Vikublaðið


Vikublaðið - 05.08.1994, Blaðsíða 10

Vikublaðið - 05.08.1994, Blaðsíða 10
10 dagsms önn VIKUBLAÐIÐ 5. AGUST 1994 Ájfckiiigi Jóhanna heitir kona Sigurðardótt- ir alþingismanns og forstjóra Tryggingastofnunar Ingimundar- sonar. Jóhanna hefur um sjö ára skeið verið félagsmálaráðherra en er nú hætt því starfi af persónulegum ástæðum. Persónulega ástæðan heitir Jón Baldvin Hannibalsson al- þingismanns Valdimarssonar. Jó- hanna er hætt í Alþýðuflokknum og er að smala fólki í nýtt framboð. Hún sér fram á sérframboð. Jóhönnu ætti ekki að vera skota- skuld úr því að finna gott fólk á lista hjá sér. Nefna má Júlíus Sólnes og Óla Þ. Guðbjartsson sem dæmi. Einnig má nefha Guðmund Einars- son og Stefán Benediktsson. Stefán Valgeirsson er enn við lýði, er það ekki? Um Ólínu Þorvarðar þarf ekki að fjölyrða. Gvendur Jaki er á- reiðanlega tilkippilegur í heiðurs- sæti. Annað fólk frá launþegahreyf- irrgunni er sjálfgefið, t.d. Ragna Bergmann og Lára Júlíusdóttir, Pétur Sigurðsson frá Vestfjörðum, Þórunn Sveinbjarnardóttir frá Sókn og glimrandi að fá sjálfan Ogmund BSRB Jónasson um borð. Ætli Ás- mundur gamli Stefánsson sé á lausu? Jóhannes Guðnason, síhlæj- andi bílstjórinn hjá Dagsbrún, er pottþéttur. Jón Magnússon lög- fræðingur er smuga, en varla Ellert B. Schram, hann er mágur Jóns Baldvins. Síðan má sitja fyrir öllum konun- um sem koma ferskar og meðvitað- ar frá Nordisk Forum í Finnlandi. Stefna nýja listans hennar Jó- hönnu? Mál sem enginn annar flokkur kemur nálægt. Að vera á móti aðild að Evrópusambandinu. Þetta er að vísu samþykkt Alþingis og því stefna þjóðarinnar, en bara Jóhanna meinar þetta. Vörn fyrir velferðarkerfið? Það vantar alveg flokk til að passa upp á velferðar- kerfið. Hún kann á það hún Jó- hanna. Kaupmáttaraukning launa- fólks? Bara Jóhanna berst fyrir slíku. Aukinn vegur og völd kvenna? Bara Jóhanna. Hún hefur algera sérstöðu. Hver önnur en Jó- hanna hefur fært alþýðunni góðar gjafir á borð við húsbréfin? Allir vita að hin illu verk þessarar vondu núverandi ríkisstjórnar eru ekki Jó- hönnu að kenna. Það vita allir að í hvert sinn sem ríkisstjórnin gerði eitthvað illt af sér þá stóð Jóhanna upp og hótaði því að segja af sér. Og settist aftur niður með þjósti og stæl. Jóhanna verður ekki eín um sér- framboð. Það er á allra vitorði að Ingi Björn Albertsson alþingsmanns Guðmundssonar er í fylu og hefur ekki mætt á fundi hjá Sjálfstæðis- flokknum frá því skömmu eftir að hann gekk í þann fiokk frá Frjáls- lyndum hægri mönnum, sem hann var í tíl bráðabirgða eftir að hafa verið í Borgaraflokknum hans pabba síns. Það gefur auga leið að hann fer í sérframboð úr því Sjálf- stæðisflokkurinn passar ekki á hann. Hann hefur ekkert með það að gera ao fara aftur í viðskiptin. White Horse Whiskeyið selur sig sjálft. Og það að vera þingmaður gefur nægan frítíma til að stunda knatt- spyrnuþjálfun. Það þarf ekki mikið á þeim bæ að vippa upp sérframboði. Gamli góði hulduherinn er enn vel smurður og grár fyrir járnum. Fá Helenu heim, væla smá um litla manninn og um ofríki fjórflokksins og þingsætið er tryggt. Rithöndin Hvers konar yfir- gangur og vald- níðsla er fjarri þér Samkvæmt skriftinni ertu yfirleitt hæglát og lætur lítið að þér kveða. En svo getur þú allt í einu dregið allra athygli að þér með einhverjum rót- tækum og óvæntum aðgerðum. Skap- ið og áhuginn getur blossað upp skyndilega. Sennilega helst þegar þér finnst vegið að nauðstöddum eða ein- hverju sem þér er heilagt. Og þá er betra að hafa þig með sér en á móti. Þú kannt best við þig í mildu og ró- legu umhverfi. Hvers konar yfirgang- ur og valdníðsla er fiarri þér og þú vilt ekki láta öðrum haldast það uppi. Þú virðist hrifin af ljúfri þjóðlagatónlist og gamlir siðir og kirkjulist finnst þér líka áhugavert. Sennilega ert þú trúuð á þinn eigin sérstæða hátt. Þú munt kunna vel við þig með börnum og dýrum. Einkum litlum börnum og dýram. Þú hefur skapandi hæfileika en virðist ekki fyllilega hafa fundið þeim útrás. Líklega gætir þú náð ár- angri í fleiri en einni listgrein. Það er nokkur hætta á að þú getir verið of róleg og tækifærin fari fram- hjá þér. Þú þyrftir að jafna sveiflurnar í skapgerðinni dálítið út, þannig að þú værir aldrei óvirk og aldrei yfirhlaðin. Takist það eru allar líkur á að þú náir n^jög langt á lífsleiðinni. Gangi þér vel R.S.E. Gunnhildur Arnardóttir, Samvinnuferða-Landsýn. starfsmaður &%¦& Ci/i«(^t/v& &?r Sigurður Árni og Kristinn við Kjarvalsmálverk að Kjarvalsstöðum. Mynd: Ól. Þ. Þrjar sýningar a Kjarvalsstöðum Laugardaginn 6. ágúst kl. 16:00 verða formlega opn- aðar að Kjarvalsstöðum þrjár sýningar: verk Kristins G. Harðarsonar, sýninga á verkum Sigurðar Arna Sigurðssonar og sumarsýning á verkum Jóhann- esar S. Kjarvals. I Miðsal verður sýning á verk- um Kristins G. Harðarsonar. Kristinn hefur markað sér per- sónulegt svið með listsköpun sinni, sem umfram allt felst í því að taka hversdagsleg viðfangsefni, oftast byggð á reynslu úr hinu daglega lífi, úr sínu upprunalega umhverfi, og gefa þeim nýja og ó- vænta merkingu. Þótt verk Krist- ins séu oft fátækleg að efni og gerð búa þau ávalt yfir furðulegri ljóðrænu. Kristinn dvelst nú vest- an hafs og hefur gert um nokkurt skeið. t í Vestursal verður Sigurður Arni Sigurðsson með sýningu. Sigurður Arni hefur verið bú- settur í París undanfarin ár og hafa verk hans vakið athygli þar og víða í Evrópu. Sigurður Arni sýnir málverk og teikningar. Meðal þeirra eru verk ufinin út frá hugmyndum um almennings- garða. I verkum sínum byggir hann á náttúruformum, en forðast rökhyggju natúralismans. Lista- safn Reykjavíkur að Kjarvalsstöð- um gefur í tilefni sýninga Kristins og Sigurðar út tvær vandaðar bækur, þar sem fjallað er um myndlist þeirra og brugðið upp nokkrum mynda þeirra. I Austursal verður sýning á verkum úr eigu Kjarvalssafhs. Jó- hannes S. Kjarval er óumdeilan- lega einn helsti meistari Islend- inga á sviði myndlistar og skipa verk hans stóran sess í huga þjóð- arinnar. Hann fæddist á Efriey í Meðallandi árið 1885 og lést í Reykjavík 1972. Hann skildi eftir sig lífsstarf sem verður að telja einn af mikilvægari hlutum í menningararfi ísíensku þjóðar- innar. Kjarvalsstaðir eiga mikið safn verka eftir hann. Stofhin af því er gjöf listamannsins til Reykjavíkurborgar árið 1968. Síð- an þá hafa fjölmargir einstakling- ar gefið safninu ómetanleg verk og hafa þannig með velvilja sínum stuðlað að því að halda minningu Kjarvals á lofti á verðugan hátt. Sýningin er einstakt tækifæri íyrir almenning að skoða verk eftir meistara Kjarval. Sýningarnar eru opnar daglega til 11. september frá kl. 10 - 18. Kaffistofa Kjarvalsstaða verður opin á sama tíma. Það var nógu spaugilegt að heyra fyrsru fréttir Ríkisút- varpsins frá Nordisk Forum. Hót- el stóð í björtu báli, lesbíur voru úti um allt og finnskar konur fluttu erindi um hernaðarupp- byggingu og þátttöku kvenna í hervörnum landa sinna. Og til að kóróna allt saman kyrjaði kór vest-norrænna kvenna „Móðir mín í kví kví" í bakgrunninum. Þetta verkaði einna helst líkt og hjarðir Atla Húnakonungs væru á ferð. Brennuóðar lesbíur vaðandi um allt með vopnaskaki. Og svo sagðist framkvæmdastjóri ráð- stefhunnar ekki reikna með að nokkuð kæmi út úr þessu. Þarf víst engan að undra! En þetta var í alvöra talað ákaf- lega einkennileg frétt. Hvernig'- stóð á þessum bruna? Var hann eitthvað tengdur því að konurnar þurftu sumar að bíða í 10 tíma eft- ir hótelplássi. Kveiktu þær bálið í heilagri illsku sinni yfir að fá ekki rúm? Voru engar jötur? Eða or- sakaðist þetta allt saman af of miklum bjór og tekíla? Spyr sá sem ekki veit, en hér vantaði mik- ið á að fréttamaðurinn stæði sig í stykkinu. Og hvað með allar þessar lesbí- ur? Hvernig voru þær svona áber- andi? Og hver var þeirra boðskap- ur? Voru þetta aðskilnaðarsinnar eða bara konur að leita sér að rekkjunaut? Þetta minnti nú að- eins á kallaþingin: Hommar að vísu ekki mjög áberandi nema í sánunum en allir með hugann meira við klofið á sér en verkefni þingsins. Hernaðarhyggja finnskra kvenna kom mér lfka nokkuð á ó- vart. Síðast þegar ég frétti voru allir í þessum mjúku gildum. Að setja rósir í byssuhlaup og þess háttar. Þegar ég bjó í Svíþjóð þá hittust þar ekki tvær konur öðru- vísi en það væri „í þágu friðar." Bingó, saumaklúbbar, langstökk og vínsmökkun. Alltafvar hnýtt aftan við „för freden." Ég held að það hafi nú enginn séð neinn á- þreifanlegan árangur en hugsunin var áreiðanlega falleg þó hún væri nokkuð þokukennd. * En þetta er greinilega ekki lengur það sem gildir, að minnsta kosti ekki meðal finnskra kvenna. Skyldi þetta eitthvað tengjast þessum lesbíum? Maður sér í anda nýju félögin og slagorðin: „Lesbíur fyrir hernaði." „Ein- kennisbúning í stað brúðarkjóls." „Byssur era sexí." Mér líst ekki meira en svo á þetta. Persónulega held ég samt að þetta tengist allt saman þessari uppákomu með „Móðir mín í kví kví." Það hefur þurft sterk bein til að sitja undir þessum ósköpum og konurnar þegar í adrenalínrúsi! Hlaut að enda með hörmungum, eitthvað varð undan að láta. Og eins og svo oft áður undir líkum kringumstæðum er það skynsem- in sem fer fyrst. Því er það að fólk sem maður þekkir hér heima sem geðprúðar húsmæður, þriggja barna mæður, afgreiðslustúlkur og ræstítækna tapa öllum áttum. Kveikja í hótelum, veifa vopnum, falla hver í annars faðm og gráta af frygð og losta. Ekki skrítið að fréttamaðurinn, sjálf kona, skuli eitthvað aðeins raglast í þessum ósköpum.

x

Vikublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vikublaðið
https://timarit.is/publication/310

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.