdóttir
cand.mag.afhenti hinn 19. júlí
sl. undirskriftalista með 36.720
nöfnunt íslenskra kvenna, sem
Friðarhreyfing íslenskra kvenna
og ’85-nefndin gengust fyrir í
sumar, á kvennaráðstefnu Sam-
einuðu þjóðanna í Naírobí.
Frú Florence Ponez fulltrúi
aðalframkvæmdastjóra S.Þ. tók
við listunum, sem hafði verið
pakkað inn í fjóra stóra pakka,
og hlýddi á ávarp Gerðar þar
sem hún gerði grein fyrir til-
gangi söfnunarinnar og inntaki
friðarávarpsins. Florence Ponez
lét þau orð falla að ávarpið væri
mjög í anda S.Þ.
Ekki er kunnugt um að fulltrú-
ar annarra þjóða hafi haft
nokkuð þessu líkt og því vakti
þetta framtak íslenskra kvenna
mikla athygli og ekki síður sú
bjartsýni sem þar kemur fram,
auk samþykktar Alþingis um að
hér skuli ekki staðsett
kjarnorkuvorpn.
2. Landsþing Landssambands framsóknarkvenna haldið
að Laugarvatni 31. ágúst og 1. september 1985.
Laugardagur 31. ágúst:
Kl. 10.00 Þingsetning,
Sigrún Sturludóttir, formaður.
Skýrsla stjórnar:
a) Formanns Sigrúnar Sturludóttur.
b) Gjaldkera Drífu Sigfúsdóttur.
Umræður um skýrslu stjórnar.
Kl. 11.30 Ávörp gesta.
Kl. 12.00 Hádegisverður.
Framsöguerindi:
Kl. 13.00 Framboðsmál.
Sigrún Magnúsdóttir.
Ingibjög Pálmadóttir.
Kl. 13.30 Launamál kvenna:
Gerður Steinþórsdóttir.
Úlfhildur Rögnvaldsdóttir.
Kl. 13.50 Fjölskyldupólitík:
Þórdís Bergsdóttir.
Guðrún Jóhannsdóttir.
Kl. 14.10 Starfsval kvenna:
Inga Þyrí Kjartansdóttir.
Þrúður Helgadóttir.
Kl. 14.20 Umræður um framsöguerindi.
Kl. 15.15 Kaffihlé.
Vörukynning frá Kjötiðnaðarstöð SÍS.
Kl. 16.20 Hópstarf.
Kl. 20.20 Kvöldverður.
Kl. 22.00 Kvöldvaka í umsjón Félags framsóknarkvenna
í Árnessýslu.
Nætursnarl frá Osta og smjörsölunni.
Sunnudagur 1. september:
Kl. 8.00 Gufubað.
Kl. 9.00 Morgunverður.
Kl. 10.00 Erindi:
a) Stjórnmálaástandið:
Valgerður Sverrisdóttir.
b) Stjórnmálaþátttaka kvenna:
Drífa Sigfúsdóttir.
c) Hvernig efla má starf LFK:
Unnur Stefánsdóttir.
Kl. 10.45 Umræður um erindin.
Kl. 12.30 Hádegisverður.
Kl. 14.00 Niðurstöður umræðuhópa kynntar.
Kl. 15.00 Umræður og afgreiðsla mála.
Kl. 16.00 Kaffihlé.
Kl. 17.00 Kosningar.
a) formaður
b) meðstjórnendur í framkvæmdastjórn (4)
c) landsstjórn (6)
d) varamenn í framkvæmdastjórn (3)
Kl. 18.00 Þingslit.
Þjóðskjalasafn
íslands
óskar aö taka á leigu um 2000m2 geymslu-
húsnæði. Nauðsynlegt er að burðarþol gólfs
sé nálægt 1,5 tonn/m2. Upplýsingar eru
veittar í síma 19815.
Þjóðskjalasafn íslands.