Morgunblaðið - 02.12.2005, Blaðsíða 56
56 FÖSTUDAGUR 2. DESEMBER 2005 MORGUNBLAÐIÐ
Hvað segirðu gott?
Ég segi bara allt fínt. Kvefaður og
rámur efir æfingaleik í slabbinu í
gærkvöldi, en annars góður.
Hvað er það vandræðalegasta sem
þú hefur lent í? (Spurt af síðasta að-
alsmanni, Helga Þór Arasyni.)
Þegar mér voru, þrettán ára göml-
um, lagðar lífsreglurnar af kóf-
drukknum Dana eftir að ég hafði
hellt vatni á hann af annarri hæð á
Strikinu. Ég gaf mig fram við hann
stuttu seinna og þá lét hann mig
heyra það fyrir framan hálfa dönsku
þjóðina.
Kanntu þjóðsönginn?
Ég kann fyrstu tvær línurnar, svo
get ég sungið með seinni partinum í
öllum hinum og endurtekninguna í
lokin.
Hvenær fórstu síðast til útlanda og
hvert?
Ég fór til Danmerkur í sumar. Kíkti
á Hróarskeldu og djassfestival.
Uppáhaldsmaturinn?
Bara eitthvert kjöt af grillinu hjá
tengdó, borða yfir mig í hvert skipti!
Svo er hreindýr a la mamma með
piparsósu, himneskt líka!
Bragðbesti skyndibitinn?
Pizza King rétt slær Bæjarins bestu
út, bara spurning um dagsform.
Besti barinn?
Skyrbarinn í 10/11.
Hvaða bók lastu síðast?
Er að leggja lokahönd á að lesa The
Art of Expressing the Human Body
eftir Bruce Lee.
Hvaða leikrit sástu síðast?
Kabarett í uppsetningu Leikfélags-
ins Fúríu sem er leikfélag Kvenna-
skólans í Reykjavík.
En kvikmynd?
Four Brothers með Mark Wahlberg,
Andre 3000 úr Outkast og fleirum,
klassamynd!
Hvaða plötu ertu að hlusta á?
Deadringer með RJD2
Uppáhaldsútvarpsstöðin?
Rás 1 er með mjög góða sérþætti,
t.d. þáttinn hans Óla Palla. Svo er
Zúúber á FM góður svona í morg-
unsárið.
Besti sjónvarpsþátturinn?
Ef ég á að nefna einn þá er það Sein-
feld, en Friends, Sex & The City,
Lost og O.C. fá líka að fljóta með.
Gætirðu hugsað þér að taka þátt í
raunveruleikaþætti í sjónvarpi?
Ég væri til í Survivor, en annars
held ég að ég sé búinn að fá upp í
háls af raunveruleikaþáttum.
G-strengur eða venjulegar nær-
buxur?
Venjulegar brækur á mig takk, en g-
strengurinn er flottur á stelpur,
bara ekki láta sjást í hann. Finnst
ekki töff þegar hann nær lengst upp
á bak, það er jafn ljótt og þegar það
sést í gegnum buxurnar að þær eru í
venjulegum.
Helstu kostir þínir?
Ég held að helsti kostur minn sé sá
að það sem ég ætla mér að gera, það
geri ég og geri vel. Svo er ég mjög
ligeglad án þess þó að vera hreinlega
kærulaus og ég tel mig vera mjög
umburðarlyndan.
En gallar?
Ég er alveg rosalega þrjóskur sem
getur þó undir sumum kringum-
stæðum verið kostur. Ég er skelfi-
lega lengi í gang á morgnana og
jaðra við það vera morgunfúll, en ég
vil samt meina að ég sé bara skap-
styggur þegar ég er ennþá hálfsof-
andi. Svo er alveg skelfilegt hvað ég
á erfitt með að láta skólabækurnar
skipta mig einhverju máli.
Besta líkamsræktin?
Rólegt jogg í um 45 mínútur með
góða tónlist í eyrunum í fallegu og
stilltu veðri.
Hvaða ilmvatn notarðu?
Tommy Hilfiger, Tommy Jeans.
Ertu með bloggsíðu?
Að sjálfsögðu, www.blog.central.is/
takthaus.
Pantar þú þér vörur á netinu?
Já, ég panta mér mest plötur og
bækur í gegnum netið.
Flugvöllinn burt?
Já! Vinsamlegast. Ekki spurning!
Hvers viltu spyrja næsta að-
alsmann?
Hvað varstu gamall þegar þú hættir
að sofa uppi í rúmi eða inni í her-
bergi hjá foreldrum þínum?
Íslenskur aðall | Þór Ólafsson
Umburðarlyndur og „ligeglad“
Aðalsmaður vikunnar er háskólaneminn og
fríðleikspilturinn Þór Ólafsson sem lenti í
því óskemmtilega og ósanngjarna atviki í
síðustu viku að gleymast í símakosningu
Herra Íslands.
Morgunblaðið/Ásdís
„Er að leggja lokahönd á að lesa The Art of Expressing the Human Body
eftir Bruce Lee.“
HLJÓMSVEITIRNAR Sign, The
Weebls, Benny Crespos Gang, Amos
og Dikta spila á rokkhátíð í fé-
lagsmiðstöðinni Þebu í Kópavogi í
kvöld. Félagsmiðstöðin stendur fyrir
styrktartónleikum fyrir Sjónarhól.
Samtökin láta sig hag langveikra og
fatlaðra barna varða og rennur allur
ágóði tónleikanna til þeirra.
Sjónarhóll er ráðgjafarmiðstöð
fyrir fjölskyldur barna með sérþarf-
ir. Að starfseminni standa ADHD
samtökin, Landssamtökin Þroska-
hjálp, Styrktarfélag lamaðra og fatl-
aðra og Umhyggja, félag til stuðn-
ings langveikum börnum.
Dikta kemur fram í kvöld.
Spila fyrir
Sjónarhól
Húsið verður opnað kl. 19 og er
miðaverð 500 krónur. Meiri upp-
lýsingar um Sjónarhól eru á vef-
síðunni www.serstokborn.is.
Áþessu ári eru þrjátíu ár síðan einástsælasta söngkona landsins – Sig-rún Hjálmtýsdóttir eða Diddú –steig sín fyrstu skref sem söngkona.
Afmælinu fagnaði hún fyrst með tvennum tón-
leikum með Sinfóníuhljómsveit Íslands í sept-
ember, þar sem hún söng valdar aríur við mik-
inn fögnuð áheyrenda.
Nú er komið að síðari hluta afmælistónleik-
anna; Hinni hliðinni eins og þeir nefnast svo
skemmtilega, og verða þeir haldnir í Salnum í
Kópavogi í kvöld og á morgun.
„Tónleikarnir verða þess eðlis að ég tek fyr-
ir allt það sem mótaði mig og beindi mér inn á
þá braut að verða söngkona,“ segir Diddú og
segir þá mótun hafa byrjað strax þegar hún
var þriggja ára gömul. „Fyrir hlé mun ég
segja fólki sögur meðfram tónlistinni og leiða
það í gegnum árin, allt frá fyrstu minningunni
um tónlist sem gerði það að verkum að ég vissi
að þetta vildi ég gera þegar ég yrði stór, og
fram til menntaskólaáranna – en þá tekur
Spilverk þjóðanna við.“
Ekki er unnt að greina frá einstökum atrið-
um á efnisskrá tónleikanna – enda ætlar
Diddú að reyna að koma áheyrendum sínum
dálítið á óvart. „Þetta verður mestallt á léttu
nótunum, því ég var ekki farin að hlusta mikið
á klassíska tónlist á þessum tíma. Kannski má
segja að Bernstein hafi verið það klassískasta
sem ég heyrði, en hitt var mest gospel, djass
og dægurlög, sem ég mun flytja með stöllu
minni – Önnu Guðnýju Guðmundsdóttur pí-
anóleikara – fyrir hlé,“ segir hún, og nefnir
foreldra sína, Ellý Vilhjálms, Bítlana og Guð-
rúnu Á. Símonar sem dæmi um áhrifavalda.
Blaðamaður þrábiður hana að nefna eitt lag
sem mun hljóma á þessum hluta tónleikanna
og það stendur ekki á svari; Sveitin milli
sanda hans Magnúsar Blöndal Jóhann-
essonar, sem Elly gerði ódauðlegt á sínum
tíma.
Spilverkið saman á ný
Eftir hlé verður síðan næsta söguleg stund,
því þá stíga síðan gamlir félagar úr Spilverki
þjóðanna – en í ár eru einmitt liðin þrjátíu ár
frá stofnun hljómsveitarinnar – aftur á svið
ásamt Diddú; þeir Egill Ólafsson og Valgeir
Guðjónsson, ásamt Kjartani Valdimarssyni pí-
anóleikara og Kjartani Guðnasyni slagverks-
leikara. Sigurður Bjóla, sem var fjórði maður í
hljómsveitinni á sínum tíma, verður þó fjarri
góðu gamni. „Ég reyndi að beita öllum mínum
bestu brögðum til að fá hann með,“ segir
Diddú og hlær. „Ég vissi auðvitað heldur ekk-
ert hvort hinir væru tilkippilegir – þetta var
bara hugmynd sem mig langaði að fram-
kvæma. En þeir tóku bón minni.“
Hún segir það afar skemmtilegt að hitta aft-
ur fyrir gömlu lögin og gömlu félagana, sem
hún starfaði með frá tvítugu. „Það er svo
magnað hvað þetta situr djúpt í sálinni á
manni, og varir þar að eilífu. Það er eins og
maður sé kominn aftur um þrjátíu ár, því að-
koman er alveg sú sama.“
Aðspurð segist Diddú ekkert eiga erfitt með
að hverfa aftur á vit þessarar tónlistar – sem
er nokkuð frábrugðin óperutónlistinni sem
hefur verið svo stór hluti af ferli hennar. „Það
hefur alltaf komið mér svo á óvart. Ég var
mjög treg fyrst eftir að ég lærði klassískan
söng að syngja svona, því ég var hrædd um að
eyðileggja það sem var búin að þjálfa mig upp
í. En ég fer bara í annan ham,“ segir hún.
Svissað yfir í sjálfa sig
Diddú segir það fallega sýn að líta til baka
yfir þau þrjátíu ár sem hún hefur starfað óslit-
ið sem söngkona. „Það er ótrúlegt hvað maður
hefur verið mikillar gæfu aðnjótandi að fá að
taka þátt í svo mörgum og ólíkum verkefnum.
Og maður hefur fengið að vera maður sjálfur
allan tímann, í einu og öllu, enda myndi ég
ekki virka öðruvísi. Stundum hefur fólki þótt
óþægilegt hvað ég er frjálsleg, en það er ein-
faldlega minn karakter – á tímabili reyndi ég
að hefta mig sem mjög alvarlega söngkonu, og
það bara,“ segir Diddú og skellihlær, „hafði
enginn ánægju af því! Ég var ekki lengi að
svissa yfir í sjálfa mig aftur.“
Þessir tvennir afmælistónleikar, annars
vegar óperuaríur með Sinfóníunni fyrr á árinu
og hins vegar Hin hliðin í Salnum með Spil-
verkinu og fleirum í kvöld, bera þess glögg-
lega vitni hve fjölbreytt söngkona Diddú er og
hefur verið. Hverju skyldi hún þakka þennan
litríka feril? Áhuga? Tækifærum? „Ég hef
bæði haft áhuga, og getu, og fengið tækifæri.
Og af nógu er enn að taka – maður kemur
þessu ekki fyrir í þessu lífi. Þrjátíu ár eru eins
og fimm mínútur,“ segir hún.
En hver er Hin hliðin á Diddú? „Það er
grallaralega hliðin, og húmorinn og gáskinn.
Það verða sem sagt engar óperuaríur á þess-
um tónleikum,“ svarar hún. Og verða þeir per-
sónulegir? „Já, ég held að það sé ekki hægt að
segja annað. Maður kemur til dyranna eins og
maður er klæddur – ætli ég verði ekki bara
með svuntu, og á sloppnum,“ segir Diddú og
hlær sínum innilega hlátri að lokum.
Tónlist | Diddú fagnar 30 ára söngafmæli og rifjar upp áhrifavalda á tónleikum í Salnum í kvöld og á morgun
Þrjátíu ár eins og fimm mínútur
Eftir Ingu Maríu Leifsdóttur
ingamaria@mbl.is
Morgunblaðið/ÞÖK
Diddú ásamt hljóðfæraleikurum þeim sem aðstoða hana við að rifja upp áhrifavalda sína í Salnum í kvöld og á morgun.
Uppselt er á tónleika Diddúar í Salnum í kvöld
kl. 20, en örfá sæti eru laus á tónleikana á
morgun, sem hefjast kl. 17.