Vikublaðið


Vikublaðið - 02.12.1994, Blaðsíða 6

Vikublaðið - 02.12.1994, Blaðsíða 6
f dagiini önn VIKUBLAÐIÐ 2. DESEMBER 1994 ÁfeWngí Olafur biskup Skúlason brást enn einu sinni ókvæða við um dag- inn. Vandlætingarsvipurinn er satt að segja að festast á ásjónu hans. Nú var tilefnið líka ærið. Félag stjórn- málafræðinema leyfði sér að benda háskólanemum á, að ef þeir segðu sig úr þjóðkirkjunni rynnu sóknargjöld- in til háskólans og gæti þetta fært skólanum allt að 24 milljónir auka- lega upp í peningahallærið sem Ólaf- ur G. og Friðrik Sophusson hafa or- sakað. Stúdentarnir benda á þetta í litlum ritlingi og líta á ábendinguna sem mótmælaaðgerð. Fréttastofa RUV sagði frá þessu og biskup brást þegar ókvæða við. Hann var ekki að tvínóna við hlutina heldur rauk beint í Davíð Oddsson forsætisráðherra. Ekki er að sjá að biskupinn hafi haft fyrir því að staldra við hjá Þorsteini Pálssyni kirkjumálaráðherra. Biskup messaði yfir hausamótunum á Davíð og gaf opinberlega út þá yfirlýsingu um þeirra tveggja manna tal að Davíð hefði „alveg komið af fjöllum" og að honum hefði þótt eins og sér „að þetta væri ekki rétt skref'. Þessi messa fór fram að morgni dags og eftir hádegi stormaði biskup til háskólarektors. Eftir þá messu gaf rektor opinberlega út þá yfirlýsingu að áskorun stjórnmálafræðinema væri „vanhugsuð strákapör". Sem vitaskuld er skrítið því áskorun var aldrei lögð fram. Og biskupinn kom fram í fréttum til að viðra vandlætingu sína opin- berlega. Hann gaf meðal annars út þá kostulegu yfirlýsingu að stjórn- málafræðinemarnir væru með þessu að „höggva í átt til nokkurs konar móður í menntunarmálum á ís- landi". Viðbrögð Ólafs einkennast af tvennu. Forræðishyggju og rökleysu. Annars vegar rýkur hann til og klag- ar í sjálfan forsætisráðherra (sem var náttúrulega upptekinn af öðrum ( mikilvægari málum, svo sem stjórn efhahagsmála og Kínaför) og síðan fór hann og klagaði í háskólarektor. Hvað ætlaði biskup þessum mönn- um? Að þeir bönnuðu nemunum að hafa skoðun á málinu? Fylgir það stjórnarskrárbundinni vernd ríkis- valdsins á þjóðkirkjunni að málfrelsi fólks sé skert? Hins vegar er það rökleysan. Bisk- upinn sagði ekkert um að þjóðkirkj- an þyrfti á þessum peningum að halda. Einu „rök" biskupsins voru að kirkjan væri „móðir menntunarinn- ar" í landinu vegna þess að hún sá um menntunina lengi vel á öldum áður. Hefur það eitthvað með efni málsins að gera? Þjóðkirkjan er ekki fjársvelt eins og Háskólinn. Þjóðkirkjan hefur aldrei haft meiri tekjur en nú. Hún beinlínis veður í peningum á meðan alþýða manna starir skelkuð á gluggapóstinn. Dagsskrárgerðar- maður RÚV sá í vikunni ástæðu til þess að spyrja biskupsritara hvort kirkjan sé ekki haldin „fjárfestingar- brjálæði" (illum öndum?), enda fer margfalt meira fé í steinsteypubrölt en kristniboð éða annað trúarlíf í þeim anda. Þjóðkirkjan er upptekin af „rekstri fasteigna". Biskup Islands gefur sér þó tíma til að klaga í forsæt- isráðherra og rektor yfir að einhverj- ir stúdentar séu með kjaft. Væri ekki nær að biskupinn klagaði í forsætis- ráðherra yfir að æ fieira fólk býr við og undir fátæktarmörkum? Minningar- diskur um Guðmund Ingólfsson Tvöfaldur geisladiskur væntanlegur eftir helgina I næstu viku kemur á íslenskan hljómplötumarkað á vegum Jazz- vakningar tveggja diska albúm með leik hins ástsæla djasspíanista Guð- mundar Ingólfssonar. Þegar Guðmundur Ingólfsson lést þann 12. ágúst 1991 var stórt skarð höggvið í raðir íslenskra djassleikara. Hann hafði verið þeirra vinsælastur síðasta hálfan annan áratuginn og átt flestum öðrum meiri þátt í því að hefja djassinn að nýju til vegs og virðingar í tónlistarlífi þjóðarinnar. Fljótlega eftir dauða Guðmundar Ingólfssonar ákvað stjórn Jazzvakn- ingar að efiia til minningartónleika um hann. Agóðanum skyldi varið til að safna hljóðritunum hans, skrá þær og gefa út úrval þeirra á tveimur geisladiskum. Vernharður Linnet, Björn Thor- oddsen, Guðmundur Steingrímsson og Hreinn Valdimarsson söfnuðu hljóðritunum, völdu efhi og undir- bjuggu til útgáfu. Aætlað var að disk- arnir kæmu út fyrir jólin 1992, en verkið tafðist því engan óraði fyrir hve mikið var til með Guðmundi - og eru vísast ýmsar hljóðritanir ó- fundnar. Eingöngu voru valdar upptökur frá árunum 1977 til 1991 og ekki hin lengstu lög, sem taka allt að 20 mín- útur í flutningi. Fyrst og fremst var haft í huga að gefa sem gleggsta mynd af Guðmundi, eins og aðdá- endur hans muna hann best. Þessar hljóðritanir spanna hálfan annan áratug og voru gerðar við afar misjafnar aðstæður. Allar voru þær teknar beint inná tveggja rása sterio Guðmundur Ingólfsson við flygilinn í Duushúsi á Norrænum útvarpsdjass- dögum 1990. /Ljósm: RÚV. hljómbönd og margar hljóðritaðar um leið og bein útvarpsútsending fór fram. I eftirvinnslu hefur því ekki verið möguleiki á endurhljóðritun af neinu tagi. Þess í stað hefur sú leið verið farin að jafha aðeins hljóðstyrk og yfirbragð ásamt því að lagfæra upptökurnar eins og kostur hefur verið. Jafhframt^ hefur þess verið 'gætt að raska sem minnst þeim anda er ríkti er tónlistin var flutt. Eftir- vinnsla hfjóðritana voru unnar í Rík- isútvarpinu af Hreini Valdimarssyni. Síðustu sýningar! Aðeins eru nú eftír þrjár sýningar á leikritinu Sannar sögur af sálarlífi systra, sem sýnt hefur verið við miklar vinsældir á Smíðaverkstæði Þjóðleikhússins. Sannar sögur eru leikgerð Viðars Eggertssonar á þremur skáldsög- um Guðbergs Bergssonar, Her- mann og Dídí, Það sefur úr djúp- inu og Það rís úr djúpinu, mein- fyndin og raunsönn Iýsing á ís lenskri fjölskyldu í rammíslensku sjávarplássi á sjötta áratugnum. Síðustu sýningar verða í kvöld, föstudag. 2. des, sunnudaginn 4. desember og þriðjudaginn 6. des- ember. Djasstónleikar fyrir Styrktar- félag Tónlistar- húss í Perlunni í kvöld Sérstakur gestur Niels Hennino: Örsted Pedersen s ° Ikvöld föstudaginn 2. desember verða haldnir djasstónleikar fyrir styrktarfélaga Samtaka um byggingu tónlistarhúss. Tónleikarnir verða í Perlunni (niðri) og hefjast kl. 21:00 Þar munu fyrst og fremst leika hljómsveit Guðmundar, en hana skipa gamlir félagar, Guðmundar Ingólfssonar, m.a. Guðmundur Steingrímsson og Þórður Högna- son, Þórir Baldursson og Rúnar Ge- orgsson. Þrír söngvarar, þau Andrea Gylfadóttir, Bubbi Morthens og Ragnar Bjarnason, sem heyra má á nýja disknum; „Guðmundur Ingólfs- son", koma væntanlega í heimsókn. Kvartett Sigurðar Flosasonar með splunkunýja, kornunga hrynsveit innanborðs stígur á svið. Þriðja hljómsveitin er undir stjórn Tómas- ar R. Einarssonar og mun Guð- mundur Andri Thorsson syngja með sveitinni. Að lokum mun svo danski bassasniUingurinn Niels Henning Orsted Pedersen stíga á svið og leika, bæði einn og með íslenskum hljóð- færaleikurum, m.a. dúetta með Birni Thoroddsen. Niels Henning og Björn Thoroddsen munu m.a. spila dúett á styrktartónleik- unum í Perlunni í kvöld. Málverk eftir Tolla á jólakorti íslands deildar Amnesty International Islandsdeild Amnesty International er nú að hefja sölu á jólakortum ársins 1994. Nokkur undanfarin á hefur íslandsdeild Amnesty Inter- national gefið út listaverkakort og hefur sala þeirra verið ein helsta fjár- öflunarleið deildarinnar. Kortið í ár prýðir mynd af málverkinu „Mótun" eftir Tolla. Akveðið hlutfall af sölu jólakorta íslandsdeildar Amnesty Internation- al rennur í „hjálparsjóð", en fé sem safhast í þann sjóð er nýtt til endur- hæfingar fórnarlamba pyndinga og veitt í aðstoð við aðstandendur „horfinna" og aðra sem sæta grófum mannréttindabrotum. Kortin eru seld á skrifstofu sam- takanna að Hafnarstræti 15 í Reykja- vík. Jón Axel Björnsson á Sólon íslandus Laugardaginn 3. desember kl. 16:00 opnar Jón Axel Björnsson myndlistarmaður sýningu á vatns- litamyndum á Sólon íslandus. Jón Axel er af yngri kynslóð málara og hefur haldið fjölmargar einkasýning- ar og tekið þátt í samsýningum hér heima og erlendis. Myndirnar sem Jón Axel sýnir að þessu sinni eru unnar á síðustu tveimur árum. Persónuleg meðferð lita og afgerandi samspil þeirra er einkennandi fyrir verk Jóns Axels, sem oftar en ekki fjalla um mann- eskjuna og mannlega tilvist í tengsl- um við órætt umhverfi. Sýningin á Sólon íslandus stendur til 27. desember og er opin daglega. Svo heppilega vill til að í blokk- inni minni er einn íbúi sem hugsar um hag heildarinnar. Þar er eklci sóuninni fyrir að fara. Sé hægt að spara einhvers staðar þá er það gert og ef ekki er hægt að spara þá er enn meiri ástæða til að gera það nú samt. Hann hefur til dæmis komist að þeirri niðurstöðu að rafmagnseyðsla okkar sé allt of mikil. Eftir að hafa án nokkurs sýnilegs árangurs flutt dómsdagspredikanir á mörgum húsfundum um hvernig allt sé að fara til fjandans í þessu húsi sökum þeirrar áráttu manna og barna að kveikja ljós í tíma og þó aðallega ó- tíma, ákvað vinurinn að grípa í taumana. Og einn daginn skyldi enginn neitt í því að það var sama hvernig hamast var á slökkvurum, hvergi var ljóstýru að sjá. Öll öryggi voru í lagi og því ekki armað í stöð- unni en álykta að allar perur hefðu sprungið af einhverjum annarlegum ástæðum. Skyggna konan í húsinu taldi sig hafa orðið vara við ærsladraug á þvælingi á göngunum og eftir að hafa fallið í trans komst hún að því að hér væri á ferðinni framliðinn rafvirki sem af ergelsi yfir framhjá- haldi konu sinnar (fyrrverandi) hefði sprengt allar perur. Þau skila- boð fylgdu jafhframt með að hand- an að á komandi jólum vildi hann fá almennilega lýsingu á leiðið sitt með lituðum perum. Að öðrum kosti myndi hann taka allt rafrnagn af húsinu klukkan fimm á aðfanga- dag. Hússtjórnin sá sér ekki annað fært en kaupa nokkur hundruð per- ur og tók til við að skipta um. Jafn- framt voru gerðar ráðstafanir til að styrkja ekkjuna til ljósaskreytingar- innar. Svo vel vildi þó til að formað- ur félagsins á það til að vera nokkuð út á þekju og nú skrúfaði hann í öf- uga átt við upphaf peruskiftanna. Og það var eins og hjá Guði forð- um, það varð ljós. Nú kom í ljós að það sem gerst hafði var einfaldlega að „einhver" hafði losað allar perur í almenning- um hússins. Ekki þurfti neina spek- inga til að átta sig á hver hefði verið á ferðinni en þar sem tveir doktorar eru í stjórninni þá Ieið hátt í vika áður menn áttuðu sig. Þá var líka haldið á fund predikarans og hann beðinn um að láta perur hússins í friði en að öðrum kosti yrði stigið ofan á skottin á kisunum hans! Síð- an hefur verið sæmilega ratljóst inn- an hússins en þó er ekki frítt við að ein og ein pera vilji losna af illskilj- anlegum ástæðum. Olga Guörún með nýja plötufyrir börn Olga Guðrún Árnadóttir hefur semt frá sér hljóm- plötuna Babbidí-bú með fjórtán nýjum barnalögum á geisladisk og kassettu. Öll tónlist og textar eru efrir Olgu Guðrúnu sjálfa, en Margrét Ömólfsdóttir annaðist út- setningar. Olga Guðrún er þekkt fyrir söng sinn á barnaplötunni Eninga Meninga sem kbm út fyrir tuttugu árum og náði gríðarlegum vinsældum. Um langt skeið hefur Olga Guð- rún einkum fengist við rit- störf, en einnig hefur hún sungið inn á nokkrar plötur. Þá hefur hún samið tónlist við eigin barnaleikrit og við sjón- varpsmyndina um Emil og Skunda eftir Guðmund Ó- lafsson sem framleidd var af Stöð tvö fyrir fáeinum árum. Fjöldi hljóðferaleikara kemur fram. á Babbidí-bú, sem gefin er út af Olgu Guð- rúnu sjálfrL Japís annast dreifingu. Babbidí - bú, nýr geisladiskur Olgu Guðrúnar Árnadóttur

x

Vikublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vikublaðið
https://timarit.is/publication/310

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.