24 stundir - 30.01.2008, Side 14

Áætlað er að meira en 850 manns
hafi fallið í óeirðum sem geisað
hafa í Kenýa síðan 27. desember á
liðnu ári, þegar forsetakosningar
fóru fram. Stjórnarkreppan og
ofbeldið sem henni hefur fylgt
hefur velt landinu af stalli sínum
sem friðarvin á því ófriðarsvæði,
sem austurhluti Afríku er.
Á þriðjudag beitti stjórnarherinn
þyrlum til að leysa upp átök á
milli hópa sem tókust á í Naíróbí
eftir að stjórnarandstöðuþing-
maðurinn Mugabe Were var
myrtur.
Óttast er að deilur um úrslit for-
setakosninganna verði nýttar til
að kynda undir kynþáttadeilum.
Tilheyra frambjóðendurnir tveir
ólíkum þjóðarbrotum – forsetinn
Mwai Kibaki er Kalenjin-ættar,
en Raila Odinga, sem telur Kibaki
hafa haft rangt við í kosning-
unum, er Luo-maður.
Ástandið hefur valdið miklum
truflunum á lífi fólks. Er áætlað
að um 250.000 manns hafi þurft
að flýja heimili sín. Sameinuðu
þjóðirnar hafa miklar áhyggjur af
ástandinu og hafa sent Kofi Ann-
an til að miðla málum. aij
Hundruð
manna fallin
í óeirðum
NordicPhotos/AFPKynþáttaróstur Maður sem býr í Kibera-fátækrahverfinu í Naíróbí gengur alblóðugur frá kenýskum lögregluþjónum eftir óeirðir á mánudag.
Hinsta kveðjan Nicolas Sarkozy Frakklandsforseti fylgir þremur lögreglumönnum til grafar. Mennirnir létu lífið þegar þeir reyndu að
bjarga ökumanni sem þeir höfðu veitt eftirför undan aðvífandi lest á föstudag. Ökumaðurinn lést einnig.
Kjötkveðjuhátíð undirbúin Áhorfendapallar eru þrifnir við Sambodromo í Ríó,
þangað sem sambandansarar munu fjölmenna eftir viku.
Farfuglar Flamingóar taka á loft í Nal Sarovar fuglaverndarsvæðinu í nágrenni Ahmedabad á Indlandi. Verndarsvæðið er eitt hið
stærsta í landinu og gegnir mikilvægu hlutverki fyrir farfugla eins og flamingóana á veturna og vorin.
Meðmælendur Verkamenn á filippseyskri sykurplantekru hvíla lúin bein á leið sinni til
að sýna stuðning sinn við lög sem tryggja munu landlausum bændum jarðnæði.
14 MIÐVIKUDAGUR 30. JANÚAR 2008 24stundir
ÁSTANDHEIMSINS
frettir@24stundir.is a
Þetta snýst ekki lengur
um kosningarnar, þetta
snýst um hefndarvíg.
Bogonko Bosire, blaðamaður