Morgunblaðið - 22.08.2004, Blaðsíða 4
FRÉTTIR
4 SUNNUDAGUR 22. ÁGÚST 2004 MORGUNBLAÐIÐ
„ÉG HEF tekið þátt í stjórnmálum
síðastliðin tvö ár og hef núna sótt
um norskan ríkisborgararétt til að
geta boðið mig fram til þings á
næsta ári,“ segir hinn 19 ára gamli
Reynir Jóhannesson sem býr ásamt
fjölskyldu sinni í Sandefjord í Nor-
egi. Þangað flutti hann frá Siglu-
firði fyrir tíu árum. Reynir hefur
setið í bæjarstjórn og íþrótta- og
menningarmálanefnd í Sandefjord í
ár fyrir Framfaraflokkinn sem þar
er í meirihluta ásamt Hægri-
flokknum. „Ég er búinn að tilkynna
flokknum að ég sé tilbúinn að fara í
framboð til þingsins á næsta ári ef
vilji sé fyrir því. Til að sýna þeim að
mér sé alvara er ég núna búinn að
sækja um norskan ríkisborgara-
rétt. Með því vil ég segja að ef
flokkurinn vill nota krafta mína þá
er ég tilbúinn í slaginn.“
Reynir á von á því að fá norskan
ríkisborgararétt innan fjögurra
vikna.
Ríkisfang hans skiptir ekki máli
þegar um sveitarstjórnarkosningar
er að ræða en öðru máli gegnir um
þingkosningar, honum er ekki einu
sinni heimilt að kjósa til þings nema
að vera norskur ríkisborgari.
Úr stórum systkinahópi
Reynir er sonur hjónanna Guð-
rúnar Reynisdóttur og Jóhannesar
Lárussonar. Hann á fimm systkini,
þrjár systur og tvo bræður. „Á
heimilinu er mikið talað um stjórn-
mál. Við erum ekki endilega alltaf
sammála en það er bara hollt.“
Reynir segir stjórnmál sitt aðal-
áhugamál. „Mér finnst mjög
skemmtilegt að vinna í stjórnmál-
um og vildi gjarnan vinna við þau í
framtíðinni.“
Þrátt fyrir að vera aðeins nítján
ára gamall hefur Reynir haft af-
skipti af stjórnmálum um hríð.
Hann byrjaði sem nemendaráðs-
formaður í menntaskólanum sínum
í Sandefjord er hann hóf þar nám
og gegnir því embætti ennþá, en
hann mun útskrifast næsta vor.
Skólinn er stærsti menntaskóli í
Noregi. Reynir byrjaði síðan að
taka þátt í starfi ungliðahreyfingar
Framfaraflokksins, en fór fljótlega
einnig að vinna innan móðurflokks-
ins, eins og hann orðar það. „Tíu
mánuðum seinna var ég valinn inn í
bæjarstjórn,“ segir Reynir og því
ljóst að frami hans í stjórnmálum
hefur verið skjótur. Reynir segir
skattamál, skólamál, vegamál og
þjónustu við eldra fólkið sem og
heilbrigðisþjónustu almennt vera
meðal helstu baráttumála Fram-
faraflokksins í bæjarstjórninni sem
og á landsvísu. „Við reynum að
gera allt til að halda sköttunum í
skefjum, okkur finnst ekki að hægt
sé að leggja endalaus útgjöld á fólk-
ið og viðskiptalífið í bænum.“
Langyngstur í flokknum
Hann segir ánægjulegt að finna
að hann getur haft áhrif í bæjar-
stjórn Sandefjord. „Þetta var svolít-
ið skrítið í byrjun en núna finn ég
hvað hægt er að gera mikið þegar
maður er stjórnmálamaður í bæjar-
félagi og hvað flokkurinn getur
gert mikið.“
„Það er ekki margt ungt fólk í
flokknum,“ svarar Reynir aðspurð-
ur um aldur flokkssystkina sinna í
Framfaraflokknum í Sandefjord.
„Ég er langyngstur. Einn er 29 ára
og var alltaf talað um hann sem
„unga manninn“, en svo kom ég til
sögunnar,“ segir hann hlæjandi.
Hann segist hafa sagt þá skoðun
sína innan flokksins að tími sé kom-
inn á kynslóðaskipti. „Það vantar
að mínu áliti meira ungt fólk inn á
listann og því hef ég gefið kost á
mér til kosninganna næsta haust.“
Reynir stefnir á nám í lögfræði
en ef svo fer að hann komist á þing
gæti það sett áform um nám í bið-
stöðu. „Ég myndi þurfa að bíða með
námið ef ég kæmist á þing en fjög-
ur ár á þingi er menntun í sjálfu
sér. Maður lærir auðvitað svo mikið
á því.“
Þingkosningar fara fram í Nor-
egi að ári en innan fárra vikna ætti
að vera orðið ljóst hvort Reynir
verður á framboðslista Framfara-
flokksins. Hann segist hafa fundið
fyrir miklum stuðningi og margir
hafa hvatt hann til að bjóða sig
fram. „Ég hefði nú ekki gert þetta
nema af því að ég vissi af stuðningi
við mig í flokknum.“
Taugar til Íslands
Reynir heimsækir Ísland annað
slagið ásamt fjölskyldu sinni og hef-
ur áhuga á að stunda hér nám, en
það veltur reyndar á því hver fram-
tíð hans innan Framfaraflokksins
verður.
Að endingu er Reynir spurður
um það hvort hann eigi eftir að
sakna þess að vera íslenskur ríkis-
borgari og svarar hann því hiklaust
játandi. „[Norskir] vinir mínir voru
að leiðrétta mig um daginn þegar
ég sagði „heima“ og meinti þá Ís-
land. En ég held að maður hætti
aldrei að kalla Ísland „heima“.“
Sækir um norskan ríkisborgararétt til að geta boðið sig fram til Stórþingsins
Stjórnmál aðaláhugamálið
Ljósmynd/Atle Møller
Reynir Jóhannesson hyggst leita eftir norskum ríkisborgararétti, en hann hefur starfað innan Framfaraflokksins.
MAÐUR sem m.a. rændi verslun á
Laugarvatni 17. maí sl. hefur verið
dæmdur í 15 mánaða fangelsi. Hluta
af afbrotunum framdi hann þegar
hann var á skilorði vegna þriggja
mánaða fangelsisdóms sem hann
hlaut í apríl 2003 og voru brotin nú
dæmd í einu lagi.
Maðurinn er 24 ára gamall. Hann
á að baki talsverðan afbrotaferil og
hlaut fyrst dóm árið 1998. Þetta er
sjötti refsidómur hans.
Auk ránsins var maðurinn dæmd-
ur fyrir nytjastuld á bifreiðum, um-
ferðarlagabrot með því að aka undir
áhrifum fíkniefna, innbrot, þjófnað
og skjalafals. Eitt brotið laut að mis-
notkun á greiðslukorti en fimm sinn-
um tókst honum að greiða með
greiðslukorti konu.
Eftir ránið á Laugarvatni eltu eig-
endur verslunarinnar hann uppi og
stöðvuðu hann á Þingvöllum þar sem
lögregla handtók hann. Daginn eftir
stal hann bíl á Selfossi og ók honum í
átt til Reykjavíkur. Lögreglu tókst
með herkjum að stöðva hann í Mos-
fellsbæ eftir að maðurinn hafði ekið
á ofsahraða eftir Vesturlandsvegi á
háannatíma. Þegar eftirförinni lauk
hafði hann ekið utan í fólksbíl og
skemmt þrjá lögreglubíla. Maðurinn
var að auki sviptur ökuréttindum í
eitt ár. Gæsluvarðahaldsvist í 93
daga kemur til frádráttar refsingu.
Pétur Guðgeirsson héraðsdómari
kvað upp dóminn. Dagmar Arnar-
dóttir fulltrúi ríkissaksóknara sótti
málið en Sigurður Georgsson hrl.
var til varnar.
Fékk 15 mánaða dóm
UNDANFARIÐ hefur verið unnið
að því að leggja bundið slitlag á
syðsta hluta Kjalvegar, milli Gullfoss
og Sandár, alls um 11 km. Þetta er í
samræmi við langtímaáætlun Vega-
gerðarinnar um uppbyggingu á há-
lendisvegum.
Jón Rögnvaldsson vegamálastjóri
segir að þessi uppbygging sé einkum
fyrirhuguð á fjórum hálendisvegum;
Kili, Sprengisandsvegi, Kaldadal og
Fjallabaksleið nyrðri. Hann segir þó
ljóst að ekki verði sett mikið fjár-
magn í þessa uppbyggingu, svo bú-
ast má við að hún taki langan tíma.
Framhaldið segir hann ekki ákveðið,
umfram það að sá áfangi sem nú er
unnið að á Kjalvegi verði kláraður
næsta sumar.
„Það hefur að vísu aðeins verið
aukið fjármagnið í þessa hálendis-
vegi, en eftir sem áður mun þessari
uppbyggingu miða mjög hægt fyrr
en kemur ennþá meira fé,“ segir Jón.
Umferðin um Kjalveg hefur aukist
umtalsvert undanfarin ár, en þá þró-
un má líklega að einhverju leyti
rekja til þess að vegurinn hefur verið
opnaður fyrr en oft áður undanfarið.
Árið 2000 fóru um 8.800 bílar um
veginn, en árið 2003 voru þeir um
10.600, og er fjölgunin rúm 20% á
þessum árum.
Morgunblaðið/Sigurður Sigmundsson
Vegavinnumenn vinna við lagningu bundins slitlags á hluta Kjalvegar. Í baksýn má sjá Jarlhettur við Langjökul.
Bundið slitlag á ellefu kíló-
metra kafla Kjalvegar
„ÓHÆTT er að segja að hey-
magnið sé víða allverulega
minna í sumar miðað við í
fyrra,“ segir Ólafur Geir
Vagnsson, ráðunautur hjá Bún-
aðarsambandi Eyjafjarðar, um
grassprettuna. Ástæðan sé
mikill þurrkur í sumar, eins og
komið hafi fram, og útlitið jafn-
vel slæmt í einstökum sveitum.
Nefnir hann Mývatnssveit sem
dæmi. Þó búi bændur að fyrn-
ingum, þ.e. heybirgðum frá því
í fyrra, sem nýtist þeim í vetur.
Það komi víða til góða og engin
ástæða til að hafa sérstakar
áhyggjur.
Ólafur segir flesta búna að
slá seinni sláttinn í sumar og
miklu minna sé um að bændur
slái tún sín þrisvar sinnum eins
og í fyrra. Það sé sökum
þurrka og minni sprettu. Hey-
fengur sé því eðlilega í minna
lagi að mati sumra. Mismun-
andi er hvenær bændur slá tún
sín og fer það eftir tegund bú-
skapar.
Misjöfn spretta á túnum
Hann tekur þó fram að þetta
er misjafnt eftir bæjum og tún-
um. Þar sem tún séu ræktuð á
melum og jarðvegur grunnur
sé vöxtur lítill. Þannig jarðveg-
ur þorni fljótt upp. Sums stað-
ar séu túnin nánast brunnin af
þurrki en merkilegt sé að gras-
rótin er enn lifandi. Þau tún
muni því spretta eðlilega næsta
sumar þrátt fyrir lítið votviðri í
ár.
Þar sem meiri raki er í jörðu,
eins og við mýrar, hefur sprett-
an verið mjög góð. Eiginleiki
jarðvegsins til að varðveita
raka hefur því haft mikið að
segja um grassprettu í sumar.
Ólafur segir enga sérstaka
ástæðu til að hafa áhyggjur.
Minni
heyfengur
sökum
þurrka
NIÐURSTÖÐUR könnunar, sem
ríkislögreglustjóra gerði í fyrra,
benda til þess að ekki sé munur á
aksturshraða karla og kvenna.
Könnunin byggðist annars vegar
á hraðamælingum og hins vegar á
spurningum sem lagðar voru fyrir
nemendur í framhaldsskólum og í
Háskóla Íslands.
Þetta er meðal þess sem kemur
fram í ársskýrslu ríkislögreglustjóra
fyrir árið 2003.
Þar segir að niðurstöður hraða-
mælinga bendi til þess að ekki sé
munur á því hversu hratt kynin aka.
Karlmenn séu þó mun líklegri til að
vera teknir fyrir hraðakstur en í
skýrslunni er bent á að þeir séu að
sama skapi mun fleiri í umferðinni.
Þannig hafi konur verið 49% öku-
manna á þeim svæðum þar sem há-
markshraði er 30 km/klst. en aðeins
24% ökumanna þar sem hámarks-
hraði var 90 km/klst. Þegar á heild-
ina var litið voru konur um 32% öku-
manna. Í skýrslunni kemur einnig
fram að karlmenn eru 94% þeirra
sem voru sviptir ökuréttindum
vegna of margra umferðarpunkta.
Þeir sem aðeins hafa bráðabirgða-
skírteini, sem gefið er út þegar
menn fá ökuréttindi í fyrsta sinn,
mega fá sjö punkta áður en þeir eru
sviptir ökuréttindum.
Ekki munur á aksturs-
hraða karla og kvenna