Fréttablaðið - 30.10.2002, Blaðsíða 24
Vinkona mín sagði mér nýlegasögu af vinkonu vinkonu sinnar.
Sú vinkona býr í Ameríku og er í
bissniss, alveg forrík. Hún kemur
frá fyrrum sovétlýðveldi sem nú er
komið undir ógnarstjórn einræðis-
herra nokkurs sem fær 99% at-
kvæða í öllum kosningum og stund-
um miklu meira. Nema hvað þessi
vinkona í Ameríkunni flytur inn
varning frá þessu fyrrum sovétlýð-
veldi til Bandaríkjanna og græðir á
tá og fingri.
SVO gerðist það um daginn að ein-
ræðisherrann ákvað að gera sér
dagamun og hafði boð inni og bauð
til þess öllu betra fólki og þar á með-
al þessari vinkonu vinkonu vinkonu
minnar. Hún tók þegar í stað að ferð-
búast og brá sér í lagningu. En svo
var henni vandi á höndum þegar að
því kom að finna einhverja skemmti-
lega gjöf að færa gestgjafanum, því
að það er ekki hrist fram úr erminni
að finna hentuga gjöf handa sterk-
efnuðum einræðisherra á besta aldri
sem á allt til alls.
EN það er ekki ofsögum sagt af
vöruúrvalinu í Ameríku. Eftir langa
leit fann vinkonan gjöf sem kostaði
ekki nema 400 dollara. Þessa gjöf
fann hún hjá fyrirtæki sem hefur
einkaumboð fyrir óskírðar stjörnur
úti í himingeimnum. Þar getur mað-
ur keypt stjörnur í stykkjatali og
jafnvel heilu sólkerfin og gefið þeim
nöfn eftir smekk. Vinkonan lét sig
hafa það að kaupa sæmilega stóra
stjörnu og skírði hana auðvitað í höf-
uðið á einræðisherranum (sem ég
man reyndar ekki hvað heitir).
ÞAÐ er ekki að orðlengja það, þessi
gjöf gerði stormandi lukku: Einræð-
isherrann varð klökkur þegar hann
tók við stjörnukortinu og sá að úti í
himingeimnum skein stjarna sem
hét í höfuðið á honum og mundi
varðveita nafn hans um alla eilífð.
Og öll blöðin í landinu skrifuðu for-
síðufréttir og leiðara um að lands-
faðirinn væri í svo miklum metum í
Bandaríkjunum að þarlendir hefðu
gefið honum einkaóðal til eignar og
ábúðar úti í miðjum óendanleikan-
um. Og konan sem keypt hafði
stjörnukortið var stjarnan í þessu
viðhafnarsamkvæmi og treysti við-
skiptasambönd sín um mikinn mæli.
Þegar grátklökkur einræðisherrann
þakkaði henni fyrir að hafa gert sig
ódauðlegan sagði hún brosandi: Litlu
verður Vöggur feginn.
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Örsaga um
ódauðleikann
Bakþankar
Þráins Bertelssonar