Morgunblaðið - 08.09.2004, Page 18

MINNSTAÐUR
18 MIÐVIKUDAGUR 8. SEPTEMBER 2004 MORGUNBLAÐIÐ
Njarðvík | Vélsmiðjan Eldafl ehf. hefur afhent Orkuveitu
Reykjavíkur hús sem sett hefur verið upp á Kolviðarhóli
og verður notað við eftirlit með byggingu virkjunarinnar.
Húsið er að öllu leyti byggt í smiðju Eldafls í Njarðvík og
flutt í einingum og sett saman á Kolviðarhóli.
„Ég fékk þá hugmynd fyrir tuttugu árum að byggja
hús þar sem burðarvirkið væri úr stáli. Ég var þá með í
huga íbúðarhús sem byggt yrði í verksmiðjunni og sett
upp úti á landi. Eigandinn gæti síðan flutt það með sér á
auðveldan hátt ef aðstæður hans breyttust,“ segir Óskar
Guðmundsson, byggingarstjóri og einn fjögurra eigenda
vélsmiðjunnar Eldafls ehf.
Þegar Orkuveita Reykjavíkur auglýsti útboð á bygg-
ingu húss á Kolviðarhóli, sem þyrfti að vera auðvelt að
flytja annað, ákváðu Óskar og félagar hans að rifja upp
þessa gömlu hugmynd. Þeir fengu Steinar H. Geirdal,
arkitekt hjá Teiknistofunni Artik í Keflavík, í lið með sér,
gerðu tilboð og fengu verkið. Óskar segir að allir hafi ver-
ið mjög spenntir fyrir þessari byggingu og mikil þróun
hafi átt sér stað á meðgöngu- og byggingartímanum.
Þróa hugmyndina áfram
Húsið var smíðað í einingum í smiðju Eldafls í Njarð-
vík. Hver eining er smíðuð úr tveimur stálrömmum og
fyllt á milli með timbri. Einingarnar eru liðlega tíu metra
breiðar og tæplega þriggja metra langar. Þær voru flutt-
ar þannig á staðinn með venjulegum vörubíl og boltaðar
þar saman. Í húsið fóru níu einingar og er það liðlega tíu
metra breitt og tuttugu og sjö metra langt. Það var síðan
innréttað eftir kúnstarinnar reglum. Óskar er ánægður
með niðurstöðuna.
Orkuveitan er með hugmyndir um að fara með húsið
að næstu virkjun þegar Hellisheiðarvirkjun verður full-
gerð. „Þá er ekkert annað en að skrúfa einingarnar í
sundur og taka þakrennurnar af og hífa einingarnar upp
á vörubílspall,“ segir Óskar.
Eldafl er þegar farið að þróa þessa hugmynd áfram.
Óskar segir að hægt sé að byggja einbýlishús, skóla,
skrifstofuhúsnæði, vinnubúðir, mötuneyti og hvað sem
mönnum detti í hug með þessari aðferð. Hann rifjar upp
sína upphaflegu hugmynd og segir að fólk geti byggt sér
einbýlishús hvar sem er úti á landi og tekið húsið síðan
með sér ef það þurfi að flytja annað.
Eldafl setur upp auðflytjanlegt aðstöðuhús á Kolviðarhóli
Þróa hús sem fólk
getur flutt með sér
Morgunblaðið/Eggert
Afhent: Húsið sem Óskar Guðmundsson stendur við var
smíðað í einingum í vélsmiðju Eldafls í Njarðvík og
skrúfað saman á Kolviðarhóli. Auðvelt verður að flytja
það að næstu virkjun Orkuveitu Reykjavíkur.
Sauðárkrókur | Japanska rannsókn-
arduflinu sem fannst í Gjávík við bæ-
inn Fell í Sléttuhlíð í Skagafirði hef-
ur nú verið komið til Reykjavíkur.
Það verður sent til Halifax í Kanada
til rannsóknar.
Jón Ólafsson, haffræðingur á Haf-
rannsóknastofnun, fann duflið er
hann var á gangi í fjörunni við Gjá-
vík vestan Fells í Sléttuhlíð. Um mitt
sumar töldu fiskimenn á veiðum inn-
an fjarðar sig sjá torkennilegan hlut
á reki, sem svaraði til útlits duflsins,
en þegar átti að sækja þennan hlut
og færa á land svo hann ekki yrði að
tjóni fannst hann ekki og hefur þá
líklega verið strandaður í Gjávík.
Rekinn sóttur
Þegar eftir fundinn hafði Jón sam-
band við eigendur duflsins, sem er
rækilega merkt japönsku rannsókn-
arstofunni Jamstec, og var ákveðið
að starfsmaður þeirrar stofnunar
kæmi og færi hann ásamt Jóni og
næði í duflið.
Fyrir helgi komu þeir félagar
norður í Skagafjörð, Jón og dr. Tak-
hasi Kikuchi, og gerðu leiðangur í
Gjávík fyrir atbeina Eggerts bónda
Jóhannssonar í Felli til þess að
sækja þennan óvenjulega reka.
Eftir að komið var í Gjávík var
spýtnamor og rusl fjarlægt af dufl-
inu og skoðaðar á því skemmdir en
síðan var það mælt og allar upplýs-
ingar sendar strax til Reykjavíkur
þannig að unnt væri að smíða utan
um það hæfilegan umbúnað vegna
langrar ferðar til Halifax í Kanada
þar sem það verður rannsakað til
hlítar og væntanlega verður einnig
reynt að nota eitthvað úr því áfram.
Jón sagði að í aprílmánuði árið
2002 hefði duflið verið sett út mjög
nálægt norðurpól jarðar og hefði það
starfað eðlilega og sent út merki eins
og ætlast var til fram í október á síð-
astliðnu ári er sendingar rofnuðu.
Duflinu var ætlað að kanna eigin-
leika efstu laga hafsins allt að tvö
hundruð metra dýpi svo sem hita-
stig, seltumagn, svo og rek íssins og
hafstrauma en öll vitneskja um
þessa þætti væri mjög mikilvæg og
margar stofnanir sem kæmu að
þessum rannsóknum.
Sagði Jón að japanska hafrann-
sóknastofnunin væri í samvinnu við
háskóla bæði í Bandaríkjunum og
Kanada og þess vegna yrði duflið
sent vestur um haf.
Hálfdán klerkur
Jón, sem er barnabarn eins af
fyrri ábúendum Fells, og einnig nú-
verandi ábúendur, sögðu að ýmsan
reka bæri á fjörur fyrir Fellslandi,
og vildu ekki útiloka að áhrifa séra
Hálfdánar klerks og galdramanns
sem forðum sat Fell í Sléttuhlíð
gætti enn. En séra Hálfdán var
frægur fyrir að ríða lög og láð er
hann flutti Málmeyjarbónda út í
Ólafsfjarðarmúla til að leita eigin-
konu sinnar en sú saga er þekkt
meðal annars af kvæðinu Áfangar
eftir Jón Helgason.
Japanska rannsóknar-
duflið sent til Kanada
Morgunblaðið/Björn Björnsson
Vísindamenn á vettvangi: Jón Ólafsson og dr. Takashi Kikuchi skoða, mæla og undirbúa duflið til flutnings.
Hveragerði | 50
nemendur eru
skráðir í háskóla-
nám hjá Garð-
yrkjuskólanum á
Reykjum í Ölfusi.
Námið er nýtt
hjá skólanum og
byggist upp á
fjarkennslu og
eru viðtökur
betri en stjórn-
endur skólans
áttu von á.
Metaðsókn er
að Garðyrkjuskól-
anum í vetur. 55
nemendur eru í
starfsmenntanámi og er það mesta
aðsókn í 65 ára sögu skólans. Starfs-
menntanámið fer fram á skrúðgarð-
yrkjubraut, blómaskreytingabraut,
ylræktarbraut og garðplöntubraut.
Sveinn Aðalsteinsson skólameistari
segir að undanfarin ár hafi yfirleitt
verið 40 til 45 nemendur við skól-
ann. Spurður um skýringar á aukn-
ingunni nefnir hann að íslensk garð-
yrkja gangi ágætlega um þessar
mundir. Mesta aðsóknin er í skrúð-
garðyrkjubraut, garðplöntubraut og
blómaskreytingabraut og telur
hann að það sýni að atvinnuhorfur
séu góðar í þessum greinum. Þá eru
fimm á ylræktarbraut, fleiri en oft
áður og telur skólameistari að það
segi sömu sögu.
Stíf inntökuskilyrði eru í starfs-
menntanámið. Þannig þurfa um-
sækjendur að fara í dagbókarskylt
verknám og það verður til þess að
brottfall er lítið úr skólanum, að
sögn Sveins.
Uppsöfnuð þörf
Ekki hefur áður verið boðið upp á
háskólanám við Garðyrkjuskólann.
Boðið er upp á nám í skrúðgarð-
yrkjutækni, skógræktartækni og
garðplöntutækni og unnið að því að
fá það viðurkennt sem meistara-
nám. Er þetta 30 til 45 eininga nám,
og er gert ráð fyrir að nemendur
geti unnið með náminu. Sveinn seg-
ir að aðsóknin sýni að mikil upp-
söfnuð þörf hafi verið fyrir stutt
sérhæft háskólanám á þessu sviði.
Nemendurnir koma víða að. Gerðar
eru kröfur um stúdentspróf eða próf
úr Garðyrkjuskólanum. Flestir eru
að vinna í faginu en vilja bæta við
menntun sína. Þarna eru til dæmis
garðyrkjustjórar sveitarfélaga.
Auk þessa eru liðlega níutíu skóg-
arbændur í sérstöku námi sem
nefnt er „grænni skógar“. Er þetta
þriggja ára nám sem fer að mestu
leyti fram í fjarnámi. Bændurnir
hafa verið á Norðurlandi, Austur-
landi og Suðurlandi og von er til að
vestfirskir skógarbændur bætist í
hópinn í vetur.
Loks er fjöldi endurmenntunar-
námskeiða haldinn við Garðyrkju-
skólann. Koma þúsund til tólf
hundruð manns á ári á skipulögð
námskeið sem yfirleitt standa í einn
dag.
Starfsemi Garðyrkjuskólans hef-
ur fyrir löngu sprengt utan af sér
húsnæðið. Sveinn segir að hægt hafi
verið að koma starfsmenntanáminu
fyrir með því að nota öll skúmaskot.
Erfiðara verði að leysa húsnæðis-
málin þegar háskólanemarnir komi
til tveggja vikna dvalar síðar í mán-
inum. „Það verður leyst með ein-
hverjum ráðum,“ segir Sveinn.
Fimmtíu skráðir í
nýtt háskólanám
Metaðsókn að Garðyrkjuskólanum
Nýjung: Garðyrkjuskólinn fékk á síðasta ári nýja
reglugerð sem gerði honum kleift að hefja kennslu á
háskólastigi. Sveinn Aðalsteinsson er skólameistari.
LANDIÐ
SUÐURNES