24 stundir - 08.12.2007, Side 58

Á Suðureyri búa um 300 manns,
200 Íslendingar, 60 Pólverjar og
40 frá öðrum löndum. Það er
ekki síst innflytjendunum að
þakka að sjávarútvegur er enn
aðalatvinnuvegurinn á Suðureyri.
Anna og Jaroslaw (Jarek) komu
sitt í hvoru lagi til Suðureyrar ár-
ið 1998. Nú eiga þau tvo drengi,
báða fædda á Íslandi, og öðluðust
íslenskan ríkisborgararétt fyrir
tveimur árum. Pawel, sem er
fimm ára, æfir pólska þjóðdansa
á Ísafirði og fjölskyldan fer í
kirkju einu sinni í viku, enda
kaþólsk. Þegar Anna kom fyrst til
landsins fyrir níu árum voru
fimm til tíu Pólverjar búsettir í
bænum og margt hefur breyst
síðan þá, t.d. var erfitt að verða
sér úti um pólskan mat. Anna
vinnur í fiskvinnslu hjá Íslands-
sögu en er reyndar í fæðing-
arorlofi, enda Piotr (sem þau
kalla reyndar oftast Pétur) aðeins
þriggja vikna gamall. Jarek vinn-
ur við beitningar og hentar sú
vinna fjölskyldunni vel. Brynjar
Gunnarsson ljósmyndari fylgdist
með degi í lífi fjölskyldunnar.
Pólska
fjölskyldan
á Suðureyri
Í upphafi dags Það er enn dimmt þegar Jarek þrammar til vinnu klukkan átta eftir að hafa fylgt Pawel í leikskólann.
Gott að fá pásu Jarek tekur reykingapásu eftir að hafa beitt í fyrsta balann. Það tekur hann einungis um
klukkustund að beita alla 500 króka á línunni.
Í fæðingarorlofi Á meðan Jarek og Pawel eru úti við vinnu og leik, sinnir Anna Piotr litla.
Trúin er sterk Fjölskyldan er trúrækin og fer til kirkju til Ísafjarðar alla sunnudaga. Eftir messuna hittast kaþólskir á Vestfjörðum í
messukaffi, flestir eru þeir pólskir.
Í fiskvinnslunni Stígvélin bíða þolinmóð eftir að fæðingarorlofi Önnu ljúki. Af
þeim 60 Pólverjum sem búa á Suðureyri vinna um 30 hjá Íslandssögu.
Í GEGNUM LINSUNA
frettir@24stundir.is a
Á Suðureyri búa nú um 300 manns. Laus-
lega talið búa þar 200 Íslendingar, 60 Pól-
verjar og 40 koma frá öðrum löndum.