24 stundir - 16.07.2008, Blaðsíða 12

12 MIÐVIKUDAGUR 16. JÚLÍ 2008 24stundir
24stundir
Útgáfufélag:
Ritstjóri:
Fréttastjórar:
Ritstjórnarfulltrúi:
Árvakur hf.
Gunnhildur Arna Gunnarsdóttir
Björg Eva Erlendsdóttir
Magnús Halldórsson
Þröstur Emilsson
Elín Albertsdóttir
Auglýsingastjóri: Gylfi Þór Þorsteinsson Ritstjórn & auglýsingar: Hádegismóum 2, 110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: frettir@24stundir.is, auglysingar@24stundir.is, 24stundir@24stundir.is,
Prentun: Landsprent ehf.
Við upphaf fyrirlestrar um skuldabréfamarkað, sem Ingvar Heiðar
Ragnarsson, hjá fjárstýringu Glitnis, hélt í Háskólanum í Reykjavík í vor,
sagði hann fyrirlestrargestum að vera alveg rólegir ef þeir skildu ekki til
fulls efnið sem var til umfjöllunar. Sagði hann líklega á milli 70 og 80 pró-
sent starfsmanna í bönkum ekki gera það heldur. Það er því ekki að
ástæðulausu sem stjórnmálamenn eiga í erfiðleikum með að átta sig á
þeim djúpstæða lausafjárvanda sem nú herjar að hagkerfum heimsins, og
koma fram með misvísandi lausnir á honum. Þessi vandi, sem að stórum
hluta má rekja til glæfralegra húsnæðislána á bandarískum húsnæðislána-
markaði, hefur orðið þess valdandi að stjórnmálamenn og forsvarsmenn í
íslensku atvinnulífi hafa beitt Geir H. Haarde forsætisráðherra, og rík-
isstjórn hans, miklum þrýstingi til þess að taka á vandanum. Frá upphafi
stjórnarsamstarfs Samfylkingarinnar og Sjálfstæðisflokksins hefur svo
þrýstingurinn um aðild að Evrópusambandinu aukist jafnt og þétt. Þar
ræður mestu að helmingur ráðherranna í ríkisstjórn - það eru ráðherrar
Samfylkingarinnar - eru af hugsjón til hlynntir aðild að Evrópusamband-
inu.
Guðni Ágústsson, formaður Framsóknarflokksins, hefur að undan-
förnu sagt Seðlabanka Íslands verða að nýta heimild til hundruð milljarða
króna láns sem allra fyrst, til að styðja við íslenskt efnahagslíf. Þingflokk-
urinn allur styður þessa tillögu Guðna. Engar kvaðir eru um ytri aðstæður
í málflutningi Guðna sem verður að teljast óábyrgt gagnvart kjósendum.
Skuldatryggingarálag á íslenska ríkið, sem oft er mælikvarði á lánskjör, er
nú rúmlega fjórtán sinnum meira (2,9 prósent), en það var á sama tíma í
fyrra (0,20 prósent). Guðni, eins og aðrir sem kalla eftir tafarlausri lán-
töku, verða að rökstyðja það hvers vegna það er skyn-
samlegt að taka lán í flýti. Þau rök hafa ekki komið
fram. Spurningin sem stjórnmálamenn verða að
spyrja sig að er hvort lausnin á vandanum, sem á ræt-
ur í röngum ákvörðunum forsvarsmanna bandarískra
fjárfestingarbanka, er til eða ekki. Þessari spurningu
hefur verið velt upp í skrifum fagtímarita um við-
skipti undanfarna mánuði. Hvar er botninn og hvað
er hægt að gera? Spurði pistlahöfundur Finacial Tim-
es ekki alls fyrir löngu, og vitnaði til lausafjárvandans.
Engar sértækar lausnir eru til, þó margir séu á því að
inngrip ríkisstjórna geti mildað skammtímaáhrif
vandans, eins og Jón Steinsson hagfræðingur benti á í
24 stundum. Fyrst og síðast virðist vandinn þurfa að
vinda ofan af sér sjálfur.
Er lausnin til?
Algengt er um þessar mundir að
heyra eftirfarandi staðhæfingar:
Dagblöðin og tímaritin eru búin
að vera. Það er
netið eitt sem
skiptir máli. Þar
er umræðan. Þar
eru fréttirnar.
Þaðan koma
straumarnir.
Margir bloggarar
taka undir þetta
af hagsmuna-
ástæðum.
En þetta er tóm steypa. Dagblöð
og tímarit munu áfram njóta vin-
sælda og áhrifa þrátt fyrir sig-
urgöngu netsins.
Ótal dæmi frá síðustu misserum
sýna að prentmiðlar hafa enn gíf-
urleg áhrif á þjóðfélagsumræður
og atburðarás þjóðfélagsmála.
Guðmundur Magnússon
gudmundurmagnusson.blog.is
BLOGGARINN
Blöðin lifa
Pólitísk bónleið til 27 ESB-ríkja
um að Ísland fái að taka upp evru
á grundvelli heimasmíðaðra laga-
raka um sér-
meðferð virðist
afar hæpinn leið-
angur að leggja út
í, af pólitískum
en ekki síður
efnahagslegum
ástæðum eins og
bent er á í Morg-
unblaðsleiðara.
Það yrði túlkað þannig að stjórn-
völd hefðu misst trúna á gjald-
miðlinum. Hvorki Geir né Ingi-
björg Sólrún vilja fara í slíkan
leiðangur. Það yrði hvort eð er
ekki hlustað á þessa evruhug-
mynd Íslendinga, nema sem
neyðarráðstöfun ef Ísland væri á
hausnum, sem það er ekki.
Hallgrímur Thorsteinsson
hallgrimur.eyjan.is
Hæpin bón
Iceland Express skilaði mér hing-
að til London, rétt eftir að fundi
þeim sem ég ætlaði á lauk og koll-
egar mínir héldu
heim á leið. Við
tók ágætisrölt í
borginni, fann til
að mynda margar
áhugaverðar bæk-
ur sem ég þarf að
drösla með mér
það sem eftir er af
ferðalaginu. Síðar
í dag fer ég til Berlínar og svo
áfram til Ljúblíana þar sem ég er
með grein og erindi á ráðstefnu
um rannsóknir í alþjóðafræðum.
Þetta er raunar viðamesta fræði-
ráðstefna heims á sínu sviði, þar
að segja alþjóðafræðum og hnatt-
væðingu. Ég á að fjalla um nor-
ræna þjóðernishyggju.
Eiríkur Bergmann Eiríksson
eirikur.eyjan.is
Missti af fundi
Magnús
Halldórsson
magnush@24stundir.is
Allir sem um málefni launþega fjalla vita
að réttlæti nær ekki langt þegar hinn al-
menni launamaður á í hlut. Þá er ekki skoðuð mennt-
un, sérhæfing, ábyrgð og umfang starfsins. Frá nýleg-
um kjarasamningum hafa fulltrúar launamanna gengið
daufir í dálkinn, enda um varnarsamninga að ræða
með tilliti til efnahagsástandsins. Með þessu hafa
launamenn sannað að þeir semja af ábyrgð, með af-
komu þjóðinnar og einstaklinganna í huga. Þetta á ekki
við um forsvarsmenn sveitarfélaga, þá eru kjörin ekki
skorin við nögl. Þeim kemur ekki afkoma almennings
og sveitar við. Ekki skiptir máli þó sveitarfélagið telji sig
ekki geta rekið grunnskóla né hjúkrunarheimili, með
fullri sæmd, vegna launa kennara, sjúkraliða og ann-
arra starfsmanna. Sveitarfélögin vísa öllum kjarasamn-
ingum til Launanefndar sveitarfélaga, með kröfum um
að launum sé haldið niðri eins og hægt sé. Undantekn-
ing frá þeirri meginreglu eru þó kjör bæjarstjóranna.
Um kjör þeirra ríkir almennt leynd og eru ekki lögð
fram til kynningar, hvað þá að um kjör þeirra sé samið
hjá Launanefnd. Í undantekningartilvikum þegar vin-
áttuböndin bresta og nýr meirihluti tekur við, koma
raunkjör í ljós líkt og í Grindavík. Bæjastjórinn þar var
með sexföld verkamannalaun. Auk þess var tryggt að
húsnæði yrði keypt af honum á fullu verði við starfslok.
Þær eru margar Sviðinsvíkurnar í málum líkum
Grindavík. Sveitarfélögin þurfa á hæfum bæjarstjórum
að halda og þurfa því að greiða mannsæmandi laun. En
hvað með sjúkraliðana, kennarana og alla sem vinna
sveitarfélaginu ótrúlegt gagn með sinni vinnu. Árið
1996 voru lög um biðlaunarétt opinberra starfsmenn
afnumin. Það þótti ekki við hæfi að
opinberir starfsmenn hefðu rétt á
að hætta með sæmd, væri þeim sagt
upp störfum. Þeir standa frammi
fyrir því að sjá allt ævistarfið hrynja
fái þeir ekki starf í héraði. Á sama
tíma eru starfskjör bæjarstjóra með
þeim hætti að hann geti hætt störf-
um með allt sitt á þurru. Almenn-
ingur borgar síðan brúsann í formi
hækkaðra skattaálagna.
Höfundur er formaður
Sjúkraliðafélags Íslands
Hvar er réttlætið?
ÁLIT
Kristín Á.
Guðmundsdóttir
kristin@slfi.is
Nú getur þú tryggt þér síðustu sætin í sólina við
Alicante á hreint ótrúlegum kjörum í júlí og ágúst. Úrval
gistimöguleika í boði á Benidorm. Gríptu tækifærið og
tryggðu þér sumarauka á frábærum kjörum á einum
vinsælasta sumarleyfisstað Íslendinga.
Skógarhlíð 18 • sími 595 1000 • www.heimsferdir.is
Alicante
*** Aðeins örfá sæti laus ***
Verð kr. 19.990
Flugsæti aðra leið með sköttum
(ALC - KEF) 24. júlí og (KEF - ALC),
23. júlí, 6. eða 13. ágúst. Netverð á
mann.
Munið Mastercard
ferðaávísunina
Birt með fyrirvara um prentvillur. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
frá kr. 19.990
í júlí og ágúst
Verð kr. 34.990
Flugsæti báðar leiðir með sköttum, 23.
júlí í 2 vikur. Netverð á mann.