NT - 31.12.1985, Síða 3

Þriðjudagur 31. desember 1985 3
Ríkissaksóknari:
„Enginn einstaklingur brotlegur“
þó borgaryf irvöld brjóti heilbrigðisreglugerð
• ■ Pórður Björnsson ríkissak-
sóknari treystir sér ekki til að hefj-
ast handa varðandi rannsókn á
meintu broti borgaryfirvalda í
Reykjavík í frágangi skólplagna.
Fyrir rúmu ári fór einn
blaðamanna NT, Jón Ársæll Þórð-
arson, fram á það við ríkissaksókn-
ara að það yrði rannsakað hvort
borgaryfirvöld væru ekki að brjóta
heilbrigðisreglugerð nr. 45 frá 1972
með því að skólplagnir í Reykjavík
ná ekki út fyrir stórstraumsfjöru-
borð eins og kveðið er á um í reglu-
gerðinni.
Eftir að málið hefur verið í at-
hugun hjá ríkissaksóknaraembætt-
inu í rúma tólf mánuði komst ríkis-
saksóknari að þeirri niðurstöðu
„að eigi verði leyst úr vandamálum
vegna vangerðra frárennslislagna í
höfuðstaðnum með því að leita
uppi brotlegan einstakling til að
leiða hann til refsingar" eins og seg-
ir í bréfi ríkissaksóknara.
Kæra blaðamannsins var send
Hollustuvernd ríkisins og Heil-
brigðis- og tryggingamálaráðu-
neytinu til umsagnar og komst
ráðuneytið að þeirri niðurstöðu að
í kærunni væri sýnt fram á að sumar
frárennslislagnir í Reykjavík full-
nægi á engan hátt kröfum heil-
brigðisreglugerðar.
Borgaryfirvöld í Reykjavík
þurfa því ekki að hafa áhyggjur af
frekari afskiptum ríkissaksóknara-
embættisins vegna meintra brota
borgarinnar á heilbrigðisreglugerð
og geta þar með snúið sér að
hátíðahöldunum vegna 200 ára af-
mælisins með tilheyrilegri reisn.
■ Ekkja Gunnars Thoroddsen, frú Vala Thoroddsen, afhjúpaði minnismerkið um mann sinn að viðstöddum Davíð
Oddssyni, borgarfulltrúum og fleiri. Ni-mvnd Róbert.
GunnarThoroddsen:
Brjóstmynd afhjúp-
uð á Fríkirkjuvegi
■ Sunnudaginn 29. desember 1985
voru 75 ár liðin frá fæðingu Gunnars
Thoroddsen og af því tilefni afhjúp-
aði frú Vala Thoroddsen brjóstmynd
af Gunnari á Fríkirkjuvegi 3 þar scm
hann fæddist og bjó til ársins 1948.
Davíð Oddsson borgarstjóri
skýrði frá því við athöfnina að hjónin
Benta og Valgarð Briem hefðu
stofnað Minningarsjóð Gunnars
Thoroddsen. Tilgangur sjóösins er
að veita styrki til cinstaklinga eða
hópa, stofnana eða félaga, cða veita
verðlaun cða lán í sambandi við
rannsóknir, tilraunir cða skylda
starfsemi á sviði mannúðarmála,
heilbrigðismála eða menningarmála
en þau mál lét Gunnar Thoroddsen
sérstaklcga til sín taka scm borgar-
stjóri.
Sjóður þessi verður í vörslu borg-
arstjórans í Reykjavíkog ákveður
hann úthlutun úr honum að höfðu
samráði við frú Völu Thoroddsen
eða börn þeirra hjóna meðan þeirra
nýtur við og skal úthlutun fara Iram á
afmælisdcgi Gunnars, 29. desember.
Stofnfé sjóðsins ncmur kr.
1.000.000 og verður það greitt í
l'ernu lagi, á stofndegi og á sama degi
árin 1986-1988. Höíuöstóll sjóðsins
veröur jafnan verötryggöur og eftir
50 ár frá stofnun sjóðsins má úthluta
honum öllum í cinu lagi eða fleiri
hlutum en verði eignum hans þá ekki
ráðstafað að fullu skulu þær rcnna til
Borgarspítalans í Reykjavík.
Skipulagsskrá m i nningarsjóðsins
hefur hlotið staðfestingu forseta ís-
lands og eru gjafir til sjóösins frá-
dráttarbærar frá tekjum til skatts.
Þeim sem vilja lcggja fram gjafir til
sjóðsins er bent á að hafa samband
við skrifstofu borgarstjóra.
í74jyð
\''vT/ / "
Hraðfrystihús Kaupfélags Héraðsbúa
Reyðarfirði og Borgarfirði eystri
óskar starfsfólki og viðskiptavinum
farsœldar á komandi ári
Þakkar gott samstarf og viðskipti á árinu, sem er að líða
Hraðfrystihús Kaupfélags Héraðsbúa
Reyðarfirði og Borgarfirði eystri