Fréttablaðið - 03.10.2002, Blaðsíða 19

FIMMTUDAGUR 3. október 2002
FÓLK Poppgoðið Adam Ant var í gær
dæmdur til að sinna samfélags-
þjónustu í eitt ár eftir að hafa hótað
gestum á veitingastað með gervi-
byssu. Í dómnum kom fram að Ant
hefði þjáðst af tímabundinni geð-
veilu. Ant þarf einnig að greiða
manni 500 pund í miskabætur eftir
að hann fleygði rafal úr bifreið í
gegnum glugga á veitingastaðnum
sem endaði í hausnum á manninum.
„Það hefði getað farið verr,“
sagði dómarinn Jeremy Robertson
þegar hann kvað upp dóminn. „Geð-
læknar eru sammála um að þú haf-
ir þjáðst af tímabundinni geðveilu
sem varð til þess að þú hagaðir þér
svona.“
Ant, sem er nú 48 ára, var lagð-
ur inn á spítala í kjölfarið á atburð-
inum og gengst nú til sálfræðings.
Hann var mjög vinsæll fyrir ára-
tugum síðan þegar hann sló í gegn
með lög á borð við Ant Music,
Stand and Deliver og Goody Two
Shoes.

Adam Ant:
Dæmdur í eins árs
samfélagsþjónustu
ADAM ANT
Vildi ekki tjá sig við fjölmiðla eftir að
dómurinn hafði verið kveðinn upp.
TÍSKA Þeir hönnuðir og tískuhús
sem sýnt hafa vor- og sumarlínur
sínar á tískuvikunni í Mílanó
þykja leggja mun meiri áherslu á
kynþokka en gert var á sýning-
arpöllunum í New York í síðustu
viku.
Pilsin frá Gucci huldu rétt svo
það allra persónulegasta á meðan
aðrir hönnuðir, eins og Alberta
Ferretti gekk skrefinu lengra og
lét blygðunarlaust glitta í líkams-
hluta sem vanalega sjást ekki á
götum úti.
Hönnuðirnir Pucci, Christian
Lacroix og Donnatella Versace
þóttu leita til fortíðar. Föt þeirra
þóttu minna um margt á það sem
var í tísku seint á sjöunda ára-
tugnum. Litirnir voru oft
sterkir. Eldrauður og himin-
blár hafa ekki verið óalgengir
á sýningarpöllunum í Mílanó.
Sýning Donatellu Versace,
sem hannar fyrir Gianni Ver-
sace tískuhúsið, vakti sér-
staklega mikla fjölmiðlaat-
hygli. Hvort það var vegna
fatanna eða þeirrar stað-
reyndar að poppdúkkan Brit-
ney Spears var á meðal sýn-
ingastúlkna verður hver að
meta fyrir sig.

Tískuvikan í Mílanó:
Kynþokki
og litadýrð HÆTTULEG HEYRNARTÓLÞað er ekkert hættulaust að andmæla tón-listinni sem þessi stúlka er að hlusta á.
Þessi föt og heyrnartól eru hugarsmíðar
John Richmond.
TVÆR OPINSKÁAR
Hönnuðurinn Alberta Ferretti lagði mikla áherslu á að sýna líkamshluta sem eru venjuleg
huldir. Þessar stúlkur gætu líklegast ekki gengið óáreittar niður götu í Mílanó klæddar
þessum kjólum.
BRITNEY
Leynivopnið hennar Donatellu Versace var
poppstjarnan Britney Spears sem sýndi
meðal annars þennan litríka og þrönga
kjól á sýningu á þriðjudag. Vor- og sumar-
lína Gianni Versace þótti leita aftur til sjö-
unda áratugarins.
FIÐRILDASTÚLKAN
Hér sést fyrirsætan Eva Herzigova frá Tékk-
landi í afar smekklegum svörtum kjól frá
Blumarine tískuhúsinu. Af hverju fiðrildin
eltu hana um allt veit enginn.
AFTUR TIL
FORTÍÐAR
Þessi bleiki barnalegi
náttkjóll var hluti af
sýningu Gianni Versace
en Donatella Versace
er höfuð þess tísku-
húss í dag.
FÉLAG EINSTÆÐRA
FORELDRA
Elías Jón Sveinsson heldur fyrirlestra fyrir félagsmenn,
3. október 2002, í Skeljahelli, Skeljanesi 6, (Skerjafirði)
kl. 20.00, húsið opnar 19:30.
Vinsamlegast mætið tímanlega fundurinn byrjar kl. 20.00.
Heilsteypt sjálfsmynd og sjálfsvirðing.
Fjallað verður um heilsteypta sjálfsmynd og sjálfsvirðingu.
Skilgreind eru hugtökin sjálfsmynd, sjálfsvirðing og
sjálfsímynd. Farið er yfir þau atriði sem móta sjálfsmynd
einstaklinga og hvað það er sem brýtur hana niður.
Kenndar eru leiðir til að byggja upp heilbrigða sjálfsmynd.
Sjálfsvirðing er einnig skoðuð sérstaklega. Hvað hefur
áhrif á hana og hvernig er hægt að byggja upp góða
sjálfsvirðingu. Kynnt eru undirstöðuatriði hugrænnar með-
ferðar og hvernig er hægt að nota hennar hugmyndar-
fræði til að byggja upp sjálfsvirðingu.
Hver fyrirlestur tekur um 2 klst. boðið verður uppá kaffi.
Það er frítt fyrir félagsmenn sem hafa greitt félagsgjald.
Þeir sem eru utan félagsins greiði 500 kr.
Hver félagsmaður má taka einn aðila með sér og þarf að
greiða fyrir hann 300 kr.
Ungir framsóknarmenn - athugið!
Aðalfundum Félags ungra framsóknarmanna
í Reykjavíkurkjördæmi norður og
Félags ungra framsóknarmanna í
Reykjavíkurkjördæmi suður sem halda átti í
kvöld er af óviðráðanlegum ástæðum frestað
um óákveðinn tíma. Boðað verður
til nýs fundar með bréfi til félagsmanna.
Stjórn FUF-Reykjavík norður
Stjórn FUF-Reykjavík suður
20%
Afsláttur til
laugardags.
Glæsilegar
haustvörur
á tilboði.
Stærðir
38 - 56