Fréttablaðið - 17.08.2002, Blaðsíða 11
11LAUGADAGUR 17. ágúst 2002
MOLAR
Eiður Smári Guðjohnsen, knatt-spyrnumaður hjá Chelsea, seg-
ist vera til í slaginn gegn Charlton
í dag að því er fram kemur á
vefnum Soccernet.com. Eiður
Smári hefur ekki getað leikið á
undirbúningstímabilinu sökum
meiðsla en segist nú til í slaginn.
„Hnéið er fínt. Mér líður vel og ég
er til í slaginn. Ég er búinn að æfa
með liðinu í tvær vikur,“ sagði
Eiður Smári. „Ég býst ekki við því
að byrja inn á en það væri gaman
að fá að spreyta sig í nokkrar
mínútur.“
Freddie Ljungberg, sænskilandsliðsmaðurinn hjá
Arsenal, vonast til að geta leikið
með liðinu eftir mánuð eða svo.
Ljungberg þurfti að gangast und-
ir aðgerð á mjöðm eftir heims-
meistarakeppnina. Hann missti af
síðustu tveimur leikjum keppn-
innar. „Mjöðmin er öll að koma
til. Þegar maður hefur gengist
undir slíka aðgerð tekur það tíma
að jafna sig. Læknarnir eru hins
vegar ánægðir með aðgerðina,“
sagði Ljungberg. „Ég hitti sér-
fræðing í næstu viku en þangað
til þarf ég að styrkja mig líkam-
lega.“ Fleiri leikmenn Arsenal
eiga við meiðsli að stríða. Robert
Pires og Giovanni van Bronck-
horst eru báðir meiddir.
El-Hadji Diouf, leikmaðurLiverpool, hefur hótað því að
spila ekki með senegalska lands-
liðinu nema Bruno Metsu verði
endurráðinn þjálfari liðsins.
Metsu þessi mun þjálfa landsliðs
Sameinuðu arabísku fursta-
dæmanna næstu tíu mánuði. „Ef
þeir vilja ekki endurráða Bruno
til hvers á ég þá að halda áfram,“
sagði Diouf, sem var kjörinn
knattspyrnumaður Afríku á síð-
asta ári. „Þetta er samt eina leið-
in til að fá knattspyrnusambandið
til að átta sig. Við spilum ekki ef
hann verður ekki endurráðinn.“
FÓTBOLTI „Tímabilið leggst bara vel
í mig. Þetta verður spennandi og
gaman að sjá hvernig þetta fer,“
segir Lárus Orri Sigurðsson,
knattspyrnumaður með W.B.A.
sem hefur leik í ensku úrvals-
deildinni í dag. „Við höfum ekki
spilað mikið á móti þessum liðum í
efstu deildinni svo það verður
bara að koma í ljós hvernig okkur
gengur. Við erum í mjög góðu
formi og komum til að leggja mjög
hart að okkur.“
W.B.A. lenti í öðru sæti 1. deild-
ar í fyrra og vann sér sæti í úrvals-
deildinni. Liðið lék með þrjá varn-
armenn á síðasta tímabili og fékk
aðeins 27 mörk á sig. Ekkert lið í
ensku deildunum státaði af
jafn góðum árangri á síð-
asta tímabili. Lárus Orri
býst ekki við að leikskipu-
laginu verði breytt, að
minnsta kosti ekki til að
byrja með. „Ég hugsa að
þjálfarinn haldi sig við
sömu leikaðferð. Hún hefur
reynst okkur vel og leik-
menn þekkja hana mjög
vel.“
Lárus Orri vonast til að vera í
byrjunarliðinu í dag þegar W.B.A.
mætir Manchester United á úti-
velli. „Það er ágætt að byrja á
svona erfiðum leik. Þetta er ör-
ugglega einn erfiðasti útileikur
sem lið getur lent í. Það er
oft ágætt að hoppa út í
djúpu laugina og sjá hvort
maður geti synt í land.“
W.B.A. á erfiða leiki fyrir
höndum í byrjun tímabils
því í næstu umferð mætir
það Leeds og svo Englands-
meisturum Arsenal. Lárus
Orri segir liðinu aldrei hafa
gengið vel í byrjun móts.
„Við töpuðum fyrstu þremur leikj-
um tímabilsins fyrir tveimur
árum. Í fyrra töpuðum við fyrstu
tveimur leikjunum og gerðum svo
jafntefli. Við erum kannski ekki
frægir fyrir að byrja vel.“
Lárus Orri á eftir að glíma við
marga af bestu knattspyrnumönn-
um heims þar á meðal Ruud Van
Nistelrooy og Jimmy Floyd
Hasselbaink. Hann segist hlakka
til að takast á við verkefnið. „Það
verður gaman að sparka í þá.
Maður hefur fengið smjörþefinn
að því að spila á móti þessum
stjörnum með landsliðinu. Það
hefur sýnt sig hingað til að þetta
eru bara menn eins og við hinir.
Það er hins vegar engin spurning
að þegar maður er kominn í þessa
deild verður maður að standa sig
almennilega. Ef maður gerir mis-
tök þá eru þeir fljótir að refsa
manni.“
kristjan@frettabladid.is
Lárus Orri leikur í ensku úrvalsdeildinni:
Verður gaman að sparka í stjörnurnar
Á EKKI VON Á GÓÐU
Ruud van Nistelrooy leikmaður Manchest-
er United á ekki von á góðu í dag. Hann
mætir Lárusi Orra Sigurðssyni og félögum í
W.B.A.
LÁRUS ORRI
SIGURÐSSON