Morgunblaðið - 30.06.2005, Blaðsíða 13

13
VIÐTALIÐ
unnar. Kvöldið er að skella á og Henrik
kveikir sér í annarri sígarettu. Talið berst að
dóm er birtist í Reykjavik Grapevine um
spilamennsku Singapore Sling á Joy Division
kvöldi, þar sem bros hljómborðsleikara vakti
athygli og spurningar gagnrýnandans. Er
bannað að brosa í Singapore Sling? Eða
sjaldan ástæða til þess? Og er Henrik harður
húsbóndi?
„Ég er á því að ég sé yndislegur húsbóndi. Ég
vil að þetta sé gert almennilega og ef fólk er
að gera það, leggur sig fram bæði í músíkina
og túrana og tilheyrandi, er ég ánægður. Ég
á von á því að greinarhöfundi Grapevine hafi
komið á óvart að hljómborðsleikarinn var að
brosa yfirleitt, við erum ekki vön að vera sér-
staklega glaðleg á sviði. Mér reyndar hálfbrá
sjálfum þegar ég sá þessa mynd. Ætli hann
hafi ekki prumpað eða eitthvað?“ Við ræð-
um aðra grein úr Grapevine, harða gagnrýni
heimspekingsins Hauks Más Helgasonar, sem
átaldi kvikmynd Ara Alexanders, Gargandi
snilld, fyrir allt að því þjóðrembuhátt og
rómantískar vísanir í sérstöðu íslands og ís-
lenskrar tónlistar. „Ég las þá grein og skildi
alveg hvað hann [Haukur] átti við. Gargandi
snilld var vel gerð mynd og flott, en virkaði
kannski svolítið eins og Iceland Review í kvik-
myndaformi; „við erum stórkostlegt fólk!“
o.s.frv. En það er svosum allt í lagi og
gagnast tónlistarmönnum hérna, kemur
þeim allavega ekki illa. Hvað sjálfan mig
varðar, þá er ég hvorki undir innlendum
áhrifum eða útlendum við tónsköpun mína.
Áhrifin koma mest að innan bara, úr mínum
eigin heimi.“
Um hvað er þá rokkið þitt og textarnir? Eng-
in pólitík?
„Mitt rokk er ekki pólitískt, eiginlega í inn-
hverfari, sjálfhverfari kantinum. Lífið, dauð-
inn, samskipti fólks. Veruleikinn bara, eins
og hann birtist mér. Ég skrifa um það sem
snertir mig beint frekar en það sem snertir
mig óbeint, ég hugsa ekki út í svoleiðis,
Kárahnjúka og svona. Það er nóg að Rass sjái
um ádeiluna, þeir gera það vel. Pirringur
finnst mér leiðinlegasta ástand í heimi og vil
því ekki skila honum í tónlistinni minni.“
Er rokk að reyna?
Nú voru gerðar nokkrar væntingar til síðustu
skífu ykkar og útgáfumála erlendis. Viðtök-
urnar voru hinsvegar ekki alveg í samræmi.
Hvað veldur, heldur þú?
„Ja, hún fékk nú einhverjar viðtökur og
ágæta dóma, bara ekki í stórum blöðum eins
og sú sem kom á undan. Sú kom út á betri
tíma, um sumarið, en þessi ekki fyrr en ein-
hvern tímann í lok september og féll mikið í
skuggann af öðru sem var að gerast um það
leyti. Mér finnst síðasta samt miklu betri. Svo
túruðum við líka lítið og illa, rétt norðaustur-
strönd Bandaríkjanna. Það er dýrt fyrirtæki
að túra og við fáum engan stuðning frá
plötufyrirtækinu; því miður getum við ekki
alltaf lagt út fyrir löngum tónleikaferðalög-
um, eins og væri þó æskilegt.“
Að lokum; er rokk að reyna?
„Að vissu leyti. Mér finnst bara að allir eigi
að reyna að gera það sem þeir geta til þess
að ná sínum markmiðum og áformum fram,
láta þau ganga upp. Annað er vitleysa.“
Er bannað að brosa í Singapore Sling?