24 stundir - 08.12.2007, Side 74

74 LAUGARDAGUR 8. DESEMBER 2007 24stundir
Eftir Albert Örn Eyþórsson
albert@24stundir.is
Það yrði sennilega upplit á ein-
hverjum ef íslenskur íþróttamaður
viðurkenndi að þurfa nauðsynlega
að fá sér góðan lúr fyrir allar æfing-
ar og leiki. Það er engu að síður
raunin hjá TaKeshu Watson hjá
Keflavík og Kieru Hardy hjá Hauk-
um, tveimur af stærstu erlendu
nöfnunum í kvennakörfuboltan-
um hérlendis. Hafa lið þeirra mæst
tvívegis hingað til í vetur og í bæði
skiptin höfðu þær keflvísku betur.
Þær eru sem stendur í efsta sæti
deildarinnar meðan Íslandsmeist-
arar Hauka eru í öðru sæti ásamt
KR sem á leik til góða.
Boltinn á Fróni
Þótt gengið sé gott er það fjarri
hinni afar hógværu Takeshu Wat-
son að gorta sig. Kesha, eins og hún
er kölluð, hefur spilað fyrir Kefla-
vík um eins árs skeið. „Það hefur
gengið vel hingað til og liðið er
þroskaðra en það var fyrir ári. Það
er engum einum að þakka enda er
þetta liðsíþrótt en allar höfum við
þroskast frá því í fyrra og spilum
meiri fljótandi bolta nú sem aftur
skilar sér í betri árangri.“
Hin 25 ára gamla Kesha kom
hingað frá Þýskalandi en þar áður
lék hún skamman tíma með liði í
Slóvakíu. Þar áður lék hún tímabil
með liði í deild fyrir neðan WNBA.
Tíminn í Þýskalandi var góður og
hún segir ekki síðra að spila hér.
„Munurinn er kannski helstur að
margar stelpur hér eru bráðungar
og almennt eru þær ekki eins há-
vaxnar og gerist erlendis. En deild-
in er vaxandi og leikir hér ekki síð-
ur erfiðir en annars staðar.“
Kiera Hardy er yngri, aðeins 22
ára, og er Ísland hennar fyrsta
stopp á ferlinum utan heimalands-
ins og það síðasta fái hún einhverju
ráðið. Henni finnst verra að setja
fram skoðun á íslenska körfubolt-
anum enda aðeins leikið með
Haukum í tvo mánuði. „Mér sýnist
flest liðin vera með mjög ungar
stelpur og það sama gildir um okk-
ur í Haukum. Haldi þær áfram er
björt framtíðin í kvennakörfunni
en auðvitað er stigsmunur á bolt-
anum hér og úti.“
Dvölin hér
Þær flissa báðar og hrista höf-
uðið þegar talið berst að Íslandi og
hvort og hvað þær hafi vitað um
land og þjóð áður en þær komu.
Báðar þurftu að fletta staðsetning-
unni upp en eru einnig sammála að
ekki hafi margt komið þeim á óvart
við dvöl sína hér. Báðar eru vanar
kulda frá sínum heimahögum og
kippa sér ekkert upp við það. Verra
sé með myrkrið nú í mesta skamm-
deginu. Það hafi áhrif þó ekki sé
það alvarlegt.
Líf utan boltans
Áberandi er hversu þær báðar
hafa lítið af heiminum að segja ut-
an leikja og æfinga. Kesha reyndar
þjálfar yngri flokka hjá Keflavík en
þess utan eyðir hún tímanum
heima við eins og Kiera gerir líka.
Þær viðurkenna báðar að vera lítið
í samskiptum almennt og fari lítið
út fyrir hússins dyr. Hvorug talar
íslensku þó Kesha skilji hrafl enda
verið lengur. Kesha segir það þó
ekki vandamál. „Ég kann þessu
ágætlega enda minn eigin herra og
get gert það sem ég vil. Það er mik-
ið frelsi þó engin spurning sé að
einmanaleiki og depurð sæki eðli-
lega stundum að.“
Báðar með heimþrá
Ekki þarf að koma á óvart að
báðar þjást stúlkurnar ungu af
heimþrá. Ísland er ekki á heim-
sóknarlista ættingja eða vina og
þær eru báðar sammála um að þær
eigi misjafna daga hvað það varðar.
Báðar fljúga þó heim um jólin,
Kesha til Oklahoma og Kiera til
Nebraska.
Kiera er þó efalítið með vinning-
inn þegar heimþrá bítur í vegna
þess að hún gerði sér lítið fyrir og
fékk eina vinkonu sína til að dvelja
hér með sér. Sú ákvörðun hefur
hjálpað því enn sem komið er er
lítið um samskipti við liðsfélaga
eða aðra utan leikja eða æfinga. „Ég
bjóst alveg við því enda eini erlendi
leikmaðurinn í hópnum. Einhver
einangrun er hluti af þessu.“
Engin innkaup
Hvorug ætlar sér að kaupa eina
einustu jólagjöf hér á Fróni og
svipur þeirra þegar verðlagið ber á
góma segir allt sem segja þarf.
Kiera segir að upphaflega hafi hún
ætlað sér að nota dvölina hér til að
spara en ranghvolfir svo augum yf-
ir vitleysunni. „Það er algjörlega
ómögulegt enda ótrúlega dýrt að
lifa hér jafnvel þó ég geri ekki neitt
alla daga.“
Óvíst með framhaldið
Ólíklegt er að Kesha eða Kiera
verði lengur hérlendis en út þessa
leiktíð. Kesha líklegri þó en vill ekki
taka þá ákvörðun strax. „Ég held ég
eigi kannski tvö góð ár eftir í körf-
unni en að þeim tíma loknum vil
ég fara að stofna fjölskyldu og
sinna öðrum málum en íþróttum.
Hvort ég klára þetta hér eða ekki
verður að koma í ljós en þangað til
vil ég færa Keflavík einn titil í
kvennaflokki.“
Kiera hins vegar ætlar sér á úr-
tökumót fyrir bandarísku kvenna-
körfudeildina WNBA og telur
harla ólíklegt að hún komi aftur.
„Ég kom vegna þess að mér var
ráðlagt að verða fjölhæfari áður en
ég reyndi inngöngu í WNBA og
finn að ég er að bæta mig smátt og
smátt. Ég ætla ekki að hugsa um
annað en að bæta mig enn frekar
næstu mánuði og hjálpa liðinu að
vinna næsta titil.
Keisha og Kiera
 Tvær helstu erlendu stjörnur kvennakörfuboltans finna sig vel með liðum sínum hér
 Fátt kemur þeim á óvart við land og þjóð nema helst verðlagning í verslunum
Stöllurnar bandarísku,
TaKesha Watson hjá
Keflavík og Kiera Hardy
hjá Haukum, hafa báðar
sett mark sitt á kvenna-
körfuboltann hérlendis
og draga jafnan vagninn
fyrir lið sín sem bæði
berjast í efstu hæðum
Iceland Express-deildar
kvenna. En það er ekki
endilega dans á rósum.
Leikjaplan AC Milan næstamánuðinn er erfitt ímeira
lagi og nú
reynir á Björn
bónda og vini
hans frá Milan.
Frá 13. des til
13. febrúar
spilar liðið átta
leiki í öllum sínum keppnum
að frátalinni Meistaradeildinni
en þar á liðið leik 19. febrúar.
Verst er að gengið er enn langt
frá því að vera gott og liðið
hingað til ekki komist í gírinn.
Fregnir af þjálfaramálumEnglands eru jafn margarog blöð-
in í landinu.
The Sun full-
yrðir að þegar
hafi verið rætt
við Mourinho
og hann sé lík-
legur. BBC seg-
ir þetta þvætting og er fullyrt
þar að engin viðtöl hafi enn átt
sér stað. Og Independent segir
nú að rætt hafi verið við Fabio
Capello og hugsanlega verði
rætt við Mourinho í kjölfarið.
Arsene Wenger fær kaldargusur frá Félagi leik-manna
í Englandi en
það félag stóð
fyrir mikilli út-
tekt á slöppu
gengi enskra
liða í Evrópu.
Niðurstaðan er
að allt of margir erlendir leik-
menn stundi boltaspark í land-
inu á kostnað heimamanna.
Kemur þar fram eins og hefur
þegar legið fyrir um hríð að
enskir eru á útrýmingarlista í
boltanum. 1990 var 71 prósent
leikmanna enskir í húð og hár,
19 prósent komu frá Skotlandi,
Írlandi eða Wales en aðeins 10
prósent erlendir. Hlutfallið í
dag 38 prósent enskir og 51
prósent erlendir. Fær hinn
franski þjálfari Arsenal alveg
sérstaka pillu í skýrslunni enda
útlendingahersveitir Arsenal vel
þekktar.
Leikmenn Sunderland hafanú lært mikilvægustu oghörð-
ustu lexíu sem
hægt er að læra
í úrvalsdeild-
inni; að læra
auðmýkt. Þetta
er álit Roy
Keane stjóra
liðsins eftir bakarísferð liðsins
til Everton þar sem nýliðarnir
töpuðu 7-1. Fullyrðir Keane að
þetta hafi einfaldlega verið lexía
sem aðeins sé hægt að læra með
því að upplifa slíkt og segir gott
að slíkt sé yfirstaðið.
Goðsögnin Denis Lawtekur undir með AlexFergu-
son stjóra
United að tríó
Rooney, Tevez
og Ronaldo
eigi eftir að láta
svo að sér
kveða næstu árin að sögubækur
muni minnast þeirra sem stórra
hetja fyrir liðið. Ferguson sjálf-
ur sagði fyrir skömmu að aldrei
á hans ferli hefði leikmanna-
hópur United verið jafn spenn-
andi og nú er raunin og eru
fjölmargir áhugamenn sam-
mála stjóranum skoska.
SKEYTIN INN
ÍÞRÓTTIR
ithrottir@24stundir.is a
Áberandi er hversu þær báðar hafa lítið af
heiminum að segja utan leikja og æfinga.
Þær viðurkenna báðar að vera lítið í samskiptum
almennt og fari lítið út fyrir hússins dyr.
TAKESHA WATSON KIERA HARDY
28,9 Stig að meðaltali í leik 30,1
36,5% Nýting þriggja stiga skota 42,2%
202 stig í 7 leikjum Samtals skor í vetur 331 stig í 11 leikjum
50 stig Mesta skor í leik 51 stig
53 Fráköst samtals 63
24 Stolnir boltar 34