Fréttablaðið - 07.02.2003, Side 26

7. febrúar 2003 FÖSTUDAGUR
ÚTSALA
15-50% afsláttur
Laugavegi 61
Sími 552 4910 - úrad. 552 4930
Úr, skartgripir
og postulín
BÓKMENNTIR „Ég er nú ekki mjög
góður í þýskunni en það var
gerður góður rómur að máli
mínu,“ segir Mikael Torfason.
Hann er nýlega kominn til
síns heima í Danmörku eftir upp-
lestrarferð til Þýskalands, nánar
tiltekið í Frankfurt, í boði
Eilfreiche Zone sem tilheyrir há-
skólanum þar í borg. Mikael las
upp úr bók sinni Heimsins heim-
skasti pabbi. „Þarna var ég í
nokkra daga og fór einnig til
Kölnar að hitta útgefendur mína
þar en til stendur að gefa bókina
út í október.“
Og Mikael lætur vel af för
sinni. „Eitt blaðið, eða Fuldaer
Zeitung/Hunfelder Zeitung sagði
um mig: „Islander ist der litt-
erarische Shooting Star auf der
Insel mid den heissen Quellen
und erzahlt garantiert weder von
Ponies ode Elchen, sondern vom
schrillen Leben in Reykjaviks
Vorten...“ en ég veit ekkert hvað
þetta þýðir. Ég held að þetta sé
eitthvað fallegt.“ ■
Mikael Torfason á faraldsfæti:
Heimski pabbinn
gefinn út í Þýskalandi
MIKAEL TORFASON
Hikar ekki við að bregða fyrir sig þýskunni
þegar svo ber undir – þó hann kunni
ekkert í tungumálinu.
MYNDLIST Í kvöld fer fram athöfn á
Næsta bar við Ingólfsstræti, þar
sem Myndlistarakademía Íslands
afhendir íslenskum myndlistar-
manni ullarvettlinga í viðurkenn-
ingarskyni fyrir þor og frumleika
í listsköpun.
„Þetta eru að vísu ekki pen-
ingaverðlaun,“ segir Benedikt
Gestsson, sem er formaður Mynd-
listarakademíunnar. „En það lýsir
kannski ástandinu í myndlistar-
heiminum hér betur en margt
annað. Ég held ég geti líka fullyrt
að þetta sé eina viðurkenningin
hér á landi sem ætluð er myndlist-
inni sérstaklega.“
Þetta er í þriðja sinn sem þessi
sérstæða viðurkenning er veitt ís-
lenskum myndlistarmanni. Í
fyrra fékk Árni Ingólfsson vett-
lingana. Árið þar áður var það
Birgir Andrésson.
„Í tvö fyrstu skiptin voru af-
hentir vettlingar sem amma mín
hafði prjónað,“ segir Benedikt.
„Hún prjónaði aldrei neitt nema
úr íslensku reifi af sannanlegri
landnámsrollu. Nú eru vettling-
arnir hennar ömmu minnar heit-
innar uppurnir. Í kvöld verða því
afhentir vettlingar sem koma af
prjónum konu sem er ættuð úr Ár-
nessýslu.“
Myndlistarakademía Íslands
var stofnuð formlega í janúar á
síðasta ári. Benedikt sjálfur hefur
ákvörðunarvald um það, hvaða
myndlistarmaður verður fyrir
valinu hverju sinni.
„Ég er formaður þessarar aka-
demíu og hef ráðið þar öllu fram
að þessu. Ég mun halda því áfram
á meðan enginn í stjórninni setur
sig upp á móti því.“
Benedikt gerir sér vonir um að
þessi athöfn geti vaxið með
hverju árinu. Markmiðið með
henni er ekki síst að efla umræðu
um myndlist á Íslandi. Ullin er
þjóðlegt hráefni og vísar meðal
annars til þess að listamönnum á
Íslandi hefur alltaf verið kalt.
„Upphaflega reyndum við að
hafa þetta á þjóðlegu nótunum.
Viðurkenningin var veitt ein-
hverjum sem sannanlega hefði
sótt í íslenska flóru. Hins vegar
sýnist mér íslenska flóran vera
orðin svo alþjóðleg að það kemur
nokkurn veginn út á eitt hvort
horft er inn á við eða út á við.
Þannig að maður reynir bara að
fylgja straumi tímans.“
„Nú er svo komið að listamenn
bæði starfa í útlöndum og eru um
leið að sækja í þennan þjóðlega
brunn okkar. En jafnvel þegar
menn reyna að hengja þjóðerni
sitt á eitthvað sem sannarlega
virðist vera þjóðlegt er það oftast
komið frá útlöndum, annað hvort
algerlega eða að hluta til.“
gudsteinn@frettabladid.is
Ullarvettlingar
afhentir
Viðurkenning fyrir þor og frumleika í listsköpun. Ullarvettlingar eru
úr þjóðlegu hráefni og vísa til þess að íslenskum myndlistarmönnum
hefur alltaf verið kalt.
BENEDIKT GESTSSON
Dagskráin í kvöld hefst með því að Helgi Þorgils Friðjónsson les úr nýútkominni
bók sinni um Grænland.
FUNDUR Menningarmálanefnd
Reykjavíkur efnir til opins fundar í
Ráðhúsi Reykjavíkur í hádeginu í
dag um sýningarstefnu og notkun á
sýningarsölum á vegum borgarinn-
ar. „Það þekkist erlendis frá að
nefndir haldi opinbera fundi um til-
tekin mál og leiða þá fram ýmis ólík
sjónarmið frammi fyrir nefndar-
mönnum, almenningi og fjölmiðl-
um,“ segir Stefán Jón Hafstein, for-
maður menningarmálanefndar
Reykjavíkur, aðspurður um fund-
inn. „Þetta er gert til að skerpa um-
ræðuna og þannig fær nefndin
ákveðið veganesti og innsýn.“
Undanfarið hafa staðið yfir um-
ræður og deilur um mótaða sýning-
arstefnu Listasafns Reykjavíkur.
Forstöðumaður safnsins er ábyrgur
sýningarstefnunni að hverju sinni
og býður myndlistarmönnum að
sýna.
„Gagnrýnin snýst um þá mótuðu
stefnu sem gildir en hún býður
ákveðinni hættu heim, ákveðnir
hópar eða einstaklingar geta þá
kannski ekki komist að. Þetta finnst
okkur rétt að ræða,“ segir Stefán
Jón og tekur fram að deilurnar snú-
ist ekki um gagnrýni á forstöðu-
manninn. „Mér heyrist líka að
myndlistarmenn í borginni fái ekki
að spreyta sig á sínum forsendum
heldur þegar og ef Listasafnið býð-
ur þeim.“
Fundurinn verður í Ráðhúsi
Reykjavíkur og hefst klukkan
12.00. ■
Opinn fundur hjá menningarmálanefnd Reykjavíkur:
Á að skerpa sýn
nefndarmanna
STEFÁN
JÓN HAFSTEIN
Telur að mála-
flokkanefndir,
eins og menn-
ingarnefnd og
fræðsluráð, eigi
að vera opnar
þar sem margir
geri kröfur til að
vera gildir í um-
ræðunni.
RAFTÆKJAVERSLUNIN SUÐURVERI
STÓRÚTSALA
á ljósum og lömpum.
Opið alla helgina.
Mikill afsláttur.
– Leikur í ljósum –
Stigahlíð 45, 105 Reykjavík. Sími 553-7637, fax 568-9456
2 fyrir 1 af öllum
útsöluvörum.
Þú greiðir fyrir
dýrari vöruna.
Dæmi: Jakki áður 12.900 nú 7.093
og þú færð aðra ódýrari flík með.
Ath. allt þarf að seljast, verslunin flytur.
YOGA Fyrir þá sem eru að ganga í
gegnum eða hafa lokið krabbameinsmeðferð
Ný námskeið hefjast 10. febrúar.
Kennari er Arnhildur S. Magnúsdóttir sem m.a. byggir nám-
skeiðin á sinni eigin reynslu. Tilgangur námskeiðanna er að
takast á við daglegt líf að nýju með aðstoð yoga og styrkja sig
líkamlega og andlega auk þess að sættast við líkamann.
Námskeiðin verða haldin í sal Lífssýnar að Bolholti 4, 4. hæð
til vinstri.
Skráning og upplýsingar hjá Arnhildi í síma 895-5848.