Fréttablaðið - 14.02.2003, Blaðsíða 32
Á mörkum málverksins er sameiginleg
yfirskrift þriggja sýninga í Listasafni Ís-
lands. Ragna Róbertsdóttir sýnir verk úr
vikri og muldu gleri, Mike Bidlo sýnir
eftirmyndir af frægustu málverkum 20.
aldarinnar og Claude Rutault sýnir
„málverk sem eru í sama lit og veggur
sýningarsalarins“.
Agatha Kristjánsdóttir sýnir ellefu olíu-
málverk í kaffistofunni Lóuhreiðri að
Laugavegi 59. Málverkin á sýningunni
eru flest ný. Sýningin stendur út febrúar.
Sýning á verkum Ólafs Más Guð-
mundssonar er í sýningarsal Ingustofu
á Sólheimum í Grímsnesi. Sýningin
verður opin fram í maí, virka daga frá kl.
9-17, um helgar frá kl. 14-18. Allir eru
velkomnir og aðgangur ókeypis.
Mannakyn og meiri fræði er yfirskrift
sýningar á myndlýsingum í gömlum ís-
lenskum handritum, sem nú stendur yfir
í Listasafni Reykjavíkur - Hafnarhúsi.
Sýningin stendur til 9. mars.
Í Listasafni Borgarness stendur yfir sýn-
ing á málverkum eftir Hubert Dobrzani-
ecki. Þar sýnir listamaðurinn olíumál-
verk og grafík frá árunum 1999-2002.
Sýningin stendur til 26. febrúar.
Ingimar Waage sýnir 25 landslagsmál-
verk í Galleríinu Skugga, Hverfisgötu 29.
Sýningunni lýkur um helgina.
Nú stendur yfir í Hafnarborg, menn-
ingar- og listastofnun Hafnarfjarðar,
sýningin Akvarell Ísland. Sýningunni
lýkur 17. febrúar.
Heimildir nefnist sýning Hafdísar
Helgadóttur í Þjóðarbókhlöðunni. Sýn-
ingin er á vegum Kvennasögusafns.
Smákorn 2003 nefnist sýning á smá-
verkum 36 listamanna í Baksalnum í
Galleríi Fold, Rauðarárstíg 14-16.
María Kristín Steinsson sýnir olíumál-
verk í Café Cozy, Austurstræti. Sýningin
er opin á opnunartíma Café Cozy.
Margrét Oddný Leopoldsdóttir sýnir
„Storesarnir eru að hverfa“ í gluggum
sínum í Heima er best, Vatnsstíg 9. Sýn-
ingin stendur til 26. febrúar.
Í Nýlistasafninu, Vatnsstíg 3, sýna þau
Finnur Arnar Arnarsson, Hlynur Halls-
son og Jessica Jackson Hutchins verk
sín.
Nú stendur yfir samsýning 7 málara í
Húsi málaranna, Eiðistorgi. Þeir sem
taka þátt í sýningunni eru: Bragi Ásgeirs-
son, Einar Hákonarson, Einar Þorláks-
son, Guðmundur Ármann, Kjartan Guð-
jónsson, Jóhanna Bogadóttir og Óli G.
Jóhannsson. Sýningin stendur til 2.
mars.
Haraldur Jónsson sýnir Stjörnuhverfi og
Svarthol fyrir heimili í galleríinu i8 við
Klapparstíg. Sýningin er opin fimmtu-
daga og föstudaga kl. 11-18, laugardaga
kl. 13-17 og eftir samkomulagi.
Jón Sæmundur er með myndbandsinn-
setningu í rýminu undir stiganum í gall-
eríinu i8 við Klapparstíg. Sýningin er
opin fimmtudaga og föstudaga kl. 11-
18, laugardaga kl. 13-17 og eftir sam-
komulagi.
Hugarleiftur er yfirskrift á samvinnu-
verkefni bandarísku myndlistarkonunnar
Diane Neumaier og gríska rithöfundar-
ins Christos Chrissopoulos, sem nú er
sýnt í Listasafni Reykjavíkur - Hafnarhúsi.
Sýningin er afrakstur Íslandsferðar þeirra
sumarið 2000.
Hitler og hommarnir nefnist sýning
þeirra David McDermott og Peter Mc-
Gough í Listasafni Akureyrar. Sýning
þeirra fjallar um útrýmingu samkyn-
hneigðra á nasistatímanum.
Aftökuherbergi nefnist sýning í Lista-
safni Akureyrar á 30 ljósmyndum eftir
Lucindu Devlin sem teknar voru í
bandarískum fangelsum á tíunda ára-
tugnum.
Hinstu máltíðir nefnist sýning Barböru
Caveng í Listasafni Akureyrar. Viðfangs-
efni sýningarinnar eru síðustu máltíðir
fanga sem teknir hafa verið af lífi í
Bandaríkjunum.
Á Kjarvalsstöðum stendur yfir samsýning
ungra íslenskra og breskra listamanna.
Sýningin ber heitið „then ...hluti 4 -
minni forma“. Sýningin stendur til 2.
mars.
Tumi Magnússon sýnir vídeóverk í Kúl-
unni í Ásmundarsafni við Sigtún í
Reykjavík. Safnið er opið alla daga frá kl.
13 til 16. Sýningin stendur til 16. febrú-
ar.
FÖSTUDAGUR 14. febrúar 2003
Allir á svið í Þjóðleikhúsinu:
Farsi innan í farsa
LEIKLIST Leikritið Allir á svið,
sem frumsýnt verður í Þjóð-
leikhúsinu í kvöld, er tvöfaldur
farsi. Það fjallar um leikhóp
sem er að setja á svið dæmi-
gerðan svefnherbergisfarsa.
Hópnum ferst það hins vegar
frekar óhönduglega svo að úr
verður annar farsi, ekki síðri
en hinn.
Gísli Rúnar Jónsson þýddi
leikritið, sem er eftir breska
höfundinn Michael Frayn, og
leikstýrir því. Níu manna hópur
vaskra gamanleikara tekur þátt
í sýningunni. Það eru þau
Björgvin Franz Gíslason, Edda
Björgvinsdóttir, Júlíus Brjáns-
son, Ólafía Hrönn Jónsdóttir,
Sigurður Sigurjónsson, Stefán
Karl Stefánsson, Steinunn Ólína
Þorsteinsdóttir, Þórunn Lárus-
dóttir og Þröstur Leó Gunnars-
son.
„En þetta leikrit eftir Mich-
ael Frayn er hins vegar ákaf-
lega vel samansett, hvort sem
okkur tekst að koma fyndninni
til skila eða ekki,“ segir Gísli
Rúnar Jónsson. „Það er byggt á
hinni klassísku farsaformúlu,
sem er ákaflega vandasamt
fyrirbæri og mönnum hefur
tekist misjafnlega með.“
Í fyrsta þætti fylgjumst við
með æfingu leikhópsins á þess-
um svefnherbergisfarsa kvöld-
ið fyrir frumsýningu í Reykja-
vík. „Og þá fer allt úrskeiðis
sem getur farið úrskeiðis. Í
öðrum þætti er svo búið að
snúa leiksviðinu við, þannig að
við fylgjumst með sýningunni
aftanfrá. Þá eru þau komin til
Akureyrar eftir þriggja vikna
leikferð. Þá sjáum við skelfing-
una í leikhópnum baksviðs þeg-
ar leikararnir eru annað hvort
að fara inn á svið eða að koma
út af því. Í þriðja og síðasta
þætti er svo aftur búið að snúa
sviðinu við. Þá er leikhópurinn
að sýna á Kirkjubæjarklaustri
eftir eins og hálfs mánaðar túr.
Nú þekkja áhorfendur leikritið
svo vel að þeir vita nákvæm-
lega hvað hefur farið úrskeið-
is.“ ■
LEIKLIST Skáldsagnaheimur
Terry Pratchett er allsérstak-
ur. Risastór skjaldbaka vafrar
um víðan geiminn, og á baki
hennar eru fjórir fílar sem
bera uppi flatan disk. Þessi
diskur er sögusvið sagnanna.
Hér á landi kvað fjöldi manns
bíða af óþreyju eftir hverri
bók úr penna Pratchetts um
þennan diskheim, sem hann
kallar Discworld.
Leikfélag Menntaskólans
við Hamrahlíð frumsýnir í
kvöld í Austurbæ, sem áður
hét Austurbæjarbíó, leikritið
Örlagasystur, sem er leikgerð
einnar af sögum Pratchetts.
Leikritið fjallar um þrjár
nornir, sem heita Amma Veð-
urvax, Mútta Ogg og Maggrét
Gerilauks. Þær bera sterkan
svip af nornunum í leikriti
Shakespeares, Macbeth.
Ugla Egilsdóttir, sem er
landsfræg fyrir að hafa leikið
Öggu í Mávahlátri, fer með
stærsta hlutverkið. „Hún leik-
ur nornina Ömmu Veðurvax
sem er fremst á meðal norna.
Hún veit allt,“ segir Ragnheið-
ur Sturludóttir, sem leikur
meðal annars persónu í leikrit-
inu sem nefnist frú Vindhóll.
„Annars má segja að sex
hlutverk í leikritinu séu stór
hlutverk, nefnilega nornirnar
þrjár, vondi hertoginn og kona
hans og svo hirðfíflið þeirra.“
Leikgerðin er eftir Stephen
Briggs, en Gunnar Freyr
Steinsson þýddi. „Gunnar
Freyr vinnur hérna í skólanum.
Hann er tölvufræðingur skól-
ans og mjög mikill aðdáandi
Terry Pratchett. Hann tók sig
til og þýddi þetta og bauð okkur
þetta svo í sumar.“ ■
Leikfélag Menntaskólans við Hamrahlíð:
Nornalíf á flötum diski
ÚR SÝNINGU ÞJÓÐLEIKHÚSSINS
Gamanleikurinn Allir á svið eftir Michael Frayn hefur notið gríðarlegra vinsælda
víða um heim.
FR
ÉT
TA
B
LA
Ð
IÐ
/V
IL
H
EL
M
ÖRLAGASYSTURNAR ÞRJÁR
Amma Veðurvax, Mútta Ogg og Maggrét Gerilauks búa í litlu konungsríki í Hrúafjöllum.