Fréttablaðið - 30.10.2002, Blaðsíða 10

10 30. október 2002 MIÐVIKUDAGUR
Útgáfufélag: Frétt ehf.
Ritstjóri: Gunnar Smári Egilsson
Fréttastjóri: Sigurjón M. Egilsson
Ritstjórnarfulltrúi: Steinunn Stefánsdóttir
Auglýsingastjóri: Þórmundur Bergsson
Ritstjórn, auglýsingar og dreifing:
Þverholti 9, 105 Reykjavík
Aðalsími: 515 75 00
Símbréf á fréttadeild: 515 75 06
Rafpóstur: ritstjorn@frettabladid.is
Símbréf á auglýsingadeild: 515 75 16
Rafpóstur: auglysingar@frettabladid.is
Setning og umbrot: Frétt ehf.
Prentvinnsla: Ísafoldarprentsmiðja ehf.
Fréttablaðinu er dreift ókeypis á heimili á höfuð-
borgarsvæðinu og Akureyri. Einnig er hægt að fá
blaðið í völdum verslunum á landsbyggðinni.
Fyrirtæki geta fengið blaðið gegn greiðslu
sendingarkostnaðar; kr. 1.100 á mánuði.
Fréttablaðið áskilur sér rétt til að birta allt efni
blaðsins í stafrænu formi og í gagnabönkum
án endurgjalds.
Venjulegur launamaður sem villbæta kjör sín með því að leggja
á sig meiri vinnu er í miklum
vanda. Ef við tök-
um dæmi af taxta
Verzlunarmannafé-
lags Reykjavíkur
fyrir afgreiðslufólk
í verslunum með
fimm ára starfs-
reynslu þá fær það
835 krónur fyrir yf-
irvinnuntímann. Til
að búa til 10.000
krónur þarf fólkið
því að vinna í tæpa
12 tíma til að hækka laun sín um 10
þúsund kallinn. En það er þó ekki
svo auðvelt. Ríkið tekur nefnilega
rúmar 3.800 krónur af þessum
10.000 krónum og 400 krónur fara í
orlof og síðan tekur Verzlunar-
mannafélagið sjálft hátt í 250 kall í
félagsgjöld og fleira. Afgreiðslu-
fólkið fær í sinn hlut 5.550 krónur
af tíu þúsund kallinum. Það þarf því
að leggja harðar að sér. Til að fá
10.000 krónur í budduna þarf það að
vinna í 21 og hálfan klukkutíma. 12
tíma fyrir sig og síðan 9 og hálfan
tíma fyrir Geir Haarde og ríkis-
sjóð, Gunnar Pál Pálsson og Verzl-
unarmannafélagið og aðra alls
óskylda aðila.
Það er ekki furða þótt mörgu
fólki finnist það fast í gildru. Sumir
kalla það fátæktargildru. Aðrir
velja önnur orð. Í það minnsta er
fólki gert fjandi erfitt í lífsbarátt-
unni. Tíu þúsund krónur fyrir 21 og
hálfan tíma; það er svo vondur kost-
ur að segja má að sá sem tekur
hann sé ekki með öllum mjalla. Það
hlýtur að vera skárra að sætta sig
við að vera án hans.
Þeir sem þurfa að lifa af lífeyris-
greiðslum frá Tryggingastofnun
ríkisins sitja enn fastari í svona
gildru. Það kerfi refsar þeim harð-
lega sem reyna að bjarga sér. Það
refsar meira að segja þeim sem
gifta sig – svo ákveðið er kerfið í að
skerða lífsgæði skjólstæðinga
sinna.
Lengi vel byggði sjálfsmynd Ís-
lendinga á dugnaði þeirra og elju-
semi; krafti til að vinna sig út úr
erfiðleikum. Í hátíðarræðum hafa
menn jafnvel leiðst út í kenningar
um að óbilgjörn náttúra og vont
veðurfar hafi mótað persónugerð
Íslendinga með þessum hætti. Þetta
er einskonar ofurmannskenning; að
þeir sem ekki gátu lifað í þessu
guðsvolaða landi hafi dáið einhvern
tímann í pápísku.
Það er því undarlegt í meiralagi
að Íslendingar hafi smíðað kerfi
sem dregur úr þeim þrótt og hvetur
þá til uppgjafar í lífsbaráttunni. Og
að þeim takist að viðhalda sjálfs-
mynd sinni sem kjarkaðra dugnað-
arforka á sama tíma. Annað hvort
hlýtur að láta undan á endanum.
Annað hvort byggjum við kerfi sem
rímar við manngildishugmyndir
okkar eða við skiptum snarlega um
sjálfsmynd; göngum kreppt og hok-
in fram á veg.

„Tíu þúsund
krónur fyrir 21
og hálfan tíma;
það er svo
vondur kostur
að segja má
að sá sem tek-
ur hann sé
ekki með öll-
um mjalla.“
Göngum kreppt og hokin fram á veg
skrifar um fátæktargildrur ríkisins.
Mín skoðun
GUNNAR SMÁRI EGILSSON
SMYGL Ákæra á hendur níu mönnum
vegna stórfellds innflutnings á
hassi og tilraun til innflutnings
sumarið 2000 hefur verið þingfest í
H é r a ð s d ó m i
R e y k j a v í k u r .
Ákærðu eru karl-
menn á fertugs- og
f i m m t u g s a l d r i .
Þeim er gefið að
sök að hafa flutt inn eða reynt inn-
flutning á 25 kílóum af hassi.
Það var í júní árið 2000 að starf-
semi mannanna hófst. Tveir þeirra
lögðu á ráðin um að flytja hass inn
til landsins frá Amsterdam. Annar
þeirra bjó erlendis og útvegaði hann
tæplega fimm kíló af hassi. Hinn,
sem búsettur er hér á landi, útveg-
aði burðardýr til að smygla efninu
til Íslands. Hann var gripinn þegar
efnið fannst við leit í farangri hans
við komuna til Keflavíkurflugvall-
ar.
Sömu menn komu sér síðan sam-
an um að reyna aftur, það var í júlí
og þá í samstarfi við háseta á Goða-
fossi. Nú reyndu þeir að koma 10
kílóum af hassi til landsins. Sá sem
bjó erlendis útvegaði hassið og af-
henti hásetanum í Rotterdam. Hann
faldi hassið um borð. Við komuna til
landsins gaf hásetinn öðrum manni
upplýsingar um felustað efnisins
svo hann gæti fjarlægt það. Nokkr-
ar aðrar tilraunir voru gerðar en án
árangurs. Á meðan sigldi skipið
nokkrar ferðir erlendis. Mánuði síð-
ar ákvað maðurinn að fjarlæga
hassið. Skömmu eftir var hann
handtekinn í bifreið við Kornagarða
við Sundahöfn þar sem fíkniefnin
fundust.
Sami maður kom svo aftur við
sögu í þriðju smygltilrauninni.
Starfaði hann þá sem stýrimaður
um borð í Mánafossi og í samráði
við tvo aðra lagði hann á ráðin að
smygla til landsins 10 kílóum af
hassi. Aftur var haft samband við
manninn ytra sem útvegaði fíkni-
efnin. Hann síðan afhenti þau stýri-
manninum í Rotterdam. Samkvæmt
áætlun varpaði stýrimaðurinn efn-
inu fyrir borð þegar skipið var við
Engey á leið í Sundahöfn. Ákveðið
var að kafa eftir því síðar. Pakkinn
með hassinu fannst aldrei þrátt fyr-
ir 20-25 leitartilraunir stýrimanns-
ins og annarra meðákærðu. Við leit-
ina var kafað, hafsbotninn slæddur
og neðansjávarmyndavél notuð.
kolbrun@fréttabladid.is
Reyndu innflutning
á 25 kílóum af hassi
Tveir skipverjar hjá Eimskip voru viðriðnir hassinnflutning.
SMYGLUÐU FÍKNIEFNUM
Að sögn Kolbrúnar Sævarsdóttur saksókn-
ara hefur málsmeðferð dregist vegna fjar-
veru meints höfuðpaurs sem búsettur var í
Hollandi. Hafði hann verið úrskurðaður í
farbanni þar í landi.
Ákveðið var að
kafa eftir því
síðar.
SMYGL Aðild mannanna níu að fíkni-
efnasmygltilraununum er mismik-
il. Sex eru ákærðir vegna innflutn-
ingsins á 10 kílóum af hassi um
borð í Goðafossi. Fjórir fyrir að
hafa staðið að innflutningi til sölu-
dreifingar, sá fimmti fyrir að hafa
hassið í vörslu sinni og sá sjötti
vegna hlutdeildar við að fjarlægja
fíkniefnin úr skipinu með því að
lána bæði peninga og bifreið.
Sjö manns sæta ákæru vegna
innflutnings á 10 kílóum af hassi
með Mánafossi ætluðu til söludreif-
ingar hér á landi og /eða fyrir að
taka þátt í leit að fíkniefnum í sjón-
um við Engey í Reykjavík. Þrír eru
ákærðir fyrir að hafa lagt á ráðin.
Sá fjórði er ákærður fyrir að hafa
verið milligöngumaður við þann
fimmta sem útvegaði fíkniefnin.
Tveir eru síðan ákærðir fyrir að
hafa liðsinnt við að leita að fíkniefn-
unum í sjónum.
Einn maður kemur við sögu í
öllum smygltilraununum og er sá
talinn meintur höfuðpaur. Hann var
búsettur í Hollandi þegar innflutn-
ingurinn átti sér stað og sá m.a. um
kaupin á hassinu. Við þingfestingu
á mánudag viðurkenndi hann að
hafa útvegað 15 kíló en neitaði að
öðru leyti sök.
Fíkniefnalögreglan hleraði sím-
töl milli hinna grunuðu meðan á
rannsókn stóð og fylgdist með þeim
þegar þeir árangurslaust leituðu
pakkans sem varpað var fyrir borð.
Ákveðið hefur verið að aðalmáls-
meðferð fari fram 4. og 5. desem-
ber. Er þá gert ráð fyrir að hluti af
hlerununum verði spilaður.

Mismikil aðild mannanna níu að fíkniefnasmyglinu:
Lögreglan hleraði
símtöl og njósnaði
Væntingarvísitala síðasta
mánaðar:
Fellur
milli
mánaða
VÍSITÖLUR Væntingavísitala Gallup
lækkaði frá síðasta mánuði um
12,5 stig.
Hún stendur nú í 101 stigi.
Væntingavísitalan setti met í síð-
asta mánuði, en nú er lægsta gildi
hennar frá því í apríl.
Breytingin er mest í vænting-
um til stöðu atvinnumála. Tölu-
verðar uppsagnir hafa verið að
undanförnu í fyrirtækjum sem
kann að skýra breytinguna á
vísitölunni.
Væntingavísitala Gallup er
sett saman með sama hætti og
sambærileg vísitala í Bandaríkj-
unum.
Sú er talin hafa forspárgildi
um þróun einkaneyslu.

FRAMKVÆMDIR Bæjaryfirvöld í
Austur-Héraði eru með til skoðun-
ar tilboð frá Nýsi hf. um að reisa
nýtt 1.000 fermetra ráðhús á Eg-
ilsstöðum. Soffía Lárusdóttir, for-
seti bæjarstjórnar, segir að ekki
sé búið að taka neina ákvörðun í
málinu en farið verður yfir tilboð-
ið á næsta fundi bæjarráðs.
Um yrði að ræða einkafram-
kvæmd. Nýsir myndi byggja hús-
ið, sem yrði á þremur hæðum og
leigja það síðan til bæjarins. Soff-
ía segir að auk nýs ráðhúss sé gert
ráð fyrir frekari uppbyggingu á
sama byggingarreit við Lagarás,
gegnt Hótel Héraði. Þar sé gert
ráð fyrir skrifstofu- og verslunar-
húsnæði og einhverjum íbúðum.
Að sögn Soffíu eru skrifstofur
bæjarstjórnar nú við Lyngás, á
annarri hæð í iðnaðarhúsnæði
með engri lyftu. Hún segir að hús-
ið sé orðið of lítið og því hafi ver-
ið tímabært að skoða möguleika á
nýju húsnæði.

Nýtt ráðhús á Egilsstöðum:
Einkaframkvæmd
og bærinn leigir
RÁÐHÚS Á EGILSSTÖÐUM
Heimild: Teiknistofa Albínu Thordarson