Morgunblaðið - 22.11.2004, Blaðsíða 5
KNATTSPYRNA
MORGUNBLAÐIÐ MÁNUDAGUR 22. NÓVEMBER 2004 B 5
DAVID Di Michele, sóknarmaður í Udinese, lék óvenju
stórt hlutverk þegar lið hans vann Lecce, 5:4, í sögulegum
leik í ítölsku bikarkeppninni í knattspyrnu á laugardag-
inn. Di Michele skoraði tvívegis þegar lið hans vann upp
3:0 forskot heimamanna í Lecce. Ekki nóg með það, því
rétt eftir að Antonio Di Natale skoraði sigurmarkið, 5:4, á
88. mínútu, var markvörður Udinese, Samir Handanovic,
rekinn af velli fyrir að brjóta á sóknarmanni Lecce sem
var sloppinn einn upp að markinu. Ekki var hægt að
skipta inn á varamarkverðinum þar sem Udinese hafði
notað allar sínar innáskiptingar. Di Michele fór í markið
og hann gerði sér lítið fyrir og varði vítaspyrnuna frá
Mirko Vucinic og tryggði með því Udinese sigurinn.
Þetta var fyrri viðureign félaganna í 16 liða úrslitum
keppninnar og Udinese stendur vel að vígi, með sigur og
fimm mörk á útivelli.
Juventus beið óvænt lægri hlut fyrir Atalanta, 2:0, og
þarf því að taka heldur betur á hlutunum í seinni leiknum
á sínum heimavelli.
Skoraði tvö og
varði vítaspyrnu
ÞÓRARINN Kristjánsson, knattspyrnumaður úr
Keflavík, fer líklega til reynslu hjá þremur erlend-
um félögum eftir næstu mánaðamót. Aberdeen í
Skotlandi, Örgryte í Svíþjóð og Bryne í Noregi
hafa öll sýnt áhuga á að fá hann til athugunar.
Þórarinn sagði við Morgunblaðið í gær að ferða-
áætlunin hjá sér væri ekki komin á hreint ennþá,
beðið væri eftir því að fá staðfestingar frá félögun-
um hvenær hentugast væri að fara.
Þórarinn hafnaði samningstilboði frá Keflavík
fyrir helgina. „Ég á von á að heyra aftur frá Kefl-
víkingum á morgun og þá skýrast betur mín mál
gagnvart þeim,“ sagði Þórarinn. Samningur hans
við Keflvíkinga er útrunninn og nokkur önnur ís-
lensk lið hafa rætt við hann. Þórarinn varð þriðji
markahæsti leikmaður úrvalsdeildarinnar í sumar
með 10 mörk og skoraði auk þess tvö mörk þegar
Keflvíkingar sigruðu KA, 3:0, í úrslitaleik bik-
arkeppninnar.
Þórarinn til þriggja
félaga í desember
FÓLK
ARNAR Grétarsson skoraði eitt
marka Lokeren og lagði annað
upp þegar liðið vann öruggan sig-
ur, 4:1, á 2. deildarliðinu Deinze í
32 liða úrslitum belgísku bikar-
keppninnar í knattspyrnu á laug-
ardaginn. Arnar og Arnar Þór
Viðarsson léku allan leikinn með
Lokeren og Marel Baldvinsson
síðustu 3 mínúturnar en Rúnar
Kristinsson er ekki kominn af stað
eftir meiðsli.
INDRIÐI Sigurðsson og félagar
í Genk fóru einnig auðveldlega
áfram en þeir unnu 3. deildarliðið
Kermt-Hasselt, 5:0. Indriði lék all-
an leikinn.
EYJÓLFUR Héðinsson úr Fylki
er farinn heim frá Belgíu eftir átta
vikna dvöl hjá Lokeren. Hann lék
átta leiki með unglinga- og varaliði
félagsins, skoraði fjögur mörk og
lagði upp þrjú til viðbótar.
ÞÓRÐUR Guðjónsson var vara-
maður hjá Bochum en kom ekki
við sögu þegar lið hans tapaði, 1:0,
fyrir Mainz í þýsku 1. deildinni á
laugardaginn. Bochum er í þriðja
neðsta sæti, tveimur stigum á und-
an botnliði Hansa Rostock.
HELGI Sigurðsson og félagar í
AGF steinlágu fyrir Bröndby, 4:0,
í dönsku úrvalsdeildinni í gær.
Helgi fór af velli á lokamínútum
leiksins. Bröndby hélt í gær upp á
40 ára afmæli sitt og er komið með
tíu stiga forystu á toppi úrvals-
deildarinnar.
LOGI Gunnarsson og félagar í
Giessen í þýsku deildinni töpuðu
66:67 á heimavelli fyrir Tübingen
um helgina. Logi gerði 6 stig fyrir
Giessen.
JÓN Arnór Stefánsson og fé-
lagar hans í rússneska liðinu Din-
amo Saint-Petersborg unnu Ural-
Great á útivelli 93:91 og gerði Jón
Arnór 11 stig.
ÞORRI JENSSON vann Shu-
Hung Lin frá Taívan, 4:0, í fyrsta
leik sínum á heimsmeistaramóti
áhugamanna í snóker sem hófst í
Veldhoven í Hollandi í gær. Þorri
mætti síðan Agha frá Pakistan og
tapaði, 0:4. Brynjar Valdimarsson
tapaði sínum fyrsta leik gegn Moh
Kee Ho frá Malasíu, 3:4.
MARK van Bommel, fyrirliði
hollenska liðsins PSV Eindhoven,
segist vilja ganga til liðs við enska
liðið Tottenham. Ekki munaði
miklu að hann færi til Tottenham
fyrir þessa leiktíð en nú vill hann
fara. Samningur hans hjá PSV
rennur út í sumar og því gæti
hann farið til White Hart Lane
fyrir lítið.
PATRICK McEnroe, tennisleik-
ari á árum áður hefur framlengt
samningi sínum sem fyrirliði Davis
Cup liðs Bandríkjanna til ársloka
2006. Liðið leikur til úrslita við
Spánverja í Sevilla í byrjun næsta
mánaðar.
Samuel Eto’o, fyrrum leikmaðurReal Madrid, nýtti sér misskiln-
ing milli Robert Carlos og Iker Casill-
as markvarðar Real, eftir sendingu
frá Ronaldinho, og kom Barcelona yf-
ir, 1:0. Giovanni van Bronckhorst
skoraði annað markið fyrir hlé, 2:0,
eftir að Ronaldinho og Deco höfðu
leikið vörn Madrídarliðsins sundur og
saman. Ronaldinho var síðan enn á
ferð stundarfjórðungi fyrir leikslok
og skoraði þriðja markið úr víta-
spyrnu, 3:0, eftir að Eto’o brunaði upp
völlinn og var felldur í vítateig Real.
Þeir Zinedine Zidane, David Beck-
ham, Ronaldo og Luis Figo komust
aldrei neitt áleiðis gegn Barcelona en
sóknarleikur Real skánaði aðeins
þegar Michael Owen leysti Beckham
af hólmi og fór í fremstu víglínu þar
sem Ronaldo hafði verið einn og yf-
irgefinn lengi vel.
Frank Rijkaard, þjálfari Barce-
lona, varaði leikmenn sína við eftir
leikinn og bað þá um að láta þennan
sigur ekki stíga þeim til höfuðs.
„Við verðum að halda áfram að
leggja hart að okkur, það þýðir ekkert
að slaka á þó við höfum unnið þennan
leik. Úrslitin í honum vísa okkur veg-
inn en við megum ekki fara að ímynda
okkur að við séum ósigrandi. Ég er
mjög ánægður með frammistöðu liðs-
ins í leiknum, við skoruðum þrjú mörk
gegn frábæru liði og ég er himinlif-
andi yfir því hve mikið allir okkar leik-
menn lögðu hart að sér,“ sagði Rijk-
aard.
Vissum ekki hvernig ætti
að bregðast við
Mariano Garcia Remon, þjálfari
Real, kvaðst óttast að tapið hefði
slæm áhrif á sitt lið sem mætir Bayer
Leverkusen í Meistaradeild Evrópu
annað kvöld.
„Leikurinn við Leverkusen er okk-
ur mjög mikilvægur og þetta er því
mjög slæmt. Við töpuðum vegna þess
að Barcelona var betri aðilinn, en aðal
vandamál okkar var að liðið virtist
ekki vita hvernig það ætti að bregðast
við eftir að við lentum undir í leiknum.
Fyrsta markið kom eftir barnaleg
mistök og á versta tíma fyrir okkur.
Eftir það réðum við ekki við press-
una. En við munum halda áfram bar-
áttu okkar fyrir meistaratitlinum og
leggjum allan samanburð við Barce-
lona til hliðar þar til við mætum þeim
aftur síðar í vetur á Bernabeu,“ sagði
Garcia Remon.
Barcelona tók
Real Madrid í
kennslustund
BARCELONA tók Real Madrid í kennslustund í viðureign stórveld-
anna í spænsku knattspyrnunni á Nou Camp, heimavelli sínum,
frammi fyrir 98 þúsund áhorfendum á laugardagskvöldið. Lokatölur
urðu 3:0 og þar með skilja sjö stig liðin að. Miðað við leik Barcelona
og gengi liðsins að undanförnu er erfitt að sjá nokkurt lið ógna þeim
í keppninni um spænska meistaratitilinn í vetur.
Reuters
Samuel Eto’o fagnar og það gera þeir Ronaldinho og Carles Puy-
ol einnig fyrir aftan hann þegar Barcelona skellti Real Madrid.
því lengur sem staðan er 1:0, sér-
staklega vörnin. Þess vegna var okk-
ur refsað. Það hefði átt að vera auð-
velt fyrir okkur að stöðva
sendinguna fyrir mark okkar –
knötturinn fór á milli þriggja varn-
armanna og markvarðar. Það er
óeðlilegt að fjórir leikmenn hafi ekki
getað stöðvað einn sóknarleikmann
Bolton,“ sagði Wenger eftir leikinn,
en það er ekki á hverjum degi sem
hann gagnrýnir sína menn opinber-
lega.
„Þrátt fyrir þessi mikilvægu stig
þá er ég sannfæður um að við erum á
réttri leið. Auðvitað vilja lið gera út
um leikinn með mörgum mörkum, en
ég held að vörnin hjá okkur hafi
misst dálítið sjálfstraust við að fá
fjögur mörk á sig gegn Tottenham
um daginn,“ sagði Wenger.
Þrátt fyrir að WBA næði í stig féll
liðið niður í næstneðsta sæti deild-
arinnar þar sem Norwich, sem var í
neðsta sæti, vann sinn fyrsta sigur á
tímabilinu, lagði Southampton 2:1 og
skaust upp fyrir WBA.
„Ég er ánægður með stigið, það
eru ekki öll lið sem ná að jafna eftir
að vera marki undir hér á Higbury.
Barátta leikmanna var til fyrirmynd-
ar og þeir létu Arsenal ekki valta yfir
sig þrátt fyrir að lenda undir,“ sagði
Bryan Robson, stjóri WBA, eftir
leikinn.
Everton kemur fast á hæla efstu
liðanna, er með 29 stig, Arsenal 31 og
Chelsea 33. Á laugardaginn voru það
leikmenn Fulham sem máttu þola 1:0
tap gegn Everton, sem vann þar sinn
sjötta 1:0 sigur í deildinni. Virkilega
góð nýting á mörkunum þar á bæ.
Middlesbrough vann Liverpool 2:0
og er í fjórða sæti deildarinnar, fjór-
um stigum á eftir Everton. Hollend-
ingurinn Boudewijn Zenden er í
miklum ham þessa dagana og gerði
síðara mark Boro og var það hans
sjötta í fimm leikjum.
Manchester United færðist einnig
nær toppnum með 2:0 sigri á Her-
manni Hreiðarssyni og félögum í
Charlton. Ryan Giggs, sem vill fá
lengri en eins árs samning sem hon-
um var boðinn á dögunum, kom
United yfir og Paul Scholes tókst
loksins að skora, en hann gerði það
síðast í undanúrslitum bikarsins
gegn Arsenal í apríl og síðasta deild-
armark sitt gerði hann 14. mars gegn
Manchester City. Hermann lék allan
leikinn með Charlton.
Newcastle fór upp fyrir Charlton í
níunda sæti deildarinnar með 2:0
sigri á Crystal Palace og þar skoruðu
Patrick Kluivert og Craig Bellamy.
Reuters
Robert Earnshaw fagnar jöfnunarmarki sínu gegn Arsenal.