Fréttablaðið - 21.11.2002, Side 30

30 21. nóvember 2002 FIMMTUDAGUR
HVAR?
„Það er ágætt að standa utan
kastljóss fjölmiðlanna og ég
sakna þess ekki. Ég fékk hálfgert
ógeð á því á meðan lætin í kring-
um heimasíðu Bleiks&Blás gengu
yfir,“ segir Davíð Þór Jónsson,
fyrrverandi ritstjóri tímaritsins.
Hafnfirðingurinn, guðfræði-
neminn fyrrverandi og KR-
ingurinn Davíð var mjög áberandi
um árabil. Hann var lengi vel með
útvarpsþátt í félagi við Stein
Ármann Magnússon leikara.
Síðan var hann spyrill í Gettu
betur en hvað skyldi hann vera að
fást við nú?
„Ég vinn við það að þýða
teiknimyndir fyrir börn og tala
inn á þær. Ég kann vel við það og
er ekkert að hugsa mér til hreyf-
ings. Það þýðir ekki að ég sé dauð-
ur eða forheimskaður þó það sjá-
ist ekki til mín.“
Sannfærður
um skrímslin
Friðrik Þór Friðriksson kvikmyndaleikstjóri segir að innan þriggja ára
verði skrímsli helsta aðdráttaafl á ferðamenn til Íslands. Aðeins þurfi
að ná einu þeirra á mynd. Sjálfur hefur Friðrik orðið var við óþekkt
ferlíki í Hvítá.
SKRÍMSLI Friðrik Þór Friðriksson
kvikmyndaleikstjóri segir
skrímsli munu verða stærsta
þáttinn í íslenskum ferðamanna-
iðnaði eftir tvö til þrjú ár.
„Það þarf ekki nema að ná
einu skrímsli á mynd og nú hefur
aukist svo mikið
að fólk sé með
m y n d b a n d s -
upptökuvélar í
bílnum. Gallinn er
þó sá að þegar
menn sjá eitthvað
verða þeir svo
agndofa að þeir
hugsa sjaldan um
að fanga það á
mynd,“ segir Frið-
rik.
Friðrik er ann-
ar tveggja fram-
leiðenda myndarinnar Monster í
leikstjórn Hal Hartley. „Myndin
er stærsta auglýsing sem Ísland
hefur fengið. Það voru heilsíðu-
opnur í New York Times. Mér
skilst að það kosti skildinginn,“
segir hann.
Sjálfur hefur Friðrik orðið var
við vatnaskrímsli þegar hann var
við veiðar í Hvítá undir Hestfjalli
í Árnessýslu. „Ég var aldrei klár á
útlitinu heldur varð aðeins var við
eitthvert ferlíki; hélt jafnvel að
það væri selur eða hákarl. Það eru
sögur um að háfar eða aðrir stór-
fiskar hafi farið þarna upp. Og
það er algengt að selur elti lax
upp með allri Hvítá og upp í Sog,“
segir hann og bætir því við að
tveimur dögum seinna hafi dýra-
læknir úr nágrenninu séð skrím-
slið á sama stað.
„Ég er sannfærður um að
skrímsli séu til. Það er til svo mik-
ið af sjónarvottum að skrímslum
á öllum tímum Íslandssögunnar.
Maður getur ekki afgreitt það
fólk sem einhver fífl,“ segir hann.
Friðrik telur að skrímsli séu á
þeim slóðum sem Þorvaldur Frið-
riksson, sem er sérfróður um
skrímsli, hefur bent á. „Þau eru til
dæmis í kringum Hestfjallið og í
Arnarfirðinum. Svo er náttúru-
lega Lagarfljótsormurinn alveg
pottþéttur,“ segir Friðrik, sem
sjálfur hefur farið nokkra
skrímslaleiðangra vestur í Arnar-
fjörð:
„En ég hef ekki farið á
skrímslatímanum, sem er þegar
fer að dimma á haustin. Þá eru
þau eitthvað að færa sig til.“
gar@frettabladid.
FÓLK Í FRÉTTUM
„Það er til svo
mikið af sjón-
arvottum að
skrímslum á
öllum tímum
Íslandssög-
unnar. Maður
getur ekki af-
greitt það fólk
sem einhver
fífl.“
Sturlaugur Haraldsson sjávarút-vegsfræðingur hefur verið ráð-
inn framkvæmdastjóri Boyd Line í
Hull.
Sturlaugur er af mikilli út-
gerðarætt á Akranesi. Faðir hans
er Haraldur Sturlaugsson, fram-
kvæmdastjóri Haraldar Böðvars-
sonar hf. Móðir Sturlaugs er Ingi-
björg Pálmadóttir, fyrrverandi
heilbrigðisráðherra. Sturlaugur
flytur til Hull eftir áramótin. Kona
hans og þrjú börn, tveggja til tólf
ára, fylgja í kjölfarið þegar hún
hefur lokið hjúkrunafræðinámi
sínu hér heima í vor.
„Hull er miðpunktur fiskiðnar-
ins í Bretlandi. Það er gaman fyrir
svona fiskikalla eins og mig að
komast í þannig umhverfi,“ segir
Sturlaugur, sem telur gamlar erjur
Íslendinga og Breta frá því í land-
helgisstríðunum engin áhrif munu
hafa á viðmót Bretanna. „Þeir
kenna mest sínum eigin stjórn-
málamönnum um það hvernig fór.“
Boyd Line gerir út tvö sjófrysti-
skip á veiðar í Barentshafi. Bæði
skipin leggja aðallega upp í Trom-
sö í Noregi. Aflinn er síðan að
mestu seldur til Bretlands.
Sturlaugur segir sóknarfæri
fyrirtækisins meðal annars felast í
því að selja afurðirnar á aðra
markaði.
Flutningurinn til Bretlands er
ekki eina stóra breytingin sem
verður nú á högum Sturlaugs.
Hann hefur um langt árabil verið
bakvörður með knattspyrnuliði ÍA
og er margfaldur Íslands- og bik-
armeistari. Nú segist hann ætla að
legga skóna á hilluna, aðeins 29 ára
gamall:
„Ég hef nokkrum sinnum áður
sagst vera hættur. Ég ætla að
standa við það núna. Ég varð fyrir
erfiðum bakmeiðslum tiltölulega
ungur. Þá gerði ég mér grein fyrir
því að ég myndi ekki ná öllum
markmiðum sem ég hafði haft á
knattspyrnusviðinu. Þá fór hugur-
inn að reika annað og ég einbeitti
mér að námi og síðan starfinu.“ ■
Sturlaugur Haraldsson sjávarútvegsfræðing-
ur hefur verið ráðinn framkvæmdastjóri
Boyd Line í Hull. Hann er 29 ára gamall og
af miklum útgerðarættum af Akranesi.
Persónan
Gaman fyrir fiskikall eins og mig
JARÐARFARIR
13.30 Gylfi Hallvarðsson, Hamrabergi
34, Reykjavík, verður jarðsunginn
frá Dómkirkjunni í Reykjavík.
13.30 Svanfríður Guðlaugsdóttir, Dval-
arheimilinu Hlíð, Akureyri, verður
jarðsungin frá Akureyrarkirkju.
15.00 Jón Kristján Kjartansson, Kirku-
teigi 9 og Tjaldanesi, verður jarð-
sunginn frá Laugarneskirkju.
15.00 Þórný Þuríður Tómasdóttir, Of-
anleiti 9, Reykjavík, verður jarð-
sungin frá Háteigskirkju.
AFMÆLI
Björk Guðmundsdóttir söngkona er 37
ára.
TÍMAMÓT
FRIÐRIK ÞÓR FRIÐRIKSSON
Kvikmyndleikastjórinn fer stundum í „skrímslaskoðun“ vestur í Arnarfjörð: „En ég hef
ekki farið á skrímslatímanum, sem er þegar fer að dimma á haustin. Þá eru þau eitt-
hvað að færa sig til.“
Þátttakendur í prófkjöri Sjálf-stæðisflokksins um næstu
helgi hafa verið duglegir við að
setja upp heima-
síður eða senda
eldri heimasíður
í fegrunarað-
gerð. Þannig á
nú allt að vera
til reiðu svo að
kjósendur geti
kynnst fram-
bjóðendum,
áherslum þeirra og öðru sem
máli getur skipt, svo sem
myndasöfn af lífi og ferli fram-
bjóðenda. Guðlaugur Þór Þórðar-
son hefur þó stigið aðeins stærra
skref og er búinn að setja mynd-
band um fjölskyldustefnu sína
inn á heimasíðu sína.
Myndbandið er gjöf stuðn-ingsmanna Guðlaugs úr
stétt kvikmyndagerðarmanna,
segir frambjóðandinn, og fram-
lag þeirra til baráttu hans.
Myndbandið var sett inn á
heimasíðu Guðlaugs í vikunni og
hefur einnig verið dreift eitt-
hvað með tölvupósti. Guðlaugur
segir þó ekkert ákveðið um
hvort það verði einnig sýnt í
sjónvarpi. Slíkt verði ekki gert
nema peningaráðin leyfi og
stefnan hafi verið sett á ódýra
kosningabaráttu.
MEÐ SÚRMJÓLKINNI
Að gefnu tilefni skal tekið fram að ekki
verður á allt kosið í prófkjöri sjálfstæðis-
manna í Reykjavík um næstu helgi.
Leiðrétting
STURLAUGUR HARALDSSON
„Ég hef nokkrum sinnum áður sagst vera
hættur. Ég ætla að standa við það núna,“
segir Sturlaugur Haraldsson, sem er hættur
í knattspyrnunni og er á förum til Hull til
að stjórna þorskútgerð.
KROSSGÁTA
LÓÐRÉTT: 1 teikniblek, 2 skortur, 3 kátir, 4 eyðilegging, 5 hrópi, 6 uppspretta,
7 furðu, 8 þrammaði, 11 hélt, 14 lengdarmál, 16 hárknippi, 18 illgresi, 20 at-
huguls, 21 rugla, 23 hugræn, 26 karlmannsnafn, 28 ágrip, 30 gagna, 31 grind,
33 bleytu.
LÁRÉTT:
1 óviljug,
4 unaðinn,
9 hellan,
10 hamingjusama,
12 eining,
13 viðmið,
15 tuska,
17 reiða,
19 húð,
20 hvassviðri,
22 haggi,
24 látbragð,
25 heiti,
27 topp,
29 mettur,
32 gróður,
34 klunni,
35 hagfelld,
36 sveigjanlegar,
37 borgaði.
Lausn á síðustu krossgátu: Lárétt: 1
fúsk, 4 mýslum, 9 kreisti, 10 efju, 12
narr, 13 krákan, 15 ýfir, 17 krap, 19
aða, 20 hlaut, 22 elnir, 24 ælu, 25
afla, 27 tusk, 29 álkuna, 32 taug, 34
anir, 35 annarri, 36 montið, 37 arfi.
Lóðrétt: 1 frek, 2 skjá, 3 krukku, 4
minna, 5 ýsa, 6 strý, 7 lirfan, 8 meyr-
ar, 11 frollu, 14 arta, 16 iðinni, 18 pell,
20 hættum, 21 austan, 23 lakara, 26
fágað, 28 kant, 30 unir, 31 argi, 33
Uni.
Réttur sjávarjarða til útræðis
Ráðstefna á vegum Samtaka eigenda sjávarjarða,
haldin í Bændahöllinni, Skála,
kl. 13–16 föstudaginn 22. nóvember 2002.
Dagskrá:
Kl. 13:00 Ráðstefnan sett. Ómar Antonsson, formaður Samtaka
eigenda sjávarjarða.
Kl. 13:10 Ávarp. Guðni Ágústsson landbúnaðarráðherra.
Kl. 13:20 Hlunnindi jarða.
Árni Snæbjörnsson, hlunnindaráðunautur BÍ.
Kl. 14:35 Útræði frá sjávarjörðum fyrr á tímum – saga, hefðir og
réttur.
Guðrún Ása Grímsdóttir, sérfræðingur á Árnastofnun.
Kl. 14:55 Útræði á Íslandi fyrr á tímum.
Jón Þ. Þór sagnfræðingur.
Kl. 14:15 Fyrirspurnir.
Kl. 14:25 Kaffihlé.
Kl. 14:45 Útræðisréttur jarða:
Lagalegur réttur til útræðis frá sjávarjörðum.
a) Sigurður Líndal, fyrrverandi prófessor.
b) Már Pétursson, lögfræðingur BÍ.
Kl. 15:15 Útræðisréttur jarða og lög um stjórn fiskveiða.
Hvers vegna er réttur til útræðis frá sjávarjörðum ekki
viðurkenndur?
Jón B. Jónasson, skrifstofustjóri í sjávarútvegsráðuneytinu.
Kl. 15:30 Fyrirspurnir og umræður.
Kl 16:00 Ráðstefnuslit.
Ómar Antonsson, formaður Samtaka eigenda sjávarjarða.
Fundarstjóri ráðstefnunnar er Ari Teitsson,
formaður Bændasamtaka Íslands.
Veistu af hverju Hafnfirðingareru allir í fjörunni núna? Þeir
eru að bíða eftir jólabókaflóðinu.
Ólafur Davíðsson.
1,6 milljarðar króna.
Michael Jackson.
1.
2.
3.
Veistu svarið?
Svör við spurningum á bls. 6