Morgunblaðið - 03.06.2005, Blaðsíða 18

18 B FÖSTUDAGUR 3. JÚNÍ 2005 MORGUNBLAÐIÐ
bílar
FJÓRGENGISBYLGJAN er að
tröllríða mótorhjólasportinu. End-
uróhjól, crosshjól og nú klifurhjól
eru í auknum mæli komin með
fjórgengisvélar. En hver er staða
tvígengishjóla í dag? Eru lífdagar
þeirra e.t.v. senn taldir? Við mætt-
um galvaskir með nýja Yamaha
YZ 250 í þolaksturinn sem nýverið
fór fram á Klaustri og hér er það
sem stóð upp úr eftir 6 tíma stans-
lausan barning og sandmokstur.
Verkfærið valið
Það hefur skapast hefð fyrir því
að breskur vinur minn, Sean Law-
less (sem einnig er ritstjóri hjá
tímaritinu Dirt Bike Rider), gerist
liðsfélagi minn í stóru þolaksturs-
keppninni sem fram fer á Kirkju-
bæjarklaustri á vori hverju. Þegar
við félagarnir sáum fram á að okk-
ur gæfist tími til að keppa enn á ný
saman á Klaustri vaknaði stóra
spurningin; hvaða hjól væri ákjós-
anlegast til verksins. Í fyrri skiptin
höfum við keppt saman á fjórgeng-
ishjólum en það blundaði í okkur
sú þörf að prófa eitthvað sem væri
öðruvísi og því ákváðum við að tví-
gengishjól væru málið. Eftir að
hafa legið yfir málinu og hringt
nokkur símtöl vorum við komnir
undir verndarvæng Yamaha-liðs-
ins og komnir með óskahjólið, 2005
Yamaha YZ 250.
Undanfarin ár hefur það loðað
við Yamaha-hjólin að þau hafi
gamaldags útlit. En ekki lengur. Í
ár kom loks að því að YZ línan
fékk álstell sem stimplar það ekki
bara inn í fegurðarsamkeppni
hjóla heldur léttir gripinn um
nærri 2,5 kíló. Þar með er ekki öll
sagan sögð því hjólið er ekki leng-
ur með óþægilega háan þyngdar-
punkt eins og fyrri Yamaha-hjól
hafa gjarnan haft. Það er t.a.m.
stór munur á 2004 og 2005 árgerð-
unum hvað þetta varðar. Nú er
hjólið ekki bara léttara heldur er
þyngdarpunkturinn neðar og leik-
ur einn að henda hjólinu milli
þröngra beygja. Við fundum mik-
inn mun á hjólinu í sandinum á
Klaustri og ég geng svo langt að
segja að þetta hjól sé líklega það
besta sem ég hef keyrt í þungum
sandi. Létt og kraftmikið og hjálp-
ar ökumanninum í stað þess að
refsa. Ég tók greinilega eftir því
að þegar ég ók samhliða mönnum
sem fóru álíka hratt og ég, en á
stórum fjórgengishjólum, átti ég
mun auðveldara með að skipta um
aksturslínur sem hjálpaði mikið
þegar aðallínurnar voru orðnar illa
grafnar.
Mótornum hefur ekki verið mik-
ið breytt milli ára enda var hann
einn sá besti í fyrra í þessum
flokki. Gangurinn er hreinn og
tær. Bensíngjöfin er næm og hjólið
er mjög kraftmikið – samt án þess
að vera fruntalegt. Smávegis
snerting á kúplinguna í djúpri
sandbeygju og hjólið fer örugglega
upp á snúning og mokar manni út
úr beygjunni. Á grasinu, þar sem
gripið var mikið, reyndist aðeins
erfiðara að sitja fákinn. Þar finnur
maður töluvert fyrir kraftinum og
toginu í hjólinu sem getur stolið
frá manni orku ef maður gleymir
sér og fer að glíma við hjólið í stað
þess að vinna með því. Við ókum
því í aðeins hærri gír (oftast 3.-4.
gír) og notuðum kúplinguna óspart
til að stilla af gripið niður í jörð.
Það þýðir að yfir daginn þarf
Jamminn að þola gríðarlegt álag á
kúplinguna og það gerði hjólið svo
sannarlega með sóma. Þeir sem
aðhyllast glussakúplingar gefa
sjálfsagt ekki mikið fyrir vírkúpl-
inguna á Jammanum en þrátt fyrir
að hún sé ekki sú léttasta í brans-
anum þá var ég persónulega mjög
sáttur, svona er maður bara skrít-
inn. Hjólið okkar var útbúið með
sérstakri keppnisfjöðrun frá DS og
því erfitt að segja nákvæmlega til
um hvernig óbreyttur fjöðrunar-
búnaður virkar en hinsvegar er
það ljóst að fjöðrunin var mikið
endurbætt fyrir þetta ár. DS-fjöðr-
unin er fremur stíf keppnisfjöðrun
en virkaði vel fyrir okkur og tók
vel þung högg á graskaflanum
þegar hjólin lentu ofan í djúpum
og hörðum holum. Það var aðeins
að hjólið dansaði til að aftan yfir
þvottabretti en ekki skrítið þar
sem hjólið var ekki sérstaklega
stillt fyrir okkar þyngd. Á beinum
og hröðum köflum var hjólið þó yf-
ir höfuð mjög stöðugt og þessi eig-
inleiki þess var sérstaklega vel
metinn á sandinum. Hjólið rann í
gegnum gírana létt og nákvæmt,
hrökk aldrei í hlutlausan og það er
til hentugur gír fyrir allar aðstæð-
ur. Bremsurnar eru góðar, sér-
staklega að framan en hún skilar
manni mjög góðri tilfinningu fyrir
því sem maður er að gera. Frá-
gangurinn á Yamaha-hjólunum er
nærri lýtalaus og ekki spillir að
þau koma nú með títaníum-
standpetulum og Renthal-álstýri.
Hinsvegar hefur plastið á Yam-
aha-hjólunum verið fremur hvim-
leitt í umgengni í gegnum tíðina
því það rispast og hvítnar fyrr en á
öðrum hjólum. Þrátt fyrir að Yam-
aha hafi lofað úrbótum á þessu ári
verða smárispur fljótt mjög áber-
andi og gera það að verkum að
hjólin eldast óþarflega fljótt í útliti.
Annar galli við þetta hjól (eins og
önnur tvígengishjól) er að fremra
útblástursrörið er berskjaldað fyr-
ir höggum og barningi og var það
þegar farið að láta á sjá, beyglað
og líklega farið að ræna vélina afli.
Pústhlíf er algert skilyrði fyrir ís-
lenskan grjótbarning.
Þegar upp var staðið reyndist
hjólið gríðarlega vel, kannski of
vel, því ekki gátum við félagarnir
kennt YZ um slakt gengi okkar í
keppninni. Það þoldi 6 tíma barn-
ing án þess að slá feilpúst. Ef tví-
gengishjólin hverfa af markaðnum
(við skulum rétt vona ekki), þá
verður það að mestu fyrir tilstilli
umhverfissinna því alltaf verður til
hópur fólks sem kýs léttleika og
snerpu tvígengishjólanna fram yfir
fjórgengishjólin. Yamaha YZ 250
hefur fengið algera andlitslyftingu
fyrir árið 2005 og er erfitt að
ímynda sér að aðrir framleiðendur
250cc motocrosshjóla geti gert bet-
ur í ár hvað afköst og aksturseig-
inleika varðar. YZ hentar samt
ekki hverjum sem er, til þess er
hjólið of sérhæft. En ef þú ert einn
af þeim sem langar í framúrskar-
andi keppnishjól í tvígengisflokki,
skaltu skoða bláu þrumuna.
Afdrifaríkar bensínáfyllingar …
Við þökkum Yamaha/Toyota-
mönnum fyrir frábæran dag, sér-
staklega Víði Fannarssyni verk-
stæðisformanni fyrir vel þegna
hjálp. Markmiðinu var náð; að
ljúka keppni. Reyndar töpuðust
sekúndur og mínútur í hverjum
hring sem við ókum því við deild-
um einu og sama hjólinu alla
keppnina og það þurfti að stoppa
oft til að þjónusta hjólið, m.a.
skrúfa það sundur til að skipta um
loftsíu og fylla af eldsneyti, (a.m.k.
annan hvern hring), meðan klukk-
an tifaði. En það er ekki eins og
við höfum verið komnir þangað til
að sigra og hefðum ekki getað það
þó við hefðum reynt af öllum
mætti. Það voru þó aðrar bensín-
áfyllingar sem þóttu ansi drama-
tískar og dýrkeyptar en þá er ég
að tala um þegar Micke Frisk, sem
leiddi keppnina frá upphafi, þurfti
að stoppa á síðasta hring til að
fylla Yamaha-hjólið sitt af elds-
neyti en liðsfélagi hans hafði dottið
og treysti sér ekki til að keyra
meira. Stoppið kostaði Frisk sig-
urinn því landi hans, Svíinn And-
ers Eriksson, át upp forskot kapp-
ans, tók framúr honum og keyrði
glæsilega til sigurs á Husqvarna-
hjóli sínu á síðustu stundu.
ÞK
YAMAHA YZ 250 í
6 tíma þolaksturs-
prófi á Klaustri
Ljósmynd/Sigurður J. Ólafsson
Aftur til framtíðar. YZ 250 er með afar kröftuga en notendavæna vél. Ný ál-
grind og fjöðrun gera það að verkum að hjólið er ekki bara gott á beinum
aksturslínum heldur tekur beygjurnar betur en nokkru sinni fyrr.
Vinningsliðið? Varla. Til þess er íslenskt mótorsport orðið of stórt og augljóst
að margir hafa lagt á sig mikla vinnu og bætt sig mikið hvað hraða snertir.
Ekki er ólíklegt að Íslendingar eigi eftir að eignast ökumann á heimsmæli-
kvarða á næstu árum. Litla íslensk-breska Yamaha-liðið náði þó settu marki;
að ljúka sex tímum heilir á húfi. Fyrir miðju situr breska stúlkan Laura Ward
sem keppti fyrir Kawasaki-liðið og fékk viðurkenningu fyrir að vera eina kon-
an sem tók þátt í keppninni á Klaustri.
Er tvígengishjólið dautt?
Dagbók drullumallara
moto@mbl.is
HUGMYNDABÍLLINN X2 er orð-
inn að Suzuki Escudo, sem er
nafnið á Suzuki Grand Vitara lín-
unni í Japan. Þetta þýðir að
vænta má að þessi bíll leysi einn-
ig Grand Vitara af hólmi hérlendis
innan tíðar.
Grand Vitara kom fyrst á
markað 1988 og er nú af annarri
kynslóð.
Nýi bíllinn er byggður á hug-
myndabílnum X2 sem sýndur var
á bílasýningunni í New York í
mars sl.
Nýi bíllinn verður stærri en sá
sem hann leysir af hólmi. Hann
verður 4,39 m á lengd en núver-
andi gerð er 4,22 m. Hann verður
1,81 m á breidd (1,78 m) og 1,70 m
á hæð (1,74 m). Þá lengist hjól-
hafið úr 2,48 m í 2,64 m sem
ætti að bæta mikið aksturseig-
inleikana í borginni. Bíllinn er kominn á markað í Japan þar sem hann heitir Escudo. Nýr Grand Vitara verður lengri og með meira hjólhafi.
Von á nýjum
Grand Vitara