24 stundir - 16.07.2008, Blaðsíða 22

22 MIÐVIKUDAGUR 16. JÚLÍ 2008 24stundir
Eftir Skúla Unnar Sveinsson
skuli@24stundir.is
Patraig Harrington á titil að verja,
en eins og oft áður á stórmótum
sem þessum eru margir nefndir til
sögunnar sem líklegir sigurvegarar,
sérstaklega þar sem Tiger Woods
verður ekki með. Nægir að nefna
Sergio Garcia, sem varð annar í
mótinu í fyrra, Phil Mickelson, sem
er númer tvö á heimslistanum og
Justin Rose, sem er efstur á evr-
ópska styrkleikalistanum.
Því hefur verið haldið fram að
mótið sé ekki eins áhugavert og
undanfarin ár þar sem Tiger verður
ekki með en þetta er fyrsta risamót-
ið sem hann tekur ekki þátt í síðan
hann gerðist atvinnukyflingur 1997.
Vinur hans og fyrirliði Ryder-liðs
Bandaríkjanna, Mark O’Meara,
sigraði í þessu móti þegar það var
síðast haldið á Royal Birkdale árið
1998. Hann segir mótið alveg jafn
áhugavert núna og undanfarin ár.
„Enginn leikmaður, sama hvað
hann heitir, er stærri en sjálfur leik-
urinn. Ekki einu sinni Tiger. Hann
er frábær kylfingur og ég er mikill
aðdáandi hans, en ég held að hann
sé sammála mér um þetta,“ sagði
O’Meara um vin sinn og félaga, Ti-
ger Woods.
Það er til mikils að vinna á Opna
breska, ekki einasta heiðurinn af því
að sigra á einu af risamótunum
fjórum, heldur fær sigurvegarinn
sem nemur 115 milljónum króna.
Lokaspretturinn í fyrra var æsi-
spennandi. Harrington virtist vera
að missa Garcia fram úr sér, en
tókst að tryggja sér bráðabana þar
sem hann hafði betur. „Ég hélt ég
væri að tapa Opna breska og það
var virkilega slæm tilfinning, mér
fannst ég vera að sökkva niður í
dýpstu holu í heimi,“ segir Harr-
ington þegar hann rifjar þetta upp.
Gleði hans var líka mikil þegar
hann tryggði sér sigurinn.
Á sama hátt er ekki annað hægt
en vorkenna Garcia, sem hafði leik-
ið mjög vel allt mótið. En síðasta
púttið, sem virtist alltaf á leið í holu,
fór ekki í og Harrington sigraði.
„Mér fannst púttið fullkomið, og
mér finnst það enn þann dag í dag.
Þegar boltinn var hálfnaður að hol-
unni var ég sannfærður um að hann
væri í, en hann var það ekki. Hvers
vegna gerist svona lagað? Svona er
golfið, en þetta voru erfið augna-
blik,“ segir Spánverjinn, sem er til
alls líklegur í ár.
Mickelson segist hlakka virkilega
til að kljást við völlinn. „Þetta er
einn af mínum uppáhaldsgolfvöll-
um og hann er í ótrúlega góðu
standi núna – hreint út sagt stór-
kostlegur. Karginn er óvenjumikill
og þéttur og það gerir okkur erf-
iðara fyrir. En ef menn eru á dræ-
vernum sínum og hitta brautirnar
þá skiptir það ekki máli,“ sagði Mic-
kelson.
137. Opna breska meistaramótið í golfi hefst á morgun í Englandi
Royal Birkdale er
í frábæru standi
ALLT er nú tilbúið á Royal
Birkdale-golfvellinum til
að taka á móti 156 af
bestu kylfingum heims á
137. Opna breska meist-
aramótinu í golfi en það
hefst á morgun. Völlurinn
er í einstaklega góðu
standi enda hefur verið
vætusamt í Englandi í
sumar og skartar stand-
völlurinn því grænu og
þéttu grasi, nokkuð sem
er ekkert voðalega al-
gengt á strandvöllum.
Sigurvegarinn á Opna breska
meistaramótinu í golfi fær ekki
aðeins að hampa Claret Jug-verð-
launagripnum eftirsótta. Sá sem
sigrar fær að auki um 115 millj-
ónir kr. í sinn hlut eða 750.000
sterlingspund. Upphæðin hefur
hækkað töluvert frá því í fyrra ef
miðað er við íslensku krónuna en
heildarverðlaunafé mótsins er um
640 milljónir kr. Sá sem endar í
öðru sæti á mótinu fær rúmlega
68 milljónir kr. og sá kylfingur
sem endar í þriðja sæti fær rúm-
lega 44 milljónir kr.
Til samanburðar má nefna að
Gary Player frá Suður-Afríku sigr-
aði á Opna breska meistara-
mótinu fyrir fjórum áratugum á
Carnoustie og fékk hann 3.000
sterlingspund fyrir sigurinn eða
um 450.000 kr. Mark O’Meara
fékk um 45 milljónir kr. fyrir sig-
urinn á Royal Birkdale fyrir ára-
tug, Seve Ballesteros sigraði á Ro-
yal Lytham & St Annes Golf árið
1988 og fékk hann 12,1 milljón kr.
fyrir sigurinn.
Opna breska hefur farið fram
átta sinnum á þessum velli 1954,
1961, 1965, 1971, 1976, 1983,
1991 og 1998. Ástralinn Ian Ba-
ker-Finch sigraði árið 1991 en
bandarískir kylfingar hafa kunnað
vel við sig á Royal Birkdale, Lee
Trevino sigraði árið 1971, Johnny
Miller árið 1976 þar sem að
spænski nýliðinn Seve Ballesteros
missti af sigrinum á lokahringn-
um. Tom Watson sigraði árið
1983 og Mark O’Meara sigraði ár-
ið 1998.
Sigurvegarinn fær 115 milljónir kr. í sinn hlut
Til mikils að vinna á Opna breska
LÍFSSTÍLL
lifsstill@24stundir.is golf
Það er meira
í Mogganum
Í LAUSASÖLU 200 ÁSKRIFT 2950 HELGARÁSKRIFT 1800 PDF Á MBL.IS 1800
í dag
Miðvikudagur 16. júlí 2008
Fangar á Litla-Hrauni
rækta eigið grænmeti í
sparnaðarskyni.
» Meira í Morgunblaðinu
Mannbætandi
Hinn sextán ára Almar
Daði Kristjánsson lærði
esperanto af sjálfsdáðum.
» Meira í Morgunblaðinu
Dugnaður
Stefán Eiríksson, lög-
reglustjóri höfuðborgar-
svæðisins, segir rekstrar-
vanda há lögreglunni.
» Meira í Morgunblaðinu
Óforsvaranlegt?
Ísraelsher hótaði
íslenskum hjúkrunar-
fræðinema lífláti.
» Meira í Morgunblaðinu
Ógn í Nablus