Vísir - 24.12.1962, Blaðsíða 2

2
V1SIR . Mánudagur 24. desember 1962.
Toppur-
inn
festur
í gær fór hópur starfs
manna frá Rafveitunni
til að styrkja hið brotna
jólatré á Austurvelli.
Tréð hafði brotnað í fár-
viðrinu aðfaranótt föstu
dagsins, þannig að topp-
urinn, efstu fjórir metr-
amir höfðu brotnað af.
Rafveitumennirnir unnu
gott starf við það þá
strax í versta veðri að
festa toppinn á til bráða-
birgða. En þar sem bú-
ast mátti við misjöfnu
veðri, var ákveðið að
festa toppinn betur við
og gengið í verkið í gær
og þá fenginn til þess
stærsti stigi Slökkviliðs-
ins, sem er 19 metra
hár.
Myndina hér fyrir of-
an tók B. G., ljósmynd-
ari Vísis, í gær, og sýnir
hún einn starfsmanninn
efst í stiganum, þar sem
hann er að toga toppinn
í rétta stöðu.
Leiðrétting |
Lesendur eru beðnir að athuga
það, að prentvilla hefur slæðzt inn
í fyrirsögn að grein Hannesar Pét-1
urssonar á bls. 18. Þar stendur að
greinin sé um ferð hans 1962 en
á að vera 1960.
Tvö alvarleg slys
á laugardaginn
Alvarlegt umferðarslys varð um
klukkan 1,30 eftir miðnætti aðfara
nótt laugardagsins á gatnamótum
Hringbrautar og Njarðargötu, þar
ók bifreið á fótgangandi mann og
slasaðist hann verulega. Hann ligg
ur nú í Landsspítalanum.
Maður að nafni Pétur Ástvaldur
Thorsteinsson, Gnoðavogi 22, var
á leið norður Njarðargötu og var
kominn út á Hringbrautina er bíl
bar að austan Hringbrautar og
skipti það engum togum að Pétur
varð fyrir henni og slasaðist illa.
Við áreksturinn kastaðist hann
upp á vélarhlff bifreiðarinnar,
braut framrúðuna í henni, en kast-
aðist sfðan yfir þakið á bflnum og
út af götúnni.
ökumaður bifreiðarinnar ók á
fullri ferð áfram án þess að hirða
um hinn slasaða, en fjórir piltar,
sem voru að koma úr Vetrargarð
inum og voru á leið til bæjarins,
sáu er slysið vildi til og gerðu þeir
lögreglunni aðvart.
Þeim bar saman um að þetta
hafi verið Volkswagenbifreið, —
svört að lit, með skrásetningar-
merki R og töldu að 1 hefði verið
fyrsti tölustafurinn í skrásetning-
armerkinu. Einn þeirra félaga taldi
ennfremur að um nýlega gerð hafi
verið að ræða á bifreiðinni, árgerð
1960 — 62 að hann taldi.
Að fengnum þessum upplýsing-
um hóf lögreglan í Reykjavík
skipulagða leit að bifreiðinni f Vest
urbænum og stjórnaði Kristmund-
ur Sigurðsson varðstjóri umferðar
deildar rannsóknarlögreglunnar
leitinni. Var leitað um allar göt-
ur og í öllum húsasundum og um
kl. 4,30 um nóttina fundu lögreglu
mennirnir bifreiðina. En fáum mfn
útum sfðar kallaði lögreglustöðin
upp í talstöð að ökumaðurinn hafi
gefið sig fram og væri staddur í
lögreglustöðinni.
Við yfirheyrslu skýrði ökumað-
urinn frá þvf að hann hafi ekki séð
manninn á Hringbrautinni fyrr en
á því augnabliki sem áreksturinn
varð. Þá hafi hann allt í einu séð
mann fyrir framan bifreiðina og
með uppréttar hendur eins og
hann væri að biðja um að nema
staðar. ökumaður kvaðst hafa grip
ið til hemlanna, en um seinan, og
er áreksturinn varð hafi gripið sig
óstjórnleg hræðsla. 1 þessum
hræðsludvala ók hann fyrst vestur
á Melatorg en tók þaðan stefnu á
flugvöllinn. Þar fyrst nam hann
staðar til að jafna sig og hugsa
ráð sitt. Að því búnu fór hann
heim til konu sinnar og skýrði
henni frá málavöxtum. Þaðan fór
hann til kunningja sfns og vinnu-
félaga til að biðja hann að koma
með sér til lögreglunnar. Gat hann
vakið hann upp og ræddu saman
nokkra stund, en hélt sfðan einn
sfns liðs til lögreglunnar og skýrði
henni frá málavöxtum.
Þess má geta, að í þessu tilfelli,
eins og öðrum þar sem alvarleg
slys verða og ökumenn fara burt
af árekstursstað, var ökumaðurinn
færður til blóðrannsóknar, en nið-
urstaða hennar hafði ekki borizt í
gær.
1 fyrrakvöld varð annað alvar-
legt umferðarslys á Borgartúni,
móts við Sendiferðabílstöðina
Þröst. Það skeði um kl. 7 og varð
þá 11 ára gömul telpa fyrir bfl og
meiddist mikið. Hún var að athug
un lokinni í slysavarðstofunni flutt
í Landakotsspítala og liggur þar
nú.
JátaSi skjótlega
Landhelgismáli brezka togarans
Boston Wellvale gekk óvenju-
skjótt fyrir sig. Togarinn var
dæmdur í 260 þús. króna sekt
fyrir dómnum á ísafirði og afli
og veiðarfæri gerð upptæk. —
Gekk dómurinn í fyrradag. Ját-
aði skipstjórinn fljótlega að
hann hefði verið að veiðum um
eina sjómílu innan landhelgis-
markanna við Geirólfsnúp á
Húnaflóa. En hann bar því við
að áttaviti skipsins hefði verið
rangur og ratsjáin biluð. Afrýj-
aði hann dómnum til Hæsta-
réttar.
Bíræfínn fijéíur
t fyrrlnótt hafði þjófur komizt
inn á tvær hæðir hússins nr. 4
við Barmahlíð og stolið talsverð-
um verðmætum úr báðum íbúðun-
um.
Ekki er vitað hvenær nætur
þessi þjófnaður hefur verið fram-
inn, en fólk var á ferli í húsinu
til kl. hálf fjögur f fyrrinótt og
þangað til var útidyrahurðin opin,
en hún er sameiginleg bæði fyrir
2. og 3. hæð hússins. Hugsanlegt
er að þjófurinn hafi skriðið inn
um glugga f kjallara, en f þeim
glugga hafði rúða verið brotin um
nokkurt skeið. Er auðveld leið það-
an upp á efri hæðirnar, enda for-
stofuhurðir þeirra beggja opnar f
í nótt.
Á neðri hæðinni, þ.e. 2. hæð, stal
þjófurinn peningakassa, sem stóð
á skrifborði f stofu. 1 honum voru
geymd ýmis skjöl og plögg, en
fátt verðmæta sem óviðkomandi
gætu hagnýtt sér. Úr tösku, sem
geymd hafði verið á eldhúsborði
sömu íbúðar var stolið 400 kr. f
peningum.
Á efri hæðinni hefur þjófurinn
stolið úr tveim töskum, 600 kr. úr
annarri en 100 kr. úr hinni. Þá
hefur hann stolið veski úr jakka-
vasa, en í þvf voru engir peningar
hins vegar hafði hann fundið 300
krónur í úlpuvasa þar f íbúðinni
og hirt þær.
Rannsóknarlögreglan biður veg-
farendur sem orðið hafa grunsam
legra mannaferða varir í Hlíðar-
hverfinu í nótt eða morgun að
gera sér viðvart. Sérstaklega ef
sést hefði til manns með lítinn pen
ingakassa undir hendinni, en kass
inn er á að gizka 30 cm. langur,
20 cm breiður og 12 cm þykkur.
Hjálpræiisherínn heldur
samkomu fyrír einstæia
Alltaf er það svo að á jólanótt
eru talsvert margir einstæðing-
ar í borginni, sem vita ekki
hvert þeir eiga að halda til jóla
halds. Síðastliðin þrjú ár hafa
samtökin Vernd haft jólasam-
komu fyrir þetta fólk, en starf
félagsskaparins fyrir fanga hef-
ur nú aukizt svo mikið að hann
getur ekki unnið að þessu nú.
I stað þess mun Hjálpræðisher-
inn nú í fyrsta skipti halda jóla
samkomu fyrir einstæðingsfólk
og hefst hún kl. 6 á aðfanga-
dag með borðhaldi.
Hjálpræðisherinn mun gera
allt sem hægt er til að láta
þessu fólki líða vel um jólin.
Það fær á sig klæði og reynt
mun að gera jólafagnaðinn þvf
skemmtilegan og eftirminni-
legan. Búizt er við að 40 ein-
stæðingar sæki samkomuna auk
þess fólks sem er gestkomandi
á sjómannaheimili Hjálpræðis-
hersins. Verður þvf að taka
samkomusalinn fyrir skemmt-
unina. Að loknu borðhaldi verð
ur gengið f kringum jólatré og
jólasálmar sungnir og sr. Bjarni
Jónsson mun ávarpa samkomu
gestina.
Félagið Vernd, sem áður hef-
ur annazt þess konar samkom-
ur, vinnur hins vegar fyrir fang
ana sem dveljast um jólin aust
ur á Litla Hrauni og á Skóla-
vörðustfg. Á vegum þess fór
séra Bragi Friðriksson og nokkr
ir guðfræðinemar austur að
Litla Hrauni f gær og höfðu þar
guðsþjónustu. Félagsskapurinn
hefur látið útbúa um 150 jóla-
gjafapakka, sem verður dreift
meðal fanga í fangahúsunum.
Á heimili Verndar dveljast að
jafnaði um 15 manns sem hafa
afplánað refsingar eða eiga eft-
ir að afplána þær og verður
efnt til jólasamkomu meðal
þeirra á heimilinu á aðfanga-
dagskvöld, en á jóladag kl. 3
verður opið hús aðallega fyrir
aðstandendur þeirra sem á
heimilinu búa.