Morgunblaðið - 22.11.2004, Blaðsíða 9

ÍÞRÓTTIR
MORGUNBLAÐIÐ MÁNUDAGUR 22. NÓVEMBER 2004 B 9
Morgunblaðið/Kristinn
Ægir sigraði í bikarkeppni Sundsambands Íslands sem fram fór um helgina. Að venju fór þjálfarinn í laugina með liði sínu og þar var bikarnum lyft.
RAGNHEIÐUR Run-
ólfsdóttir sundkonan
góðkunna var mætt
með lið sitt af Skagan-
um í Sundhöllina um
helgina. Hún var ánægð
með mótið og alla fram-
kvæmd.
„Ég átti von á því að
Ægir myndi vinna svo
það var gaman að fylgj-
ast með því hvað þeir
eru með jafnt og sterkt
lið. Svo var spennandi
keppni milli liðanna í
2.–4. sæti og það
skemmdi ekki fyrir.
Ég hef verið með í bikarkeppninni
frá því 1977 og á margar góðar minn-
ingar frá þessu húsi. Það er næstum
því að maður kveðji húsið með sökn-
uði, þótt það sé skrýtið að segja það
miðað við þá aðstöðu sem boðið er
hér uppá. Það verður ekki sambæri-
legt að fara í nýtt hús og það er loks-
ins að maður sjái draum sem maður
hefur verið að berjast við í mörg ár,
rætast og það er frábært að við séum
að eignast þetta mannvirki.“
Spurð um frammistöðu keppenda
á mótinu sagði Ragnheiður að vissu-
lega munaði miklu að Örn Arnarson
væri ekki að draga vagninn eins og
hann hefur gert undanfarin ár. „Við
erum að fá annað og
ungt fólk upp núna og
vonandi kemur Örn
aftur og lætur verkin
tala. Kolbrún Ýr Krist-
jánsdóttir og Jakob Jó-
hann Sveinsson líta
rosalega vel út núna og
svo eru ungir og efni-
legir krakkar að koma
upp sem líta mjög vel
út.“
Það er ánægjulegt
að sjá að það eru ekki
alltaf sömu félögin sem
hampa bikarnum, á
undanförnum árum
hafa ÍRB, SH og Ægir verið að berj-
ast um titilinn.
„Já það er mjög mikið af afreks-
fólki hjá Ægi núna og það voru marg-
ir sem hafa komið til þeirra frá SH í
haust. Það hefur verið dálítið erfitt
tímabil hjá þeim en þeir fengu þjálf-
ara ofan af Skaga, Eyleif Jóhannes-
son, í haust og hann er að gera mjög
góða hluti og hefur sameinað liðið
mjög vel,“ sagði Ragnheiður Run-
ólfsdóttir, sundþjálfari og sund-
drottning af Akranesi og bætti við að
hún væri afar ánægð með árangur
síns fólks á mótinu en þau bættu sig
flest og skiluðu 1.200 fleiri stigum í
hús að þessu sinni frá því í fyrra.
Næstum kvatt
með söknuði
FJÓRIR leikmenn í bandarísku
NBA-deildinni í körfuknattleik
voru um helgina dæmdir í bann í
kjölfar þess að þeir stukku upp í
áhorfendapalla og slógust við
áhorfendur undir lok leiks Detroit
og Indiana. Ekki hefur enn verið
ákveðið hversu lengi leikmennirnir
fjórir verða í banni en líklegt er tal-
ið að það verði allt að 30 leikjum
sem Ron Artest, leikmaður Indiana,
fær. Þeir sem lentu í slagsmálunum
voru auk Artest, félagar hans hjá
Indiana, Stephen Jackson og
Jermaine O’Neal og Ben Wallace
hjá Detroit.
Upphaf slagsmálanna má rekja
til þess að Artest braut illa á Wall-
ace undir lok leiksins. Sá síðar-
nefndi sneri sér við og ýtti harka-
lega í andlit Artest og allt varð
vitlaust. Leikurinn var stöðvaður
en þegar menn héldu að allt væri
fallið í ljúfa löð, leikmennirnir
komnir á varamannabekkinn, henti
einhver áhorfandi plastglasi fullu
af einhverjum vökva í Artest. Hann
rauk á fætur og upp í áhorf-
endastæði og þar með sauð upp úr.
Hann og O’Neal munu báðir hafa
slegist við áhorfendur og fleiri leik-
menn fóru upp í stúku að því er
virtist til að skakka leikinn.
Níu áhorfendur slösuðust lítil-
lega og um tíma ætlaði lögreglan,
sem skarst í leikinn, að sprauta úr
úðabrúsa á Artest til að ná tökum á
ástandinu. Til þess kom þó ekki.
Bandarískir fjölmiðlar segja
þetta eitt versta tilfellið í sögu
bandarískra íþrótta.
Nýjasta dæmið um að NBA-
leikmaður hafi lent saman við
áhorfendur var þegar Vernon Max-
well, leikmaður Houston, lenti í úti-
stöðum við stuðningsmenn Port-
land árið 1995. Hann fékk tíu leikja
bann og 20.000 dala sekt.
Fjórir settir í bann
NBA-leikmenn slógust við áhorfendur
Ron Artest, leikmaður
Indiana.
AP
EYJAMENN hafa hug á að fá
Viktor Bjarka Arnarsson,
knattspyrnumann úr Víkingi,
í sínar raðir
fyrir næsta
tímabil.
Viktor
Bjarki hefur
gefið til
kynna að
hann vilji
leika áfram
í úrvals-
deildinni, eða
komast á ný
að hjá erlendu
félagi og hann staðfesti við
Morgunblaðið í gær að Eyja-
menn hefðu rætt við sig og
hann gerir ráð fyrir að hitta
þá á næstu dögum.
Viktor Bjarki er 21 árs
miðjumaður og kom til Vík-
ings, síns uppeldisfélags, um
síðustu áramót en hann hafði
þá verið í fjögur ár í röðum
Utrecht í Hollandi. Hann
spilaði 14 leiki með Vík-
ingum í úrvalsdeildinni í
sumar og skoraði tvö mörk,
og hefur ennfremur spilað
níu leiki með 21 árs landsliði
Íslands.
ÍBV ræðir
við Viktor
Bjarka
Viktor
Bjarki
Arnarsson