Fréttablaðið - 22.11.2002, Blaðsíða 4

4 22. nóvember 2002 FÖSTUDAGUR
Ný spá OECD:
Virkjanir kalla á styrka stjórn
EFNAHAGSMÁL Efnahags- og fram-
farastofnunin, OECD, hefur birt spá
um efnahagsþróun aðildarríkja
sinna. Ísland er þeirra á meðal og
gerir stofnunin ráð fyrir því að hag-
vöxtur verði enginn hér á landi á
þessu ári. Hins vegar gerir stofnun-
in ráð fyrir meiri hagvexti hér á
landi árið 2004 en efnahagsspár
fjármálaráðuneytis og fjármála-
stofnana. Spá OECD hljóðar upp á
1,7% hagvöxt.
OECD gerir ráð fyrir virkjunar-
framkvæmdum í sinni spá, en aðrir
hafa ekki viljað gera ráð fyrir þeim.
Virkjanaframkvæmdir munu að
mati stofnunarinnar valda auknum
viðskiptahalla, auknum hagvexti og
hærri vöxtum en ella. Stofnunin
gerir ráð fyrir að verðbólga verði
nálægt opinberum viðmiðunar-
mörkum. Helstu ógnir sem steðja
að efnahagslífinu eru efnahagsþró-
un annars staðar, svo og skuldir
heimila, sem gætu orðið til þess að
hægja á vexti einkaneyslu.
OECD leggur áherslu á að verði
farið út í boðaðar stóriðjufram-
kvæmdir kalli það á harðari pen-
ingamálastjórnun til að koma í veg
fyrir þenslu. ■
Fagnaðarlæti í Prag
Sjö ríkjum var boðin aðild að Nató á leiðtogafundinum í Prag í gær.
Natóríkin hétu því jafnframt að Írakar fengju ekki að komast upp með
annað en að uppfylla skilyrði Sameinuðu þjóðanna um vopnaeftirlit
og afvopnun.
PRAG, AP Tappar voru teknir úr
kampavínsflöskum, þingmenn
hrópuðu hástöfum og einn rakaði
af sér skeggið til þess að fagna því
að sjö fyrrverandi Austantjalds-
ríkjum var boðin aðild að Atlants-
hafsbandalaginu í gær.
Einar Repse, forsætisráðherra
Lettlands, sagði þetta mikilvæg-
asta dag í sögu landsins frá því
það hlaut sjálfstæði árið 1991.
Mart Laar, þingmaður frá Eist-
landi, stóð við heit sem hann gaf á
síðasta ári, þegar hann var forsæt-
isráðherra, og rakaði af sér skegg-
ið.
Eystrasaltsríkin þrjú, Eistland,
Lettland og Litháen, ásamt
Búlgaríu, Rúmeníu, Slóvakíu og
Slóveníu, fengu í gær boð frá Nató
um að þau gætu gerst aðilar að
bandalaginu. Væntanlega verður
aðild þeirra að veruleika vorið
2004.
Rússar hafa tekið þessari
stækkun af stökustu rósemi, þrátt
fyrir að hafa áður lýst eindreginni
andstöðu sinni við hana. Talsmað-
ur rússneska utanríkisráðuneytis-
ins lét sér í gær nægja að segja
hana ónauðsynlega og bætti því
við að hún valdi Rússum nokkrum
áhyggjum um öryggismál sín.
Á leiðtogafundi Nató í Prag hef-
ur George W. Bush Bandaríkjafor-
seti einnig hvatt leiðtoga Natóríkj-
anna til þess að veita Bandaríkjun-
um stuðning ef farið verður í stríð
gegn Írak. Hann fór þó ekki fram
á að bandalagið sjálft taki með
neinum þátt í slíku stríði, heldur
aðildarríkin hvert um sig.
Viðbrögðin við þessari mála-
leitan hafa hins vegar ekki verið
jafn áköf og fagnaðarlæti Austur-
Evrópuríkjanna sjö.
Meira að segja Bretar, sem
staðið hafa hvað þéttast að baki
Bandaríkjunum í baráttunni gegn
hryðjuverkum, sögðust ekki enn
hafa tekið ákvörðun um hvort
breskir hermenn verði látnir taka
þátt í hugsanlegu stríði gegn Írak.
Þjóðverjar ítrekuðu að þeir
ætli alls ekki að taka þátt í þessu
stríði.
Danir lofuðu þó að taka þátt í
stríðinu með því að senda bæði
hermenn og tækjabúnað. Kúvæt
og Barein hafa einnig boðist til að
veita hermönnum aðstöðu.
Natófundurinn í Prag sam-
þykkti hins vegar í gær ályktun
um Írak, þar sem þess var krafist
að Írakar færu í einu og öllu að
skilmálum Öryggisráðs Samein-
uðu þjóðanna. Nató hét því í þess-
ari ályktun að grípa til sameigin-
legra aðgerða til þess að tryggja
að svo verði. ■
„Vönduð og vel
skrifuð ævisaga
merkrar konu, sem
ekki batt bagga sína
sömu hnútum og
samferðafólkið.“
– Friðrika Benónýs,
Morgunblaðið
„Vönduð og
vel skrifuð
ævisaga“
Eitt tjón hjá
Tryggingamiðstöðinni:
Vegur þungt
í afkomunni
UPPGJÖR Tryggingamiðstöðin hagn-
aðist um 173 milljónir fyrstu níu
mánuði ársins. Hagnaður sama
tímabils í fyrra var 333 milljónir.
Hagnaður af vátryggingarekstri
var 134 milljónir samanborið við
280 milljónir árið áður. Bókfærð
tjón uxu á milli ára og munar þar
mestu 2,2 milljarða tjón þegar
fjölveiðiskipið Guðrún Gísladóttir
sökk við Noreg. Mat stjórnenda
Tryggingamiðstöðvarinnar er að
afkoman sé óviðunandi. Viðvar-
andi tap sé af eignatryggingum og
því muni eignatryggingar hækka
hjá félaginu. ■
HÉRAÐSDÓMUR REYKJANESS
Í uppsagnarbréfinu sagði að maðurinn
hefði valdið fyrirtækinu verulegu tjóni og
álitsspjöllum. Héraðsdómur Reykjaness
komst að annarri niðurstöðu.
Vinnur dómsmál:
2,7 milljónir
vegna upp-
sagnar
DÓMSMÁL Fyrirtækið Otislyftur
ehf. hefur verið dæmt til að
greiða fyrrum starfsmanni sín-
um, karlmanni á fimmtugsaldri,
2,7 milljónir króna vegna ólög-
mætrar uppsagnar.
Maðurinn réði sig til starfa hjá
Otislyftum í september árið 2000
og átti að sinna markaðs- og
starfsmannamálum. Samkvæmt
starfssamningnum var uppsagn-
arfrestur sex mánuðir. Manninum
var fyrirvaralaust sagt upp störf-
um í maí árið 2001 og sex mánaða
uppsagnarfrestur ekki greiddur.
Í uppsagnarbréfinu sagði að
maðurinn hefði valdið fyrirtæk-
inu verulegu tjóni og álitsspjöll-
um. Af þeirri ástæðu væri óhjá-
kvæmilegt að segja honum upp
störfum og var þess óskað að
hann hætti störfum þegar í stað.
Fyrirtækið taldi sér óskylt að
greiða honum laun á uppsagnar-
fresti.
Héraðsdómur Reykjaness
komst að annarri niðurstöðu og
taldi ekki sannað að maðurinn
hefði valdið fyrirtækinu verulegu
tjóni eða álitsspjöllum. Fyrirtæk-
ið var því dæmt til að greiða
manninum rúmar 2,7 milljónir
króna en hann hafði farið fram á
rúmar 3 milljónir. Fyrirtækið var
sýknað af 300 þúsund króna kröfu
mannsins um miskabætur. ■
Sautján ára drengur dæmdur í skilorðsbundið fangelsi:
Stal vélsleða og braust inn í ÁTVR
DÓMSMÁL Héraðsdómur Reykja-
víkur dæmdi í gær sautján ára
gamlan dreng í 45 daga fangelsi,
en refsingin er skilorðsbundin í
tvö ár.
Um allmörg brot var að ræða.
Í febrúar braust drengurinn inn
í verslun ÁTVR í Spönginni í
Grafarvogi og stal tveimur
rauðvínsflöskum og 144 dósum
af bjór, samtals að verðmæti um
30 þúsund krónur. Í desember á
síðasta ári stal hann bifreið og
ók henni um götur Reykjavíkur
án þess að hafa ökuréttindi.
Tveimur dögum síðar stal hann
vélsleða og ók honum um götur
Grafarvogs uns akstri lauk hjá
leikvelli við Smárarima. Dreng-
urinn misnotaði einnig banka-
kort tvítugrar stúlku og sveik út
rúmar 5 þúsund krónur í fjórum
mismunandi verslunum.
Við ákvörðun refsingar leit
dómurinn m.a. til þess að dreng-
urinn var 16 ára þegar brotin
voru framin og að varðandi
auðgunarbrotin var ekki um
mikil verðmæti að ræða. Einnig
var litið til þess að drengurinn
játaði greiðlega og sagðist iðr-
ast háttsemi sinnar og kveðst
hafa látið af henni. Staðfestir
móðir hans að hann hafi tekið
sig á. ■
HÉRAÐSDÓMUR REYKJAVÍKUR
Við ákvörðun refsingar leit dómurinn m.a. til þess að drengurinn var 16 ára þegar brotin
voru framin.
MEIRI HAGVÖXTUR
Efnahags- og viðskiptastofnunin gerir ráð
fyrir meiri hagvexti en Seðlabankinn á ár-
inu 2004. Ástæðan er sú að stofnunin ger-
ir ráð fyrir virkjanaframkvæmdum í spá
sinni.
HAGVÖXTUR SAMKVÆMT OECD
2002 0,0%
2003 1,7%
2004 3,7%
LEIÐTOGAR FIMM FYRRVERANDI AUSTANTJALDSRÍKJA
Boris Trajkovski, forseti Makedóníu, annar frá vinstri, og Stjepan Mesic, forseti Króatíu,
annar frá hægri, hafa ekki fengið boð um aðild að Nató. Þeir samfögnuðu þó innilega
sjö félögum sínum í gær, sem höfðu fengið slíkt tilboð. Þrír þeirra eru, frá vinstri talið:
Rudolf Schuster, forseti Slóvakíu, Georgi Puranov, forseti Búlgaríu, og Milan Kucan,
forseti Slóveníu.
FJÖLGUN AÐILDARRÍKJA NATO
1949
Bandaríkin, Kanada, Ísland, Danmörk,
Noregur, Bretland, Frakkland, Ítalía,
Belgía, Holland, Lúxemborg, Portúgal
1952
Grikkland, Tyrkland
1955
Þýskaland
1982
Spánn
1999
Pólland, Tékkland, Ungverjaland
2004
Eistland, Lettland, Litháen, Búlgaría,
Rúmenía, Slóvakía, Slóvenía
AP
/D
IE
TH
ER
E
N
D
LI
C
H
ER
SÁÁ
Framkvæmdastjórinn hættur.
Mannaskipti á Vogi:
Theódór
hættir
ÁFENGISMÁL Theodór S. Halldórs-
son, framkvæmdastjóri SÁÁ, hef-
ur sagt starfi sínu lausu og leita
samtökin nú að nýjum fram-
kvæmdastjóra. Theodór hefur
verið framkvæmdastjóri SÁÁ frá
árinu 1990 en þar áður starfaði
hann í lagmetisiðnaði. Brotthvarf
hans frá SÁÁ fer fram í mestu
vinsemd en Theodór hefur skráð
sig til náms í Háskóla Reykjavík-
ur og hyggst helga sig náminu al-
farið og stunda það af fullum
krafti. Starf framkvæmdastjóra
SÁÁ er umfangsmikið en samtök-
in veltu 632 milljónum króna á
síðasta ári. ■
KJÖRKASSINN
Farðu inn á frett.is og segðu
þína skoðun
frétt.is
Ertu byrjaður/byrjuð að
undirbúa jólin?
Spurning dagsins í dag:
Á að drífa í að byggja Sundabraut?
Niðurstöður gærdagsins
á www.frett.is
Já
Nei
STYTTIST Í
JÓLIN
Þrír af hverjum
tíu eru byrjaðir á
jólaundirbún-
ingnum sam-
kvæmt könnun-
inni á Frétt.is
31,1%
68,9%
HERMENNIRNIR ÓHLÝÐNUÐUST
Pat McLellan, fyrrverandi her-
foringi í breska hernum, segir að
hermenn sínir hafi óhlýðnast sér
þegar þeir fóru lengra inn í hver-
fi kaþólskra í Londonderry 30.
janúar árið 1972 en hann ætlaðist
til. Til átaka kom og fórust þar 13
kaþólskir uppreisnarmenn.
VANNÆRING MINNKAR Dregið
hefur úr vannæringu barna í Írak
frá því hún náði hámarki árið
1996. Dánartíðni barna yngri en
fimm ára hefur að sama skapi
lækkað.
ERLENT