Vikublaðið


Vikublaðið - 01.07.1994, Blaðsíða 1

Vikublaðið - 01.07.1994, Blaðsíða 1
Búkolla í víking? Tölvuvinafélagið vinnur að forriti fyrir grunnskóiann sem' byggir á þjóðsögunni um Búkollu. Svo gæti farið að Búkolla yrði útflutningsvara. Bls. 7 Haustkosningar? Hallinn eykst. Verðlags-, vaxta- og gengismál óljós. Landbúnaður, sjávarútvegur og Evrópumálin sjóða. Samningar brátt lausir og nokkrir þing- menn ótraustir. Bls. 4-5 Mosfellsbær Skóla og menningu fremur en íþróttamannvirki og ráðhús, segir Guðný Halldórsdóttir, nýkjörin bæjarfulltrúi, um sínar áherslur í skemmtilega svefn- bænum MosfelJsbæ. BIs. 9 25. tbl. 3. árg. l.júlí 1994 Ritstjórn og afgreiðsla: sími 17500 250 kr. Rússafiskur smámál miðað við Smuguna Eigum ekki að láta sölubann á Rússafisk hafa áhrif á okkur. Aðkallandi að stjórnvöld móti stefhu og fylgi henni fram af myndugleik, segir Steingrímur J. Sigfússon Rússnesk yfirvöld þrýsta á þarlenda útgerðarmenn að selja Islendingum ekki fisk á meðan íslenskir togarar veiða í Smugunni í Barentshafi, en Norð- menn og Rússar gera tílkall tíl fiskstofhanna á svæðinu. - Sölubann gæti skapað tímabund- inn vanda í fiskvinnslunni hjá okkur en við verðum að hyggja að því að sá vandi er léttvægur miðað við þá hags- muni sem eru í húfi; veiðiréttur og aflaheimildir í Barentshafi til fram- búðar, segir Steingrímur J. Sigfússon, þingmaður Alþýðubandalagsins. Steingrímur bendir á að alls ekki sé víst að sölubannið haldi því að það getur skaðað Rússa meira en okkur, auk þess sem einstakir rússneskir út- gerðarmenn hafa lýst því yfir að þeir muni áfram selja Islendingum fisk. Þá eigum við einnig þann útveg að kaupa fisk í Evrópu og flytja hingað til vinnslu, - Þessi tilraun rússneskra yfirvalda til að setja á okkur sölubann er ekki Sveit gegn ofbeldi Vegna vaxandi ofbeldis með- al ungmenna hefur Sumar- leikhúsið við Hlemm, sem liing- að til hefur aðeins sinnt leiklist- arstarfsemi, stofhað í samvinnu við lögregluyfirvöld sérstaka Sveit gegn ofbeldi, Sgo. Ætlunin er að Sgo standi vörð um ýmsa staði borgarinnar í þeim tilgangi að hreinsa þá af ofbeldi. Sgo mun óhikað taka fram fyrir hendurnar á óaldarseggjum og koma saklausum fórnarlömbum til hjálpar og jafnvel grípa til borgara- legrar handtöku sjái ofbeldissinnar ekki að sér. Svipaðar sveitir hafa verið settar á fót víða erlendis við góðan orðstír, til dæmis Citizens Against Crime og Guardian Angels í Bandaríkjunum. Fyrsta varðstaða Sgo var sett upp í Vonarstræti við Tjörnina í gær. Þegar blaðið fór í prentun var enn tíðindalaust á Vonarstræti. nærri eins alvarleg og löndunarbannið sem Bretar og Þjóðverjar settu á okk- ur í fyrri fiskveiðideilum. Við eigum vitanlega ekki að láta svona hótanir slá okkur út af laginu, segir Steingrímur. Hann segir það knýjandi að stjórn- völd móti stefnu í úthafsveiðum Is- lendinga og fylgi henni eftir af mynd- ugleik. í þeirri stefnumótun ættum við að tryggja það að við gætum stýrt veiðum, takmarkað sóknina, ef á þyrfti að halda. Til að mynda sé það áleitin spuming hvort við ættum að gefa út kvóta á norsk-íslenska síldar- stofhinn. Þorsteinn Pálsson sjávarútvegsráð- herra hefur lagt stein í götu þróunar íslensks sjávarútvegs með því að halda aftur af viðleitni útgerðarmanna til að sækja afla á fjarlæg mið. Þorsteinn lagðist gegn því að íslensk skip héldu til veiða í Smugunni í fyrrahaust og hann letur útgerðarmenn til að leita nýrra miða á sama tíma og aflaheim- ildir eru skertar á íslandsmiðum. - Staðan er óbreytt að öðru leyti. Skip okkar munu fara til veiða í Smugunni núna á næstunni þegar fiskur gengur á svæðið og eins' og menn vita þá eiga skipin leið framhjá Svalbarða bæði á útleið og heimleið, segir Steingrímur J. Sigfússon. Rússneskar útgerðir standa ekki á traustum grunni og viðskiptin við íslendinga eru þeim mikilvæg. Sölubann myndi ekki síður skaða Rússana sjálfa. Mikið vantar á að Stúdentagarðar anni eftirspurn AUs sóttu 530 einstaklingar og fjölskyldur um húsnæði hjá Stúdentagörðum fyrir næsta haust en aðeins eru í boði 330 einstaklings- og fjölskyldu- íbúðir. Umsóknarfrestur um hús- næði hjá Stúdentagörðum rann út 20. júní. Að sögn Helgu Magnúsdóttur hjá Félagsstofhun stúdenta sækja háskóla- nemar í auknum mæli eftir húsnæði hjá Stúdentagörðum. Til að mynda eykst eftirspurn hjá nýnemum utan af landi áberandi, umsóknum frá þeim fjölgar um 100 prósent milli ára. Stúdentagarðar geta boðið 156 ein- staklingum húsnæði, 34 íbúðir fyrir barnlaust sambýlisfólk og 139 íbúðir fyrir fjölskyldur. Samkvæmt þeim reglum sem Fé- lagsstofhun stúdenta starfar eftir hafa háskólanemar af landsbyggðinni for- gang að Stúdentagörðum. 12 reynslusveitarfélög fá tilraunaverkefni Félagsmálaráðuneytið hefur staðfest samþykki sitt fyrir því að 12 sveitarfélög taki að sér að vera svokölluð reynshisveit- arfélög og er Reykjavíkurborg á meðal þeirra. Lögin um reynslu- sveitarfélög gerðu ráð fyrir 12 sveitarfélögum, en auk borgarinnar hafa fengið staðfestingu Suður- nesjabær, Hafharfjörður, Garða- bær, Borgarbyggð, Snæfellsbær, Dalabyggð, Vesturbyggð, Akur- eyri, Neskaupstaður, Hornafjarð- arbær og Vestmannaeyjar. Starfræksla reynslusveitarfélaga er liður í fyrirætlunum um tilfærslu verkefna frá ríki til sveitarfélaga. Reynslusveitarfélögin munu eftir nán- ara samkomulagi við viðkomandi ráðuneyti taka að sér ýmis verkefni og fá tekjupósta á móti. Einkum er talað um verkefhi á sviði húsnæðismála, stjórnsýslu, málefna fatlaðra, málefna aldraðra, atvinnuleysismála, reksturs heilsugæslu og sjúkrahýsa og á sviði byggingarlaga. Þess má geta að ársreikningi borg- arsjóðs fyrir síðasta ár hefur verið lok- að með rúmlega milljarðs króna lán- töku, annars vegar 600 milljón króna lánum hjá Norræna fjárfestingarbank- anum og hins vegar með útgáfu á skuldabréfum upp á 430 milljónir króna. I bókun frá fulltrúum Reykjavíkur- listans kemur fram að lántakan komi ekki á óvart þar eð fjárhagsáætlun hafi verið lokað með fjárvöntun upp á 860 milljónir króna, en að lántakan dugi þó ekki til að vega upp miklar auka- ¦ fjárveitingar; það sem af er þessu ári er enn óbrúað bil milli tekna og gjalda um 400 milljónir króna. Fulltrúar fráfarandi meirihluta bók- uðu á móti að þessi hagstæðu lán stað- festu sterka fjárhagsstöðu borgar- sjóðs.

x

Vikublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vikublaðið
https://timarit.is/publication/310

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.