Morgunblaðið - 01.02.2005, Síða 21
Fáir fúlsa við þvíað lengja líf sittþegar slíkt
stendur til boða. Ótelj-
andi eru þær aðferðir
sem okkur er sagt að
beita til að svo megi
verða, miserfiðar og
misdýrar og fyrir þeim
þarf líka mismikið að
hafa. Gamalt máltæki
segir að hláturinn lengi
lífið og er nokkuð til í
því. Hláturinn gerir
okkur gott, hann losar
um spennu, hann léttir
lund þess sem hlær og
gleður aðra. Að hlæja er
því sú aðferð til að
lengja lífið sem er öðr-
um skemmtilegri og lítið
fyrir henni að hafa.
Fyrir þá sem finnst af
einhverjum ástæðum
erfitt að hlæja upp úr þurru, þá er um að gera að
sækja hláturæfingar en þær eru meðal annars stund-
aðar einu sinni í mánuði hjá Hláturkætiklúbbnum í
húsakynnum heilsumiðstöðvarinnar Maður lifandi í
Borgartúni 24. Allir sem vilja geta komið og verið
með.
Ásta Valdimarsdóttir hláturleiðbeinandi er upp-
hafsmaður Hláturkætiklúbbsins en hún byrjaði með
hláturæfingar í heimahúsi fyrir nokkrum árum.
Hláturinn er heilandi
Kristján Helgason stjórnaði æfingunni sem fram fór
síðastliðinn miðvikudag en hann hefur sótt hlátur-
námskeið hjá indverskum lækni sem kom hingað til
lands í fyrra. Þar lærði hann hinar ýmsu hlátur-
æfingar, þar sem hlegið er að tilefnislausu, gerðar
hreyfingar og hljóð eftir ákveðinni forskrift og sumt
af því er skylt jóga og örvar orkuflæðið. „Hollusta
þess að hlæja er ótvíræð. Í hlátrinum er mjög kröftug
heilun, bæði líkamleg og andleg. Að hlæja saman er
félagslegt fyrirbæri og það er auðveldara að hlæja
eftir að hláturvöðvarnir hafa verið æfðir.“ Aðspurður
segist Kristján stundum æfa sig í einrúmi en miklu
skemmtilegra þykir honum að hlæja með öðrum. „Ég
geri líka oft hláturæfingar í sundi, undir yfirborði
vatnsins þegar ég er að synda.“
Næsta hláturæfing er 16. febrúar, á sama stað,
Borgartúni 24.
HEILSA
MORGUNBLAÐIÐ ÞRIÐJUDAGUR 1. FEBRÚAR 2005 21
DAGLEGT LÍF
Samkeppni frá einkaskólumgerir opinberu skólana betrien samt ekki eins góða og
einkaskólana, að því er fram kem-
ur í sænskri skýrslu og m.a. er
vitnað í í Svenska Dagbladet.
Einkaskólar í Svíþjóð fá framlag
fyrir hvern nemanda frá viðkom-
andi sveitarfélagi til jafns við það
sem þarf í opinberum skóla. Þess-
ar reglur hafa gilt frá árinu 1992.
5,7% grunnskólanemenda í Svíþjóð
ganga í einkaskóla og 8,2% fram-
haldsskólanema.
Í skýrslunni birtast niðurstöður
samanburðarrannsóknar sem gerð
var á vegum sænskra mennta-
málayfirvalda. Bornir voru saman
1.035 opinberir skólar og 54 einka-
skólar og voru þeir metnir út frá
meðaleinkunnum nemenda.
Í ljós kom að einkaskólarnir ná
betri árangri en að orsakirnar geti
verið margvíslegar. T.d. að einka-
skólarnir þurfi frekar en hinir að
standast fjárhagsáætlanir. Sam-
setning nemenda sé einnig stór
áhrifaþáttur. Foreldrar nemenda í
einkaskólum hafa oft meiri mennt-
un og nemendur í einkaskólum
finni oft meiri hvöt til að læra.
Almennir skólar í sveitar-
félögum þar sem margir nem-
endur ganga í einkaskóla ná oft
betri árangri en aðrir, skv. skýrsl-
unni. Samkeppnin frá einkaskól-
anum geti leitt til betri nýtingar á
því sem er til staðar og sam-
keppnin er einnig talin geta átt
þátt í að nýjar kennsluaðferðir
koma fram og gæði kennslunnar
aukast.
Bornir voru saman 1.035 opinberir skólar og 54 einkaskólar.
Einkaskólarnir
ná betri árangri
MENNTUN | Samkeppni frá einkaskólum í Svíþjóð
Kristján Helgason annar til hægri leiðbeinir hópnum í ljónaæfingu þar sem tungan er
rekin út og klærnar sýndar um leið og hlegið er hressilega.
Morgunblaðið/ÞÖK
Lengjum lífið
með hlátri