Morgunblaðið - 22.11.2004, Side 8

ÍÞRÓTTIR
8 B MÁNUDAGUR 22. NÓVEMBER 2004 MORGUNBLAÐIÐ
Ragnar Ingi vann sinn riðil örugg-lega en spennan var öllu meiri í
opnum flokki. Í undanúrslitum
mætti hann Hróari
Hugosyni sem náði
ekki að stöðva Ragn-
ar Inga í að ná
öruggri forystu og
sigra 15:8. Í úrslitum gegn Andra
var rimman harðari, þeir skiptust á
um forystu fram í stöðuna 10:9,
Ragnar Inga í vil. Þá skildu leiðir og
Ragnar Ingi vann 15:10.
„Ég er alltaf smeykur þegar ég
keppi við þessa stráka en þar sem
Andri vann í fyrra kom ekki annað til
greina en ná titlinum af honum,“
sagði Ragnar Ingi eftir mótið.
„Í riðlinum fékk ég aðeins á mig
eitt stig í fimm leikjum svo að ég var
ákveðinn í að hafa sigur í opnum
flokki. Leikurinn við Andra var jafn
en ég ætlaði að vera yfir í hléinu og
náði því og bætti mig svo strax eftir
hlé. Andri hefur yfirleitt verið sterk-
ur eftir hlé og áætlun mín um að
hleypa honum ekki að gekk upp. Það
er erfitt að fá félaga sína úr landslið-
inu í undanúrslitum og síðan úrslit-
um. Dagurinn var langur og ég var
orðinn þreyttur svo ég varð að gæta
þess að halda einbeitingunni því
þessir strákar ganga strax á lagið,
reyndar alveg eins og ég geri gegn
þeim. Leikurinn er fljótur að breyt-
ast og ef mótherji byrjar að fá stig og
kemst í ham verður að gæta sín. Við
þekkjumst vel og vitum flest um
hvor annan en það skiptir líka máli
hvernig hver kemur stemmdur til
leiks.“
Þorbjörg var örugg um sigur í
kvennaflokki enda þjálfar hún flest-
ar hinar í flokknum. „Við æfum líka
allar saman svo ég þekki stelpurnar
vel en þær þekkja mig líka vel. Það
jákvæða er að þær eru að bæta sig
en ætli þær fari ekki að brjóta ísinn
eftir svona þrjú ár,“ sagði Þorbjörg
eftir mótið en hún var búin að finna
sér verðugt verkefni. Það var í opn-
um flokki en hún varð að sætta sig
við tap í 8 liða úrslitum fyrir Andra
H. Kristinssyni, sem fékk silfur.
„Mitt markmið í dag var að kom-
ast í undanúrslit því það er metn-
aðarmál fyrir mig að vinna strákana.
Það er ekkert öðruvísi að keppa við
stelpur en stráka þótt þeir séu að
vísu aðeins fljótari. Það verður samt
að treysta á sjálfan sig, tækni og
innsæi. Maður fer í leik með ákveðna
áætlun en það þarf að finna sig í
leiknum til að geta nýtt alla tækni
sína og breytt um áætlun í miðjum
bardaga. Þá skiptir keppnisreynsla
miklu máli og það reynum við að
kenna en slík reynsla kemur bara
með tímanum. Svo eru aðrir sem eru
betri í ákveðnum brögðum og beita
þeim gjarnan en það kemur fljótlega
í ljós í bardaga hvað gengur upp.
Sjálf er ég hrifnust af tempo-stigi en
það er þegar maður kemst inn í lag
hjá mótherjanum,“ bætti Þorbjörg
við.
Morgunblaðið/Stefán
Lið FH vann liðakeppnina á Íslandsmeistaramótinu í skylm-
ingum með höggsverði. Þar eru, talið frá vinstri, Ólafur Bjarna-
son, Guðjón Ingi Gestsson, Ragnar Ingi Sigurðsson og Sigrún
Guðjónsdóttir ásamt Þorbjörgu Ágústsdóttur úr Skylminga-
félagi Reykjavíkur, sem sigraði í kvennaflokki. Ragnar Ingi
sigraði einnig í opnum flokki.
Ragnar Ingi
endurheimti
titilinn
RAGNAR INGI Sigurðsson úr FH, sem varð að sætta sig við tap fyrir
Andra H. Kristinssyni í úrslitum Íslandsmeistaramótsins í skylm-
ingum með höggsverði í fyrra, lét nú ekkert stöðva sig og endur-
heimti titilinn þegar mótið í ár var haldið á sunnudaginn. Í kvenna-
flokki var Þorbjörg Ágústsdóttir örugg með sigur.
Stefán
Stefánsson
skrifar
JAKOB Jóhann Sveinsson er einn
fremsti sundmaður þjóðarinnar um
þessar mundir. Hann synti vel fyrir
lið sitt, Ægi, í bikarkeppninni en
hann vann til verðlauna í öllum þeim
greinum sem hann tók þátt í, sigraði
í fjórum greinum, þ.e. 100 og 200
metra bringusundi, 4x100 metra
fjórsundi og 4x100 metra skriðsundi
og hafnaði í 2. sæti í 200 metra fjór-
sundi, þar sem hann mátti lúta í
lægra haldi fyrir Erni Arnarsyni.
„Ég átti von á því að við myndum
vera á því róli sem við vorum á en
hins vegar kom mér á óvart að hin
liðin skyldu ekki fá fleiri stig en
raun bar vitni,“ sagði Jakob að-
spurður um árangurinn á mótinu.
„Ég sjálfur á eftir að fá hraðann í
mig, ég er ennþá að undirbúa mig
fyrir Evrópumeistaramótið og ég á
eftir að fínpússa þetta næstu þrjár
vikurnar og fá meiri hraða í mig,“
sagði Jakob en það blunda í honum
blendnar tilfinningar gagnvart því
að kveðja Sundhöllina.
„Það verður gott að komast í nýtt
hús og góða aðstöðu, það er mjög
gott andrúmsloft hérna og það
myndast mikill hávaði þegar hvatt
er. Það verður sjálfsagt mesti mun-
urinn. Það verður ekki eins auðvelt
að ná upp hávaða og stemningu í
nýju lauginni. Svo verða þar 10
brautir á móti fjórum hér svo það
verður hægt að ljúka bikarkeppn-
inni á klukkutíma eða því sem
næst,“ sagði Jakob Jóhann.
„Kom mér á óvart að hin liðin
fengju ekki fleiri stig í keppninni“
Jakob Jóhann Sveinsson
Fyrir keppnina voru þjálfarar,formenn og fyrirliðar keppnis-
liðanna fengnir til að spá fyrir um
úrslit bikarkeppn-
innar og voru menn
sammála um að
mótið yrði mjög
spennandi þar sem
slagurinn stæði á milli Sundfélags-
ins Ægis og Íþróttabandalags
Reykjanesbæjar (ÍRB) um titilinn.
Þá var því spáð að Breiðablik félli
um deild en að liðsmenn Óðins
færðust upp í 1. deild úr 2. deild
Það kom á daginn að spámenn-
irnir höfðu rétt fyrir sér. Slagurinn
um sigurinn í 1. deild varð þó ekki
eins spennandi og efni stóðu til en
Ægir hafði yfirburðasigur með
29.314 stig en ÍBR hafnaði í 2. sæti
með 26.906 stig og háði þar harða
keppni við Sundfélag Hafnarfjarð-
ar, 26.398 stig og KR 26.160 stig.
Stigahæsta sund mótsins var 100
metra baksund Arnar Arnarssonar
en hann synti vegalengdina á 54,26
sekúndum og fékk fyrir það 964
stig. Hlaut hann að launum Sund-
hallarbikarinn sem gefinn er af for-
stöðumanni Sundhallarinnar í
Reykjavík, Gísla Jónssyni.
„Þetta er stórkostlegur dagur,“
sagði Berglind Ósk Bárðardóttir,
fyrirliði bikarmeistara Sundfélags-
ins Ægis. „Við höfum verið að æfa
rosalega vel og það er virkilega
góður andi í hópnum. Það hefur
verið fín endurnýjun hjá okkur og
er greinilega að skila sér til okkar.
Það er líka frábært að enda langa
bikarsögu hér í Sundhöllinni á sigri
því þetta er jú okkar heimavöllur.“
36 ára bikarsaga
í Sundhöllinni
Hörður Oddfríðarson, mótsstjóri
var sáttur við árangurinn á mótinu.
„Mótið hefur gengið vel og það
hafa ekki komið upp nein vandamál
sem ekki hefur verið hægt að leysa.
Keppendur hafa verið að synda á
sínu besta og það hafa fallið þrjú
Íslandsmet. Stigaskorið er ívið
hærra en við höfum séð áður og
miklar framfarir sem við sjáum hjá
einstaklingum.“
Elsta Íslandsmetið sem enn
stendur í 25 metra laug á Ragn-
heiður Runólfsdóttir í 100 metra
bringusundi. „Það virðist ætla að
vera erfitt að slá þetta met enda
var Ragnheiður lengi að og setti
mörg met á sínum ferli,“ sagði
Hörður. Hann á von á því að frek-
ari framfarir muni verða á komandi
árum og það ekki síst vegna þess
að eftir áramót verður tekin í
gagnið ný 50 metra innilaug í
Laugardal og þá mun öll aðstaða
fyrir keppendur, starfsmenn og
áhorfendur stórlega batna. „Bygg-
ingaframkvæmdir við Sundhöll
Reykjavíkur hófust árið 1928 en
laugin var tekin í notkun 1937. Frá
þeim tíma hafa helstu stórmót Ís-
lands í sundi farið þar fram. Bik-
arkeppnin í sundi hefur verið hald-
in í Sundhöllinni óslitið frá 1968
eða í 36 ár og það verður eftirsjá að
höllinni en jafnframt tilhlökkun að
komast í nýrri og betri aðstöðu
með mótið. Svo vonar maður að
þetta muni auka möguleika sund-
hreyfingarinnar að stækka, verða
betri og að fólk endist betur í
íþróttinni þegar aðstaðan verður
betri,“ sagði Hörður Oddfríðarson,
mótsstjóri Bikarkeppni SSÍ.
Ægir sigraði
með yfirburðum
BIKARKEPPNI Sundsambands
Íslands fór fram í Sundhöll
Reykjavíkur um helgina. Keppt
var í 1. og 2. deild og voru ríf-
lega 100 keppendur skráðir til
leiks í 1. deild og um 230 þátt-
takendur voru í keppni 2. deild-
ar. Sundfélagið Ægir sigraði
með nokkrum yfirburðum auk
þess að setja þrjú Íslandsmet, í
100 metra baksundi kvenna,
4x100 metra fjórsundi kvenna
og 4x100 metra skriðsundi
kvenna.
Ljósmynd/JAK
Sveit Ægis sem setti Íslandsmet í 400 metra fjórsundi á laug-
ardaginn. Anja Ríkey Jakobsdóttir, Ólöf Lára Halldórsdóttir,
Ásbjörg Gústafsdóttir og Auður Sif Jónsdóttir ásamt Gústafi
Adolf Hjaltasyni, formanni Ægis, og Eyleifi Jóhannessyni.
ANJA Ríkey Jakobsdóttir setti þrjú Íslandsmet um
helgina, í 100 metra baksundi, 4x100 metra fjórsundi
og 4x100 metra skriðsundi. Sannarlega glæsilegur
árangur hjá þessari 18 ára gömlu sundkonu. Hún var
líka ánægð í lok keppninnar.
„Ég átti allt eins von á þessu en ég hef verið að
stefna að því að toppa á Evrópumótinu í Vín í byrjun
desember. Það kom því þægilega á óvart að Íslands-
metið í baksundinu skyldi falla núna og ég stefni að
því að gera enn betur í Vín. Við vorum hins vegar
harðar á því að fella boðsundsmetin þó svo að það
hafi staðið tæpt. Þetta hefur verið æðisleg helgi, öll
liðin hafa verið vel stemmd svo það hefur verið mjög
gaman,“ sagði Anja Ríkey en hún mun taka þátt í 50,
100 og 200 metra baksundi í Evrópukeppninni í Vín í
9.–12. desember.
Frábær árangur Önju Ríkeyjar
Ingibjörg
Hinriksdóttir
skrifar
Bikarkeppni Sundsambands Íslands
RUUD Bossen knattspyrnudómari
stöðvaði leik PSV og Vitesse í hol-
lensku úrvalsdeildinni í gær og gekk
af velli ásamt aðstoðardómurum sín-
um. Ástæðan var sú að stuðnings-
menn Vitesse sendu honum tóninn
eftir að hann hafði rekið einn leik-
manna liðsins af velli. Gert var hlé á
leiknum í hálftíma á meðan leik-
menn Vitesse róuðu stuðningsmenn
sína niður. Guus Hiddink, þjálfari
PSV, kvaðst ekkert hafa heyrt og
það væri líklega betra fyrir dómara
að leiða orðfæri áhorfenda hjá sér.
„Menn eru að verða of viðkvæmir,“
sagði Hiddink en stutt er síðan dóm-
ari sleit leik í Hollandi vegna orð-
bragðs áhorfenda í sinn garð.
Dómarinn gekk af velli