Morgunblaðið - 15.12.2005, Blaðsíða 10
10
SVALA
Inn í verslunina Gyllta köttinn í Austurstræti
gengur tískudrottningin Svala. Eins og vanalega
er hún eins og klippt út úr tískublaði. Örugg í
fasi gengur hún rakleiðis að fataslánum. Hún
veit hvað hún vill, sér strax hvað passar saman
og hvað ekki. Hún þarf ekki einu sinni að máta.
Hvernig fer hún að þessu?
Að versla er þjálfun
„Alveg frá því ég var smástelpa hef ég elskað að
skoða tískublöð. Ég fæ öran hjartslátt þegar ég
sé second hand-búðir í útlöndum því þar er sko
gaman að gramsa. Svo þetta er bara ákveðin
þjálfun eins og hvað annað,“ segir Svala sem
kaupir föt eftir gæðum efnanna, en ekki sniði.
Þegar heim er komið sest hún við brúnu sauma-
vélina sem tengdamamma gaf henni, þar breytir
hún og bætir þar til flíkin er orðin sem ný. En
hvaðan fær hún innblásturinn?
„Kate Moss er alltaf flott og það að skoða göm-
ul tískublöð frá 7. áratugnum veitir mér mikinn
innblástur. Núna næ ég líka sjónvarpsstöð sem
heitir Fashion Television, en þar er sýnt frá tísku-
sýningum allan sólarhringinn. Ég horfi á þessa
stöð svona með öðru auganu og fæ margar góð-
ar hugmyndir í kaupbæti.“
En hvaða búðir hér á landi eru boðlegar Svölu
Björgvins?
„Ég er mest fyrir „second-hand“-búðirnar Spútn-
ik, Rokk og rósir, Elvis og svo auðvitað Gyllta
köttinn sem er mjög góð viðbót við þann mark-
að sem fyrir var. En svo eru líka að spretta upp
spennandi hönnuðir eins og til dæmis Aftur-
systur, Ási, Nakti apinn og Harpa Einars. Þetta
fólk er að gera mjög góða hluti,“ segir Svala
sem segist vel geta hugsað sér að mennta sig á
þessari braut. Hún mundi nú örugglega gera
það vel stelpan.
Kúr eða kirkja?
En hvernig eru jólin hjá Svölu? Eru einhverjar
hefðir á hennar heimili?
„Já svona smá. Ég og Einar, kærastinn minn, för-
um til mömmu og pabba. Til þess að koma okk-
ur í jólaskap horfum við öll saman á myndirnar
It’s a Wonderful Life og Christmas Vacation. Svo
borðum við alltaf fylltan kalkún. Þegar ég var
yngri fór ég í miðnæturmessu með mömmu og
ömmu en svona í seinni tíð hafa sófinn og nátt-
fötin náð að tæla mig til sín. Kannski kirkjan
togi í mig aftur í ár.“ Hvað með áramótaheit?
Eru einhver markmið sem þú hefur sett þér fyrir
komandi ár? „Markmið?“ segir Svala hlæjandi,
„nei ég er voða lítið fyrir að setja mér lang-
tímamarkmið. Ég tek bara einn dag í einu. En
það má kannski segja að ég hafi eitt stórt mark-
mið og það er að gera eitthvað skapandi á
hverjum einasta degi. Hvort sem það er að
sauma, vinna með Einari eða semja, ef ég geri
það sofna ég sátt á koddanum.“
ÞOKKAGYÐJAN
SVALA BJÖRGVINS
1
2
3
4
1
Tigerbuxur: 2.500.
Toppur: 3.200.
Jakki: 5.800.
Perlur: 1.600.
Stígvél: 7.800.
2
Kjóll: 8.100.
Skór: 3.200.
Hálsmen: 1.800.
Belti: 3.800.
3
Kjóll: 8.100.
Lágstígvél: 6.800.
Armbönd: 600–1.400.
4
Kína jakki: 7.800.
Buxur: 7.800.
Stuttermabolur: 1.800.
Belti: 3.800.
Texti
Berglind Häsler
Myndir
Þorkell Þorkelsson
Ég fæ öran hjartslátt þegar ég sé second hand-
búðir í útlöndum því þar er sko gaman að gramsa