24 stundir - 29.02.2008, Page 12

12 FÖSTUDAGUR 29. FEBRÚAR 2008 24stundir
Allianz Ísland hf. | Laugavegur 176 | 105 Reykjavík | 595 3300 | allianz@allianz.is | allianz.is | BYR er eigandi Allianz á Íslandi
Eru þínir peningar að fuðra upp?
Viðbótarlífeyrissparnaður
- tryggir þína framtíð
Hafðu samband við ráðgjafa Allianz.
Þú ferð aldrei í mínus hjá Allianz!
Ó
!
·1
1
1
7
1
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Ólafur Þ. Stephensen
Björg Eva Erlendsdóttir
Gunnhildur Arna Gunnarsdóttir
Þröstur Emilsson
Elín Albertsdóttir
Auglýsingastjóri: Steinn Kári Ragnarsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: 24stundir@24stundir.is, frettir@24stundir.is, auglysingar@24stundir.is
Prentun: Landsprent ehf.
Lengi hefur verið ríkjandi viðhorf hér á landi að almennar siðareglur
eigi ekki sérlega vel við í bloggheimum og þar sé mönnum leyfilegt að
segja hvað sem er. Nýlegur dómur héraðsdóms kveður upp úr með að
þetta sé ekki svo og að netverjar verði að bera ábyrgð á orðum sínum eins
og aðrir.
Öllum ætti að vera ljóst að í netheimum fara menn hvað eftir annað of-
fari í meiðandi ummælum um náungann, oft í skjóli nafnleysis. Menn
virðast líta svo á að það sé sjálfsagður réttur þeirra að hella úr tilfinn-
ingaskálum sínum á netsíður og kveða upp alls kyns dóma yfir samborg-
urum sínum. Það er sannarlega engin ástæða til að fagna slíku ábyrgð-
arlausu frelsi en það er álitamál hversu hart á að taka á slíkum brotum.
Nýfallinn dómur héraðsdóms vekur upp ýmsar áleitnar spurningar sem
munu verða æpandi staðfesti Hæstiréttur dóminn. Af stað gæti farið hrina
málaferla þar sem alls kyns vælukjóar sem telja hafa verið vegið að sér
sækja rétt sinn. Þeir sem hýsa nafnlaust blogg geta einnig verið gerðir
ábyrgir orða sem eru ekki frá þeim runnin, þar sem þeir teljast vera
ábyrgðarmenn viðkomandi síðu. Síðan vaknar sú spurning hversu dýr orð
séu og hversu háar skaðabætur menn verði að greiða fórnarlömbum sín-
um. Ekki verður annað séð en að upphæðin sem Gauki Úlfarssyni er gert
að greiða Ómari R. Valdimarssyni sé ansi há, til dæmis miðað við þær
skaðabætur sem kynferðisglæpamönnum er gert að greiða fórnarlömbum
sínum. Ummæli Gauks voru vissulega glannaleg og ekki skynsamleg, en
eru langt frá því að vera með því versta sem sést hefur í bloggheimum.
Refsiglaðir menn kunna að fagna því að nú sé hægt að draga bloggara
fyrir dóm. Þeir sem hallast ekki að slíkum leiðum
hljóta að telja æskilegra að í bloggheimum komi
menn sér upp eigin siðareglum og fari eftir almenn-
um kurteisisreglum. Það er óhjákvæmilegt að menn
fari einstaka sinnum fram úr sér í bloggskrifum þar
sem svo stór hópur stundar þau. En ef menn þekkja
leikreglurnar þá munu flestir fara eftir þeim. Fæstir
vilja vera dregnir fyrir dóm vegna meiðandi ummæla.
Í þessu máli, líkt og svo mörgum öðrum, er refsigleði,
höft og helsi ekki endilega svarið. Við verðum að
sætta okkur við að mistök munu eiga sér stað en þau
verða mun færri en ella ef menn átta sig á almennum
siðareglum og einsetja sér að fara eftir þeim.
Hversu dýr
eru orð?
SÆKTU LEIÐARANN Á WWW.MBL.IS/PODCAST
Ég er að velta því fyrir mér hvers
vegna gagnrýni Andrésar Magn-
ússonar læknis á íslenska banka-
kerfið hefur feng-
ið svo mikinn
hljómgrunn.
Er það ekki vegna
þess að almenn-
ingur í þessu
landi er búinn að
fá sig gjörsamlega
fullsaddan á
vaxtaokrinu,
óhófinu og matadorspilamennsk-
unni í bankakerfinu?
Og líka vegna þess að fólk treystir
ekki hagfræðingum fyrir fimm-
aura? Þeir hafa svo oft haft rangt
fyrir sér, verið uppteknir við að
verja rotið kerfi, talað upp gengi á
pappírum sem voru einskis virði í
raun.
Egill Helgason
eyjan.is/silfuregils
BLOGGARINN
Fullsaddir
Frá því að fyrirtækið Jarðvélar
[…] varð gjaldþrota hefur
Reykjanesbrautin verið stór-
hættuleg, –
kannski hættu-
legasti þjóðvegur
landsins. Það
berast nánast
daglega fréttir
um árekstra, slys
og óhöpp á kafl-
anum milli Voga-
afleggjara og
Grindavíkurafleggjara. Ástandið
er óþolandi og seinagangur Vega-
gerðarinnar líka. Í stað þess að fá
nýjan verktaka strax í málið er
það sett í útboð, að kröfu fjár-
málaráðuneytisins eftir því sem
manni skilst. Það er lágmarks-
krafa að bætt sé úr ljósum og við-
vörunarmerkjum.
Pétur Gunnarsson
eyjan.is/hux
Seinagangur
Við framsóknarmenn beittum
okkur fyrir því á síðasta kjör-
tímabili að ná samkomulagi við
lyfjaheildsala sem
hefur skilað sér í
mun lægra lyfja-
verði. Nú þarf að
halda áfram að
lækka lyfjaverðið
og árangursrík-
asta leiðin í þeim
efnum er að
lækka skattlagn-
ingu. Lækkun virðisaukaskatts á
lyf myndi koma þeim best sem
hvað höllustum fæti standa í
þjóðfélaginu, sjúkum, öldruðum
og öryrkjum. Þessir hópar þurfa
því miður að bíða þessarar kjara-
bótar um óákveðinn tíma. [] for-
gangsmál allra flokka að bæta
sérstaklega stöðu þessara hópa.
Birkir Jón Jónsson
birkir.blog.is
Dýr lyf
Kolbrún
Bergþórsdóttir
kolbrun@24stundir.is
Nýfallinn héraðsdómur fyrir nauðgun á
barnapíu er merki um að nauðgunar-
dómar séu að þyngjast eilítið. Slíkt er fagnaðarefni í
sjálfu sér þótt flestum finnist dómar fyrir kynferð-
isbrot enn vera allt of vægir. Dómar fyrir kynferð-
isbrot hafa í gegnum tíðina verið of vægir á Íslandi en
það að nauðgunardómar séu að þyngjast hægt og bít-
andi er jákvæð þróun.
Löggjafinn hefur sent þau skilaboð til dómstólanna að
nauðgun er mjög alvarlegur glæpur, svo alvarlegur að
hann getur varðað allt að 16 ára fangelsi. Dómstólum
ber að virða þann vilja löggjafarvaldsins. Auðvitað veit
ég að þungir dómar eru ekki einhver allsherjarlausn
en dómarnir þurfa að vera sanngjarnir og réttlátir.
Að mínu mati þarf ekki einungis að vera samræmi á
milli dóma fyrir sömu brot heldur þarf einnig að vera
eitthvert samræmi á þyngd dóma milli brotaflokka.
Slíkt samræmi er ekki fyrir hendi. Nægir að líta til
hinna þungu fíkniefnadóma annars vegar og hins veg-
ar á dómana fyrir kynferðisbrot. Þessi dómafram-
kvæmd er ekki í samræmi við réttlætiskennd almenn-
ings. Undanfarin ár höfum við tekið mörg jákvæð
skref í þessum málaflokki. Skilgreiningin á nauðgun
hefur m.a. verið víkkuð út þannig að nú er ofbeldi eða
hótun ekki lengur skilyrði fyrir því að hægt sé að telja
verknaðinn vera nauðgun. Þá telst það nú vera nauðg-
un að þröngva vilja sínum gagnvart rænulausum ein-
staklingi. Í umræddum héraðsdómi er sérstaklega tal-
að um að brotið hafi verið gegn sjálfsákvörðunarrétti,
athafnafrelsi og friðhelgi stúlkunnar sem verður að
teljast vera frekar ný og jákvæð nálgun hjá íslenskum
dómstóli. Við eigum að líta á nauðganir sem mjög al-
varleg brot á kynfrelsi og sjálfs-
ákvörðunarrétti einstaklingsins. Þessi
mál snúast hins vegar ekki einungis
um lög og dóma. Það þarf einnig að
fjölga þeim málum sem fara í gegn-
um kerfið og tryggja fræðslu og skil-
virkan stuðning við þolendur kyn-
ferðislegs ofbeldis. Að mínu mati er
þessi málaflokkur miklu mikilvægari
en margt annað.
Höfundur er varaformaður
Samfylkingarinnar
Vægir dómar en jákvæð þróun
ÁLIT
Ágúst Ólafur
Ágústsson
aoa@althingi.is