Fréttablaðið - 17.08.2002, Blaðsíða 4

Lögreglan í Virginíu í Banda-ríkjunum leitaði í gær að 9
ára gamalli stúlku sem týndist
eftir að foreldrar hennar voru
skotnir til bana á heimili sínu í
vesturhluta Virginíu. Óttast er að
stúlkunni hafi verið rænt.
Tvíburarnir frá Guatemala,sem aðskildir voru ekki alls
fyrir löngu í 22 klukkustunda að-
gerð, eru komnir úr öndunarvél.
Ástand tvíburanna, sem eru eins
árs gamlir, virðist því smám sam-
an vera að skána.
Palestínskir ráðamenn sökuðuÍsraelsher í gær um að hafa
myrt fimm ára gamlan dreng á
Gasasvæðinu. Sögðu þeir að her-
menn hafi skotið á íbúabyggð í
flóttamannabúðum í Khan Yunis
með þeim afleiðingum að dreng-
urinn lést og tveir ættingja hans
særðust. Ísraelsher neitaði öllum
ásökunum og sagði að hermenn-
irnir hefðu einungis verið að
svara skothríð palestínskra
byssumanna.
Talið er að 15 hvítir bændurhafi verið handteknir í
Zimbabwe í gær fyrir að neita að
yfirgefa heimili sín. Robert
Mugabe, forseti landsins, hefur
fyrirskipað að mikill meirihluti
þeirra 4000 jarða sem eru í eigu
hvítra bænda skuli afhent svört-
um bændum. Mun þetta vera lið-
ur í nýju og afar umdeildu jarða-
skipulagi ríkisstjórnar
Zimbabwe.
4 17. ágúst 2002 LAUGARDAGURSVONA ERUM VIÐ
Á FERÐ OG FLUGI
Íslendingar eru að vanda á ferð og flugi í
sumarfríinu en samkvæmt Þjóðarpúlsi
Gallup segjast 48% landsmanna ætla að
ferðast innanlands í sumar. Rúmlega 11%
ætla til útlanda og tæplega 18% gerðu ráð
fyrir ferðalögum bæði innanlands og utan.
ERLENT
VEIÐI Þrjár konur úr Hrunamanna-
hreppi veiddu 40 kílóa lúðu á
sjóstöng úti fyrir Engeyjarvita í
fyrrakvöld. Gunnar Lövdal skip-
stjóri á m.b. Andreu sem var með
konurnar innanborðs segist ekki
vita til þess að svo stór lúða hafi
áður veiðst á sjóstöng. „Ég er
sannfærður um að aldrei áður
hafi eins stór lúða veiðst með
þessum hætti og það var
skemmtilegt að fylgjast með
viðureign þeirra við skepnuna.
Ein þeirra setti í lúðuna en hún
sleit sig lausa en flæktist þá í færi
tveggja annarra. Það má því segja
að þær hafi verið þrjár sem lönd-
uðu henni um borð,“ segir Gunn-
ar.
Ragnhildur Þórarinsdóttir setti
í fiskinn en Sigrún Einarsdóttir og
Valný Guðmundsdóttir hjálpuðust
að við að landa honum. „Ég vissi
ekki hvað var að gerst þegar hún
tók hjá mér en var helst á því að
Keikó sjálfur væri kominn af stað
með línuna,“ segir Ragnhildur.
Hún segist lítið kunna fyrir sér
við veiðar og því hafi hún bara
togað eins og hún gat. „Það endaði
líka með því að hún sleit en flækt-
ist í færri hinna tveggja sem börð-
ust við að landa henni með hjálp
annarra um borð. Þetta var óskap-
lega skemmtileg viðureign og það
var mikill kraftur í fisknum sem
barðist við að sleppa.“
Eftir að hafa landað lúðunni
tók stýrimaðurinn um borð við og
flakaði hana. Síðan var hluti henn-
ar grillaður ofaní mannskapinn
um borð. „Við ætlum að selja hana
og höfum þegar komið henni fyrir
á hótelinu á Flúðum. Nú bíðum við
eftir tilboði en mér skilst að lúðan
sé dýr fiskur og verðið sé hátt, á
annað þúsund fyrir kílóið.“
bergljot@frettabladid.is
GUNNAR LÖVDAL SKIPSTJÓRI Á M.B. ANDREU
Konurnar úr Kvennfélagi Hrunamannahrepps fóru með feng sinn austur en Gunnar situr eftir með sporðinn.
Fáir hafa fengið svo
stóra lúðu á stöng
Fjörutíu kílóa lúða fékkst á stjóstöng. Vissi ekki hvað var að gerast segir
Ragnhildur Þórarinsdóttir sem fékk hana.
Íslensk stjórnsýsla:
Minnsta
spillingin er
talin vera hér
ÚTTEKT Alþjóða efnahagsstofnun-
in og Alþjóða þróunarstofnun-
Harvard háskóla hafa komist að
þeirri niðurstöðu að meðal 75
ríkja, sem könnuð voru, sé gæði
stjórnsýslu hér á landi önnur
besta hvað varðar spillingu. Að-
eins Finnar eru taldir búa að
betri stjórnsýslu. Við könnunina
eru margir þættir skoðaðir. Mik-
ilvægasta athugunin er um
stjórnkerfið.
Ísland hefur hækkað sig jafnt
og þétt upp listann. Var í 16. sæti
í fyrra og 23. sæti árið 2000.
Í mati fyrrnefndra stofnana
fær íslenska stjórnsýslan næst
hæstu einkunn og hæstu ein-
kunn þegar spilling er metin. 
VIÐSKIPTI Samþykkt hefur verið að
auka hlutafé Fréttar ehf, útgáfu-
félags Fréttablaðsins, um allt að
70 milljónir króna. Af þeirri upp-
hæð hafa 56 milljónir króna þeg-
ar verið greiddar inn til félags-
ins.
„Við höfum lokið við að fjár-
magna félagið eins og við ætluð-
um okkur,“ segir Gunnar Smári
Egilsson, ritstjóri Fréttablaðsins.
„Allar áætlanir um rekstur fyrs-
ta útgáfumánuðinn hafa gengið
vel eftir og því teljum við Frétta-
blaðið og útgáfufélag þess vera í
góðum málum, eins og sagt er.“
Gunnar Smári vill ekki upp-
vísa hverjir hluthafa Fréttar eru.
„Það verður ekki gefið upp að
sinni. Ekki með öðrum hætti en
þeim að meðal hluthafa eru ekki
þeir DV-feðgar Sveinn R. Eyj-
ólfsson og Eyjólfur Sveinsson né
félög á þeirra vegum. Það er hálf
leiðinlegt að vera sífellt að hafna
tengslum við þá feðga. En þar
sem félagar okkar á öðrum fjöl-
miðlum hafa lagt sig fram um að
halda lífi í þessari getsögn er
ekki annað hægt.“ 
Hlutafjáraukning í útgáfufélagi Fréttablaðsins:
Fjármögnun Fréttar lokið
ÚTIVERA Olíuverslun Íslands og Alc-
an á Íslandi hafa gert samstarfs-
samning til þriggja ára við Skóg-
ræktarfélag Íslands um verkefni á
sviði skógræktar og útivistar.
Verkefnið nefnist „Opinn skógur“
og meginmarkmið þess er að opna
skóga fyrir almenning og auðvelda
aðkomu að þeim. Auk þess verður
unnið að víðtæku fræðslustarfi um
skógrækt og merkingu skógrækt-
arsvæða.
Brynjólfur Jónsson fram-
kvæmarstjóri Skógræktarféls Ís-
lands segir brýna þörf á að opna
þau svæði sem fyrir eru og gera
þau aðgengileg fyrir fólk. „Við
munum nota þessa fjármuni í þeim
tlilgangi. Víða þarf að gera stíga og
opna svæði svo fólk geti notið þess
skjóls sem sannarlega er af skóg-
unum. Þarf líka að bæta aðstöðu í
lundum þannig að fólk geti grillað
og tillt sér niður í næði. Einnig þar
víða að koma upp merkingum og
leiðbeiningum.“
Brynjólfur segir að á aðalfund-
inum í dag verði einnig skrifað
undir áframhaldandi samstarfrs-
samning við fjármálaráðuneytið og
landbúanaðrráðuneytið um 100
milljóna króna framlag á næstu
fimm árum til landræðsluskóg-
ræktar.
„Gefinn verður út kynningar-
bæklingur sem sýnir helstu skóg-
ræktarsvæði skógræktarfélaganna
á Íslandi. Bæklingnum er ætlað að
koma til móts við brýna þörf á upp-
lýsingum um staðsetningu og að-
gengi fjölmargra skógarreita fé-
laganna víðsvegar um land.“ 
FRÁ DANÍELSLUNDI
Samstarfssamningurinn við Olís og Alkan
heitir „Opinn skógur“ og markmiðið er að
opna fallega skógarlundi.
Skógræktarfélag Íslands:
Gera stíga og
opna svæði
Atvinnuleysi í júlí:
3.530 manns
atvinnulausir
ATVINNUÁSTAND Samkvæmt tölum
frá Vinnumálastofnun voru skráð-
ir 81.118 atvinnuleysisdagar á
landinu öllu í júlí. Þetta jafngildir
því að 3.530 manns hafi að meðal-
tali verið á atvinnuleysisskrá í
mánuðinum. Þessar tölur jafn-
gilda 2,3% af áætlun Þjóðhags-
stofnunar um mannafla á vinnu-
markaði í júlí 2002. Atvinnuleysi
er mest á höfuðborgarsvæðinu en
það sem af er ágúst eru 2857
skráðir atvinnulausir hjá Vinnu-
miðlun höfuðborgarsvæðisins,
1305 karlar og 1552 konur. 
Stoðir og Þyrping:
Stjórnirnar
undirrita
sameiningar-
áætlun
SAMRUNI Stjórnir Fasteignafé-
lagsins Stoða hf. og Þyrpingar hf.
hafa undirritað áætlun um sam-
einingu félaganna. Samkomulag-
ið gerir ráð fyrir að félögin sam-
einist undir nafni Fasteignafé-
lagsins Stoða hf. Samruninn á að
miðast við 1. janúar 2002 og tek-
ur sameinaða félagið við öllum
réttindum og skyldum félaganna
frá þeim tíma. Við sameininguna
eiga hluthafar í Þyrpingu hf. ein-
göngu að fá hlutabréf í Fast-
eignafélaginu Stoðum hf. í skipt-
um fyrir öll hlutabréf sín í Þyrp-
ingu, sem verður slitið við sam-
runann. 
Árshlutauppgjör SS:
Gengisþró-
un dregur
úr tapi
AFKOMUTÖLUR Rekstrartap Slátur-
félags Suðurlands á fyrri árs-
helmingi 2002 var 5,5 milljónir,
en á sama tíma árið áður nam
tapið 79 milljónir. Bætt afkoma
stafar fyrst og fremst af lækkun
fjármagnsgjalda vegna gengis-
hækkunar krónunnar. Fjárhags-
staða Sláturfélagsins er traust
með eigið fé tæpar tólfhundruð
milljónir og 44% eiginfjárhlut-
fall. Rekstrartekjur SS voru
1.747 milljónir á tímabilinu, en
1.473 milljónir á sama tíma árið
áður og aukast um tæp 19%. 
Akureyri:
Ævintýraleg
rigning
VEÐUR Mikið hefur rignt á Akureyri
að undanförnu. Svo mikið að sum-
um hefur þótt nóg um. Þá er og
svalt í lofti: „Það rigndi ævintýra-
lega mikið í fyrrinótt. Ég man tæp-
ast eftir öðru eins,“ segir Gísli Kr.
Flóvenzson, sundlaugarstjóri á Ak-
ureyri, sem á mikið undir góðu veð-
urfari. „Svo er hér norðanstrekk-
ingur og aðeins 7 stiga hiti,“ segir
hann. Þrátt fyrir veðurlagið hefur
ferðamannastraumurinn verið með
ágætum á Akureyri og aðsókn í
sundlaugina góð.