Fréttablaðið - 17.08.2002, Blaðsíða 8
8 17. ágúst 2002 LAUGARDAGUR
Þrír grímuklæddir menn komuhlaupandi að 11-11 verslun við
Grensásveg í Reykjavík rétt rúm-
lega ellefu í fyrrakvöld. Vegfar-
andi sem sá þá koma hlaupandi
byrsti sig við þá og við það hlupu
þeir í burtu. Að sögn lögreglu er
talið að mennirnir hafa verið í
kringum 18 ára gamlir.
Þrír voru fluttir á slysadeild eft-ir harða aftanákeyrslu á Akur-
eyri í fyrrinótt. Áreksturinn átti
sér stað við innkomu í bæinn norð-
an megin. Var höggið svo mikið að
skott fremri bílsins kastaðist inn í
bílinn og fram að framsætunum.
Enginn slasaðist alvarlega. Að
sögn lögreglu þykir mikil mildi að
enginn hafi setið í aftursætinu.
LÖGREGLUFRÉTTIR
Reykjavík:
Fannst
meðvitund-
arlaus
LÖGREGLUFRÉTT Maður fannst
liggjandi í götunni við Tryggva-
götu um hálf tvöleytið í fyrr-
inótt. Þegar lögreglan kom að
honum var hann
með meðvitund
en vissi ekki
hvað hafði gerst.
Var farið með
hann á slysa-
deild. Að sögn
vakthafandi læknis er hann nef-
og kinnbeinsbrotinn.
Vegfarandi varð vitni að at-
burðinum og lýsti því að maður-
inn hefði verið sleginn í götuna.
Gaf hann greinargóða lýsingu á
árásarmanninum. Að sögn lög-
reglunnar könnuðust þeir þegar
við lýsinguna. Þegar Fréttablað-
ið hafði samband var búið að
handsama mann sem grunaður
er um verknaðinn.
MENNINGARNÓTT Búist er við að 60-
75 þúsund manns leggi leið sína í
miðbæinn í tengslum við Menn-
ingarnótt. Lögregl-
an í Reykjavík
verður með viðbún-
að af því tilefni. Við
u m f e r ð a r g æ s l u
verða tuttugu lög-
reglumenn og
munu þeir aðallega
sinna umferð um Sæbraut, Hring-
braut/Miklubraut og Bústaðaveg
að Suðurhlíð. Að auki verða 20-25
lögreglumenn sem munu sinna al-
mennri löggæslu.
Lögreglumenn verða á öllum
gatnamótum Sæbrautar frá mið-
borginni að Holtavegi og eins
verða lögreglumenn á gatnamót-
um Hringbrautar/Miklubrautar
frá Melatorgi og að Háaleitis-
braut. Þá verða lögreglumenn á
gatnamótum á Bústaðavegi frá
Snorrabraut til og með Suðurhlíð.
Samhliða umferðarstjórn verða
umferðarljós á Sæbraut og Hring-
braut/Miklubraut tekin úr sam-
bandi.
Fjölmörgum götum verður
lokað annars vegar í tengslum
við Maraþonið, sem haldið er
fyrr um daginn, og hins vegar
varðandi Menningarnóttina.
Ákveðið hefur verið að loka
Hverfisgötu frá klukkan 20.00
nema fyrir umferð lögreglu,
slökkviliðs/sjúkrabifreiða og
leigubifreiða. Þetta er m. a. gert
með öryggishagsmuni í huga.
Lögreglan biður ökumenn að
virða þetta. Haft verður samband
við leigubifreiðastöðvar og þeim
bent á að aka Fríkirkjuveg og inn
í Lækjargötu sem verður lokuð
fyrir allri almennri umferð. Þá er
vert að taka fram að biðstöð
strætisvagna í miðborginni verð-
ur í Vonarstrætinu eftir klukkan
16.00 á laugardeginum.
Þrátt fyrir þennan viðbúnað
má búast við umferðartöfum.
Lögreglan í Reykjavík segir að
búast megi við því að umferðar-
teppur á álagstímum geti mynd-
ast. Er þeim tilmælum beint til
ökumanna að sýna þolinmæði og
lipurð og fylgja fyrirmælum lög-
reglu.
kolbrun@frettabladid.is
Búist við sjötíu þúsund
manns í miðborgina
Lögreglan í Reykjavík hefur gert ráðstafanir við umferðarstjórnun
í tengslum við Menningarnótt. Að störfum verða rúmlega fjörtíu
lögreglumenn.
MENNINGARNÓTT UNDIRBÚIN
Starfsmenn Reykjavíkurborgar hafa staðið í önnum svo allt verði tilbúið þegar tugþúsundir borgarbúa streyma í miðborgina í kvöld.
Þrátt fyrir
þennan við-
búnað má bú-
ast við um-
ferðartöfum.
BERJASPRETTA „Hér í Svarfaðardal
tala menn ekki um ber nema aðal-
bláber og ég veit að mikið er af
þeim í hlíðunum hér í kring,“ segir
Ragnar Stefánsson jarðeðlisfræð-
ingur á Laugardal í Svarfaðardal.
Hann segist hafa heyrt á nágrönn-
um sínum að sprettan í ár væri
vænni en oft áður en sjálfur hefur
hann ekki enn gert sér ferð upp í
hlíðarnar fyrir ofan bæinn. „Við
fengum hins vegar að gjöf öskju
með aðalbláberjum sem smökkuð-
ust mjög vel.“
Vestan af fjörðum berast einnig
fréttir af góðri sprettu. Unnur
Hjörleifsdóttir bóndi í Haukadal í
Dýrafirði segir allt morandi í berj-
um í dalnum og það þurfi ekki langt
upp í hlíðarnar til að fylla dallana. „
Berin eru fullþroskuð og á síðustu
dögum hafa þau náð því að vera sæt
og góð. Það er mikið um að fólk
komi og tíni hérna í kring. Ég held
að sprettan nú sé betri en oft áður
en á þeim rúmu 40 árum sem ég hef
búið hérna hefur stundum verið
viðlíka berjaspretta.“
Unnur segir að rigningar í ágúst
hafi áhrif á berjaorm sem sé tals-
vert af í lynginu. „Þeir sem nota tín-
ur verða meira varir við orminn
sem getur verið hvimleiður.“
Fregnir herma að í öðrum lands-
hlutum sé einnig mikið um ber.
Ragnar Stefánsson var á ferð um
Austurland og þar voru öll lyng
svört af berjum. Sama segja þeir
sem hafa farið til berja í nágrenni
höfuðborgarsvæðisins. Hunda-
kona var á ferð með hunda sína í
Hafnarfjarðarhrauni og komst
ekkert áfram. Hundarnir stopp-
uðu á hverri þúfu.
Berjasprettan í ár:
Allar þúfur
svartar af berjum
SVÖRT LYNG AF BERJUM
Um allt land er berjaspretta góð. Ekki þarf langt út fyrir bæínn til að ná sér vænan
skammt af berjum út á skyrið.
BRÉF TIL BLAÐSINS
Listaverk,
skák
Sigríður skrifar
Nýlega var haldinn hér í borgsnobbfundur til að minnast 30
ára afmælis skákeinvígisins. En
hvað er gert til að halda skáklist-
inni á lofti? Ég var nýlega á ferð í
Lækjargötu og
sá að hið fallega
útitafl var allt í
niðurníðslu. Ein
af fjórum af
litlu plötunum
var horfin og
fleira brotið. En
það versta er að
hinir glæsilegu taflmenn eftir Jón
Gunnar eru látnir liggja í geymslu
engum til yndisauka og lentu í
bruna nýlega.
Hvernig væri að þessum tafl-
mönnum væri sómi sýndur og
þeir festir á taflið eða annarstaðar
eins og hvert annað útilistaverk.
Mér er sagt að þeir séu of
þungir til að tefla með þeim. Væri
ekki tilvalið að fá fólk til að tefla á
litlu borðunum á góðviðrisdögum
Hægt væri að hafa kvennamót,
karlamót, barnamót, unglingamót
og mót fyrir eldri borgara. Það
væri ekki verra en annað sem
reynt er til að fá fólk í bæinn. Það
er mikið um að það sé verið að búa
til ýmsa staði, garða og torg hér í
borginni en svo virðist ekki vera
eins mikill áhugi á hreinsun og
viðhaldi á þessum stöðum. Takið
til í borginni !
Lesendur geta skrifað bréf íblaðið. Æskilegt er að hvert
bréf sé ekki lengra en sem nemur
hálfri A4-blaðsíðu. Hægt er að
senda bréfin í tölvupósti, rit-
stjorn@frettabladid.is, hringja í
síma 515 7500, faxa í síma 515 7506
eða senda bréf á Fréttablaðið,
Þverholti 9, 105 Reykjavík.
LESENDABRÉF
ÞÁ ER ALLT Í LAGI AÐ BORGA
„Á síðustu árum
hafa stjórnvöld
farið þá leiðina
að láta hækkun-
ina ekki vera
eins bratta og
vera skyldi.“
Hjálmar Árnason
þingmaður í ríkis-
stjórn að fjalla um breytingar á skattleys-
ismörkum.
ÞÁ BORGUM VIÐ EKKI
Hér hefur setið
ríkisstjórn sem
hefur haft meiri
umhyggju fyrir
stórfyrirtækjum
og efnafólki en
þeim sem búa
við lökustu kjör-
in.“
Ögmundur Jónasson þingmaður í stjórn-
arandstöðu um sama mál.
ORÐRÉTT
DECODE Kári Stefánsson, forstjóri
deCODE, er efstur á blaði í nýrri
umfjöllun bandaríska viðskipta-
tímaritsins Forbes um brautryðj-
endur í líftækniiðnaði. Kári er
nefndur til sögunnar ásamt sjö öðr-
um frumkvöðlum sem Forbes kall-
ar E-Gengið. Þetta fólk er sagt vera
að draga líftæknina og læknavís-
indin inn í upplýsingaöldina. Hing-
að til hafi læknar aðallega haldið
utan um sögur sjúklinga sinna með
blöðum og penna. Þetta sé að breyt-
ast, á gullöld líftækninnar, þar sem
hátæknin gegni stöðugt mikilvæg-
ara hlutverki. Kári er kynntur sem
fyrrum prófessor í taugasjúkdóm-
um og taugameinafræði við
Harvard háskóla sem rannsakar nú
genasögu víkinganna. Kári samein-
ar því gamaldags íslenska ætt-
fræðihefð hátækninni og haft hefur
verið eftir honum að læknavísindin
séu svo tímavillt að þau noti tækn-
ina ekki að neinu marki, sem sé út í
hött. Forbes telur það m.a. Kára til
tekna að hann sé að leita orsakanna
að baki ýmsum banvænum sjúk-
dómum með því að kanna erfða-
þætti heillar þjóðar.
Brautryðjendur í líftækni:
Kári efstur á blaði
ÍSLENSK ERFÐAGREINING
Hefur að mati Forbes átt stóran þátt í
að draga læknavísindin inn í nútímann
þar sem unnið er með erfðasögu
íslensku þjóðarinnar með tækjum og
tólum upplýsingatækninnar.
Eldur í sumarhúsi:
Kviknaði
í út frá
gasískáp
BRUNI Eldur kviknaði í sumar-
húsi í landi Ölkeldu í Staðarsveit
í fyrrakvöld. Fólk var í húsinu
þegar eldurinn kviknaði og
komust allir út af sjálfsdáðum.
Lögreglan í Stykkishólmi telur
að kviknað hafi í út frá gasís-
skáp sem var verið að tengja.
Það voru bændur í nágrenni
sumarhússins sem hófu slökkvi-
starf og notuðu við það haug-
sugu og notuðu vatn úr nærliggj-
andi á. Þannig náðu þeir að stöð-
va útbreiðslu eldsins þar til
slökkvilið frá Ólafsvík kom á
staðinn. Þess má geta að haug-
suga er notuð til að dreifa
mykju. Að sögn lögreglunnar
urðu miklar skemmdir urðu á
húsnæðinu.
Burt með
stöðumælana
Karl hringdi
Ég skil ekki hvers vegna enn erverið að leggja stöðumæla-
gjald á í miðborg Reykjavíkur. Ég
efast um að Reykjavíkurborg
safni miklu í sarpinn úr stöðu-
mælunum en borgin tapar örugg-
lega á þeim. Hvers vegna? Jú
vegna þess að fólk nennir ekki að
fara niður í miðbæ og versla þar
þegar ekkert býðst nema stæði
sem rándýrt er að leggja í. Þess
vegna fara flestir í verslunarmið-
stöðvar eins og Kringluna og
Smáralind og miðbærinn veslast
upp. Ekki þýðir að hafa þar bara
búllur, bari og ruslarabúðir. Ég
dáist að þeim kaupmönnum sem
þar haldast enn. Ef bílastæðin
væri ókeypis væri kannski hægt
að fara að snúa vörn í sókn í mið-
bænum. Svo ég endi nú samt þetta
tal á jákvæðum nótum vil ég segja
að mér þykir miðbærinn betur
þrifinn en hann hefur verið oft í
gegnum tíðina, en það er kannski
bara vegna þess að allir eru hætt-
ir að fara þangað?