Fréttablaðið - 14.03.2003, Page 34

35FÖSTUDAGUR 14. mars 2003
... um eftirlætis veitinga- og
skemmtistaði sína
Morgunn
Kaffivagninn
Hitti þar alltaf góða menn og svo
er þetta hressandi labbitúr úr
Loftkastalanum.
Hádegi
Dehli í Bankastræti
Góður og örugglega hollur ítalsk-
ur skyndibiti.
Síðdegi
Súfistinn í Hafnarfirði
Alltaf gott kaffi, góður staður til
að mæla sér mót við menn sem
þarf að ræða við í ró og næði.
Kvöld
Óðinsvé
Þar stendur vinur minn Siggi Hall
stundum yfir pottum og pönnum.
Og að borða matinn hans Sigga er
allt að því trúarleg upplifun.
Síðkvöld
Lobbýbarinn á Hótel Sögu
Góður staður til að slaka á og
ræða málin.
Miðnætti
Kaffibarinn
Ég er mest megnis hættur að taka
þennan síðasta bút, en ef ég þarf
að nefna eitthvað... ætli það sé þá
ekki sú gamla brynningarhola,
þar sem löngum má rekast á
gamla félaga og forna fjendur.
HALLUR HELGASON
Staðirnirmírnir

Helgi Þorgils Friðjónsson er með
einkasýningu á Kjarvalsstöðum. Hann
sýnir þar eingöngu ný málverk.

Ásmundur Ásmundsson myndlistar-
maður sýnir steypuverk í Gallerí
Hlemmi. Hluti verksins er myndbands-
upptaka af uppsetningu sýningarinnar
sem framkvæmd var af kvenverum sem
kunna að meðhöndla stórkarlaleg efni.

Sýning Blaðaljósmyndarafélags Ís-
lands á ljósmyndum ársins stendur yfir í
Gerðarsafni, Listasafni Kópavogs. Á
neðri hæðinni eru auk þess sýndar ljós-
myndir Ólafs K. Magnússonar frá fyrstu
20 árum hans á Morgunblaðinu.

Fjórir ungir ljósmyndarar, Katrín
Elvarsdóttir, Kristín Hauksdóttir, Orri
og Sigríður Kristín Birnudóttir, eru
með sýningu í Ljósmyndasafni Reykja-
víkur.

Franski myndlistarmaðurinn Serge
Comte sýnir í Nýlistasafninu. Hann er
búsettur hérlendis en hefur að mestu
sýnt erlendis, einkum í París, þar sem
hann hefur átt vel-
gengni að fagna.

Finnbogi Pét-
ursson mynd-
listarmaður
sýnir inn-
setningu í
Kúlunni í
Ásmundar-
safni þar
sem hann
myndgerir
hljóð.
Upplýsingar um viðburði og sýningar
sendist á hvar@frettabladid.is
■ TÓNLIST
Kol isha er hebreska og þýðirrödd konunnar. Meðal strang-
trúaðra gyðinga má söngrödd
kvenna ekki heyrast í návist
karla, að minnsta kosti ekki þegar
helgiathafnir eru annars vegar.
Það gæti truflað hvatalífið eitt-
hvað.
Íslenska hljómsveitin Kol isha
dregur nafn sitt af þessu og hefur
fengið til liðs við sig þýsku söng-
konuna Inge Mandos-Friedland,
sem sérhæfir sig í að syngja klez-
mertónlist, sem er alþýðutónlist
gyðinga frá Austur-Evrópu. Þau
verða með tónleika ásamt Megasi
í Stúdentakjallaranum í kvöld.
„Tónlist gyðinga er alltaf í nán-
um tengslum við daglegt líf
þeirra,“ segir Inge Mandos-Fried-
land. „Í textunum er fjallað bæði
um þrengingar og gleðistundir,
börnin, brúðkaup og fleira. Gyð-
ingar áttu náttúrlega löngum
mjög erfitt líf og það
kemur fram í textunum. Þetta
sambland gleði og sorgar gerir
þessa tónlist svo spennandi. Það
er mikil lífsviska í þeim og marg-
vísleg tákn.“
Inge Mandos-Friedland býr í
Grindelhverfinu í Hamborg.
„Þetta er gamla gyðingahverf-
ið í Hamborg. Það var kallað Litla
Jerúsalem á sínum tíma, því þá
bjuggu þarna 40 prósent allra
gyðinga í borginni. Þarna voru
nokkur samkunduhús og mikið
líf.“
Auk þess að syngja er Inge
Mandos-Friedland sögukennari og
hefur stundað rannsóknir á sögu
gyðinga og tónlistar þeirra. Und-
anfarin misseri hefur hún sér-
staklega kynnt sér tónlist gyðinga
við Miðjarðarhafið, en heldur sig
að mestu við Austur-
Evrópu á
tónleikunum hér á landi.
Í hljómsveitinni Kol isha eru
meðal annars þeir Hilmar Örn
píanóleikari, Hermann G. Jónsson
gítarleikari, Skúli Arason slag-
verksleikari og Hjörtur B. Hjart-
arson klarinettuleikari, sem hefur
einnig sérhæft sig í flutningi
klezmertónlistar.
Þeir fjórir mynduðu Píslar-
band Megasar þegar hann flutti
Passíusálmana í Skálholti fyrir
nokkrum árum. Einnig eru í
hljómsveitinni Birgit Myschi,
bassa- og gítarleikari, og Guð-
mundur Pálsson, fiðluleikari.
Útgáfa er nú í bígerð á Passíu-
sálmum Megasar og aldrei að vita
nema áheyrendur í Stúdentakjall-
aranum fái að heyra eitthvað af
þeim í kvöld.
gudsteinn@frettabladid.is
Hin forboðna
rödd konunnar
HLJÓMSVEITIN
KOL ISHA
Hljómsveitin flytur
austur-evrópska gyð-
ingatónlist í Stúdenta-
kjallaranum í kvöld.
Megas verður þar ein-
nig á ferðinni.
✓