Fréttablaðið - 28.08.2002, Qupperneq 8

8 28. ágúst 2002 MIÐVIKUDAGUR
SJÁVARÚTVEGUR
BÆJARMÁL Rætt verður um sam-
eiginlegar aðgerðir til vargeyð-
ingar á höfuðborgarsvæðinu á
næsta fundi Samtaka sveitarfé-
laga á höfuðborgarsvæðinu. Bæj-
aryfirvöld í Garðabæ hafa fengið
nokkur erindi þar sem óskað hef-
ur verið eftir aðgerðum til að
stemma stigu við fjölgunar síla-
mávs og mun Ásdís Halla Braga-
dóttir, bæjarstjóri Garðabæjar,
taka málið upp á fundi SSH.
Einar Sveinbjörnsson, bæjar-
fulltrúi minnihlutans í Garðabæ,
lagði fram eftirfarandi bókun á
fundi bæjarstjórnar: „Sílamávi
hefur fjölgað mikið í landi Garða-
bæjar og varpsvæði hans breiðist
út ár frá ári. Nú er svo komið að
örðugt er að njóta útivistar í
Gálgahrauni og á stórum hluta
Garðaholts vegna ágangs mávsins
yfir varptímann. Brýnt er að grip-
ið verði til viðeigandi aðgerða til
fækkunar fuglsins. Æskilegt er að
slíkar aðgerðir verði samræmdar
á höfuðborgarsvæðinu og jafnvel
einnig á Suðurnesjunum. SSH er
rétti vettvangurinn til að móta að-
gerðir og í því sambandi er vitur-
legt að leitað verði ráða hjá emb-
ætti Veiðistjóra um hvernig best
verði staðið að fækkun fuglsins.“

Samtök sveitarfélaga á höfuðborgarsvæðinu:
Sameiginlegar að-
gerðir til vargeyðingar
GÁLGAHRAUN
„Nú er svo komið að örðugt er að njóta
útivistar í Gálgahrauni og á stórum hluta
Garðaholts vegna ágangs mávsins yfir
varptímann.,“ segir í bókun Einars Svein-
björnssonar, bæjarfulltrúa í Garðabæ.
FR
ÉT
TA
B
LA
Ð
IÐ
/R
Ó
B
ER
T
Danmörk:
Sjálfsmorð-
um fækkar
DANMÖRK Sjálfsvígum fækkaði um
helming í Danmörku á tímabilinu
1980 til 1999. Aukin notkun geð-
lyfja er hugsanleg skýring að því
er kemur fram í Berlingske
tidende. Árið 1999 styttu 762 Dan-
ir sér aldur en árið 1980 voru þeir
1617. Svokallaðar gleðipillur, geð-
lyf á borð við prósakk, skýra
fækkunina að einhverju leyti seg-
ir Lillian Zøllner, sem er yfir
rannsóknarstofu í sjálfsmorðs-
rannsóknum við Háskólann í Óð-
insvéum. Karlmenn eldri en 75
ára eru sá aldurshópur sem er al-
gengast að stytti sér aldur í Dan-
mörku.

ÖKULEYFI „Aldraðir ökumenn eru
vaxandi vandamál og vandinn
mun vaxa enn frekar í framtíðinni
verði ekkert að gert. Ég er ekki að
segja að taka eigi
ökuleyfið af fólki
þegar það nær
ákveðnum aldri,
enda getur hæfnin
verið mjög mis-
munandi. Ég tel
hins vegar að þegar
ákveðnum aldri er náð, eigi öku-
menn að sýna fram á að þeir geti
ekið og kunni umferðarreglurn-
ar,“ segir Einar Guðmundsson,
forvarnafulltrúi hjá Sjóvá-Al-
mennum.
Nýlega olli aldraður ökumaður
slysi í Reykjavík er hann ók þvert
fyrir lögreglumann á mótorhjóli,
með forgangsljós á leið í útkall.
Ökumaðurinn sem slysinu olli, er
á tíræðisaldri og rann skírteini
hans út fyrir nokkrum árum.
Þetta er ekki einsdæmi og hafa
menn í kjölfarið velt fyrir sér
þeim reglum sem gilda um eldri
ökumenn og skilyrðum fyrir end-
urnýjun ökuskírteinis. Ennfremur
hafa vaknað upp spurningar um
ábyrgð aðstandenda.
„Það verður algengara að ætt-
ingjar eldri ökumanna hafi sam-
band og biðji okkur að ræða við
viðkomandi, telja aksturshæfnina
skerta. Þetta er oft síðasta úrræði
aðstandenda og viðkomandi tekur
því misjafnlega. Það er auðvitað
frelsisskerðing að taka ökuskír-
teini af einstaklingi og því verður
að ígrunda vel öll skref í þeim
efnum,“ segir Þorgrímur Guð-
mundsson, aðalvarðstjóri hjá um-
ferðardeild lögreglunnar í
Reykjavík.
Hann telur ekki ólíklegt að efnt
verði til samstarfs við samtök
eldri borgara, Umferðarráð og
fleiri þannig að hægt verði að
finna leiðir sem allir geti sætt sig
við.
„Ég tel það ekki vera í takt við
kröfur nútímans að ökumaður
taki próf 17 ára, fái varanlegt
skírteini eftir 2 ár og þurfi ekki
eftir það að sýna fram á þekkingu
eða hæfni til að aka. Endurnýjun
ökuskírteinis felur í sér læknis-
skoðun. Standist ökumaður hana,
getur hann endurnýjað skírteinið.
Ég tel að á ákveðnu árabili ættu
ökumenn að fara á stutt námskeið
til að rifja upp reglur og kynnast
nýjum,“ segir Einar Guðmunds-
son hjá Sjóvá-Almennum.

NORÐURLÖND Árni M. Mathiesen,
sjávarútvegsráðherra, fundaði
með Margaret Winberg, landbún-
aðar- og sjávarútvegsráðherra
Svíþjóðar. Árni gerði henni grein
fyrir óánægju Íslendinga með
framgöngu sænska formannsins í
Alþjóða hvalveiðiráðinu á síðasta
aðalfundi þess þar sem Íslending-
ar reyndu án árangurs að gerast
aðilar.
Fundur þeirra var haldinn
samhliða því að matvælaráðherr-
ar Norðurlandanna funduðu í Ilu-
issat á Grænlandi. Ráðherrarnir
samþykktu að stuðla bæri að
auknu öryggi og bættum gæðum
matvæla með samvinnu ríkjanna
um aukin áhrif Norðurlanda á al-
þjóðavettvangi annars vegar og
hins vegar með auknum áhrifum
neytenda. Á fundinum var sam-
þykkt að stofna til tengslanets til
að auka samvinnu um minni notk-
un skordýraeiturs og illgresis-
lyfja. Að auki var samþykkt að
þjóðirnar ynnu saman á sviði líf-
ræns landbúnaðar og skógræktar.
Einnig verður unnið að norrænni
jafnréttisáætlun í landbúnaði.
Sjávarútvegsráðherra og
Guðni Ágústsson, landbúnaðar-
ráðherra, sátu fundinn fyrir Ís-
lands hönd.

ÁRNI MATHIESEN
Gerði Svíum grein fyrir því að framgangan
á fundi Alþjóða hvalveiðiráðsins væri
geymd en ekki gleymd.
Aldraðir ökumenn
vaxandi vandamál
Mun vaxa enn í framtíðinni verði ekkert að gert. Færist í vöxt að ætt-
ingjar eldri ökumanna hafi samband við lögreglu. Æskilegt að koma á
samstarfi lögreglu, eldri borgara og Umferðarráðs.
Norrænir matvælaráðherrar ræða samstarf:
Sjávarútvegsráðherra
skammar Svía
DAUÐANS ALVARA
Tryggingafélög og lögregla hafa vaxandi áhyggjur af eldri ökumönnum en telja rétt að
bregðast varlega við. Svipting ökuréttinda felur enda í sér mikla frelsisskerðingu.
þetta mun
vaxa enn frek-
ar í framtíð-
inni verði ekk-
ert að gert
FR
ÉT
TA
B
LA
Ð
IÐ
/B
IL
LI
Skerjafjarðarslys:
Rannsókn
án niður-
stöðu
LÖGREGLA Rúm tvö ár eru nú síðan
aðstandendur fórnarlamba
Skerjafjarðarslyssins óskuðu lög-
reglurannsóknar á tildrögum
slyssins.
Um það bil ár mun vera síðan
niðurstaða rannsóknardeildar lög-
reglunnar í Reykjavík var send
lögfræðideild embættisins. Engin
svör fengust þaðan þegar leitað
var upplýsinga um stöðu málsins.
Samkvæmt heimildum Frétta-
blaðsins eru bresku sérfræðing-
arnir Bernie Forward og Frank
Taylor að leggja lokahönd á niður-
stöður rannsóknar sem þeir gerðu
vegna slyssins og eftirmála þess.
Bretarnir munu meðal annars
hafa skoðað vinnubrögð Flug-
málastjórnar við skráningu flug-
vélarinnar sem fórst og hvernig
Rannsóknarnefnd flugslysa stóð
að málum eftir slysið.

HALLDÓR ÁSGRÍMSSON
Óskaði eftir stuðningi norrænu ESB
ríkjanna við EES-ríki utan ESB.
Stækkunarferli ESB:
Áhugaverðir
möguleikar
FUNDIR Halldór Ásgrímsson, utan-
ríkisráðherra, ítrekaði stuðning
Íslands við stækkunarferli Evr-
ópusambandsins á fundi utanrík-
isráðherra Norðurlanda og
Eystrasaltsríkjanna í Tallin. Hall-
dór sagði stækkunarferlið áhuga-
vert fyrir Ísland vegna aukinna
möguleika á viðskiptum og sam-
skiptum á evrópska efnahags-
svæðinu.
Á fundi norrænu utanríkisráð-
herranna var einkum rætt um
samráð Norðurlanda vegna mál-
efna Evrópusambandsins og evr-
ópska efnahagssvæðisins.

ÁSGRÍMUR HALLDÓRSSON SF-250
Meðal aflahæstu kolmunnaskipa. Hefur
veitt 23 þúsund tonn af 25 þúsund tonna
kvóta sínum
Kolmunnaveiðin:
Tæplega
þriðjungur
kvótans
óveiddur
SJÁVARÚTVEGUR Kolmunnaafli ís-
lensku skipanna er nú orðinn tæp
200 þúsund tonn. Erlendu skipin
hafa landað hátt í sjö þúsund tonn-
um hér á landi á fiskveiðiárinu.
Rösklega 84 þúsund tonn eru því
eftir af útgefnum kolmunnakvóta.
Undanfarna daga hefur verið
landað rösklega níu þúsund tonn-
um hér á landi. Mestum
kolmunnaafla hefur verið landað
á Seyðisfirði, Eskifirði og í Nes-
kaupstað, rúmlega fjörtíu þúsund
tonnum á hverjum stað. Þá hafa
rúmlega átján þúsund tonn borist
á land á Akranesi, tæp sextán þús-
und tonn á Fáskrúðsfirði og tæp
fjórtán þúsund tonn á Vopnafirði.
Aflahæst kolmunnaskipanna eru
Börkur NK-122 með 23.500 tonn,
Ásgrímur Halldórsson SF-250
með tæp 23 þúsund tonn og Jón
Kjartansson SU-111 með rúmlega
20 þúsund tonn.

Hausaþurrkunarverksmiðja,sem sögð er sú fullkomnasta
sinnar tegundar, hefur verið tek-
in í notkun í Leirvík í Færeyjum.
Hún er að 45% í eigu Laugafisks,
dótturfélags ÚA.
Veiðar og vinnsla frystitogar-anna Höfrungs III og Helgu
Maríu hafa gengið vel að undan-
förnu. Togararnir, sem eru í eigu
HB, eru á úthafskarfaveiðum við
Grænland. Karfinn er þó í smær-
ri kantinum og ekki fæst mjög
gott verð fyrir hann.
Ágætlega gengur hjá ísfisktog-urum HB, Sturlaugi H. Böðv-
arssyni og Haraldi Böðvarssyni.
Venjan hefur þó verið sú að veið-
in hefur verið treg þegar byrjað
hefur að hausta.
Þorgerður Katrín
Gunnarsdóttir:
Hefur ekki
ákveðið hvar
hún býður
sig fram
ALÞINGISKOSNINGAR Þorgerður
Katrín Gunnarsdóttir, alþingis-
maður Sjálfstæðisflokksins,
stefnir á áframhaldandi setu á Al-
þingi að loknum kosningunum á
næsta ári. Kosið verður eftir
nýrri kjördæmaskipan og hún
segist ekki hafa tekið ákvörðun
um í hvaða kjördæmi hún muni
fara fram en hún situr nú sem
fimmti þingmaður Reyknesinga.
Hún hyggst taka ákvörðun þegar
kjördæmisþing flokksins hafa
lokið vinnu sinni og vill ekki ræða
framboðsmál sín frekar í fjölmiðl-
um að svo stöddu.

GRÁU HÁRIN
KVEÐIN BURT
Lagið er þannig að
eftir því sem maður sér æskuárin
í meiri hillingum því meiri orku
getur maður sett í luftgítarinn
sem er í raun zen karlmannsins.
Sjón í Fréttablaðinu.
HVERNIG ÞÁ?
Sumir ekki aðeins lærðu heldur
skildu einnig það sem þeir lærðu.
Aðrir lærðu bara.
Nafnlausi pistlahöfundurinn á
Vefþjóðviljanum.
SÁR LENDING
Sem betur fer eru í sveitinni
ágætis lagahöfundar, annars
myndi sveitin falla hraðar af
stjörnuhimninum en tíu tonna
trukkur af Hallgrímskirkjuturni.
Birgir Örn Steinarsson í tónlistarum-
sögn í Fréttablaðinu.
ORÐRÉTT