Morgunblaðið - 20.12.2004, Síða 4
ÍÞRÓTTIR
4 B MÁNUDAGUR 20. DESEMBER 2004 MORGUNBLAÐIÐ
EINAR Hólmgeirsson skoraði 7
mörk fyrir Grosswallstadt sem
vann óvæntan sigur á Magdeburg,
37:36, í þýsku 1. deildinni í hand-
knattleik í gær. Snorri Steinn Guð-
jónsson skoraði 2 mörk fyrir Gross-
wallstadt, bæði úr vítaköstum.
Arnór Atlason var ekki á meðal
markaskorara Magdeburg og Sig-
fús Sigurðsson er frá vegna
meiðsla.
EINAR Örn Jónsson skoraði líka
7 mörk um helgina en hann var
markahæstur í liði Wallau Massen-
heim ásamt Heiko Grimm, þegar
liðið tapaði 35:27 fyrir Gummers-
bach. Einar LOGI Geirsson var
markahæstur hjá Lemgo ásamt
Florian Kehrmann, með 6 mörk,
þegar lið þeirra burstaði Wilhelms-
havener á útivelli í gær, 34:22. Gylfi
Gylfason skoraði 2 mörk fyrir Wil-
helmshavener.
GUÐJÓN Valur Sigurðsson gerði
tvö mörk fyrir Essen þegar liðið
tapaði 27:24 fyrir Flensburg-
Handewitt í þýsku deildinni á laug-
ardaginn. Essen var 23:21 yfir þegar
sex mínútur voru eftir af leiknum.
MARKÚS Máni Michaelsson
skoraði eitt mark fyrir Düsseldorf
en Alexander Petersson ekkert
þegar lið þeirra gerði jafntefli,
31:31, við Minden á útivelli. Patrek-
ur Jóhannesson lék ekki með Mind-
en en hann er að jafna sig eftir að-
gerð á hné í síðasta mánuði.
JAN-OLAF Immel, leikmaður
Wallau-Massenheim og þýska
landsliðsins í handknattleik, meidd-
ist illa á öxl í leik liðsins gegn
Gummersbach í 1. deildinni á laug-
ardaginn. Allt bendir til þess að
Immel, sem er rétthent skytta, geti
ekki leikið með Þjóðverjum í loka-
keppni HM sem hefst í Túnis 23.
janúar, enda telja læknar að hann
verði líklega frá í þrjá mánuði.
RÓBERT Gunnarsson skoraði 9
mörk fyrir Århus GF sem vann
nauman útisigur á botnliðinu Silke-
borg-Voel, 32:31, í dönsku úrvals-
deildinni í handknattleik á laugar-
daginn. Sturla Ásgeirsson var ekki
á meðal markaskorara Árósaliðs-
ins.
RAGNAR Óskarsson skoraði 5
mörk fyrir Skjern og Jón Þorbjörn
Jóhannsson 3 þegar lið þeirra og
Arons Kristjánssonar þjálfara vann
Ringsted, 26:24, á útivelli.
LJÓST er að uppselt verður á síð-
asta æfingaleik Þýskalands fyrir
HM í handknattleik, gegn Tékk-
landi í Berlín hinn 20. janúar. Á
laugardag höfðu yfir 6 þúsund mið-
ar verið seldir en höllin tekur 7.120
áhorfendur í sæti. Viggó Sigurðs-
son landsliðsþjálfari mun láta fylgj-
ast vel með Tékkum í þeim leik en
Ísland mætir þeim í fyrsta leik sín-
um á HM.
FÓLK
JUVENTUS heldur fjögurra stiga forystu í ítölsku 1. deildinni í knattspyrnu
eftir að hafa haldið með naumindum markalausu jafntefli á heimavelli í topp-
slagnum gegn AC Milan á laugardagskvöldið. AC Milan réð lögum og lofum
á Delle Alpi leikvanginum í Tórínó og nýkrýndur knattspyrnumaður Evr-
ópu, Andriy Shevchenko, komst næst því að skora þegar hann skaut í stöng.
„Ég vil frekar segja að ég sé ánægður með okkar frammistöðu en að ég sé
vonsvikinn yfir því að hafa tapað tveimur stigum,“ sagði Carlo Ancelotti,
þjálfari AC Milan.
„Juventus fær á sig fá mörk en samt tókst okkur að skapa okkur nokkur
góð marktækifæri. Okkur tókst ekki að nýta þau en þannig er fótboltinn, og
við það verður maður að sætta sig,“ sagði Ancelotti.
Kollegi hans, Fabio Capello hjá Juventus, sagðist hinsvegar vera ósáttur
við leik sinna manna en ánægður með úrslitin. „Við létum þá ráða ferðinni of
auðveldlega og þó við fengjum tækifæri til að refsa þeim í skyndisóknum
tókst okkur það ekki. Þetta var ekki þannig að einn eða tveir ættu slæman
dag, allt liðið lék undir getu. Milan er í mjög góðu standi þessa dagana en við
erum ekki upp á okkar besta sem stendur,“ sagði Capello.
Juventus er með 39 stig og AC Milan 35, og ljóst að félögin heyja einvígi
um ítalska meistaratitilinn í vetur.
Juventus hékk á jafntefli
gegn AC Milan
JÜRGEN Klinsmann mátti þola
sitt fyrsta tap sem landsliðsþjálf-
ari Þýskalands í knattspyrnu í
gær. Þjóðverjar biðu þá lægri
hlut fyrir Suður-Kóreu í Busan,
3:1, en þetta var sjötti leikur
þeirra undir stjórn Klinsmanns.
Þeir höfðu unnið fjóra þeirra og
gert eitt jafntefli. Michael Ball-
ack skoraði mark Þjóðverja en
hann nýtti ekki vítaspyrnu og
átti stangarskot þegar staðan var
2:1.
Kim Dong-jin, Lee Dong-gook
og Cho Jae-Jin skoruðu mörk
heimamanna.
Þetta var annar leikur Þjóð-
verja í Asíuför sinni en þeir sigr-
uðu Japana á dögunum, 3:0.
Fyrsti ósigur
Klinsmanns
Harry Redknapp, nýráðinn knatt-spyrnustjóri Southampton, var
að vonum ekki sáttur við úrslitin. „Við
höldum áfram að gera klaufaleg mis-
tök sem mótherjar okkar nýta sér og
skora hjá okkur,“ sagði Redknapp,
sem stjórnaði liðinu nú í annað sinn.
„Við gerðum klaufaleg grundvallar-
mistök í vörninni í dag og það kostaði
sitt. Við höfum bara sigrað í tveimur
leikjum í vetur og ef við skoðum leik-
inn í dag er augljóst hvers vegna,“
sagði Redknapp.
Birmingham var ekki í vandræðum
gegn neðsta liðinu í deildinni, WBA,
skoraði fjórum sinnum en leikmenn
WBA náðu ekki að setja mark. Í síð-
ustu viku lagði Birmingham Aston
Villa í öðrum grannaslag þannig að
forráðamenn félagsins og stuðnings-
menn eru kátir með árangurinn.
Bryan Robson, stjóri WBA, var
hins vegar ekki ánægður enda hefur
liðið aðeins unnið einn leik af síðustu
21 og aðeins fengið eitt stig úr þeim
sex leikjum sem hann hefur stjórnað
liðinu í síðan hann tók við af Gary
Megson fyrir sex vikum.
„Vörnin hjá okkur var hræðileg og
við réðum ekkert við Morrison og
Heskey. Staða okkar er slæm og við
verðum að bæta vörnina ef við ætlum
okkur að fá einhver stig,“ sagði Rob-
son.
Middlesbrough vann sinn sjötta
sigur í röð á heimavelli þegar Aston
Villa kom í heimsókn og fengu áhorf-
endur að sjá þrjú mörk heimamanna.
Boro er í fimmta sætinu, rétt á hælum
Manchester United.
Varnarmaðurinn Joey Barton hjá
Manchester City tryggði liði sínu 1:0
sigur á Bolton og þar með skaust City
upp fyrir Bolton, sem hefur ekki unn-
ið í síðustu sjö deildaleikjum.
Sókndirfska
hjá Liverpool
Liverpool vann sannfærandi sigur
á Newcastle í gær, 3:1. Patrick Kluiv-
ert kom Newcastle yfir en sjálfsmark
frá Titus Bramble og laglegt mark frá
Neil Mellor færði Liverpool undirtök-
in. Milan Baros lagði upp markið fyrir
Mellor og skoraði síðan sjálfur, 3:1, í
seinni hálfleiknum.
„Við tefldum fram miklu sóknarliði
í dag, vorum með sex sókndjarfa leik-
menn í byrjunarliðinu. Ég er mjög
ánægður með styrk liðsins, sem var
fljótt að snúa blaðinu við eftir að hafa
lent undir í leiknum. Harry Kewell
spilaði geysilega vel og hann veit vel
hversu mikilvægur hann er okkur.
Hann hefur stöðugt bætt sig í síðustu
5–6 leikjunum og verið frábær á æf-
ingum,“ sagði Rafael Benítes, knatt-
spyrnustjóri Liverpool.
Defoe með
þrennu fyrir
Tottenham
JERMAIN Defoe gerði þrjú mörk þegar Tottenham vann Southamp-
ton 5:1 í ensku úrvalsdeildinni á laugardaginn. Tottenham hefur
tekið við sér í síðustu leikjum og er komið í sjöunda sæti deildar-
innar eftir að hafa verið nálægt botninum framan af vetri.
Þrátt fyrir að sýna engan stjörnu-leik vann Chelsea stórsigur, 4:0,
á Norwich á laugardaginn og jók þar
með forystu sína í deildinni þar sem
Everton gerði markalaust jafntefli
við Blackburn. Eiður Smári Guðjohn-
sen var í byrjunarliði Chelsea en var
skipt út fyrir Didier Drogba eftir
klukkustundar leik. Drogba þakkaði
traustið og gerði fjórða og síðasta
mark Chelsea en í fyrri hálfleik skor-
uðu Damien Duff, Frank Lampard og
Arjen Robben fyrir heimamenn.
„Í augnablikinu erum við einfald-
lega bestir,“ sagði Jose Mourinho,
knattspyrnustjóri Chelsea, eftir sig-
urinn. „Betra lið en okkar getur að
sjálfsögðu lagt okkur að velli, en ef
við höldum andlegum og líkamlegum
styrk okkar og leikaðferðinni getur
ekkert lið unnið okkur. Arsenal og
Manchester United geta sjálfsagt
bætt sig og komist upp á það plan
sem við erum á, eða þá að við getum
misstigið okkur eitthvað og farið nið-
ur á lægra plan. En eins og staðan er
þessa dagana erum við bestir og til-
búnir að berjast,“ sagði stjórinn.
Campbell skaut
Arsenal í annað sætið
Miðvörðurinn Sol Campbell skoraði
eina mark leiksins þegar Arsenal
heimsótti Portsmouth, þrumuskot af
um 25 metra færi þegar tæpur stund-
arfjórðungur var til leiksloka. Það er
Frank Lampard, leikmaður Chelsea, skoraði gegn Norwich
Sol Campb
Arsenal í an
CHELSEA heldur sínu striki í ensku deildinni, vann stórsigur þegar tekið
var á móti Norwich á laugardaginn. Arsenal skaust í annað sætið á nýjan
leik með naumum sigri á Portsmouth en Everton varð að sætta sig við
jafntefli við Blackburn og Manchester United vann góðan sigur á Crystal
Palace. Chelsea er enn í efsta sæti og með fimm stiga forystu á Arsenal
sem er stigi fyrir ofan Everton en Manchester United er í fjórða sæti
þremur stigum á eftir Everton.
Marel rekinn af velli
MAREL Baldvinsson var rekinn af velli þegar Lokeren gerði 1:1-jafn-
tefli við Charleroi í belgísku deildinni um helgina. Fjórir Íslendingar
hófu leikinn, Arnar Grétarsson, Arnar Þór Viðarsson, Rúnar Krist-
insson og Marel, og komu mikið við sögu. Forseti félagsins sagði í vik-
unni að liðið yrði að sigra til að bjarga Van der Elst þjálfara þess,
þannig að ekki er ólíklegt að hann verði látinn fara í vikunni.
Gestirnir frá Charleroi komust yfir eftir aðeins sex mínútna leik en
Doll jafnaði metin skömmu síðar eftir sendingu frá Arnari Grét-
arssyni.
Marel var síðan rekinn af velli á 38. mínútu og var það vægast sagt
furðulegur dómur. Hann var í baráttu um boltann við varnarmann
sem fór aftan í hælana á honum og ýtti Marel þá við honum og fékk
rautt fyrir vikið. Mjög strangur dómur og hefði Marel í allra mesta
lagi átt að fá gult spjald.
Þetta atvik fór illa í heimamenn, bæði áhorfendur og leikmenn og
litlu munaði að upp úr syði um tíma.
Lokeren var sterkari aðilinn þrátt fyrir að vera einum færri og
litlu munaði að Arnar Grétarsson næði að gera sigurmarkið beint úr
aukaspyrnu af um 20 metra færi, boltinn stefndi í vinkilinn, en lenti í
innanverðri stönginni.
Indriði Sigurðsson og félagar í Genk lentu í kröppum dansi gegn
Cercle Brugge en náðu þó að sigra 2:1. Indriði lék allan leikinn.