Fréttablaðið - 18.03.2003, Blaðsíða 2
2 18. mars 2003 ÞRIÐJUDAGUR
Nei, en leikhús hefur alltaf verið
upp á líf og dauða.
Nína Dögg Filippusdóttir leikkona slasaðist á sýn-
ingu á Rómeó og Júlíu í síðustu viku. Ingvar Sig-
urðsson tábrotnaði fyrir skömmu á sömu sýningu.
Spurningdagsins
Nína Dögg, er svona hættulegt að
vinna í leikhúsi?
NÆST Á DAGSKRÁ:
Í SAMSKIPTUM ÞJÓÐA
AFLVÉLARNAR Í HNATTVÆÐINGU FJÁRMAGNSINS
Framsögumenn:
– Stefán Pálsson, sagnfræðingur:
Alþjóðagjaldeyrissjóðurinn og þriðji heimurinn
– Páll H. Hannesson, blaðamaður:
GATS-samningar Alþjóðaviðskiptastofnunarinnar
Kosningamiðstöð VG, Ingólfsstræti 5, Reykjavík
Þriðjudagskvöld 18. mars kl. 20:30
Allir velkomnir meðan húsrúm leyfir
1. fundur
LÖGGÆSLUMÁL Lögreglufélag Kópa-
vogs vill að Þorleifur Pálsson
sýslumaður taki til baka ákvörðun
um skipulagsbreytingar hjá lög-
reglunni í bænum. Verið sé að
draga úr þjónustu við almenning
og varðstjórum gert ókleift að
rækja embættis-
skyldur sínar.
Sýslumaður
segir í kynning-
arbréfi til bæjar-
ráðs Kópavogs
að innbrotum í
bænum hafi
fjölgað um 88%
á fimm árum.
Auka þurfi eftir-
lit að næturlagi.
Til þess að gera
það án mikils
aukakostnaðar
verði lögreglu-
stöðin skilin eftir
mannlaus að næturlagi á virkum
dögum. Varðstjórinn verði sendur
út í lögreglubíl með almennum lög-
reglumönnum.
Að því er sýslumaður segir er
unnt að gera breytinguna á grund-
velli þjónustu frá Neyðarlínunni
og frá Fjarskiptamiðstöð lögregl-
unnar (FML). Á þessa staði berist
nánar allar aðstoðarbeiðnir til lög-
reglunnar í Kópavogi hvort eð er.
Fram til þessa hafa fjórir lög-
reglumenn verið á næturvakt.
Einn þeirra hefur verið inn á stöð.
Framvegis verði aðeins forstofa
stöðvarinnar höfð opin og fylgst
með mannaferðum þar í gegn um
eftirlitsmyndavélar sem tengdar
verða FML:
„Þau fáu símtöl sem berast
beint á lögreglustöð á þessum tíma
verða flutt með símtalsflutningi í
farsíma varðstjóra þegar hann er
við eftirlit úti,“ segir sýslumaður,
sem telur að breytingin muni auka
þjónustu við bæjarbúa og öryggi
þeirra.
Sýslumaður segir breytinguna
hins vegar ekki minnka þörfina
fyrir fjölgun í lögregluliðinu
vegna sívaxandi íbúafjölda og auk-
innar atvinnustarfsemi. Þessu hafi
dómsmálaráðuneytinu verið gerð
ítarleg grein fyrir.
Lögreglumenn taka í sama
streng og segja fjölgun í röðum
sínum ekki hafa verið í neinu sam-
ræmi við gríðarlega fjölgun íbúa.
En lögreglumenn eru ósammála
sýslumanni varðandi áhrif breyt-
inganna sem hann hefur kynnt og
telja þær alls ekki eðlilegar:
„Stjórn Lögreglufélags Kópa-
vogs telur að með þessari aðgerð
sé verulega skert þjónusta og
öryggisstig við þá sem þurfa að
leita til lögreglunnar í Kópavogi að
næturlagi.“
gar@frettabladid.is
LÖGREGLAN Í KÓPAVOGI
Sýslumaðurinn í Kópavogi segir innbrot nærri hafa tvöfaldast í bænum á fimm árum. Hverf-
andi þörf sé á að manna lögreglustöðina að næturlagi á virkum dögum. Með því að losa
varðstjórann frá stöðinni sé hægt að fjölga lögreglumönnum við eftirlit úr þremur í fjóra.
Lögreglustöðin
verði mannlaus
Lögregluvarðstjórar í Kópavogi eiga að eltast við innbrotsþjófa á næt-
urnar en ekki sitja einir og aðgerðalitlir inni á stöð, segir sýslumaður.
Lögreglumenn mótmæla og segja þjónustu við almenning skerta.
„Þau fáu
símtöl sem
berast beint á
lögreglustöð
á þessum
tíma verða
flutt með sím-
talsflutningi í
farsíma varð-
stjóra.“
RAMALLAH, AP Palestínska þingið
hafnaði breytingartillögum Yass-
ers Arafats við lög sem kveða á um
að nýtt embætti forsætisráðherra
verði tekið upp í palestínskri
stjórnsýslu. Arafat fór þess á leið
við þingið að forsætisráðherrar
framtíðarinnar þyrftu að bera ráð-
herralista sinn undir forseta
Palestínu, stöðuna sem Arafat
gegnir nú.
Yfirgnæfandi meirihluti þing-
manna felldi tillögu Arafats, 49 af
88 þingmönnum greiddu atkvæði
gegn tillögu Arafats, 22 sögðu já.
Tveir þriðju hlutar þingmanna
hefðu þurft að samþykkja breyt-
ingartillöguna til að hún öðlaðist
gildi.
Niðurstaðan getur tafið að
fyrsti forsætisráðherra Palestínu
verði skipaður. Þingmenn voru
ósammála um ástæður þess að
Arafat lagði fram tillöguna. Stuðn-
ingsmenn forsetans sögðu hann
vilja gera sem minnstar breyting-
ar á stjórnsýslu Palestínu. And-
stæðingar hans telja þetta til
marks um að hann vilji enn halda í
völd sín, ásökun sem hefur fylgt
Arafat í fjóra áratugi. ■
ARAFAT RÆÐIR VIÐ FJÖLMIÐLA
Palestínska þingið hafnaði beiðni Arafats um að forsætisráðherra yrði að bera ráðherra-
lista sinn undir sig.
Skipan forsætisráðherra tefst:
Arafat bíður ósigur
GAMLA SJÓNVARPSHÚSIÐ
Snarkandi steikur í innheimtudeildinni.
Gamla sjónvarpshúsið:
Kúrekar
í innheimt-
unni
VEITINGAR „Mér datt þetta bara í
hug enda gamall Roy Rogers-að-
dáandi,“ segir Jón Hlíðar Guð-
jónsson, sem opnað hefur kúreka-
stað í gamla sjónvarpshúsinu við
Laugaveg. Staðurinn er þar sem
innheimtudeild Ríkisútvarpsins
var áður. Jón Hlíðar rekur að öllu
jöfnu þvottahúsið á Hótel Loft-
leiðum og ætlaði að opna þvotta-
hús í innheimtudeildinni og skipti
um skoðun á síðustu stundu. „Ég
veit ekki af hverju. Svona er líf-
ið,“ segir Jón Hlíðar, sem var bú-
settur um árabil í Bandaríkjun-
um, enda ber veitingastaður hans
þess merki. Hann heitir Old West
og þar snarka steikurnar í takt við
kántrítónlist og stapp í kúreka-
stígvélum gestanna. ■
FLENSAN ER EKKI FARALDUR
Inflúensan er ekki útbreidd og
ekkert sem bendir til að úr verði
faraldur,“ segir Haraldur Briem,
smitsjúkdómasérfræðingur hjá
Landlæknisembættinu. Hann
segir vitað að börn í skólum hafi
verið nokkuð frá vegna veikinda
og bendi það til þess að um B-
stofn sé að ræða. „Ég hef verið
að skoða feril flensunnar hjá Sví-
um og þar hefur hún ekki náð sér
svo nokkru nemi á strik og er í
rénun núna,“ segir Haraldur.
■ Heilsufar
Iceland Express:
Ríkið búið
að bóka far
SAMGÖNGUR Fyrsti íslenski ríkis-
starfsmaðurinn bókaði í gær far
með Iceland Express. Er ferð
hans heitið á fund í Kaupmanna-
höfn og telja forráðamenn félags-
ins að viðkomandi ríkisstofnun
spari 70 þúsund krónur með þess-
ari tilhögun. Fylgir umrædd ríkis-
stofnun þarna í fótspor danska
þjóðþingsins, sem kaus að senda
24 þingmenn á leið til Grænlands
með Iceland Express.
Sem kunnugt er af fréttum er
ríkisvaldið samningsbundið við
Ferðaskrifstofu Íslands um flutn-
inga á opinberum starfsmönnum
til útlanda en ferðaskrifstofan er í
eigu Icelandair/Flugleiða.
„Við eigum von á að fleiri ríkis-
stofnanir laumist til okkar á
næstu dögum hvað sem umræddu
samningi líður. Menn eru farnir
að sjá sparnaðinn svart á hvítu,“
segir Ólafur Hauksson, talsmaður
Iceland Express. ■
Piltur lést:
Féll fram
af klettum
SLYSFARIR Drengur á sautjánda ári
fannst látinn í fjörunni undir Húsa-
víkurhöfða síðdegis á sunnudag.
Samkvæmt upplýsingum frá
Lögreglunni á Húsavík var piltur-
inn gestkomandi í samkvæmi á
laugardagskvöld. Síðast mun hafa
sést til ferða hans um klukkan eitt
um nóttina. Um miðjan dag á
sunnudag hófst leit að piltinum.
Hún bar árangur um klukkan 16.30.
Að sögn lögreglu er ekkert sem
bendir til annars en að um slys hafi
verið að ræða. Húsavíkurhöfði er
nokkuð utan við bæinn. Fólk mun
iðulega fara þangað í gönguferðir.
Þar sem drengurinn fannst er fallið
niður klettana á annan tug metra
samkvæmt lögreglunni. ■
LÖGREGLUMÁL Maður á þrítugs-
aldri rændi snemma á sunnu-
dagsmorgun sterkum lyfjum úr
Lyfju í Lágmúla. Maðurinn var
ófundinn síðdegis í gær en lög-
regla telur sig vita hver hann er.
Hann er ekki þekktur að ofbeldi.
Að sögn Valdísar Beck lyfja-
fræðings voru engir viðskipta-
vinir í Lyfju þegar maðurinn,
sem er sagður hafa verið í annar-
legu ástandi, réðst til atlögu upp
úr klukkan hálfníu. Verslunin
hafði þá verið opin í rúman hálf-
tíma og tveir starfsmenn við af-
greiðslu.
„Hann var með sólgleraugu og
hafnaboltakylfu. Hann fór beint
bak við borðið. Þegar stúlkan upp-
götvaði að það var eitthvað alvar-
legt að gerast ýtti hún á hnappinn.
Hann heimtaði að komast í
geymslu með sterkum lyfjum.
Hann fékk það og var horfinn á
einni mínútu,“ segir Valdís.
Ekki er gefið upp nákvæmlega
hvaða lyf maðurinn komst undan
með. Valdís segir þó að um tals-
vert magn af eftirritunarskyldum
lyfjum sé að ræða.
Starfsmennirnir tveir fóru að
sögn Valdísar í skylduviðtal hjá
sálfræðingi eftir lífsreynsluna.
„Það var allt í góðu lagi. Þetta
virðist ekki hafa haft mikil áhrif á
þá,“ segir hún. ■
LYFJA
Maður sem var í annarlegu ástandi þegar hann rændu talsverðu magni af sterkum lyfjum úr
þessari lyfjaverslun í Lágmúla á sunnudag er ófundinn. Lögregla segist vita hver hann er.
Lyfjaræningi þekktur en ófundinn:
Rændi lyfjum með
hafnaboltakylfu